|
Iris Oifigiúil |
GA Sraith L |
|
2026/1731 |
22.7.2026 |
RIALACHÁN CUR CHUN FEIDHME (AE) 2026/1731 ÓN gCOIMISIÚN
an 15 Iúil 2026
lena leasaítear Rialacháin Cur Chun Feidhme (AE) 2024/2977, (AE) 2024/2979, (AE) 2024/2980 agus (AE) 2024/2982 a mhéid a bhaineann leis na caighdeáin agus na sonraíochtaí is infheidhme
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 910/2014 ó Pharlaimint na hEorpa agus ón gComhairle an 23 Iúil 2014 maidir le ríomh-shainaitheantas agus seirbhísí iontaoibhe le haghaidh ríomh-idirbheart sa mhargadh inmheánach agus lena n-aisghairtear Treoir 1999/93/CE (1), agus go háirithe Airteagal 5a(23) de,
De bharr an mhéid seo a leanas:
|
(1) |
Chun an leibhéal comhchuibhithe is airde a áirithiú i measc na mBallstát maidir le forbairt Tiachóg Eorpach Céannachta Digití, beidh na sonraíochtaí teicniúla le haghaidh na dtiachóg ag brath ar an obair a rinneadh ar bhonn Mholadh (AE) 2021/946 ón gCoimisiún (2) agus go háirithe an creat ailtireachta agus tagartha. Ós rud é go bhfuil forbairt mhór tagtha ar an gcreat ailtireachta agus tagartha ó Rialacháin Cur Chun Feidhme (AE) 2024/2977 (3), (AE) 2024/2979 (4), (AE) 2024/2980 (5), agus (AE) 2024/2982 (6) ón gCoimisiún, ba cheart na Rialacháin Cur Chun Feidhme sin a leasú anois chun iad a ailíniú le caighdeáin, sonraíochtaí agus nósanna imeachta nua. I gcomhréir le cuspóirí Rialachán (AE) Uimh. 910/2014, roghnaíodh roinnt caighdeán chun na ceanglais shonracha sin a chomhlíonadh. Ba cheart na caighdeáin sin a bheith ina léiriú ar chleachtais sheanbhunaithe agus ba cheart iad a aithint go forleathan laistigh de na hearnálacha ábhartha. Mar shampla, ós rud é go n-úsáidtear formáid W3C VCDM mar fhormáid tagartha le haghaidh dearbhuithe go háirithe san earnáil oideachais, leis na Tiachóga Eorpacha Céannachta Digití ba cheart tacú leis an bhformáid sin freisin nuair a bheidh na próifílí nua ar fhormáid VCDM W3C ar fáil. I gcás inar gá, ba cheart na caighdeáin sin a oiriúnú nó a chomhlánú chun slándáil agus iontaofacht Tiachóg Eorpach Céannachta Digití a áirithiú, agus idir-inoibritheacht trasteorann agus feidhmiú éifeachtach an mhargaidh inmheánaigh á n-éascú an tráth céanna. |
|
(2) |
Chun aon úsáid a bhaint as an tiachóg lena gceanglaítear portráid an úsáideora tiachóige a chur i láthair, ní mór do na réitigh tiachóige tacú le feidhmiúlacht an nochta roghnaithigh agus ní mór an nochtadh a bheith faoi rialú iomlán an úsáideora. Chun cosaint a thabhairt don chumas cinneadh a dhéanamh maidir le nochtadh, agus chun cosaint a thabhairt don phortráid ar iarraidh neamhbheartaithe nó neamhúdaraithe ar nochtadh, ba cheart foráil a dhéanamh le dearadh ailtireachta na dTiachóg Eorpach Céannachta Digití maidir le sásraí rabhaidh agus maidir le gach idirbheart a bhaineann le húsáid na portráide a logáil. Chun a áirithiú go bhfuil an t-úsáideoir tiachóige ar an eolas faoi shonraí bithmhéadracha a chomhroinnt, ba cheart a léiriú leis na rabhaidh go mbíonn comhroinnt sonraí bithmhéadracha i gceist leis an iarraidh agus go gceanglaítear go sonrach ar an úsáideoir an nochtadh a dheimhniú. I gcás ina bpróiseálann páirtí is úsáideoir an phortráid chun duine nádúrtha a shainaithint go huathúil nó chun céannacht mhaíte an duine sin a dheimhniú, tá feidhm ag Airteagail 6 agus 9 de Rialachán (AE) 2016/679 ó Pharlaimint na hEorpa agus ón gComhairle (7) chomh maith le gach ceanglas eile den Rialachán sin, lena n-áirítear an ceanglas gur cheart an phróiseáil a dhéanann na páirtithe is úsáideoirí ar an bportráid a bheith teoranta don mhéid is gá don úsáid atá beartaithe. Ba cheart an úsáid atá beartaithe a chur in iúl don úsáideoir tiachóige, in éineacht leis an iarraidh ar nochtadh, i dteanga shoiléir intuigthe. Chun íogaireacht na sonraí bithmhéadracha a mheas go cuí, ba cheart don úsáideoir tiachóige nochtadh na portráide a dheimhniú go sainráite agus go sonrach. Mura gcuirtear tic sna boscaí nó má chuirtear tic iontu roimh ré, níor cheart é sin a mheas mar dheimhniú ón úsáideoir tiachóige. Ba cheart deimhniú sainráite an úsáideora tiachóige a bheith ina choimirce theicniúil agus níor cheart é a bheith ina fhoras dlíthiúil le haghaidh próiseála. Mar a leagtar amach i mír 4 d’Airteagal 9 de Rialachán (AE) 2016/679, féadfaidh na Ballstáit coinníollacha breise a choinneáil ar bun nó a thabhairt isteach, lena n-áirítear teorainneacha, maidir le próiseáil sonraí géiniteacha, sonraí bithmhéadracha nó sonraí a bhaineann leis an tsláinte. |
