|
5.1.2022 |
GA |
Iris Oifigiúil an Aontais Eorpaigh |
CI 4/3 |
Fógra le tabhairt ar aird ag JUND AL-KHILAFAH IN TUNISIA (JAK-T), ar cuireadh a ainm leis an liosta dá dtagraítear in Airteagail 2, 3 agus 7 de Rialachán (CE) Uimh. 881/2002 ón gComhairle lena bhforchuirtear bearta sriantacha sonracha áirithe atá dírithe i gcoinne daoine agus eintitis áirithe atá bainteach leis na heagraíochtaí SIIL (Da’esh) agus Al-Qaida, de bhua Rialachán Cur Chun Feidhme (AE) 2022/5 ón gCoimisiún
(2022/C 4 I/02)
1.
Le Cinneadh (CFSP) 2016/1693 (1) ón gComhairle iarrtar ar an Aontas cistí agus acmhainní eacnamaíocha a reo, eadhon cistí agus acmhainní eacnamaíocha chomhaltaí na n-eagraíochtaí SIIL (Da’esh) agus Al-Qaida agus cistí agus acmhainní eacnamaíocha daoine aonair, grúpaí, gnóthas agus eintiteas atá bainteach leis na heagraíochtaí sin, dá dtagraítear sa liosta a tarraingíodh suas de bhun UNSCR 1267(1999) agus 1333(2000) atá le tabhairt cothrom le dáta go rialta ag Coiste NA a bunaíodh de bhun UNSCR 1267(1999).Áirítear na nithe seo a leanas leis an liosta a tharraing suas an Coiste NA sin:
|
— |
SIIL (Da’esh) agus Al Qaida; |
|
— |
daoine nádúrtha nó dlítheanacha, eintitis, comhlachtaí agus grúpaí atá bainteach le SIIL (Da’esh) agus Al Qaida; agus |
|
— |
daoine dlítheanacha, eintitis agus comhlachtaí atá faoi úinéireacht nó faoi rialú aon duine de na daoine bainteacha sin nó aon cheann de na heintitis, comhlachtaí nó grúpaí bainteacha sin nó a thacaíonn le haon duine de na daoine bainteacha sin nó le haon cheann de na heintitis, comhlachtaí nó grúpaí bainteacha sin ar bhealach eile. |
Áirítear na nithe seo a leanas leis na gníomhartha agus leis na gníomhaíochtaí lena léirítear go bhfuil duine aonair, grúpa, gnóthas nó eintiteas “bainteach le” SIIL (Da’esh) agus Al Qaida:
|
(a) |
maidir le gníomhartha nó gníomhaíochtaí a dhéanann SIIL (Da’esh) agus Al Qaida, páirt a ghlacadh sna gníomhartha nó sna gníomhaíochtaí sin chun iad a mhaoiniú, a phleanáil, a éascú, a ullmhú nó a dhéanamh, i gcomhar le SIIL (Da’esh) agus Al Qaida, nó aon chill, cleamhnaí, foghrúpa nó díorthach díobh, ina n-ainm, thar a gceann nó chun tacaíocht a thabhairt dóibh; |
|
(b) |
airm agus ábhar gaolmhar a sholáthar d’aon cheann díobh, a dhíol leo nó a aistriú chucu; |
|
(c) |
earcú thar ceann aon cheann díobh; nó |
|
(d) |
tacaíocht a thabhairt do ghníomhartha nó do ghníomhaíochtaí dá gcuid ar aon bhealach eile. |
2.
An 29 Nollaig 2021, d’fhormheas Coiste Chomhairle Slándála NA JUND AL-KHILAFAH IN TUNISIA (JAK-T) a chur le liosta an Choiste Smachtbhannaí maidir le SIIL (Da’esh) agus Al-Qaida.Féadfaidh JUND AL-KHILAFAH IN TUNISIA (JAK-T) iarraidh a chur faoi bhráid Ombudóir na Náisiún Aontaithe am ar bith, mar aon le haon doiciméadacht tacaíochta, chun go n-athbhreithneofar an cinneadh lena áireamh ar liosta NA dá dtagraítear thuas. Ba cheart iarrataí den sórt sin a chur chuig an seoladh seo a leanas:
|
United Nations - Office of the Ombudsperson |
|
Room DC2-2206 |
|
New York, NY 10017 |
|
Stáit Aontaithe Mheiriceá |
Teil +1 212 963 2671
Facs +1 212 963 1300/3778
Ríomhphost: ombudsperson@un.org
Tá tuilleadh eolais le fáil anseo: https://www.un.org/securitycouncil/sanctions/1267/aq_sanctions_list/procedures-for-delisting
3.
