(1)

Is galar víreasach tógálach é an bholgach caorach agus an bholgach gabhar a bhíonn ar ainmhithe den chineál gabhair agus den chineál caorach agus d’fhéadfadh tionchar tromchúiseach a bheith aige ar an daonra ainmhithe lena mbaineann agus ar bhrabúsacht na feirmeoireachta, rud a chuirfeadh isteach ar ghluaiseachtaí choinsíneachtaí na n-ainmhithe sin agus a dtáirgí laistigh den Aontas agus ar onnmhairí go tríú tíortha.

(2)

I gcás ráig den bholgach caorach agus den bholgach gabhar in ainmhithe den chineál gabhair nó den chineál caorach, tá riosca tromchúiseach ann go leathfadh an galar sin go bunaíochtaí eile ainmhithe den chineál gabhair nó den chineál caorach.

(3)

Le Rialachán Tarmligthe 2020/687 ón gCoimisiún (2) forlíontar na rialacha maidir le rialú na ngalar liostaithe dá dtagraítear in Airteagal 9(1), pointí (a), (b) agus (c), de Rialachán (AE) 2016/429, agus a shainmhínítear mar ghalair de chatagóirí A, B agus C i Rialachán Cur Chun Feidhme (AE) 2018/1882 ón gCoimisiún (3). Go háirithe, foráiltear le hAirteagail 21 agus 22 de Rialachán Tarmligthe (AE) 2020/687 maidir le crios srianta a bhunú i gcás ráig de ghalar de chatagóir A, lena n-áirítear an bholgach caorach agus an bholgach gabhar, agus maidir le bearta áirithe a bheidh le cur i bhfeidhm ann. Ina theannta sin, foráiltear le hAirteagal 21(1) den Rialachán Tarmligthe sin go gcuimseofar leis an gcrios srianta crios cosanta, crios faireachais, agus, más gá, crios srianta breise timpeall na gcriosanna cosanta agus faireachais nó cóngarach dóibh.

(4)

Chun aghaidh a thabhairt ar ráigeanna den bholgach caorach agus den bholgach gabhar sa Bhulgáir, ghlac an Coimisiún Cinneadh Cur Chun Feidhme (AE) 2024/2778 (4) ar bhonn Airteagal 259 (2) de Rialachán (AE) 2016/429. Go dtí an 21 Samhain 2024, leagadh síos leis an gCinneadh seo bearta éigeandála eatramhacha áirithe a bhaineann le hionfhabhtú leis an mbolgach caorach agus leis an mbolgach gabhar sa Bhulgáir.

(5)

Tar éis ghlacadh Chinneadh Cur Chun Feidhme (AE) 2024/2778, thug an Bhulgáir fógra don Choimisiún faoi ráig bhreise den bholgach caorach agus den bholgach gabhar i mbunaíocht ina raibh ainmhithe den chineál caorach agus den chineál gabhair ar coimeád. Mar thoradh air sin, an 19 Samhain, le Cinneadh Cur Chun Feidhme (AE) 2024/2918 ón gCoimisiún (5) rinneadh Cinneadh Cur Chun Feidhme (AE) 2024/2778 a aisghairm agus Cinneadh Cur Chun Feidhme (AE) 2024/2918 ón gCoimisiún a chur ina ionad le héifeacht ón 22 Samhain 2024. Thairis sin, déantar foráil le Cinneadh Cur Chun Feidhme (AE) 2024/2918 maidir leis na criosanna cosanta, na criosanna faireachais agus na criosanna srianta breise atá le bunú ag an mBulgáir, i gcomhréir le Rialachán Tarmligthe (AE) 2020/687, mar fhreagairt ar na ráigeanna is déanaí den bholgach caorach agus den bholgach gabhar sa Bhulgáir, go gcuimseoidh na criosanna sin ar a laghad na limistéir a liostaítear san Iarscríbhinn a ghabhann leis an gCinneadh Cur Chun Feidhme sin.

(6)

Rinneadh an Iarscríbhinn a ghabhann le Cinneadh Cur Chun Feidhme (AE) 2024/2918 a leasú a thuilleadh le Cinntí Cur Chun Feidhme (AE) 2024/3111 ón gCoimisiún (6) an 6 Nollaig 2024 agus (AE) 2024/3232 (7) an 19 Nollaig 2024 mar fhreagairt ar ráigeanna breise den bholgach caorach agus den bholgach gabhar i mbunaíochtaí ina gcoimeádtar ainmhithe den chineál caorach agus den chineál gabhair sa Bhulgáir.