|
(3) |
Chun a ndóthain ama a thabhairt do na Ballstáit a nósanna imeachta náisiúnta a oiriúnú, ní fhéadfaidh portráid an úsáideora tiachóige a bheith ina cuid de na sonraí sainaitheantais duine sainordaitheacha maidir leis an duine nádúrtha ach amháin ón 11 Lúnasa 2028. I gcás ina bhfaightear na híomhánna sin ó dhoiciméid aitheantais atá ann cheana, amhail cártaí aitheantais nó pasanna, tá feidhm ag na ceanglais ábhartha a leagtar síos i Rialachán (AE) 2025/1208 (8) nó i Rialachán (CE) Uimh. 2252/2004 (9) ón gComhairle faoi seach. |
|
(4) |
Ceanglaítear le Rialachán (AE) Uimh. 910/2014 go bhfuil tiachóga in ann Trustmharc na Tiachóige Eorpaí Céannachta Digití a thaispeáint, mar léiriú infhíoraithe, simplí agus inaitheanta gur soláthraíodh tiachóg i gcomhréir leis an Rialachán. Tacóidh úsáid Trustmhairc den sórt sin le feidhmiú éifeachtach an mhargaidh inmheánaigh, ráthóidh sí iomaíocht chóir agus cosnóidh sí leasanna tomhaltóirí. Chun gur féidir Trustmharc den sórt sin a úsáid, ba cheart saintréithe amhairc agus teicniúla an Trustmhairc a bhunú. |
|
(5) |
Mar a leagtar amach in Airteagal 12b de Rialachán (AE) Uimh. 910/2014, ceadóidh geatóirí do sholáthraithe na dTiachóg Eorpach Céannachta Digití agus d’eisitheoirí modhanna ríomh-shainaitheantais ar tugadh fógra fúthu idir-inoibritheacht éifeachtach a bheith acu leis an gcóras oibriúcháin céanna nó leis na gnéithe crua-earraí nó bogearraí céanna agus, chun críoch idir-inoibritheachta, rochtain a bheith acu orthu. Tá an idir-inoibritheacht éifeachtach agus an rochtain sin le soláthar saor in aisce agus gan beann ar cé acu atá nó nach bhfuil na gnéithe crua-earraí nó bogearraí sin ina gcuid den chóras oibriúcháin, cé acu atá nó nach bhfuil siad ar fáil don gheatóir sin nó cé acu atá nó nach bhfuil siad á n-úsáid ag an ngeatóir sin agus na seirbhísí sin á soláthar aige. Ós rud é gur cheart do gach réiteach tiachóige tacú le tacar coiteann prótacal agus comhéadan chun inúsáidteacht, slándáil agus idir-inoibritheacht a áirithiú ar fud na mBallstát, ba cheart do gheatóirí an córas oibriúcháin nó na gnéithe crua-earraí nó bogearraí a chumasú a bhfuil gá leo chun na prótacail agus na comhéadain a leagtar amach in Iarscríbhinn XII a ghabhann leis an Rialachán seo a chur chun feidhme. Sa chomhthéacs sin, i sreafaí trasghairis ar líne, i gcás na seiceála gaireachta fisicí agus an aistrithe sonraí idir an dá ghaireas araon, ba cheart do gheatóirí tús áite a thabhairt do chainéal cumarsáide áitiúil arna chumasú ag leagan 2.3 de shonraíocht an Phrótacail ‘Cliant go Fíordheimhnitheoir’ (CTAP) (10) seachas seirbhísí tolláin hibridigh CTAP a úsáid. |
|
(6) |
Chun a ndóthain ama a thabhairt do na Ballstáit, do sholáthraithe deimhnithe clárúcháin páirtí is úsáideoir tiachóige agus do sholáthraithe tiachóg chun é a chur ar a gcumas d’aonaid tiachóige deimhnithe clárúcháin páirtí is úsáideoir tiachóige a fhíordheimhniú agus a bhailíochtú, níor cheart feidhm a bheith ag an gceanglas sin ach amháin ón 11 Lúnasa 2028. |
|
(7) |
Tá feidhm ag Rialachán (AE) 2016/679 ó Pharlaimint na hEorpa agus ón gComhairle, agus, i gcás inarb ábhartha, ag Treoir 2002/58/CE ó Pharlaimint na hEorpa agus ón gComhairle (11) maidir leis na gníomhaíochtaí próiseála sonraí pearsanta uile faoin Rialachán seo. |
|
(8) |
Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (12) agus thug sé tuairim uaidh an 17 Aibreán 2026 (13). |
|
(9) |
Tá na bearta dá bhforáiltear sa Rialachán seo i gcomhréir le tuairim an choiste a bunaíodh le hAirteagal 48 de Rialachán (AE) Uimh. 910/2014, |
TAR ÉIS AN RIALACHÁN SEO A GHLACADH:
Airteagal 1
Leasuithe ar Rialachán Cur Chun Feidhme (AE) 2024/2977
Leasaítear Rialachán Cur Chun Feidhme (AE) 2024/2977 mar a leanas:
|
(1) |