I ngeall ar an gCinneadh ó na Náisiúin Aontaithe dá dtagraítear i mír 2, ghlac an Coimisiún Rialachán Cur Chun Feidhme (AE) 2022/5 (2) lena leasaítear Iarscríbhinn I a ghabhann le Rialachán (CE) Uimh. 881/2002 ón gComhairle an 27 Bealtaine 2002 lena bhforchuirtear bearta sriantacha sonracha áirithe atá dírithe i gcoinne daoine agus eintitis áirithe atá bainteach leis na heagraíochtaí SIIL (Da’esh) agus Al-Qaida (3). Leis an leasú, a dhéantar de bhun Airteagal 7(1)(a) agus Airteagal 7a(1) de Rialachán (CE) Uimh. 881/2002, cuirtear an t-ainm JUND AL-KHILAFAH IN TUNISIA (JAK-T) leis an liosta in Iarscríbhinn I den Rialachán sin (“Iarscríbhinn I”).Tá feidhm ag na bearta seo a leanas de Rialachán (CE) Uimh. 881/2002 maidir leis na daoine aonair agus na heintitis a áirítear le hIarscríbhinn I:
|
(1) |
reoitear na cistí agus na hacmhainní eacnamaíocha uile ar leis na daoine aonair agus na heintitis a liostaítear in Iarscríbhinn I iad, mar aon le cistí agus acmhainní ea3/4cnamaíocha atá faoi úinéireacht, faoi rialú nó a shealbhaíonn na daoine agus na heintitis sin, lena n-áirítear más tríú páirtí agus é ag gníomhú thar ceann nó faoi stiúir na ndaoine agus na n-eintiteas sin atá i gceist, agus toirmeasctar (ar gach duine) cistí nó acmhainní eacnamaíocha a chur ar fáil d’aon duine de na daoine aonair nó d’aon cheann de na heintitis a liostaítear nó dá dtairbhe, go díreach nó go hindíreach (Airteagal 2); agus |
|
(2) |
toirmeasctar comhairle, cúnamh nó oiliúint theicniúil a bhaineann le gníomhaíochtaí míleata a thabhairt, go díreach nó go hindíreach, d’aon duine de na daoine aonair nó d’aon cheann de na heintitis a liostaítear in Iarscríbhinn 1 (Airteagal 3), lena n-áirítear, go háirithe, oiliúint agus cúnamh a bhaineann le hairm agus ábhar de gach cineál lena mbaineann a mhonarú, a chothabháil agus a úsáid. |
4.
Déantar foráil le hAirteagal 7a de Rialachán (CE) Uimh. 881/2002 maidir le próiseas athbhreithnithe lena dtugtar deis don duine nó don eintiteas atá liostaithe a thuairimí ar an ábhar a chur in iúl. Féadfaidh daoine aonair agus eintitis a chuirtear le hIarscríbhinn I le Rialachán Cur Chun Feidhme (AE) 2022/5 iarraidh a dhéanamh ar an gCoimisiún maidir leis na forais lena liostú a chur in iúl dóibh. I gcás ina dtugtar barúlacha isteach, déanfaidh an Coimisiún a chinneadh an duine nó an t-eintiteas a áireamh in Iarscríbhinn I a ghabhann le Rialachán (CE) Uimh. 881/2002 a athbhreithniú i bhfianaise na mbarúlacha sin. Ba cheart an iarraidh sin agus aon bharúlacha a chur chuig an seoladh seo a leanas:|
European Commission |
|
“Restrictive measures” |
|
Rue de Spa 2 |
|
1049 Bruxelles/ Brussel |
|
BELGIQUE/BELGIË |
5.
Tugtar ar aird do na daoine aonair agus do na heintitis lena mbaineann gur féidir Rialachán Cur Chun Feidhme (AE) 2022/5 a chonspóid os comhair Chúirt Ginearálta an Aontais Eorpaigh, i gcomhréir leis na coinníollacha a leagtar síos sa cheathrú agus sa séú mír d’Airteagal 263 den Chonradh ar Fheidhmiú an Aontais Eorpaigh.
6.
Tugtar ar aird do na daoine aonair agus do na heintitis a áirítear in Iarscríbhinn I gur féidir iarratas a dhéanamh chuig na húdaráis áitiúla sna Ballstáit ábhartha, mar a liostaítear in Iarscríbhinn II a ghabhann le Rialachán (CE) Uimh. 881/2002, chun údarú a fháil le cistí agus acmhainní eacnamaíocha reoite a úsáid le haghaidh riachtanais riachtanacha nó íocaíochtaí sonracha i gcomhréir le hAirteagal 2a den Rialachán sin.