European flag

Iris Oifigiúil
an Aontais Eorpaigh

GA

Sraith L


2024/1971

16.7.2024

RIALACHÁN CUR CHUN FEIDHME (AE) 2024/1971 ÓN gCOMHAIRLE

an 15 Iúil 2024

lena gcuirtear chun feidhme Rialachán (AE) 2023/1529 a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise i gcoinne na hÚcráine agus do ghrúpaí armtha agus eintitis sa Mheánoirthear agus i réigiún na Mara Rua

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2023/1529 ón gComhairle an 20 Iúil 2023 a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise i gcoinne na hÚcráine agus do ghrúpaí armtha agus eintitis sa Mheánoirthear agus i réigiún na Mara Rua (1), agus go háirithe Airteagal 7, míreanna (3) agus (4) de,

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

De bharr an mhéid seo a leanas:

(1)

An 20 Iúil 2023, ghlac an Chomhairle Rialachán (AE) 2023/1529.

(2)

Ar bhonn athbhreithniú ar Chinneadh (CBES) 2023/1532 (2), chinn an Chomhairle gur cheart na bearta sriantacha a leagtar amach ann a athnuachan go dtí an 27 Iúil 2025.

(3)

Chinn an Chomhairle gur cheart na hiontrálacha a bhaineann le ceathrar agus le dhá eintiteas arna n-ainmniú in Iarscríbhinn III a ghabhann le Rialachán (AE) 2023/1529 a nuashonrú.

(4)

Dá bhrí sin, ba cheart Rialachán (AE) 2023/1529 a leasú dá réir sin,

TAR ÉIS AN RIALACHÁN SEO A GHLACADH:

Airteagal 1

Leasaítear Iarscríbhinn III a ghabhann le Rialachán (AE) 2023/1529 i gcomhréir leis an Iarscríbhinn a ghabhann leis an Rialachán seo.

Airteagal 2

Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 15 Iúil 2024.

Thar ceann na Comhairle

An tUachtarán

NAGY I.


(1)   IO L 186, 25.7.2023, lch. 1.

(2)  Cinneadh (CBES) 2023/1532 ón gComhairle an 20 Iúil 2023 a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise i gcoinne na hÚcráine agus do ghrúpaí armtha agus eintitis sa Mheánoirthear agus i réigiún na Mara Rua (IO L 186, 25.7.2023, lch. 20).


IARSCRÍBHINN

Leasaítear Iarscríbhinn III a ghabhann le Rialachán (AE) 2023/1529 dar teideal ‘Liosta na ndaoine nádúrtha agus dlítheanacha, na n-eintiteas agus na gcomhlachtaí dá dtagraítear in Airteagal 3’ mar a leanas:

(1)

sa liosta dar teideal ‘A. Daoine nádúrtha’, cuirtear an méid seo a leanas in ionad iontrálacha 1, 2, 3 agus 6:

 

Ainmneacha (Traslitriú isteach in aibítir na Laidine)

Ainmneacha

Faisnéis aitheantais

Cúiseanna lena liostú

Dáta an liostaithe

‘1.

Hadi ZAHOURIAN

هادی ظهوریان

(Litriú Fairsise)

Post/poist: Príomhoifigeach Feidhmiúcháin Shakad Sanat Asmari

Áit bhreithe: Tehran, an Iaráin

Náisiúntacht: Iaránach

Inscne: Fireann

Pas uimhir: 0055312047 (Uimhir aitheantais náisiúnta)

Eintitis chomhlachaithe: Shakad Sanat Asmari

Is é Hadi Zahourian príomhoifigeach Feidhmiúcháin Shakad Sanat Asmari.

Is cuideachta de chuid na hIaráine é Shakad Sanat Asmari a fhorbraíonn agus a mhonaraíonn comhpháirteanna d’aerárthaigh gan foireann (UAVanna) Shahed.

Ina cháil mar phríomhoifigeach feidhmiúcháin ar Shakad Sanat Asmari, tá Hadi Zahourian, ag tacú, dá bhrí sin, le clár UAV na hIaráine agus ag glacadh páirte ann.

11.12.2023

2.

Mohammad Shahab KHANIAN

محمد شهاب خانیان

(Litriú Fairsise)

Post/poist: Leas-Phríomhoifigeach Feidhmiúcháin Shakad Sanat Asmari

Áit bhreithe: Mashhad, an Iaráin

Náisiúntacht: Iaránach

Inscne: Fireann

Pas uimhir: 0930588411 (National ID)

Eintitis chomhlachaithe: Shakad Sanat Asmari

Is é Mohammad Shahab Khanian Leas-Phríomhoifigeach feidhmiúcháin Shakad Sanat Asmari.

Is cuideachta de chuid na hIaráine é Shakad Sanat Asmari a fhorbraíonn agus a mhonaraíonn comhpháirteanna d’aerárthaigh gan foireann (UAVanna) Shahed.

Ina cháil mar Leas-phríomhoifigeach Feidhmiúcháin ar Shakad Sanat Asmari, tá Mohammad Shahab Khanian, ag tacú, dá bhrí sin, le clár UAV na hIaráine agus ag glacadh páirte ann.

11.12.2023

3.

Ehsan Rahat VARNOSFADRANI

احسان راحت وارنوسفدرانی

(Litriú Fairsise)

Post/poist: Príomheolaí Shakad Sanat Asmari

Dáta breithe: 1983

Áit bhreithe: Bahman, an Iaráin

Náisiúntacht: Iaránach

Inscne: Fireann

Eintitis chomhlachaithe: Shakad Sanat Asmari

Is é Ehsan Rahat Varnosfadrani Príomheolaí agus iar-Phríomhoifigeach Feidhmiúcháin ar Shakad Sanat Asmari.

Is cuideachta de chuid na hIaráine é Shakad Sanat Asmari a fhorbraíonn agus a mhonaraíonn comhpháirteanna d’aerárthaigh gan foireann (UAVanna) Shahed.

Ina cháil mar Phríomheolaí agus iar-Phríomhoifigeach Feidhmiúcháin ar Shakad Sanat Asmari, tá Ehsan Rahat Varnosfadrani, ag tacú, dá bhrí sin, le clár UAV na hIaráine agus ag glacadh páirte ann.

11.12.2023

6.

Ehsan IMANINEJAD

Ar a dtugtar freisin Ehsan IMANIJAD

احسان ایمانی نژاد

(Litriú Fairsise)

Post/poist: Príomhoifigeach Feidhmiúcháin Saad Sazeh Faraz Sharif

Dáta breithe: 1982

Áit bhreithe: Shahrivar, an Iaráin

Náisiúntacht: Iaránach

Inscne: Fireann

Eintitis chomhlachaithe: Saad Sazeh Faraz Sharif

Is é Ehsan Imaninejad Príomhoifigeach Feidhmiúcháin ar Saad Sazeh Faraz Sharif.

Is cuideachta de chuid na hIaráine é Saad Sazeh Faraz Sharif (ar a dtugtar freisin Daria Fanavar Borhan Sharif) a thairgeann seirbhísí innealtóireachta aeraspáis agus a mhonaraíonn codanna d’aerárthaigh gan foireann (UAVanna) Shahed.

Ina cháil mar Phríomhoifigeach Feidhmiúcháin ar Saad Sazeh Faraz Sharif, tá Ehsan Imaninejad, ag tacú, dá bhrí sin, le clár UAV na hIaráine agus ag glacadh páirte ann.

11.12.2023’;

(2)

sa liosta dar teideal ‘B. Daoine dlítheanacha, eintitis agus comhlachtaí’, cuirtear an méid a leanas in ionad iontrálacha 1 agus 4:

 

Ainmneacha (Traslitriú isteach in aibítir na Laidine)

Ainmneacha

Faisnéis aitheantais

Cúiseanna lena liostú

Dáta an liostaithe

‘1.

Shakad Sanat Asmari

شکاد صنعت آسماری

(Litriú Fairsise)

Seoladh: Cearnóg Haft-e Tir, 378 Sráid Moftah Shomali, an tríú hurlár, Tehran, an Iaráin, cód poist 1588944546

An cineál eintitis: Cuideachta faoi dhliteanas teoranta

Áit chláraithe: Tehran, an Iaráin

Dáta clárúcháin: 24.10.2016

Príomhionad gnó: an Iaráin

Is cuideachta de chuid na hIaráine é Shakad Sanat Asmari a fhorbraíonn agus a mhonaraíonn comhpháirteanna d’aerárthaigh gan foireann (UAVanna) Shahed.

Tá sí, dá bhrí sin, ag tacú le clár UAV na hIaráine agus tá sí rannpháirteach ann.

11.12.2023

 

 

 

Cárta aitheantais náisiúnta: 14006189580

Cláruimhir: 498744

Daoine aonair comhlachaithe: Hadi Zahourian (Príomhoifigeach Feidhmiúcháin); Mohammad Shahab Khanian (Leas-Phríomhoifigeach Feidhmiúcháin); Ehsan Rahat Varnosfadrani (Príomheolaí agus Iar-Phríomhoifigeach Feidhmiúcháin)

 

 

4.

Sarmad Electronic Sepahan Company

ar a dtugtar freisin

Sarmad Electronics; Sarmad Electronic Sepahan; Sarmad Electronics Co.

سرمد الکترونیک سپاهان

(Litriú Fairsise)

Seoladh: An dara hurlár, Uimh. 309, Cúlsráid 28, Sráid South Abou Na’im, Sráid Jaber Ansari, Isfahan, an Iaráin

Áit chláraithe: an Iaráin

Dáta clárúcháin: 2014

Príomhionad gnó: an Iaráin

Is cuideachta de chuid na hIaráine é Sarmad Electronic Sepahan Company, a tháirgeann na comhpháirteanna sonracha a úsáidtear in aerárthaigh gan foireann (UAVanna) na hIaráine.

Tá na UAVanna sin á n-imscaradh ag an Rúis ina cogadh foghach ar an Úcráin. Fuarthas seirbheamhótair agus flowmotors i UAV scoite de chuid na hIaráine ar láthair an chatha san Úcráin; bhíothas in ann iad a rianú siar díreach go dtí Sarmad Electronic Sepahan Company.

Tugann an chuideachta féin le fios ina cuid poiblíochta go bhfuil sí gníomhach i dtionscail mhóra íogaire san Iaráin, lena n-áirítear i dtionscail na UAVanna.

Tá sí, dá bhrí sin, ag tacú le clár UAV na hIaráine agus tá sí rannpháirteach ann.

11.12.2023’.


ELI: http://data.europa.eu/eli/reg_impl/2024/1971/oj

ISSN 1977-0839 (electronic edition)