cuirtear isteach an tAirteagal 3a seo a leanas: ‘Airteagal 3a An phortráid a chosaint 1. I dteannta na gceanglas faisnéise de bhun Rialachán (AE) 2016/679, áiritheoidh soláthraithe tiachóg go n-eiseofar leis na réitigh tiachóige a sholáthraíonn siad rabhaidh d’úsáideoirí tiachóige i gcás ina n-iarrfaidh páirtithe is úsáideoirí tiachóige go nochtfar an phortráid, lena léireofar go mbíonn comhroinnt sonraí bithmhéadracha i gceist leis an iarraidh agus go n-éilítear léi nochtadh roghnaitheach na portráide a dheimhniú. 2. Chun nochtadh roghnaitheach na portráide do pháirtí is úsáideoir tiachóige a chur chun feidhme, áiritheoidh na soláthraithe tiachóg go gceanglóidh na réitigh tiachóige ar an úsáideoir tiachóige cur i láthair na portráide a dheimhniú go sainráite agus go sonrach. 3. Ní choinneoidh páirtithe is úsáideoirí tiachóige an phortráid ach amháin más gá próiseáil a dhéanamh uirthi chun críoch sainaitheanta agus fíordheimhnithe i gcomhréir le dlí an Aontais maidir le cosaint sonraí nó i gcás ina ndéantar foráil maidir leis sin le dlí an Aontais nó leis an dlí náisiúnta, i gcomhréir le dlí an Aontais maidir le cosaint sonraí. Ní aistreofar an phortráid chuig tríú tíortha ná chuig eagraíochtaí idirnáisiúnta ach amháin má cheadaítear sin le dlí an Aontais maidir le cosaint sonraí.’ |
|
(2) |
in Airteagal 4, cuirtear an méid seo a leanas in ionad mhír 1: ‘1. Comhlíonfaidh ríomhdhearbhuithe tréithe arna n-eisiúint d’aonaid tiachóige ceann amháin ar a laghad de na caighdeáin a leagtar amach in Iarscríbhinn II a ghabhann le Rialachán Cur Chun Feidhme (AE) 2024/2979.’ |
|
(3) |
In Airteagal 5, cuirtear an méid seo a leanas in ionad mhír 4, pointe (b):
|
|
(4) |
cuirtear an téacs a leagtar amach in Iarscríbhinn I a ghabhann leis an Rialachán seo in ionad na hIarscríbhinne. |
Airteagal 2
Leasuithe ar Rialachán Cur Chun Feidhme (AE) 2024/2979
Leasaítear Rialachán Cur Chun Feidhme (AE) 2024/2979 mar a leanas:
|
(1) |
in Airteagal 3, scriostar mír 2; |
|
(2) |
in Airteagal 5, cuirtear an méid seo a leanas in ionad mhír 1, pointe (a):
|
|
(3) |
cuirtear isteach an tAirteagal 5a seo a leanas: ‘Airteagal 5a Sásraí cripteagrafacha Chun críocha mhír 2 d’Airteagal 4, ní úsáidfidh soláthraithe tiachóg ach na sásraí cripteagrafacha dá dtagraítear in Iarscríbhinn Ia.’ |
|
(4) |
leasaítear Airteagal 6 mar a leanas:
|
|
(5) |
in Airteagal 9, cuirtear an méid seo a leanas in ionad mhír 2, pointe (b):
|
|
(6) |
in Airteagal 10, cuirtear an méid seo a leanas in ionad mhír 1: ‘1. Áiritheoidh soláthraithe tiachóg gur féidir leis na haonaid tiachóige a sholáthraíonn siad ríomhdhearbhuithe tréithe arna n-eisiúint i gcomhréir leis na sonraíochtaí teicniúla is infheidhme maidir le beartais nochta leabaithe choiteanna a leagtar amach in Iarscríbhinn III a phróiseáil.’ |
|
(7) |
leasaítear Airteagal 12 mar a leanas:
|
|
(8) |
in Airteagal 14, scriostar mír 1; |
|
(9) |
cuirtear isteach an tAirteagal 14a seo a leanas: ‘Airteagal 14a Trustmharc na Tiachóige Eorpaí Céannachta Digití 1. Áiritheoidh soláthraithe tiachóg go dtaispeánfaidh aonaid tiachóige Trustmharc na Tiachóige Eorpaí Céannachta Digití. Beidh Trustmharc na Tiachóige Eorpaí Céannachta Digití san fhoirm a leagtar amach in Iarscríbhinní VI agus VII. 2. Áiritheoidh soláthraithe tiachóg go gcuirfidh aonaid tiachóige ar a gcumas d’úsáideoirí tiachóige rochtain a fháil ar fhaisnéis lena gcuirfear ar a gcumas dóibh stádas deimhniúcháin an réitigh tiachóige a fhíorú. Chun na críche sin, áiritheoidh soláthraithe tiachóg, tar éis réiteach tiachóige a chlárú, go n-áireofar sna haonaid tiachóige chomhfhreagracha na URLanna arna soláthar ag an gCoimisiún Eorpach le haghaidh an fhíoraithe sin. Áiritheoidh soláthraithe tiachóg go mbeidh rochtain ag a n-aonaid tiachóige ar shonraí Thrustmharc na Tiachóige Eorpaí Céannachta Digití a chomhlíonann na sonraíochtaí teicniúla a leagtar amach in Iarscríbhinn VIII. 3. Is iad Pantone Uimh. 661 agus 116 dathanna tagartha Thrustmharc na Tiachóige Eorpaí Céannachta Digití, sin nó gorm (100 % cian + 67 % maigeanta + 0 % buí + 40 % dubh) agus buí (0 % cian + 20 % maigeanta + 100 % buí + 0 % dubh), i gcás ina n-úsáidtear próiseas ceithre dhath; i gcás ina n-úsáidtear dathanna RGB, gorm (0 dearg + 51 glas + 153 gorm) agus buí (255 dearg + 204 glas + 0 gorm) a bheidh sna dathanna tagartha. 4. Ní fhéadfar Trustmharc na Tiachóige Eorpaí Céannachta Digití a úsáid i ndubh agus bán mar a leagtar amach in Iarscríbhinn VII ach amháin i gcás nach bhfuil sé indéanta dath a úsáid. 