(1)

Ir-Regolament (KE) Nru 852/2004 tal-Parlament Ewropew u tal-Kunsill tad-29 ta’ April 2004 dwar l-iġjene ta’ l-oġġetti ta’ l-ikel (1) u r-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għall-ikel li joriġina mill-annimali (2) jistipulaw ċerti rekwiżiti strutturali għal stabbilimenti li jaqgħu fl-ambitu ta’ dawn ir-Regolamenti.

(2)

L-Anness VI, Kapitolu 4, Taqsima B, paragrafi (a) u (ċ) ta’ l-Att ta’ Adeżjoni tal-Bulgarija u r-Rumanija jistipulaw li ċerti rekwiżiti strutturali stipulati f’dawn ir-Regolamenti m’għandhomx japplikaw għall-istabbilimenti fil-Bulgarija mniżżla fil-Kapitoli I u II ta’ l-Appendiċi ta’ l-Anness VI ta’ l-Att ta’ Adeżjoni sal-31 ta’ Diċembru 2009, taħt ċerti kundizzjonijiet.

(3)

Il-Kapitolu I ta’ l-Appendiċi ta’ l-Anness VI jelenka stabbilimenti konformi awtorizzati li jirċievu u jipproċessaw mingħajr separazzjoni ħalib konformi u ħalib mhux konformi filwaqt li l-Kapitolu II ta’ dan l-Appendiċi jelenka stabbilimenti konformi awtorizzati li jirċievu u jipproċessaw b’mod separat ħalib konformi u ħalib mhux konformi.

(4)

Dawn il-listi ta’ stabbilimenti ġew emendati mid-Deċiżjoni tal-Kummissjoni 2007/26/KE tat-22 ta’ Diċembru li temenda l-Appendiċi ta’ l-Anness VI ta’ l-Att ta’ Adeżjoni tal-Bulgarija u r-Rumanija fir-rigward ta’ ċerti stabbilimenti ta’ ipproċessar tal-ħalib fil-Bulgarija (3).

(5)

Il-Bulgarija issa rrivediet is-sitwazzjoni fis-settur tal-ħalib u vvalutat mill-ġdid l-istabbilimenti elenkati fil-Kapitolu I u fil-Kapitolu II ta’ l-Appendiċi ta’ l-Anness VI.

(6)

Skond din l-evalwazzjoni l-istabbilimenti elenkati fil-Kapitolu I mhumiex konformi mar-rekwiżiti strutturali tar-Regolament (KE) 852/2004. Għalhekk dawn l-istabbilimenti għandhom jitħassru mil-lista fil-Kapitolu I. Ħdax-il stabbiliment biss li m’għandhomx diffikultajiet prattiċi fit-trattament xieraq ta’ żewġ linji ta’ produzzjoni separati għandhom jibqgħu fil-lista fil-Kapitolu II.

(7)

Għaċ-ċarezza tal-leġislazzjoni Komunitarja, huwa xieraq li l-listi ta’ stabbilimenti li jinsabu fil-Kapitoli I u II ta’ l-Appendiċi ta’ l-Anness VI ta’ l-Att ta’ l-Adeżjoni tal-Bulgarija u r-Rumanija jinbidlu bil-listi li jinsabu fl-Anness ta’ din id-Deċiżjoni.

(8)

Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,