Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2024/3104 |
12.12.2024 |
RIALACHÁN TARMLIGTHE (AE) 2024/3104 ÓN gCOIMISIÚN
an 2 Meán Fómhair 2024
lena leasaítear Rialachán (CE) Uimh. 184/2005 ó Pharlaimint na hEorpa agus ón gComhairle a mhéid a bhaineann le tagairtí d’aicmiú staidrimh gníomhaíochtaí eacnamaíochta (NACE) a bhunaítear le Rialachán (CE) Uimh. 1893/2006 ó Pharlaimint na hEorpa agus ón gComhairle
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 184/2005 ó Pharlaimint na hEorpa agus ón gComhairle an 12 Eanáir 2005 maidir le staidreamh Comhphobail a bhaineann le comhardú íocaíochtaí, le trádáil idirnáisiúnta seirbhísí agus le hinfheistíocht dhíreach choigríche (1), agus go háirithe Airteagal 2(3) de,
De bharr an mhéid seo a leanas:
|
(1) |
Le Rialachán (CE) Uimh. 1893/2006 ó Pharlaimint na hEorpa agus ón gComhairle (2), bunaíodh aicmiú comhchoiteann staidrimh maidir le gníomhaíochtaí eacnamaíocha san Aontas (‘NACE Ath. 2’), a tháinig i bhfeidhm an 1 Eanáir 2008. |
|
(2) |
Tar éis do NACE Ath. 2 teacht i bhfeidhm tá athrú déanta de réir a chéile, mar gheall ar an domhandú agus an digitiú, ar an mbealach a soláthraíonn go leor gníomhaíochtaí eacnamaíocha earraí agus seirbhísí ar fud an domhain. |
|
(3) |
Mar thoradh ar na hathruithe sin, ba ghá NACE Ath. 2 a thabhairt cothrom le dáta, chun a inchomparáideacht agus a chomhleanúnachas a choinneáil ar bun leis na caighdeáin maidir le gníomhaíochtaí eacnamaíocha a aicmiú a úsáidtear ar an leibhéal idirnáisiúnta. Dá réir sin, le Rialachán Tarmligthe (AE) 2023/137 ón gCoimisiún (3), leasaíodh Rialachán (CE) Uimh. 1893/2006 agus bunaíodh an t-aicmiú arna thabhairt cothrom le dáta (‘NACE Ath. 2.1’). |
|
(4) |
Chun é a chur ar a gcumas d’úsáideoirí measúnú a dhéanamh ar na hathruithe mionsonraithe in NACE agus chun an leagan roimhe sin den aicmiú a chur i gcomparáid leis an leagan arna thabhairt cothrom le dáta, cuireadh tábla comhfhreagrais (4) ar fáil d’úsáideoirí an aicmithe an 1 Lúnasa 2023, mar aon le nótaí míniúcháin (5). |
|
(5) |
An corpas mór reachtaíochta lena leagtar amach ceanglais maidir le tarchur sonraí lena dtagraítear do ranna, rannáin, grúpaí nó aicmí sonracha NACE, áirítear Rialachán (CE) Uimh. 184/2005 ann. Chun a áirithiú go sloinnfear na ceanglais sin maidir le tarchur i dtéarmaí atá comhoiriúnach leis an aicmiú arna thabhairt cothrom le dáta (NACE Ath. 2.1), ba cheart Rialachán (CE) Uimh. 184/2005 a leasú. |
|
(6) |
Ós rud é go bhfuil gráinneacht an aicmithe arna thabhairt cothrom le dáta cosúil le gráinneacht bhunleagan an aicmithe, ní fhorchuirfeadh na leasuithe ar Rialachán (CE) Uimh. 184/2005 a leagtar amach sa Rialachán seo aon ualach breise ar na Ballstáit ná ar fhreagróirí. |
|
(7) |
Níor cheart comhlíonadh an aicmithe arna thabhairt cothrom le dáta a bheith ina cheanglas láithreach, toisc gur gá tréimhse áirithe chun go mbeidh soláthraithe sonraí in ann oiriúnú do na ceanglais rialála nua. Ba cheart a mheabhrú go leagtar amach dáta curtha siar chur i bhfeidhm i Rialachán Tarmligthe (AE) 2023/137, lenar leasaíodh Rialachán (CE) Uimh. 1893/2006. Dá bhrí sin, ba cheart dáta chur i bhfeidhm an Rialacháin seo a chur siar chomh maith. |
|
(8) |
Dá bhrí sin, ba cheart Rialachán (CE) Uimh. 184/2005 a leasú dá réir sin, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn I a ghabhann le Rialachán (CE) Uimh. 184/2005 mar a leagtar amach san Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an 20ú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm leis ón 1 Eanáir 2025 ar aghaidh, a mhéid a bhaineann le tarchuir sonraí chuig an gCoimisiún (Eurostat) a bhaineann le gach tréimhse thagartha dar tús an dáta sin nó dá éis.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 2 Meán Fómhair 2024.