5. I gcás ina n-úsáidtear Trustmharc na Tiachóige Eorpaí Céannachta Digití ar chúlra dorcha, féadfar é a úsáid i bhformáid dhiúltach agus úsáid á baint as an dath cúlra céanna. I gcás ina n-úsáidtear leagan daite de Thrustmharc na Tiachóige Eorpaí Céannachta Digití ar chúlra daite, rud a fhágann gur deacair é a fheiceáil, féadfar imlíne teormharcála timpeall Thrustmharc na Tiachóige Eorpaí Céannachta Digití a úsáid chun feabhas a chur ar an gcodarsnacht leis na dathanna cúlra. 6. Beidh íosmhéid 64 × 85 phicteilín ag 150 dpi ag Trustmharc na Tiachóige Eorpaí Céannachta Digití. 7. Áiritheoidh soláthraithe tiachóg go n-úsáidfear Trustmharc na Tiachóige Eorpaí Céannachta Digití ar bhealach lena gcumasófar léiriú soiléir ar an aonad tiachóige lena mbaineann Trustmharc na Tiachóige Eorpaí Céannachta Digití. Féadfaidh Trustmharc na Tiachóige Eorpaí Céannachta Digití a bheith bainteach le heilimintí grafacha nó téacsúla lena léirítear go soiléir an t-aonad tiachóige dá n-úsáidtear é, ar choinníoll nach n-athróidh siad a inaitheantacht mar Thrustmharc na Tiachóige Eorpaí Céannachta Digití, ná nach n-athróidh siad an nasc le liosta na dTiachóg Eorpach Céannachta Digití deimhnithe dá dtagraítear in Airteagal 5d de Rialachán (AE) Uimh. 910/2014. 8. I gcás ina mbeidh dearbhú aonaid tiachóige cúlghairthe ag soláthraithe tiachóg, áiritheoidh siad nach mbeidh Trustmharc na Tiachóige Eorpaí Céannachta Digití á thaispeáint a thuilleadh ag an aonad tiachóige comhfhreagrach.’ |
|
(10) |
cuirtear Iarscríbhinní Ia agus Ib isteach mar a leagtar amach in Iarscríbhinn II agus Iarscríbhinn III a ghabhann leis an Rialachán seo. |
|
(11) |
cuirtear Iarscríbhinn IV a ghabhann leis an Rialachán seo in ionad Iarscríbhinn II. |
|
(12) |
cuirtear Iarscríbhinn V a ghabhann leis an Rialachán seo in ionad Iarscríbhinn III. |
|
(13) |
leasaítear Iarscríbhinn IV i gcomhréir le hIarscríbhinn VI a ghabhann leis an Rialachán seo. |
|
(14) |
scriostar Iarscríbhinn V. |
|
(15) |
déantar an téacs a leagtar amach in Iarscríbhinn VII a ghabhann leis an Rialachán seo a chur isteach mar Iarscríbhinn VI. |
|
(16) |
déantar an téacs a leagtar amach in Iarscríbhinn VIII a ghabhann leis an Rialachán seo a chur isteach mar Iarscríbhinn VII. |
|
(17) |
déantar an téacs a leagtar amach in Iarscríbhinn IX a ghabhann leis an Rialachán seo a chur isteach mar Iarscríbhinn VIII. |
Airteagal 3
Leasuithe ar Rialachán Cur Chun Feidhme (AE) 2024/2980
Leasaítear Rialachán Cur Chun Feidhme (AE) 2024/2980 mar a leanas:
|
1. |
in Airteagal 5, cuirtear an méid seo a leanas in ionad mhír 2: ‘2. I gcás inarb infheidhme, déanfaidh an Coimisiún liosta a bhunú, a choinneáil ar bun agus a fhoilsiú ina dtiomsófar an fhaisnéis ar thug na Ballstáit fógra fúithi maidir le soláthraithe tiachóg, soláthraithe sonraí sainaitheantais duine, soláthraithe deimhnithe rochtana páirtí is úsáideoir tiachóige agus soláthraithe deimhnithe clárúcháin páirtí is úsáideoir tiachóige, dá dtagraítear in Iarscríbhinn II, ranna 2, 3, 4 agus 5.’ |
|
2. |
Leasaítear Iarscríbhinn II a ghabhann le Rialachán Cur Chun Feidhme (AE) 2024/2980 mar a leagtar amach in Iarscríbhinn X a ghabhann leis an Rialachán seo. |
Airteagal 4
Leasuithe ar Rialachán Cur Chun Feidhme (AE) 2024/2982
Leasaítear Rialachán Cur Chun Feidhme (AE) 2024/2982 mar a leanas:
|
(1) |
in Airteagal 1, cuirtear an méid seo a leanas in ionad mhír 2: ‘(2) tréithe sonraí sainaitheantais duine agus ríomhdhearbhuithe tréithe a chur i láthair páirtithe is úsáideoirí tiachóige;’ |
|
(2) |
leasaítear Airteagal 3 mar a leanas:
|
|
(3) |
in Airteagal 4, cuirtear an méid seo a leanas in ionad mhír 1: ‘1. Áiritheoidh soláthraithe tiachóg go dtacóidh réitigh tiachóige leis na prótacail agus na comhéadain a leagtar amach in Iarscríbhinn I chun sonraí sainaitheantais duine agus ríomhdhearbhuithe tréithe a eisiúint d’aonaid tiachóige.’ |
|
(4) |
leasaítear Airteagal 5 mar a leanas:
|
|
(5) |
cuirtear an méid seo a leanas in ionad Airteagal 8: ‘Airteagal 8 Teacht i bhfeidhm Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh. Beidh feidhm ag Airteagal 3(4) ón 11 Lúnasa 2028. Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.’ |
|
(6) |
scriostar an Iarscríbhinn. |
|
(7) |
déantar an téacs a leagtar amach in Iarscríbhinn XI a ghabhann leis an Rialachán seo a chur isteach mar Iarscríbhinn I. |
|
(8) |
déantar an téacs a leagtar amach in Iarscríbhinn XII a ghabhann leis an Rialachán seo a chur isteach mar Iarscríbhinn II. |
Airteagal 5
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 15 Iúil 2026.
