(1)

L-Artikolu 3(1)(c) tat-Trattat għadda lill-Komunità Ewropea u l-Istati Membri l-inkarigu li jitneħħew l-ostakli għal-libertà tal-moviment tal-persuni u tas-servizzi. Għaċ-ċittadini ta' l-Istati Membri, il-moviment ħieles jimplika b'mod partikolari l-possibbiltà li tiġi segwita professjoni, kemm bħala persuna li taħdem għal rasha kemm bħala impjegat, fi Stat Membru ieħor għajr dak li fih ikunu kisbu l-kwalifiċi professjonali tagħhom. Barra minn hekk, l-Artikolu 47 tat-Trattat jimmira li tiġi żgurata l-libertà tal-moviment ta' professjonisti kwalifikati fil-qasam tal-professjonijiet rregolati fir-rigward tal-kwalifiċi.

(2)

Id-Direttiva tal-Parlament Ewropew u tal-Kunsill 2005/36/KE tas-7 ta' Settembru 2005 dwar ir-Rikonoxximent ta' Kwalifiki Professjonali ġiet adottata biex tiżgura l-libertà tal-moviment ta' professjonisti kkwalifikati bis-sħiħ fejn l-aċċess għal professjoni huwa rregolat fir-rigward tal-kwalifiċi mill-Istat Membru (1). Dik id-Direttiva tikkonsolida ħmistax-il Direttiva eżistenti u timmira biex tissimplifika r-reġimi eżistenti ta' rikonoxximent kif ukoll biex tiffaċilita aktar l-ghoti temporanju tas-servizzi. Sabiex tiġi implimentata din id-Direttiva u biex jiġi żviluppat is-suq intern fejn il-professjonijiet huma rregolati fir-rigward tal-kwalifiċi, il-Kummissjoni jkollha l-bżonn li tirrikorri għall-għarfien espert ta' speċjalisti f'korp konsultattiv.

(3)

Għalhekk huwa xieraq li jitwaqqaf grupp espert fil-qasam tar-rikonoxximent tal-kwalifiċi professjonali u li jiġi definit ix-xoghol u l-istruttura tiegħu.

(4)

Il-grupp espert għandu jgħin fl-iżvilupp tas-suq intern fil-qasam tal-professjonijiet regolati fir-rigward tal-kwalifiċi.

(5)

Il-grupp ta' koordinaturi għar-rikonoxximent tal-kwalifiċi professjonali għandu jkun magħmul mill-koordinaturi nazzjonali magħżula mill-Istati Membri skond id-Direttiva 2005/36/KE. Skond dik id-Direttiva, il-funzjoni ta' dawn il-koordinaturi hija li jippromwovu l-applikazzjoni uniformi tad-Direttiva msemmija u li jiġbru l-informazzjoni kollha li hija relevanti għall-applikazzjoni tagħha.

(6)

Ir-regoli dwar l-iżvelar ta' l-informazzjoni mill-membri tal-grupp għandhom jiġu pprovduti, mingħajr preġudizzju għar-regoli tal-Kummissjoni dwar is-sigurtà kif stabbiliti fl-Anness għad-Deċiżjoni tal-Kummissjoni 2001/844/KE, ECSC, Euratom (2).

(7)

L-informazzjoni personali kollha relatata mal-membri tal-grupp għandha tiġi pproċessata b'konformità mar-Regolament tal-Parlament Ewropew u tal-Kunsill (KE) Nru 45/2001 tat-18 ta' Diċembru 2000 dwar il-protezzjoni ta' individwi b'rigward ta' l-ipproċessar ta' informazzjoni personali mill-istituzzjonijiet Europej u l-korpi u dwar il-moviment ħieles ta' din il-informazzjoni (3),

(a)

li jistabbilixxi kooperazzjoni bejn l-awtoritajiet ta' l-Istati Membri u l-Kummissjoni dwar kwistjonijiet marbuta mar-rikonoxximent tal-kwalifiċi professjonali;

(b)

li jissorvelja l-evoluzzjoni tal-politiki li jkollhom impatt fuq il-professjonijiet regolati fir-rigward tal-kwalifiċi;

(c)

li jiffaċilita l-implimentazzjoni tad-Direttiva 2005/36/KE, partikolarment permezz ta' l-elaborazzjoni tad-dokumenti ta' interess, bħal linji ta' gwida ta' l-interpretazzjoni;

(d)

li joħloq skambju ta' esperjenza u prassi tajba fl-oqsma msemmija fil-punti preċedenti.