(1)

I gcomhréir le hAirteagal 14 de Threoir 2013/53/AE ó Pharlaimint na hEorpa agus ón gComhairle (2), maidir le táirgí atá i gcomhréir le caighdeáin chomhchuibhithe, nó codanna díobh, a bhfoilsítear tagairtí dóibh in Iris Oifigiúil an Aontais Eorpaigh, toimhdítear iad a bheith i gcomhréir leis na ceanglais dá gcumhdaítear leis na caighdeáin sin nó na codanna díobh a leagtar amach in Airteagal 4(1) de Threoir 2013/53/AE agus in Iarscríbhinn I a ghabhann leis an Treoir sin.

(2)

Le Cinneadh Cur Chun Feidhme C(2015) 8736 ón gCoimisiún (3), rinne an Coimisiún iarraidh ar an gCoiste Eorpach um Chaighdeánú (CEN) agus ar Choiste Eorpach na gCaighdeán Leictriteicniúil (Cenelec) maidir le caighdeáin chomhchuibhithe a dhréachtú agus a athbhreithniú lena dtacaítear le Treoir 2013/53/AE lena dtugtar aghaidh ar bhunriachtanais níos déine a leagtar amach in Airteagal 4(1) de Threoir 2013/53/AE agus in Iarscríbhinn I a ghabhann leis an Treoir sin, i gcomparáid le Treoir 94/25/CE ó Pharlaimint na hEorpa agus ón gComhairle (4) a aisghaireadh.

(3)

Le Cinneadh Cur Chun Feidhme C(2015) 8736 iarradh ar an gCoiste Eorpach um Chaighdeánú agus ar Choiste Eorpach na gCaighdeán Leictriteicniúil caighdeáin a athbhreithniú, a bhfoilsíodh tagairtí dóibh le Teachtaireacht 2015/C 087/01 ón gCoimisiún (5).

(4)

Ar bhonn na hiarrata a leagtar amach i gCinneadh Cur Chun Feidhme C(2015) 8736, rinne an Coiste Eorpach um Chaighdeánú caighdeán EN ISO 11105:2017 a athbhreithniú, a bhfoilsíodh tagairt dó i dTeachtaireacht 2018/C 209/05 ón gCoimisiún (6). Mar thoradh air sin glacadh caighdeán comhchuibhithe EN ISO 11105:2020 Árthaí beaga - Aeráil urranna innill peitril agus/nó umair peitril.

(5)

I gcomhar leis an gCoiste Eorpach um Chaighdeánú, rinne an Coimisiún a mheasúnú an gcomhlíonann caighdeán comhchuibhithe EN ISO 11105:2020, arna dhréachtú ag an gCoiste Eorpach um Chaighdeánú, leis an iarraidh a leagtar amach i gCinneadh Cur Chun Feidhme C(2015) 8736.

(6)

Leagtar amach i gCaighdeán EN ISO 11105:2020 na ceanglais suiteála maidir le haeráil urranna innill peitril agus umair peitril in árthaí áineasa ag a bhfuil innill pheitril lena dtiomáint, leictreachas a ghiniúint nó le haghaidh cumhacht mheicniúil, chun carnadh gás pléascach sna hurranna sin a chosc.

(7)

Comhlíonann caighdeán EN ISO 11105:2020 na buncheanglais arb é is aidhm dó iad a chumhdach, ceanglais a leagtar amach in Airteagal 4(1) de Threoir 2013/53/AE, agus i bpointe 5.1.2 agus i bpointe 5.2.2 de Pháirt A d’Iarscríbhinn I a ghabhann leis an Treoir sin chomh maith. Is iomchuí dá réir sin an tagairt don chaighdeán sin a fhoilsiú in Iris Oifigiúil an Aontais Eorpaigh.

(8)

Tá caighdeán EN ISO 11105:2020 le cur in ionad chaighdeán EN ISO 11105:2017. Is gá dá bhrí sin an tagairt do chaighdeán comhchuibhithe EN ISO 11105:2017 a aistarraingt siar de Shraith C d’Iris Oifigiúil an Aontais Eorpaigh.

(9)

Chun go dtabharfaí go leor ama do mhonaróirí ullmhú le haghaidh caighdeán EN ISO 11105:2020 a chur i bhfeidhm, is gá aistarraingt na tagartha do chaighdeán EN ISO 11105:2017 a chur siar.

(10)

Tá caighdeán EN ISO 11105:2020 le cur in ionad chaighdeán EN ISO 9097:2017 Árthaí beaga - Gaothráin leictreacha, a bhfoilsítear an tagairt dó i dTeachtaireacht 2018/C 209/05. Le caighdeán EN ISO 9097:2017 déantar tagairt do na ceanglais ghinearálta maidir le gaothráin leictreacha nuair a shuiteáiltear iad ar árthaí áineasa. Is gá dá bhrí sin an tagairt do chaighdeán comhchuibhithe EN ISO 9097:2017 a aistarraingt siar de Shraith C d’Iris Oifigiúil an Aontais Eorpaigh.

(11)

In Iarscríbhinn I a ghabhann le Cinneadh Cur Chun Feidhme (AE) 2019/919 ón gCoimisiún (7) liostaítear na tagairtí do chaighdeáin chomhchuibhithe lena dtoimhdítear iad a bheith i gcomhréir le Treoir 2013/53/AE. Ba cheart an tagairt do chaighdeán comhchuibhithe EN ISO 11105:2020 a áireamh in Iarscríbhinn I a ghabhann leis an gCinneadh Cur Chun Feidhme sin.

(12)

In Iarscríbhinn II a ghabhann le Cinneadh Cur Chun Feidhme (AE) 2019/919 liostaítear tagairtí na gcaighdeán comhchuibhithe arna ndréachtú chun tacú le Treoir 2013/53/AE a aistarraingítear ó Iris Oifigiúil an Aontais Eorpaigh. Ba cheart an tagairt do chaighdeáin chomhchuibhithe EN ISO 11105:2017 agus EN ISO 9097:2017 a áireamh in Iarscríbhinn II a ghabhann leis an gCinneadh Cur Chun Feidhme sin.

(13)

Ba cheart Cinneadh Cur Chun Feidhme (AE) 2019/919 a leasú dá réir sin.

(14)

Fágann comhlíontacht caighdeáin comhchuibhithe go dtoimhdítear comhréireacht le ceanglais bhunriachtanacha chomhfhreagracha a leagtar amach i reachtaíocht chomhchuibhithe an Aontais ó dháta foilsithe na tagartha den chaighdeán sin in Iris Oifigiúil an Aontais Eorpaigh. Ba cheart, dá bhrí sin, don Chinneadh a theacht i bhfeidhm ar lá a fhoilsithe,

(1)

Leasaítear Iarscríbhinn I i gcomhréir le hIarscríbhinn I a ghabhann leis an gCinneadh seo;

(2)

Leasaítear Iarscríbhinn II i gcomhréir le hIarscríbhinn II a ghabhann leis an gCinneadh seo.