Thar ceann an Choimisiúin
An tUachtarán
Ursula VON DER LEYEN
(1) IO L 257, 28.8.2014, lch. 73, ELI: http://data.europa.eu/eli/reg/2014/910/oj.
(2) Moladh (AE) 2021/946 ón gCoimisiún an 3 Meitheamh 2021 maidir le Bosca Coiteann Uirlisí de chuid an Aontais le haghaidh cur chuige comhordaithe i dtreo Creat Eorpach um Chéannacht Dhigiteach (IO L 210, 14.6.2021, lch. 51, ELI: http://data.europa.eu/eli/reco/2021/946/oj).
(3) Rialachán Cur Chun Feidhme (AE) 2024/2977 ón gCoimisiún an 28 Samhain 2024 lena leagtar síos rialacha maidir le cur i bhfeidhm Rialachán (AE) Uimh. 910/2014 ó Pharlaimint na hEorpa agus ón gComhairle a mhéid a bhaineann le sonraí sainaitheantais duine agus ríomhdhearbhuithe tréithe arna n-eisiúint do Thiachóga Céannachta Digití Eorpaí (IO L, 2024/2977, 4.12.2024, ELI: http://data.europa.eu/eli/reg_impl/2024/2977/oj).
(4) Rialachán Cur Chun Feidhme (AE) 2024/2979 ón gCoimisiún an 28 Samhain 2024 lena leagtar síos rialacha maidir le cur i bhfeidhm Rialachán (AE) Uimh. 910/2014 ó Pharlaimint na hEorpa agus ón gComhairle a mhéid a bhaineann le sláine agus croífheidhmiúlachtaí na dTiachóg Céannachta Digití Eorpaí (IO L, 2024/2979, 4.12.2024, ELI: http://data.europa.eu/eli/reg_impl/2024/2979/oj).
(5) Rialachán Cur Chun Feidhme (AE) 2024/2980 ón gCoimisiún an 28 Samhain 2024 lena leagtar síos rialacha maidir le cur i bhfeidhm Rialachán (AE) Uimh. 910/2014 ó Pharlaimint na hEorpa agus ón gComhairle a mhéid a bhaineann le fógraí chuig an gCoimisiún a bhaineann le héiceachóras na dTiachóg Céannachta Digití Eorpaí (IO L, 2024/2980, 4.12.2024, ELI: http://data.europa.eu/eli/reg_impl/2024/2980/oj).
(6) Rialachán Cur Chun Feidhme (AE) 2024/2982 ón gCoimisiún an 28 Samhain 2024 lena leagtar síos rialacha maidir le cur i bhfeidhm Rialachán (AE) Uimh. 910/2014 ó Pharlaimint na hEorpa agus ón gComhairle a mhéid a bhaineann le prótacail agus comhéadain a bhfuil an Creat um Chéannacht Dhigiteach Eorpach le tacú leo (IO L, 2024/2982, 4.12.2024, ELI: http://data.europa.eu/eli/reg_impl/2024/2982/oj).
(7) Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1, ELI: http://data.europa.eu/eli/reg/2016/679/oj).
(8) Rialachán (AE) 2025/1208 ón gComhairle an 12 Meitheamh 2025 maidir le neartú a dhéanamh ar shlándáil cártaí aitheantais shaoránaigh an Aontais agus doiciméad cónaithe arna n-eisiúint do shaoránaigh an Aontais agus baill dá dteaghlaigh a fheidhmíonn a gceart chun saorghluaiseachta (IO L, 2025/1208, 20.6.2025, ELI: http://data.europa.eu/eli/reg/2025/1208/oj).
(9) Rialachán (CE) Uimh. 2252/2004 ón gComhairle an 13 Nollaig 2004 maidir le caighdeáin i ndáil le gnéithe slándála agus bithmhéadracht i bpasanna agus i ndoiciméid taistil arna n-eisiúint ag Ballstáit (IO L 385, 29.12.2004, lch. 1, ELI: http://data.europa.eu/eli/reg/2004/2252/oj).
(10) Caighdeán beartaithe Fido Alliance, Prótacal ‘Cliant go Fíordheimhnitheoir’ (CTAP), an 26 Feabhra 2026.
(11) Treoir 2002/58/CE ó Pharlaimint na hEorpa agus ón gComhairle an 12 Iúil 2002 maidir le sonraí pearsanta a phróiseáil agus maidir le príobháideachas a chosaint san earnáil cumarsáide leictreonaí (an Treoir maidir le príobháideachas agus cumarsáid leictreonach) (IO L 201, 31.7.2002, lch. 37, ELI: http://data.europa.eu/eli/dir/2002/58/oj).
(12) Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39, ELI: http://data.europa.eu/eli/reg/2018/1725/oj).
(13) Barúlacha foirmiúla ó MECS maidir leis an dréacht-Rialachán Cur Chun Feidhme a mhéid a bhaineann leis na caighdeáin agus na sonraíochtaí is infheidhme agus lena gceartaítear Rialachán Cur Chun Feidhme (AE) 2024/2980 |an Maoirseoir Eorpach ar Chosaint Sonraí.
