|
29.10.2021 |
MT |
Il-Ġurnal Uffiċjali tal-Unjoni Ewropea |
L 386/35 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2021/1886
tas-27 ta’ Ottubru 2021
li temenda d-Deċiżjoni ta’ Implimentazzjoni (UE) 2019/570 fir-rigward tal-kapaċitajiet ta’ ħażna tar-rescEU fil-qasam tal-inċidenti kimiċi, bijoloġiċi, radjoloġiċi u nukleari
(notifikata bid-dokument C(2021) 7570)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni Nru 1313/2013/UE tal-Parlament Ewropew u tal-Kunsill tas-17 ta’ Diċembru 2013 dwar Mekkaniżmu tal-Unjoni għall-Protezzjoni Ċivili (1), u b’mod partikolari l-punt (g) tal-Artikolu 32(1) tagħha,
Billi:
|
(1) |
Id-Deċiżjoni 1313/2013/UE tistabbilixxi l-qafas legali tar-rescEU. Ir-rescEU hija riżerva ta’ kapaċitajiet fil-livell tal-Unjoni li għandha l-għan li tipprovdi assistenza f’sitwazzjonijiet predominanti fejn il-kapaċitajiet eżistenti fil-livell nazzjonali u dawk impenjati mill-Istati Membri għar-Riżerva Ewropea ta’ Protezzjoni Ċivili ma jkunux jistgħu jiżguraw rispons effettiv għal diżastri naturali u dawk maħluqa mill-bniedem. |
|
(2) |
F’konformità mal-Artikolu 12(2) tad-Deċiżjoni 1313/2013/UE, il-kapaċitajiet tar-rescEU għandhom jiġu ddeterminati billi jitqiesu r-riskji identifikati u dawk emerġenti, il-kapaċitajiet ġenerali u l-lakuni fil-livell tal-Unjoni. Dan l-artikolu jistabbilixxi wkoll l-erba’ oqsma li r-rescEU għandha tiffoka fuqhom b’mod partikolari, jiġifieri: tifi tan-nar fil-foresti mill-ajru, rispons mediku ta’ emerġenza u inċidenti kimiċi, bijoloġiċi, radjoloġiċi u nukleari (“CBRN”), kif ukoll trasport u loġistika. |
|
(3) |
Id-Deċiżjoni ta’ Implimentazzjoni tal-Kummissjoni (UE) 2019/570 (2) tistabbilixxi l-kompożizzjoni inizjali tar-rescEU f’termini ta’ kapaċitajiet u r-rekwiżiti ta’ kwalità tagħha. Ir-riżerva tar-rescEU s’issa tikkonsisti f’kapaċitajiet ta’ tifi tan-nar fil-foresti mill-ajru, kapaċitajiet ta’ evakwazzjoni medika mill-ajru, tim mediku ta’ emerġenza u ħażna ta’ tagħmir mediku u/jew tagħmir protettiv personali (“kapaċitajiet ta’ ħażna medika”), u kapaċitajiet kimiċi, bijoloġiċi, radjoloġiċi u ta’ dekontaminazzjoni nukleari. |
|
(4) |
Analiżi tar-riskji identifikati u emerġenti kif ukoll tal-kapaċitajiet u l-lakuni fil-livell tal-Unjoni tiżvela l-ħtieġa għal kapaċitajiet ta’ ħażna tar-rescEU fil-qasam tal-inċidenti kimiċi, bijoloġiċi, radjoloġiċi u nukleari (“kapaċitajiet ta’ ħażna CBRN”) |
|
(5) |
Il-kapaċitajiet ta’ ħażna ta’ CBRN żviluppati taħt rescEU għandhom ikunu kapaċi jirrispondu għal inċidenti kimiċi, bijoloġiċi, radjoloġiċi u nukleari. Il-kapaċitajiet sħaħ ta’ ħażna ta’ CBRN għandhom jipprovdu l-vantaġġ li jkunu kapaċi jirrispondu għal sitwazzjonijiet li jinvolvu taħlita ta’ aġenti u b’hekk jipprovdu għal skjerament effettiv b’diversi aspetti. |
|
(6) |
Il-kompitu ewlieni tal-kapaċitajiet ta’ ħażna ta’ CBRN tar-rescEU huma li jipprovdu kontromiżuri CBRN bħal tagħmir ta’ protezzjoni personali, apparat, provvisti tal-laboratorju u elementi loġistiċi li jistgħu jintużaw biex jirrispondu għal inċidenti kimiċi, bijoloġiċi, radjoloġiċi u nukleari. Dawk il-kontromiżuri CBRN jistgħu jintużaw ukoll b’appoġġ għal kapaċitajiet oħra tar-rescEU skjerati fil-każ ta’ kwalunkwe aġent kimiku, bijoloġiku, radjoloġiku u nukleari iżolat jew kombinat fir-rigward tal-infrastruttura, il-bini, il-vetturi, it-tagħmir u l-evidenza kritika, u jistgħu jinkludu terapiji u oġġetti xierqa oħra meħtieġa għall-ewwel intervent u għall-popolazzjoni inġenerali. Il-kapaċitajiet ta’ ħażna ta’ CBRN għandhom jiġu implimentati f’komplementarjetà mal-kapaċitajiet ta’ ħażna medika. |
|
(7) |
Skont l-Artikolu 12(4) tad-Deċiżjoni 1313/2013/UE, ir-rekwiżiti ta’ kwalità għal kapaċitajiet ta’ reazzjoni li jiffurmaw parti minn rescEU għandhom jiġu stabbiliti f’konsultazzjoni mal-Istati Membri. |
|
(8) |
Il-kapaċitajiet ta’ ħażna ta’ CBRN għandhom jiġu stabbiliti biex jirrispondu għal riskji ta’ probabbiltà baxxa b’impatt għoli, f’konformità mal-kategoriji tal-kostijiet eliġibbli msemmija fl-Artikolu 3e tad-Deċiżjoni ta’ Implimentazzjoni (UE) 2019/570 u wara konsultazzjoni mal-Istati Membri. |
|
(9) |
Sabiex tingħata assistenza finanzjarja mill-Unjoni għall-iżvilupp ta’ tali kapaċitajiet ta’ ħażna ta’ CBRN, f’konformità mal-Artikolu 21(3) tad-Deċiżjoni 1313/2013/UE, l-ispiża eliġibbli tagħhom għandha tiġi stabbilita billi jitqiesu l-kategoriji stabbiliti fl-Anness Ia għal dik id-Deċiżjoni. |
|
(10) |
Għaldaqstant jenħtieġ li d-Deċiżjoni ta’ Implimentazzjoni (UE) 2019/570 tiġi emendata skont dan. |
|
(11) |
Il-miżuri li jsir provvediment għalihom f’din id-Deċiżjoni huma f’konformità mal-opinjoni tal-kumitat li jissemma fl-Artikolu 33(1) tad-Deċiżjoni Nru 1313/2013/UE, |
ADOTTAT DIN ID-DEĊIŻJONI:
Artikolu 1
Id-Deċiżjoni ta’ Implimentazzjoni (UE) 2019/570 qiegħda tiġi emendata kif ġej:
|
(1) |
Fl-Artikolu 2, il-paragrafu 2 huwa emendat kif ġej:
|
|
(2) |
L-Artikolu 3a huwa sostitwit b’dan li ġej: “Artikolu 3a Il-kostijiet eliġibbli tal-kapaċitajiet ta’ evakwazzjoni medika mill-ajru tar-rescEU, tal-kapaċitajiet tat-tim mediku ta’ emerġenza tat-tip 3, tal-ħażna medika, tad-dekontaminazzjoni ta’ CBRN u tal-kapaċitajiet tal-ħażna ta’ CBRN Il-kategoriji tal-kostijiet kollha msemmija fl-Anness Ia tad-Deċiżjoni 1313/2013/UE għandhom jitqiesu meta tiġi kkalkulata l-kost eliġibbli totali tal-kapaċitajiet tar-rescEU.” |
|
(3) |
L-Artikoli 3b, 3c u 3f huma mħassra; |
|
(4) |
Fl-Artikolu 3e, il-paragrafi 3 u 4 jiġu sostitwiti b'dan li ġej: “3. Il-kapaċitajiet ta’ rescEU msemmija fil-punti (c) sa (h) taħt l-Artikolu 2(2) għandhom jiġu stabbiliti bl-għan li jimmaniġġjaw riskji ta’ probabbiltà baxxa b’impatt għoli. 4. Meta l-kapaċitajiet ta’ rescEU msemmija fil-punti (c) sa (h) taħt l-Artikolu 2(2) jiġu skjerati skont il-Mekkaniżmu tal-Unjoni, l-assistenza finanzjarja tal-Unjoni għandha tkopri 100% tal-ispejjeż operazzjonali, f’konformità mal-Artikolu 23(4b) tad-Deċiżjoni Nru 1313/2013/UE.”; |
|
(5) |
l-Anness huwa emendat skont l-Anness għal din id-Deċiżjoni. |
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, is-27 ta’ Ottubru 2021.