Thar ceann an Choimisiúin
An tUachtarán
Ursula VON DER LEYEN
(1) IO L 35, 8.2.2005, lch. 23, ELI: http://data.europa.eu/eli/reg/2005/184/oj.
(2) Rialachán (CE) Uimh. 1893/2006 ó Pharlaimint na hEorpa agus ón gComhairle an 20 Nollaig 2006 lena mbunaítear aicmiú staidrimh gníomhaíochtaí eacnamaíocha Athbhreithniú 2 agus lena leasaítear Rialachán (CEE) Uimh. 3037/90 ón gComhairle, chomh maith le Rialacháin CE áirithe maidir le fearainn shonracha staidrimh (IO L 393, 30.12.2006, lch. 1, ELI: http://data.europa.eu/eli/reg/2006/1893/oj).
(3) Rialachán Tarmligthe (AE) 2023/137 ón gCoimisiún an 10 Deireadh Fómhair 2022 lena leasaítear Rialachán (CE) Uimh. 1893/2006 ó Pharlaimint na hEorpa agus ón gComhairle lena mbunaítear aicmiú staidrimh gníomhaíochtaí eacnamaíocha NACE Athbhreithniú 2 (IO L 19, 20.1.2023, lch. 5, ELI: http://data.europa.eu/eli/reg_del/2023/137/oj).
IARSCRÍBHINN
In Iarscríbhinn I a ghabhann le Rialachán (CE) Uimh. 184/2005, cuirtear an méid seo a leanas in ionad Thábla 8:
‘Tábla 8
Leibhéal miondealaithe ar ghníomhaíochtaí eacnamaíocha
|
Leibhéal 1 |
Leibhéal 2 |
NACE (Rialachán (CE) Uimh. 1893/2006) |
|
|
TALMHAÍOCHT, FORAOISEACHT AGUS IASCAIREACHT |
roinn A |
|
MIANADÓIREACHT AGUS CAIRÉALACHT |
MIANADÓIREACHT AGUS CAIRÉALACHT |
roinn B |
|
|
Eastóscadh peitriliam amh, gás nádúrtha agus gníomhaíochtaí tacaíochta mianadóireachta |
rannáin 06, 09 |
|
MONARAÍOCHT |
MONARAÍOCHT |
cuid C |
|
|
Táirgí bia, deochanna agus táirgí tobac |
rannáin 10, 11, 12 |
|
|
IOMLÁN gníomhaíochtaí teicstílí agus adhmaid |
rannáin 13, 14, 16, 17, 18 |
|
|
Teicstílí agus corpbheart |
rannáin 13, 14 |
|
|
Adhmad, páipéar, priontáil agus atáirgeadh |
rannáin 16, 17, 18 |
|
Peitriliam, ceimiceáin, táirgí cógaisíochta, táirgí rubair agus plaisteacha |
IOMLÁN an pheitriliam, na gceimiceán, na dtáirgí cógaisíochta, na dtáirgí rubair agus plaisteacha |
rannáin 19, 20, 21, 22 |
|
|
Táirgí cóic agus peitriliam scagtha |
rannán 19 |
|
|
Ceimiceáin agus táirgí ceimiceacha |
rannán 20 |
|
|
Táirgí rubair agus plaisteacha |
rannán 22 |
|
|
IOMLÁN táirgí miotail agus innealra |
rannáin 24, 25, 26, 28 |
|
|
Miotail bhunúsacha agus táirgí déanta as miotal |
rannáin 24, 25 |
|
Táirgí ríomhaireachta, leictreonacha agus optúla |
Táirgí ríomhaireachta, leictreonacha agus optúla |
rannán 26 |
|
|
Innealra agus trealamh nach n-aicmítear in áit ar bith eile |
rannán 28 |
|
Feithiclí, trealamh iompair eile |
IOMLÁN na bhfeithiclí agus trealaimh iompair eile |