IARSCRÍBHINN I
IARSCRÍBHINN
Sonraíochtaí teicniúla maidir leis na sonraí sainaitheantais duine dá dtagraítear in Airteagal 3(3)
(1)
Roinn 1: Tacar sonraí sainaitheantais duine nádúrthaTábla 1
Sonraí sainaitheantais duine sainordaitheacha maidir leis an duine nádúrtha le haghaidh nochtadh roghnaitheach
|
Aitheantóir sonraí |
Sainmhíniú |
|
family_name |
Sloinne nó sloinnte reatha an úsáideora lena mbaineann na sonraí sainaitheantais duine. |
|
given_name |
Céadainm nó céadainmneacha reatha, lena n-áirítear lárainm nó lárainmneacha i gcás inarb infheidhme, an úsáideora lena mbaineann na sonraí sainaitheantais duine. |
|
birth_date |
An lá, an mhí agus an bhliain a rugadh an t-úsáideoir lena mbaineann na sonraí sainaitheantais duine. |
|
birth_place |
An tír mar chód tíre alpha-2 mar a shonraítear in ISO 3166-1, nó an stát, an cúige, an ceantar, nó an limistéar áitiúil nó an bardas, an chathair, an baile nó an sráidbhaile inar rugadh an t-úsáideoir lena mbaineann na sonraí sainaitheantais duine. |
|
nationality |
Cód tíre alpha-2 amháin nó níos mó mar a shonraítear in ISO 3166-1, lena léirítear náisiúntacht an úsáideora lena mbaineann na sonraí sainaitheantais duine. |
|
portrait |
Ach amháin i gcás ina roghnaíonn an t-úsáideoir gan bheith páirteach go sainráite, i gcás inarb infheidhme, íomhá d’aghaidh an úsáideora lena mbaineann na sonraí sainaitheantais duine, a chomhlíonann na ceanglais cháilíochta le haghaidh cineál íomhá tosaigh iomláin mar a leagtar amach in ISO/IEC 39794-5, nó, le haghaidh comhoiriúnacht shiarghabhálach, ISO/IEC 19794-5, clásail 8.2, 8.3, agus 8.4, a sholáthraítear mar shonraí íomhá ionchódaithe gan na ceanntáisc ná na bloic mar a shonraítear i gclásal 5 de ISO/IEC 19794-5 ach amháin i gcás na sonraí íomhá féin (JPEG), beidh feidhm acu sin ón 11 Lúnasa 2028. |
|
— |
Féadfaidh na Ballstáit foráil a dhéanamh go mbeidh an rogha ag an úsáideoir diúltú an phortráid a chur isteach sna sonraí sainaitheantais duine. |
|
— |
Áiritheoidh na Ballstáit go mbeidh feidhm ag an nochtadh roghnaitheach maidir le gach aitheantóir sonraí, lena n-áirítear an phortráid. |
|
— |
I gcás nach eol dáta breithe an duine nádúrtha, roghnóidh na Ballstáit luachanna iomchuí a chomhlíonann na sonraíochtaí a leagtar amach i ranna 4.1 nó 4.2 (de réir mar is iomchuí) den Iarscríbhinn seo. |
|
— |
I gcás nach eol náisiúntacht an duine nádúrtha, úsáidfidh na Ballstáit an luach ‘QU’. |
|
— |
I gcás nach bhfuil náisiúntacht ag an duine nádúrtha, úsáidfidh na Ballstáit an luach ‘QS’. |
|
— |
I gcás ina roghnaíonn an t-úsáideoir gan an phortráid a chur san áireamh, fágfaidh na Ballstáit an luach folamh. Tábla 2 Sonraí sainaitheantais duine roghnacha maidir leis an duine nádúrtha le haghaidh nochtadh roghnaitheach
|
||||||||||||||||||||||||||||
(2)
Roinn 2: Tacar sonraí sainaitheantais duine dhlítheanaighTábla 3
Sonraí sainaitheantais duine sainordaitheacha maidir leis an duine dlítheanach
|
Aitheantóir sonraí |
|
ainm dlíthiúil reatha |
|
aitheantóir uathúil arna thógáil ag an mBallstát seolta i gcomhréir leis na sonraíochtaí teicniúla chun críoch sainaitheanta trasteorann agus ar bhealach atá chomh seasmhach agus is féidir ó thaobh ama de |
|
— |
I gcás nach eol aitheantóir sonraí don duine nó nach féidir é a eisiúint ar shlí eile mar chuid den tacar sonraí sainaitheantais duine, ina ionad sin úsáidfidh na Ballstáit luach tréithe is iomchuí don chás. Tábla 4 Sonraí sainaitheantais duine roghnacha maidir leis an duine dlítheanach
|
(3)
Roinn 3: Tacar meiteashonraí faoi shonraí sainaitheantais duineTábla 5
Meiteashonraí faoi na sonraí sainaitheantais duine
|
Aitheantóir sonraí |
Sainmhíniú |
Láithreacht |
|
issuing_authority |
Ainm an údaráis riaracháin a d’eisigh na sonraí sainaitheantais duine, nó cód tíre alpha-2 ISO 3166 an Bhallstáit lena mbaineann i gcás nach bhfuil aon údarás ar leith ann atá i dteideal sonraí sainaitheantais duine a eisiúint. |
sainordaitheach |
|
issuing_country |
Cód tíre alpha-2, mar a shonraítear in ISO 3166-1, thír nó chríoch an tsoláthraí sonraí sainaitheantais duine. |
sainordaitheach |
|
expiry_date |
An dáta (agus, más féidir, an t-am) a rachaidh tréimhse bailíochta riaracháin na sonraí sainaitheantais duine in éag. |
roghnach |
|
document_number |
Uimhir le haghaidh na sonraí sainaitheantais duine, arna sannadh ag an soláthraí sonraí sainaitheantais duine. |
roghnach |
|
issuing_jurisdiction |
Cód foroinne tíre na dlínse a d’eisigh na sonraí sainaitheantais duine, mar a shonraítear in ISO 3166-2:2020, Clásal 8. Beidh an chéad chuid den chód mar an gcéanna le luach na tíre eisiúna. |
roghnach |
|
issuance_date |
An dáta, agus más féidir, an t-am, a thosaigh tréimhse bailíochta riaracháin na sonraí sainaitheantais duine. |
roghnach |
(4)
Roinn 4: Ionchódú tréithe sonraí sainaitheantais duine nádúrtha|
— |
Eiseofar sonraí sainaitheantais duine nádúrtha i gcomhréir leis na caighdeáin a leagtar amach in Iarscríbhinn II a ghabhann le Rialachán Cur Chun Feidhme (AE) 2024/2979, clásail 5 (formáid SD-JWT VC) agus 6 (formáid ISO/IEC-mdoc) de réir mar is infheidhme maidir le ríomhdhearbhuithe tréithe. Ní bheidh feidhm ag clásail 5.2.2, 5.2.4, 5.2.5, EAA-6.1-03, 6.2.2, 6.2.3,6.2.4 agus 6.2.5. |
|
— |
Comhlíonfaidh ionchódú sonraí sainaitheantais duine nádúrtha na sonraíochtaí teicniúla i ranna 4.1 agus 4.2 den Iarscríbhinn seo.
|
(5)
Roinn 5: Mionsonraí faoin mbonneagar iontaoibheLe liosta na soláthraithe sonraí sainaitheantais duine arna gcur ar fáil ag an gCoimisiún i gcomhréir le Rialachán Cur Chun Feidhme (AE) 2024/2980 , cumasófar fíordheimhniú na sonraí sainaitheantais duine.
(6) Rialachán Cur Chun Feidhme (AE) 2025/1569 ón gCoimisiún an 29 Iúil 2025 lena leagtar síos rialacha maidir le cur i bhfeidhm Rialachán (AE) Uimh. 910/2014 ó Pharlaimint na hEorpa agus ón gComhairle a mhéid a bhaineann le ríomhdhearbhuithe tréithe cáilithe agus ríomhdhearbhuithe tréithe arna soláthar ag comhlacht earnála poiblí atá freagrach as foinse bharántúil nó thar a cheann (IO L, 2025/1569, 30.7.2025, ELI: http://data.europa.eu/eli/reg_impl/2025/1569/oj).
(7) J. Schaad, ‘CBOR Object Signing and Encryption (COSE): Header Parameters for Carrying and Referencing X.509 Certificates’ (https://datatracker.ietf.org/doc/rfc9360/).
(8) C. Vigano agus H. Birkholz, ‘Concise Data Definition Language (CDDL): A Notational Convention to Express Concise Binary Object Representation (CBOR) and JSON Data Structures,’ RFC 8610, Meitheamh 2019.
(9) M. Jones, A. Nadalin agus J. Richter, ‘Concise Binary Object Representation (CBOR) Tags for Date,’ RFC 8943, Samhain 2020.
(10) G. Klyne agus C. Newman, ‘Date and Time on the Internet: Timestamps,’ RFC 3339, Iúil 2002.
(11) C. Bormann agus P. Hoffman, ‘Concise Binary Object Representation (CBOR),’ RFC 8949, Nollaig 2020.
(12) J. Jones, et al., ‘JSON Web Token (JWT),’ RFC 7519, Bealtaine 2015.
(13) M. Jones, et al., ‘Proof-of-Possession Key Semantics for JSON Web Tokens (JWTs),’ RFC 7800, Aibreán 2016.
(14) M. Jones, et al., ‘JSON Web Signature (JWS),’ RFC 7515, Bealtaine 2015.
IARSCRÍBHINN II
IARSCRÍBHINN Ia
Sásraí cripteagrafacha dá dtagraítear in Airteagal 5a
An Grúpa Eorpach um Dheimhniú Cibearshlándála, Foghrúpa maidir le Cripteagrafaíocht: ‘Agreed Cryptographic Mechanisms’ [Sásraí Cripteagrafacha Comhaontaithe] arna bhfoilsiú ag Gníomhaireacht an Aontais Eorpaigh um Chibearshlándáil (‘ENISA’) (1).
(1) https://certification.enisa.europa.eu/publications/eucc-guidelines-cryptography_en.
IARSCRÍBHINN III
IARSCRÍBHINN Ib
Sonraíochtaí teicniúla maidir le dearbhuithe aonaid tiachóige dá dtagraítear in Airteagal 6(2a)
(1)
Is éard a bheidh i ndearbhú aonaid tiachóige dearbhú áisc tiachóige amháin nó níos mó agus dearbhú eochrach amháin nó níos mó.
(2)
Comhlíonfaidh an dearbhú áisc tiachóige agus na dearbhuithe eochrach na ceanglais seo a leanas:|
(a) |
Ceanglais formáide
|
|
(b) |
Ceanglais iompair
|
|
(c) |
Ceanglais maidir le hábhar
|
|
(d) |
Ceanglais saolré
|
|
(e) |
Ceanglais maidir le cúlghairm
|
|
(f) |
Ceanglais maidir le halgartaim shíniúcháin
|
(1) RFC 7519: JSON Web Token (JWT), Bealtaine 2015.
(2) OpenID le haghaidh Eisiúint Dintiúr Infhíoraithe v1.0, https://openid.net/specs/openid-4-verifiable-credential-issuance-1_0.html.
(3) ETSI, ‘Ríomhshínithe agus Ríomhbhonneagair (ESI); Sínithe digiteacha JAdES; Cuid 3: leibhéil JAdES agus próifílí bunlíne,’ ETSI TS 119 472-3, V1.1.1, Márta 2026.
(4) Sainmhínítear an maíomh sin sa CIR seo toisc nach cuid den tsonraíocht OID4VCI é.
IARSCRÍBHINN IV
IARSCRÍBHINN II
An liosta caighdeán dá dtagraítear in Airteagal 8
Tá feidhm ag na sonraíochtaí teicniúla a leagtar amach i gclásail 2 go 6 de ETSI TS 119 472-1 V1.2.1 (2026-02). Léifear iad leis na hoiriúnuithe seo a leanas:
|
(1) |
|
|
(2) |
|
|
(3) |
|
|
(4) |
|
|
(5) |
|
|
(6) |
|
IARSCRÍBHINN V
IARSCRÍBHINN III
Sonraíochtaí teicniúla dá dtagraítear in Airteagal 10
|
— |
Sonraíochtaí teicniúla: |
|
— |
Clásal 4.2.5 de ETSI TS 119 472-3 V1.1.1 (2026-03). |
IARSCRÍBHINN VI
Leasaítear Iarscríbhinn IV a ghabhann le Rialachán (AE) 2024/2979 mar a leanas:
|
(1) |
cuirtear an méid seo a leanas in ionad phointe 1:
|
|
(2) |
cuirtear an méid seo a leanas in ionad phointe 3:
|
IARSCRÍBHINN VII
IARSCRÍBHINN VI
An leagan daite de Thrustmharc na Tiachóige Eorpaí Céannachta Digití
IARSCRÍBHINN VIII
IARSCRÍBHINN VII
Trustmharc na Tiachóige Eorpaí Céannachta Digití i ndubh agus bán
IARSCRÍBHINN IX
IARSCRÍBHINN VIII
Sonraí Thrustmharc na Tiachóige Eorpaí Céannachta Digití
|
Sonraí |
Tuairisc |
Ionchódú |
Stádas |
|
TrustMarkResourceURL |
URL ghrafaicí Thrustmharc na Tiachóige Eorpaí Céannachta Digití agus acmhainní faisnéise úsáideora i gcomhéadan úsáideora na tiachóige. |
URL |
sainordaitheach |
|
ListOfCertifiedWalletsURL |
URL an liosta phoiblí de réitigh tiachóige dheimhnithe san Aontas mar a leagtar amach i Rialachán Cur Chun Feidhme (AE) 2025/849 (1) ón gCoimisiún. |
URL |
sainordaitheach |
|
ListOfCertifiedWalletsQRCode |
Cód QR ina bhfuil an fhaisnéis maidir le ListOfCertifiedWalletsURL |
ISO-8859-1 Byte mode QR code |
roghnach |
|
WalletSolutionInfoPageURL |
URL chuig leathanach faisnéise an réitigh tiachóige dheimhnithe i liosta leathanach an réitigh tiachóige dheimhnithe ón URL ListOfCertifiedWalletsURL lena gcuirtear‘?’ agus aitheantóir WalletSolutionID an réitigh tiachóige. |
URL |
sainordaitheach |
|
WalletSolutionInfoPageQRCode |
Cód QR ina bhfuil an fhaisnéis maidir le WalletSolutionInfoPageURL |
ISO-8859-1 Byte mode QR code |
roghnach |
|
WalletVerifierToolURL* |
URL chuig críochphointe na huirlise fíoraithe tiachóige /.well-known/openid-credential-issuer a úsáidtear chun meiteashonraí an tsoláthraí dearbhaithe a aisghabháil. |
URL |
roghnach |
|
(1) Rialachán Cur Chun Feidhme (AE) 2025/849 ón gCoimisiún an 6 Bealtaine 2025 lena leagtar síos rialacha maidir le cur i bhfeidhm Rialachán (AE) Uimh. 910/2014 ó Pharlaimint na hEorpa agus ón gComhairle a mhéid a bhaineann le faisnéis a chur faoi bhráid an Choimisiúin agus an Ghrúpa Comhair maidir le liosta na dTiachóg Eorpach Céannachta Digití deimhnithe (IO L, 2025/849, 7.5.2025, ELI: http://data.europa.eu/eli/reg_impl/2025/849/oj). |
|||
IARSCRÍBHINN X
Leasaítear Iarscríbhinn II a ghabhann le Rialachán (AE) 2024/2980 mar a leanas:
|
(1) |
Cuirtear an méid seo a leanas in ionad Iarscríbhinn II, Roinn 1, pointe 1(i):
|
|
(2) |
Cuirtear an méid seo a leanas in ionad Iarscríbhinn II, Roinn 2, pointe 1(h):
|
|
(3) |
Cuirtear an méid seo a leanas in ionad Iarscríbhinn II, Roinn 3, pointe 1(h):
|
|
(4) |
Cuirtear an méid seo a leanas in ionad Iarscríbhinn II, Roinn 4, pointe 1(g):
|
|
(5) |
Cuirtear isteach Iarscríbhinn II, Roinn 5 mar a leanas:
|
IARSCRÍBHINN XI
IARSCRÍBHINN I
Prótacail agus comhéadain dá dtagraítear in Airteagal 4
Beidh feidhm ag an tsonraíocht theicniúil ETSI TS 119 472-3 V1.1.1 (2026-03) leis na hoiriúnuithe seo a leanas:
|
(1) |
|
|
(2) |
|
|
(3) |
4.2.4.2 ARF pre-defined PID/EAA reuse policy
|
|
(4) |
Ní bheidh feidhm ag Iarscríbhinn A. |
IARSCRÍBHINN XII
IARSCRÍBHINN II
Sonraíochtaí teicniúla dá dtagraítear in Airteagal 5
Beidh feidhm ag an tsonraíocht theicniúil in Iarscríbhinn C a ghabhann le ISO/IEC 18013-7:2025.
Beidh feidhm ag na sonraíochtaí teicniúla i gclásail 4.1, 4.2, 5 agus 6 de ETSI TS 119 472-2 V1.2.1 (2026-03), leis na hoiriúnuithe seo a leanas, lena n-áirítear clásal nua 4.3 a chur isteach:
|
(1) |
|
|
(2) |
|
|
(3) |
|
|
(4) |
|
|
(5) |
|
|
(6) |
|
|
(7) |
|
|
(8) |
|
|
(9) |
|
|
(10) |
|
|
(11) |
|
|
(12) |
|
|
(13) |
|
|
(14) |
|
|
(15) |
|
|
(16) |
|
|
(17) |
|
|
(18) |
|
|
(19) |
|
|
(20) |
|
ELI: http://data.europa.eu/eli/reg_impl/2026/1731/oj
ISSN 1977-0839 (electronic edition)