C_202504094MT.000101.fmx.xml

Notifika minn qabel ta’ konċentrazzjoni

(Każ M.12056 – AEQUITA / LYONDELLBASELL INDUSTRIES HOLDINGS (PARTS OF EUROPEAN OLEFINS AND POLYOLEFINS BUSINESS))

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(C/2025/4094)

Fis-7 ta’ Lulju 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	AEQUITA Management SE (Il-Ġermanja),

—

partijiet min-negozju Ewropew tal-olefini u l-poljolefini ta’ LyondellBasell Industries Holdings B.V. (“LYB”, in-Netherlands) li hu magħmul minn entitajiet ġodda li għandhom jiġu inkorporati fi Spanja, fin-Netherlands, ir-Renju Unit u l-Ġermanja (Spanja, in-Netherlands, ir-Renju Unit, il-Ġermanja), li għalihom liema partijiet tal-attivitajiet kummerċjali ta’ LYB se jiġu jiġu ttrasferiti, kif ukoll Compagnie de Distribution des Hydrocarbures S.A.S (France), Basell Polyolefines France S.A.S. (Franza), Compagnie Petrochemique de Berre S.A.S. (Franza), u LyondellBasell Services France SAS. (Franza), kollha kkontrollati minn LYB (flimkien, in-“Negozju fil-Mira”).

AEQUITA Management SE takkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll tan-Negozju fil-Mira.

Il-konċentrazzjoni titwettaq permezz tax-xiri ta’ titoli.

L-attivitajiet kummerċjali tal-impriżi kkonċernati huma li ġejjin:

—	AEQUITA Management SE, permezz tas-sussidjarja tagħha AEQUITA SE & Co KGaA, hija kumpanija ta’ investiment attiva f’għadd ta’ setturi differenti b’enfasi fuq l-industrija tal-karozzi,

—	Target Business hija attiva fil-manifattura tal-olefini u l-poljolefini permezz ta’ siti ta’ produzzjoni ir-Renju Unit, Spanja, Franza u l-Ġermanja kif ukoll is-servizzi tal-bejgħ, tal-kummerċjalizzazzjoni u tal-appoġġ relatati fin-Netherlands u nħawi oħrajn.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont in-Notifika tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fin-Notifika.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja jenħtieġ dejjem tiġi speċifikata:

M.12056 – AEQUITA / LYONDELLBASELL INDUSTRIES HOLDINGS (PARTS OF EUROPEAN OLEFINS AND POLYOLEFINS BUSINESS)

Il-kummenti jistgħu jintbagħtu lill-Kummissjoni permezz tal-posta elettronika jew bil-posta. Uża d-dettalji ta’ kuntatt ta’ hawn taħt:

Indirizz elettroniku: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 160, 5.5.2023, p. 1.