1.   

Fit-3 ta’ Ottubru 2019, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Crédit Agricole Assurances S.A. (Franza), ikkontrollata minn Crédit Agricole S.A. (“Crédit Agricole”, Franza);

—	Abanca Division Inmobiliaria S.A. (Spanja), ikkontrollata minn Abanca Corporación Bancaria S.A. (“Abanca”, Spanja);

—	Abanca Generales Seguros y Reaseguros S.A. (“AGSR”, Spanja) bħallisa kkontrollata biss mill-Abanca Division Inmobiliaria.

CAA u Abanca jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ AGSR kollha kemm hi.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma:

—	Crédit Agricole hija attiva fis-settur bankarju, dak tal-assigurazzjoni u fis-settur tal-proprjetà immobbli;

—	Abanca hija attiva fis-settur bankarju għall-konsumaturi, fis-settur tal-finanzi għall-konsumaturi, fil-ġestjoni tal-assi, u fis-settur tal-assigurazzjoni, primarjament fi Spanja;

—	AGSR se toffri prodotti tal-assigurazzjoni mhux fuq il-ħajja fi Spanja u fil-Portugall.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni sa mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9497 — Crédit Agricole/Abanca/JV

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË