|
10.1.2020 |
MT |
Il-Ġurnal Uffiċjali tal-Unjoni Ewropea |
L 6/112 |
DEĊIŻJONI (UE) 2020/14 TAR-RAPPREŻENTANTI TAL-GVERNIJIET TAL-ISTATI MEMBRI, IMLAQQGĦIN FI ĦDAN IL-KUNSILL
tad-19 ta’ Diċembru 2019
li tawtorizza lill-Kummissjoni Ewropea biex tinnegozja, f’isem l-Istati Membri, Ftehimiet ta’ Sħubija Ekonomika bejn l-Unjoni Ewropea u l-Istati Membri tagħha, minn naħa, u l-pajjiżi u r-reġjuni Afrikani, tal-Karibew u tal-Paċifiku, min-naħa l-oħra, sa fejn dawn jaqgħu taħt il-kompetenzi tal-Istati Membri
IR-RAPPREŻENTANTI TAL-GVERNIJIET TAL-ISTATI MEMBRI TAL-UNJONI EWROPEA, IMLAQQGĦIN FI ĦDAN IL-KUNSILL,
Billi:
|
(1) |
Fis-17 ta’ Ġunju 2002, il-Kunsill awtorizza lill-Kummissjoni biex tinnegozja Ftehimiet ta’ Sħubija Ekonomika mal-pajjiżi u r-reġjuni Afrikani, tal-Karibew u tal-Paċifiku u adotta direttivi għal dawk in-negozjati. |
|
(2) |
Jenħtieġ li l-Kummissjoni tkun awtorizzata biex tinnegozja, f’isem l-Istati Membri, Ftehimiet ta’ Sħubija Ekonomika bejn l-Unjoni Ewropea u l-Istati Membri tagħha, minn naħa, u l-pajjiżi u r-reġjuni Afrikani, tal-Karibew u tal-Paċifiku, min-naħa l-oħra, sa fejn dawn jaqgħu taħt il-kompetenzi tal-Istati Membri, abbażi ta’ direttivi ta’ negozjar emendati, |
ADOTTAW DIN ID-DEĊIŻJONI:
Artikolu 1
1. Ir-Rappreżentanti tal-Gvernijiet tal-Istati Membri b’dan jawtorizzaw lill-Kummissjoni biex tinnegozja, f’isem l-Istati Membri, Ftehimiet ta’ Sħubija Ekonomika bejn l-Unjoni Ewropea u l-Istati Membri tagħha, minn naħa, u l-pajjiżi u r-reġjuni Afrikani, tal-Karibew u tal-Paċifiku, min-naħa l-oħra, sa fejn dawn jaqgħu taħt il-kompetenzi tal-Istati Membri.
2. Fejn applikabbli, in-negozjati għandhom jitmexxew abbażi tad-direttivi ta’ negozjar li huma stipulati fl-addendum għad-Deċiżjoni tal-Kunsill (UE) 2020/13 (1).
Artikolu 2
L-Artikolu 1 għandu jkun mingħajr preġudizzju għal deċiżjonijiet futuri tal-Istati Membri fir-rigward tad-deżinjazzjoni tar-rappreżentanti tagħhom dwar materji li jaqgħu taħt il-kompetenzi tagħhom.
Artikolu 3
In-negozjati għandhom jitmexxew f’konsultazzjoni mal-Grupp ta’ Ħidma dwar l-AKP. Il-Kumitat tal-Politika Kummerċjali għandu jiġi assoċjat fir-rigward ta’ materji speċifiċi relatati mal-kummerċ.
Artikolu 4
Din id-Deċiżjoni hija indirizzata lill-Kummissjoni.
Magħmul fi Brussell, id-19 ta’ Diċembru 2019.
Għar-rappreżentanti tal-gvernijiet tal-Istati Membri
Il-President
K. MIKKONEN
(1) Id-Deċiżjoni tal-Kunsill (UE) 2020/13 tad-19 ta’ Diċembru 2019 li temenda d-direttivi ta’ negozjar għan-negozjati ta’ Ftehimiet ta’ Sħubija Ekonomika mal-pajjiżi u r-reġjuni Afrikani, tal-Karibew u tal-Paċifiku, sa fejn dawn jaqgħu taħt il-kompetenza tal-Unjoni (Ara paġna 101 ta’ dan il-Ġurnal Uffiċjali).