rannáin 29, 30 |
|
|
Mótarfheithiclí, leantóirí agus leathleantóirí |
rannán 29 |
|
|
Trealamh iompair eile |
rannán 30 |
|
|
IOMLÁN na monaraíochta eile |
rannáin 15, 23, 27, 31, 32, 33 |
|
SOLÁTHAR LEICTREACHAIS, GÁIS, GAILE AGUS AERCHÓIRIÚCHÁIN |
SOLÁTHAR LEICTREACHAIS, GÁIS, GAILE AGUS AERCHÓIRIÚCHÁIN |
roinn D |
|
SOLÁTHAR UISCE; SÉARACHAS, BAINISTIÚ DRAMHAÍOLA AGUS GNÍOMHAÍOCHTAÍ LEASÚCHÁIN |
SOLÁTHAR UISCE; SÉARACHAS, BAINISTÍOCHT DRAMHAÍOLA AGUS GNÍOMHAÍOCHTAÍ LEASÚCHÁIN |
roinn E |
|
|
Bailiú, cóireáil agus soláthar uisce |
rannán 36 |
|
|
Séarachas, bainistiú dramhaíola, gníomhaíochtaí leasúcháin |
rannáin 37, 38, 39 |
|
FOIRGNÍOCHT |
FOIRGNÍOCHT |
roinn F |
|
IOMLÁN NA SEIRBHÍSÍ |
IOMLÁN NA SEIRBHÍSÍ |
roinn G, H, I, J, K, L, M, N O, P, Q, R, S, T, U, V |
|
TRÁDÁIL MHÓRDHÍOLA AGUS MHIONDÍOLA |
TRÁDÁIL MHÓRDHÍOLA AGUS MHIONDÍOLA |
roinn G |
|
|
Trádáil mhórdhíola |
rannán 46 |
|
|
Trádáil mhiondíola |
rannán 47 |
|
IOMPAR AGUS STÓRÁIL |
IOMPAR AGUS STÓRÁIL |
roinn H |
|
|
IOMLÁN an iompair agus na stórála seachas gníomhaíochtaí poist agus cúiréara |
rannáin 49, 50, 51, 52 |
|
|
Iompar ar talamh agus iompar trí phíblínte |
rannán 49 |
|
|
Iompar d’uisce |
rannán 50 |
|
|
Aeriompar |
rannán 51 |
|
|
Ollstóráil agus gníomhaíochtaí tacaíochta le haghaidh iompair |
rannán 52 |
|
|
Gníomhaíochtaí poist agus cúiréara |
rannán 53 |
|
CÓIRÍOCHT AGUS GNÍOMHAÍOCHTAÍ SEIRBHÍSÍ BIA |
GNÍOMHAÍOCHTAÍ CÓIRÍOCHTA AGUS SEIRBHÍSÍ BIA |
roinn I |
|
FOILSITHEOIREACHT, CRAOLTÓIREACHT, AGUS GNÍOMHAÍOCHTAÍ TÁIRGTHE AGUS DÁILEACHÁIN ÁBHAIR |
FOILSITHEOIREACHT, CRAOLTÓIREACHT, AGUS GNÍOMHAÍOCHTAÍ TÁIRGTHE AGUS DÁILEACHÁIN ÁBHAIR |
roinn J |
|
|
Foilsitheoireacht |
rannán 58 |
|
|
Craoltóireacht agus táirgeadh agus dáileadh ábhar |
rannáin 59, 60 |
|
TEILEACHUMARSÁID, RÍOMHCHLÁRÚ, COMHAIRLIÚ, BONNEAGAR RÍOMHAIREACHTA AGUS GNÍOMHAÍOCHTAÍ SEIRBHÍSE FAISNÉISE EILE |
TEILEACHUMARSÁID, RÍOMHCHLÁRÚ, COMHAIRLIÚ, BONNEAGAR RÍOMHAIREACHTA AGUS GNÍOMHAÍOCHTAÍ SEIRBHÍSE FAISNÉISE EILE |
roinn K |
|
|
Teileachumarsáid |
rannán 61 |
|
|
Gníomhaíochtaí faisnéise agus cumarsáide eile |
rannáin 62, 63 |
|
GNÍOMHAÍOCHTAÍ AIRGEADAIS AGUS ÁRACHAIS |
GNÍOMHAÍOCHTAÍ AIRGEADAIS AGUS ÁRACHAIS |
roinn L |
|
|
Idirghabháil airgeadais, seachas cistiú árachais agus pinsin |
rannán 64 |
|
|
Gníomhaíochtaí cuideachtaí sealbhaíochta agus cainéal maoinithe |
grúpa 64.2 |
|
|
Árachas, athárachas agus cistiú pinsin, seachas leas sóisialta éigeantach |
rannán 65 |
|
|
Gníomhaíochtaí cúnta do sheirbhísí airgeadais, seachas árachas agus cistiú pinsin |
rannán 66 |
|
|
GNÍOMHAÍOCHTAÍ EASTÁIT RÉADAIGH |
roinn M |
|
GNÍOMHAÍOCHTAÍ GAIRMIÚLA, EOLAÍOCHA AGUS TEICNIÚLA |
GNÍOMHAÍOCHTAÍ GAIRMIÚLA, EOLAÍOCHA AGUS TEICNIÚLA |
roinn N |
|
|
Gníomhaíochtaí dlíthiúla agus cuntasaíochta |
rannán 69 |
|
|
Gníomhaíochtaí dlíthiúla |
grúpa 69.1 |
|
|
Gníomhaíochtaí cuntasaíochta, leabharchoimeádta agus iniúchóireachta; sainchomhairliúchán cánach |
grúpa 69.2 |
|
|
Gníomhaíochtaí ceannoifigí agus sainchomhairliúcháin bainistíochta |
rannán 70 |
|
|
Gníomhaíochtaí ceannoifigí |
grúpa 70.1 |
|
|
Gníomhaíochtaí sainchomhairliúcháin gnó agus bainistíochta eile |
grúpa 70.2 |
|
|
Gníomhaíochtaí ailtireachta agus innealtóireachta; tástáil agus anailís theicniúil |
rannán 71 |
|
Taighde agus Forbairt Eolaíoch |
Taighde agus Forbairt Eolaíoch |
rannán 72 |
|
|
Gníomhaíochtaí fógraíochta, taighde margaidh agus caidrimh phoiblí |
rannán 73 |
|
|
Fógraíocht |
grúpa 73.1 |
|
|
Taighde margaidh agus seoladh pobalbhreitheanna |
grúpa 73.2 |
|
|
Gníomhaíochtaí caidrimh phoiblí agus cumarsáide |
grúpa 73.3 |
|
|
Gníomhaíochtaí eile gairmiúla, eolaíocha agus teicniúla, gníomhaíochtaí tréidliachta |
rannáin 74, 75 |
|
|
GNÍOMHAÍOCHTAÍ SEIRBHÍSE RIARACHÁIN AGUS TACAÍOCHTA |
roinn O |
|
|
Gníomhaíochtaí ligean ar cíos agus léasaithe |
rannán 77 |
|
|
Gníomhaíochtaí seirbhíse riaracháin agus tacaíochta eile |
rannáin 78, 79, 80, 81, 82 |
|
|
OIDEACHAS |
roinn Q |
|
|
GNÍOMHAÍOCHTAÍ I dTACA LE SLÁINTE AN DUINE AGUS GNÍOMHAÍOCHTAÍ OIBRE SÓISIALTA |
roinn R |
|
NA hEALAÍONA, SPÓRT AGUS ÁINEAS |
NA hEALAÍONA, SPÓRT AGUS ÁINEAS |
roinn S |
|
|
Gníomhaíochtaí cruthaithe ealaíon agus siamsaíochta |
rannán 90 |
|
|
Leabharlanna, cartlanna, músaeim agus gníomhaíochtaí cultúrtha eile |
rannán 91 |
|
|
Gníomhaíochtaí spóirt agus áineasa eile; gníomhaíochtaí cearrbhachais agus gealltóireachta |
rannáin 92, 93 |
|
|
GNÍOMHAÍOCHTAÍ SEIRBHÍSE EILE |
roinn T |
|
|
Gníomhaíochtaí eagraíochtaí comhaltais |
rannán 94 |
|
|
Deisiú ríomhairí agus earraí pearsanta agus tí, agus mótarfheithiclí agus gluaisrothar, gníomhaíochtaí seirbhíse pearsanta eile |
rannáin 95, 96’ |
|
|
Gan uimhir |
|
|
|
Ceannacháin agus díolacháin phríobháideacha eastáit réadaigh |
|
|
IOMLÁN NA GNÍOMHAÍOCHTA |
IOMLÁN NA GNÍOMHAÍOCHTA |
|
ELI: http://data.europa.eu/eli/reg_del/2024/3104/oj
ISSN 1977-0839 (electronic edition)