|
14.3.2022 |
GA |
Iris Oifigiúil an Aontais Eorpaigh |
L 85/1 |
RIALACHÁN CUR CHUN FEIDHME (AE) 2022/413 ÓN gCOIMISIÚN
an 10 Márta 2022
lena leasaítear den 330ú huair Rialachán (CE) Uimh. 881/2002 ón gComhairle lena bhforchuirtear bearta sriantacha sonracha áirithe atá dírithe i gcoinne daoine agus eintitis áirithe atá bainteach leis na heagraíochtaí SIIS (Da'esh) agus Al-Qaida
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 881/2002 ón gComhairle an 27 Bealtaine 2002 lena bhforchuirtear bearta sriantacha sonracha áirithe atá dírithe i gcoinne daoine agus eintitis áirithe atá bainteach leis na heagraíochtaí SIIL (Da'esh) agus Al-Qaida (1), agus go háirithe Airteagal 7(1)(a) agus Airteagal 7a(1) de,
De bharr an mhéid seo a leanas:
|
(1) |
Le hIarscríbhinn I a ghabhann le Rialachán (CE) Uimh. 881/2002 liostaítear na daoine, na grúpaí agus na heintitis arna gcumhdach ag reo na gcistí agus na n-acmhainní eacnamaíocha faoin Rialachán sin. |
|
(2) |
An 7 Márta 2022, chinn Coiste Smachtbhannaí Chomhairle Slándála na Náisiún Aontaithe iontráil a chur le liosta na ndaoine, na ngrúpaí agus na n-eintiteas ar cheart feidhm a bheith ag reo cistí agus acmhainní eacnamaíocha maidir leo. |
|
(3) |
Ba cheart, dá bhrí sin, Iarscríbhinn I a ghabhann le Rialachán (CE) Uimh. 881/2002 a leasú dá réir. |
|
(4) |
Chun a áirithiú go mbeidh na bearta dá bhforáiltear sa Rialachán seo éifeachtach, ba cheart é a theacht i bhfeidhm láithreach, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn I a ghabhann le Rialachán (CE) Uimh. 881/2002 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 10 Márta 2022.
Thar ceann an Choimisiúin
Thar ceann an Uachtaráin
An tArd-Stiúrthóir
An Ard-Stiúrthóireacht um Chobhsaíocht Airgeadais, Seirbhísí Airgeadais agus Aontas na Margaí Caipitil
IARSCRÍBHINN
In Iarscríbhinn I le Rialachán (CE) Uimh. 881/2002, faoin gceannteideal “Daoine dlítheanacha, grúpaí agus eintitis”, cuirtear isteach an iontráil seo a leanas:
“KHATIBA AL-TAWHID WAL-JIHAD (KTJ), (script bhunaidh: Катиба ат-Таухид валь-Джихад); Dá ngairtear, freisin: a) JANNAT OSHIKLARI; b) Jama`at al-Tawhid wal-Jihad ; Dá ngairtí, tráth: a) JANNAT OSHIKLARI; Seoladh: Níl le fáil. Faisnéis eile: Eagraíocht sceimhlitheoireachta is ea Khatiba al-Tawhid (dá ngairtí Jannat Oshiklari tráth), a dhéanann a cuid oibríochta faoi scáth na heagraíochta idirnáisiúnta sceimhlitheoireachta Fronta Al-Nusrah le haghaidh Phobal na Leiveainte. Is i gcúigí Hama, Idlib agus Ladhiqiyah, i bPoblacht Arabach na Siria, a dhéanann an grúpa chuid oibríochta, go príomha, agus cuireann sé oibríochtaí á ndéanamh freisin sa Tuirc, sa Chirgeastáin, san Úisbéiceastáin, i gCónaidhm na Rúise, an Táidsíceastáin, an Chasacstáin, san Éigipt, san Afganastáin, agus san Úcráin. Cúig chéad trodaí, nó faoin tuairim sin, atá in KTJ. Lena chois sin, téann KTJ i gcomhar le heagraíochtaí sceimhlitheoireachta amhail Khatiba Imam al-Bukhari agus an Grúpa Jiohád Ioslamaigh. Dáta an ainmniúcháin dá dtagraítear in Airteagal 7d(2)(i): 7.3.2022.”