Għall-Kummissjoni
Janez LENARČIČ
Membru tal-Kummissjoni
(1) ĠU L 347, 20.12.2013, p. 924.
(2) Id-Deċiżjoni ta’ Implimentazzjoni tal-Kummissjoni (UE) 2019/570 tat-8 ta’ April 2019 li tistabbilixxi r-regoli għall-implimentazzjoni tad-Deċiżjoni Nru 1313/2013/UE tal-Parlament Ewropew u tal-Kunsill fir-rigward tal-kapaċitajiet tar-rescEU u li temenda d-Deċiżjoni ta’ Implimentazzjoni tal-Kummissjoni 2014/762/UE (ĠU L 99, 10.4.2019, p. 41).
ANNESS
Fl-Anness għad-Deċiżjoni ta’ Implimentazzjoni (UE) 2019/570, qiegħda tiżdied it-Taqsima 8 kif ġej:
“8. Il-ħażna ta’ kontromiżuri kimiċi, bijoloġiċi, radjoloġiċi u nukleari u/jew tagħmir protettiv personali mmirat lejn l-assistenza fil-qasam tas-CBRN
|
Kompiti |
|
||||||||||||||||||||||
|
Kapaċitajiet |
|
||||||||||||||||||||||
|
Elementi prinċipali |
|
||||||||||||||||||||||
|
Skjerament |
|
(1) Kif definit fid-Deċiżjoni Nru 1082/2013/UE.
(2) Bħas-sistemi ta’ riġenerazzjoni u ta’ rikarika tal-PPE.
(3) Ir-rekwiżiti tal-kwalità għat-tilqim għandhom ikunu dawk taħt il-punt 6 hawn fuq.
(4) Huma koperti dawn il-kategoriji: (i) il-protezzjoni tal-għajnejn; (ii) il-protezzjoni tal-idejn; (iii) protezzjoni respiratorja; (iv) il-protezzjoni tal-ġisem; u (v) protezzjoni tas-saqajn, f’daqsijiet differenti.
(5) Ara n-nota 2 f’qiegħ il-paġna.
(6) Din tista’ tinkludi reaġenti ta’ RT-PCR, bħal enzimi, reaġenti ta’ l-estrazzjoni tal-RNA, ħin tal-magna għall-estrazzjoni tal-RNA, ħin tal-magna għall-PCR, reaġenti tal-primer u tas-sonda, reaġenti ta’ kontroll pożittiv, oġġetti konsumabbli tal-laboratorju PCR (eż. tubi, pjanċi) u diżinfettanti, iżda mhux limitata għalihom.
(7) Għall-finijiet tal-loġistika tal-faċilitajiet tal-ħażna, “fl-Unjoni” tinkludi t-territorji tal-Istati Membri u tal-Istati Parteċipanti fil-Mekkaniżmu tal-Unjoni tal-Protezzjoni Ċivili.”