11.8.2023   

GA

Iris Oifigiúil an Aontais Eorpaigh

C 283/93


P9_TA(2023)0042

Údarú a thabhairt don Pholainn an leasú ar an gCoinbhinsiún um Chaomhnú agus um Bainistiú Acmhainní Mangach i Muir Bheiring Láir a dhaingniú

Rún reachtach ó Pharlaimint na hEorpa an 15 Feabhra 2023 maidir leis an dréachtchinneadh ón gComhairle lena n-údaraítear donPholainn an leasú ar an gCoinbhinsiún um Chaomhnú agus um Bainistiú Acmhainní Mangach i Muir Bheiring Láir a dhaingniú, ar mhaithe leis an Aontas Eorpach (10918/2022 – C9-0293/2022 – 2022/0177(NLE))

(Toiliú)

(2023/C 283/25)

Tá Parlaimint na hEorpa,

—

ag féachaint don dréachtchinneadh ón gComhairle (10918/2022),

—

ag féachaint don iarraidh ar thoiliú a thíolaic an Chomhairle i gcomhréir le hAirteagal 43(2) agus Airteagal 218(6), an dara fomhír, pointe (a), den Chonradh ar Fheidhmiú an Aontais Eorpaigh (C9-0293/2022),

—

ag féachaint do Riail 105(1) agus (4), agus do Riail 114(7) dá Rialacha Nós Imeachta,

—

ag féachaint don mholadh ón gCoiste um Iascach (A9-0007/2023),

1.

ag tabhairt a toilithe chun údarás a thabhairt don Pholainn an leasú ar an gCoinbhinsiún um Chaomhnú agus um Bainistiú Acmhainní Mangach i Muir Bheiring Láir a dhaingniú, ar mhaithe leis an Aontas Eorpach;

2.

á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig rialtais agus parlaimintí na mBallstát.