(1)

Ir-Regolament (UE) 2018/1240 jistabbilixxi s-Sistema Ewropea ta’ Informazzjoni u ta’ Awtorizzazzjoni għall-Ivvjaġġar (“ETIAS”) għal ċittadini ta’ pajjiżi terzi eżentati mir-rekwiżit li jkunu fil-pussess ta’ viża għall-finijiet tad-dħul u s-soġġorn fit-territorju tal-Istati Membri.

(2)

It-tħaddim tas-Sistema Ewropea ta’ Informazzjoni u ta’ Awtorizzazzjoni għall-Ivvjaġġar jeħtieġ l-iżvilupp u l-implimentazzjoni teknika tas-Sistema ta’ Informazzjoni tal-ETIAS. Is-sistema għandha tinkludi logs li jirreġistraw l-operazzjonijiet kollha tal-ipproċessar tad-data mwettqa.

(3)

Huwa meħtieġ li jiġu stabbiliti regoli dwar iż-żamma u l-aċċess għar-reġistrazzjonijiet. Ir-reġistrazzjonijiet jenħtieġ li jintużaw biss għall-verifika tal-konformità mal-obbligi tal-ipproċessar tad-data u għall-iżgurar tal-integrità u s-sigurtà tad-data personali operazzjonali.

(4)

Fir-rigward taż-żamma tal-logs, huwa meħtieġ li jiġi speċifikat il-post li fih għandhom jinħażnu, il-mod li bih għandhom jiġu rreġistrati teknikament, inkluż meta jkunu ġejjin minn komponenti differenti tas-Sistema Ewropea ta’ Informazzjoni u ta’ Awtorizzazzjoni għall-Ivvjaġġar, kif ukoll ir-regoli applikabbli għat-tħassir tal-logs wara li jintemm il-perjodu taż-żamma tagħhom.

(5)

Fir-rigward tal-aċċess għal-logs, huwa meħtieġ li jiġu speċifikati l-awtoritajiet kompetenti inkluż, fejn xieraq, il-persuni fi ħdan tali awtoritajiet, li lilhom għandu jingħata aċċess għal-logs u għall-finijiet li għalihom jistgħu jiġu aċċessati. Sabiex jiġi żgurat li l-awtoritajiet kompetenti jkunu jistgħu jwettqu d-dmirijiet tagħhom imwettqa għall-fini ta’ monitoraġġ tal-ammissibbiltà tal-ipproċessar tad-data u għall-iżgurar tas-sigurtà u l-integrità tad-data, l-identifikazzjoni tar-reġistri jenħtieġ li tiġi ffaċilitata permezz ta’ funzjoni effettiva ta’ tiftix.

(6)

Logs li jirreġistraw l-aċċess minn persunal debitament awtorizzat tal-awtoritajiet nazzjonali ta’ kull Stat Membru u mill-persunal debitament awtorizzat tal-aġenziji tal-Unjoni għall-finijiet imsemmija fl-Artikolu 13 (4a) tar-Regolament (UE) 2018/1240 jenħtieġ li jinżammu f’konformità mar-rekwiżiti stabbiliti fl-Artikolu 24(2) u (3) tar-Regolament (UE) 2019/817.

(7)

L-Aġenzija tal-Unjoni Ewropea għat-Tmexxija Operattiva tas-Sistemi tal-IT Fuq Skala Kbira fl-Ispazju ta’ Libertà, Sigurtà u Ġustizzja (“eu-LISA”) hija responsabbli għall-fażi tad-disinn u l-iżvilupp tas-Sistema ta’ Informazzjoni tal-ETIAS. Il-miżuri stabbiliti b’din id-Deċiżjoni jenħtieġ li jippermettu lill-Aġenzija tal-Unjoni Ewropea għat-Tmexxija Operattiva tas-Sistemi tal-IT Fuq Skala Kbira fl-Ispazju ta’ Libertà, Sigurtà u Ġustizzja tiddefinixxi d-disinn tal-arkitettura fiżika tas-Sistema Ewropea ta’ Informazzjoni u ta’ Awtorizzazzjoni għall-Ivvjaġġar inkluża l-Infrastruttura ta’ Komunikazzjoni tagħha, kif ukoll l-ispeċifikazzjonijiet tekniċi tas-sistema u tiżviluppa s-Sistema Ewropea ta’ Informazzjoni u ta’ Awtorizzazzjoni għall-Ivvjaġġar. L-Aġenzija tal-Unjoni Ewropea għat-Tmexxija Operattiva tas-Sistemi tal-IT Fuq Skala Kbira fl-Ispazju ta’ Libertà, Sigurtà u Ġustizzja jenħtieġ li tlesti dawk il-miżuri permezz tal-Ispeċifikazzjonijiet Tekniċi u d-Dokument ta’ Kontroll tal-Interfaċċa tas-Sistema Ewropea ta’ Informazzjoni u ta’ Awtorizzazzjoni għall-Ivvjaġġar.