(7)

Ó glacadh Chinneadh Cur Chun Feidhme (AE) 2024/3232, thug an Bhulgáir fógra don Choimisiún arís faoi ráigeanna bhreise den bholgach caorach agus den bholgach gabhar i mbunaíochtaí ina coimeádtar ainmhithe den chineál caorach agus den chineál gabhair, bunaíochtaí atá lonnaithe sna réigiúin Sliven agus Kurdzhali.

(8)

Rinne an Bhulgáir na bearta rialaithe galar is gá i gcomhréir le Rialachán Tarmligthe (AE) 2020/687, lena n-áirítear bunú criosanna cosanta agus faireachais timpeall ar na ráigeanna sin.

(9)

Chun aon suaitheadh nach bhfuil gá leis ar thrádáil laistigh den Aontas a chosc agus chun nach bhforchuirfidh tríú tíortha bacainní gan údar ar thrádáil, is gá tuairisc a thabhairt go mear ar leibhéal an Aontais, i gcomhar leis an mBulgáir, ar na criosanna cosanta, agus faireachais agus ar na criosanna srianta breise agus iad a choigeartú ó thaobh spáis agus ama de, criosanna arna mbunú go cuí ag an mBallstát sin i gcomhréir le Rialachán Tarmligthe (AE) 2020/687. Cuirtear caighdeáin idirnáisiúnta an Chóid um Shláinte na nAinmhithe Talún ón Eagraíocht Dhomhanda um Shláinte Ainmhithe (WOAH (8)) san áireamh freisin agus fad na mbeart sin á chinneadh. Sa staid eipidéimeolaíoch atá ann faoi láthair, tá riosca ard ann go leathfaidh an galar a thuilleadh ós rud é gur tharla ráig nua den bholgach caorach agus den bholgach gabhar, agus gur deimhníodh an chéad ráig i réigiún Kurdzhali an 18 Nollaig 2024. Tugann sé sin le fios go bhfuil an galar fós ann agus ag leathadh thar achair fhada, d’ainneoin na mbeart atá i bhfeidhm cheana.

(10)

Dá bhrí sin, na limistéir a liostaítear mar chriosanna cosanta, criosanna faireachais agus criosanna srianta breise sa Bhulgáir san Iarscríbhinn a ghabhann le Cinneadh Cur Chun Feidhme (AE) 2024/2918 chomh maith le ré na mbeart is infheidhme ann, ba cheart iad a leasú agus a thabhairt cothrom le dáta, agus na ráigeanna is déanaí á gcur san áireamh chomh maith leis na breithnithe uile a luaitear in aithris 9.

(11)

Dá bhrí sin, ba cheart Cinneadh Cur Chun Feidhme (AE) 2024/2918 a leasú dá réir.

(12)

I bhfianaise phráinn na staide eipidéimeolaíche san Aontas a mhéid a bhaineann le leathadh na bolgaí caorach agus na bolgaí gabhar, tá sé tábhachtach go dtiocfaidh na leasuithe atá le déanamh ar Chinneadh Cur Chun Feidhme (AE) 2024/2918 leis an gCinneadh seo i bhfeidhm a luaithe is féidir.

(13)

Agus aird á tabhairt ar an staid eipidéimeolaíoch atá ann faoi láthair san Aontas a mhéid a bhaineann leis an mbolgach caorach agus leis an mbolgach gabhar, an tréimhse ar lena linn a mbeidh gá le feidhm a bheith ag na bearta dá bhforáiltear le Cinneadh Cur Chun Feidhme (AE) 2024/2918, ba cheart í a fhadú go dtí an 31 Márta 2025.

(14)

Tá na bearta dá bhforáiltear sa Chinneadh seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha.

1.

in Airteagal 4, cuirtear ‘31 Márta 2025’ in ionad an dáta ‘01 Márta 2025’;

2.

cuirtear an téacs a leagtar amach san Iarscríbhinn a ghabhann leis an gCinneadh seo in ionad na hIarscríbhinne.