(8)

F'konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhijiex qed tieħu sehem fl-adozzjoni tar-Regolament (UE) 2018/1240 u mhijiex marbuta bih jew suġġetta għall-applikazzjoni tiegħu. Madankollu, peress li r-Regolament (UE) 2018/1240 jimxi fuq il-passi tal-acquis ta’ Schengen, fil-21 ta’ Diċembru 2018, id-Danimarka, f’konformità mal-Artikolu 4 ta’ dak il-Protokoll, innotifikat id-deċiżjoni tagħha li timplimenta r-Regolament (UE) 2018/1240 fil-liġi nazzjonali tagħha.

(9)

Din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen li fihom l-Irlanda mhix qed tieħu sehem, f'konformità mad-Deċiżjoni tal-Kunsill 2002/192/KE (2); għalhekk l-Irlanda mhix qed tieħu sehem fl-adozzjoni ta' din id-Deċiżjoni u mhix marbuta biha jew suġġetta għall-applikazzjoni tagħha.

(10)

Fir-rigward tal-Iżlanda u n-Norveġja, din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen fis-sens tal-Ftehim konkluż mill-Kunsill tal-Unjoni Ewropea u r-Repubblika tal-Iżlanda u r-Renju tan-Norveġja dwar l-assoċjazzjoni ta' dawk iż-żewġ Stati mal-implimentazzjoni, l-applikazzjoni u l-iżvilupp tal-acquis (3) ta' Schengen, li jaqgħu fil-qasam imsemmi fl-Artikolu 1, punt A, tad-Deċiżjoni tal-Kunsill 1999/437/KE (4).

(11)

Fir-rigward tal-Iżvizzera, din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen, fis-sens tal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis (5), ta' Schengen li jaqgħu fil-qasam imsemmi fl-Artikolu 1, punt A, tad-Deċiżjoni tal-Kunsill 1999/437/KE moqri flimkien mal-Artikolu 3 tad-Deċiżjoni tal-Kunsill 2008/146/KE (6).

(12)

Fir-rigward tal-Liechtenstein, din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen fis-sens tal-Protokoll bejn l-Unjoni Ewropea, il-Komunità Ewropea, il-Konfederazzjoni Żvizzera u l-Prinċipat tal-Liechtenstein dwar l-adeżjoni tal-Prinċipat tal-Liechtenstein mal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis (7) ta' Schengen, li jaqgħu fil-qasam imsemmi fl-Artikolu 1, punt A, tad-Deċiżjoni tal-Kunsill 1999/437/KE, moqri flimkien mal-Artikolu 3 tad-Deċiżjoni tal-Kunsill 2011/350/UE (8).

(13)

Fir-rigward ta’ Ċipru, il-Bulgarija, ir-Rumanija u l-Kroazja, din id-Deċiżjoni tikkostitwixxi att li jibni fuq l-acquis ta’ Schengen, jew huwa marbut mod ieħor miegħu, fit-tifsira, rispettivament, tal-Artikolu 3(1) tal-Att ta’ Adeżjoni tal-2003, l-Artikolu 4(1) tal-Att ta’ Adeżjoni tal-2005 u l-Artikolu 4(1) tal-Att ta’ Adeżjoni tal-2011.

(14)

Il-Kontrollur Ewropew għall-Protezzjoni tad-Data ġie kkonsultat skont l-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill (9) u ta l-opinjoni tiegħu fl-4 ta’ Settembru 2020.

(15)

Il-miżuri previsti f'din id-Deċiżjoni huma skont l-opinjoni tal-Kumitat għall-Fruntieri Intelliġenti (ETIAS),