|
21.12.2018 |
MT |
Il-Ġurnal Uffiċjali tal-Unjoni Ewropea |
L 327/58 |
REGOLAMENT TA' IMPLIMENTAZZJONI TAL-KUMMISSJONI (UE) 2018/2043
tat-18 ta' Diċembru 2018
li jemenda r-Regolament ta' Implimentazzjoni (UE) 2017/1153 biex jiċċara l-kundizzjonijiet tat-test tad-WLTP u jipprevedi għall-monitoraġġ tad-data tal-approvazzjoni tat-tip
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 443/2009 tal-Parlament Ewropew u tal-Kunsill tat-23 ta' April 2009 li jistabbilixxi standards ta' rendiment għall-emissjonijiet minn karozzi ġodda tal-passiġġieri bħala parti mill-approċċ integrat tal-Komunità biex jitnaqqsu l-emissjonijiet ta' CO2 minn vetturi ħfief (1), u b'mod partikolari l-ewwel subparagrafu tal-Artikolu 13(7) tiegħu,
Billi:
|
(1) |
Sabiex titqies id-differenza fil-livell ta' emissjonijiet tas-CO2 iddeterminata skont iċ-Ċiklu l-Ġdid tas-Sewqan Ewropew (NEDC) u dik iddeterminata skont il-Proċedura ta' Ttestjar Armonizzata fuq Livell Dinji għall-Vetturi Ħfief (WLTP), metodoloġija għall-korrelazzjoni tal-valuri ta' emissjonijiet tas-CO2 ġiet stabbilita permezz ta' Regolament ta' Implimentazzjoni tal-Kummissjoni (UE) 2017/1153 (2) fir-rigward tal-karozzi tal-passiġġieri. |
|
(2) |
Il-metodoloġija ta' korrelazzjoni hija mistennija twassal riżultati li jiżguraw li r-rekwiżiti ta' tnaqqis stabbiliti fir-Regolament (KE) Nru 443/2009 huma ta' strettezza komparabbli taħt il-proċeduri ta' ttestjar il-qodma u l-ġodda. Jenħtieġ għalhekk li l-awtoritajiet tal-approvazzjoni u s-servizzi tekniċi, flimkien mal-manifatturi, jaħdmu biex jiżguraw li t-testijiet tad-WLTP u l-NEDC li jitwettqu għall-finijiet ta' dan ir-Regolament, jitwettqu skont kundizzjonijiet ta' test li huma komparabbli u koerenti mal-objettiv ta' dan ir-Regolament. |
|
(3) |
Għalhekk, huwa neċessarju li jiġu ċċarati ċerti aspetti tal-kundizzjonijiet tat-test tad-WLTP li jenħtieġ li japplikaw għall-korrelazzjonijiet imwettqa bil-għan li tiġi pprovduta data ta' monitoraġġ tal-emissjonijiet tas-CO2 tad-WLTP u l-NEDC għall-vetturi ġodda rreġistrati fl-2020. Dawk il-kjarifiki jenħtieġ li japplikaw mingħajr preġudizzju għall-proċedura u r-rekwiżiti stabbiliti fir-Regolament tal-Kummissjoni (UE) 2017/1151 (3) u mingħajr ma jaffettwaw il-validità ta' kwalunkwe approvazzjonijiet tat-tip mogħtija fuq dik il-bażi. |
|
(4) |
Huwa wkoll neċessarju li tiġi ddeterminata d-differenza fl-2020 bejn il-valuri tal-emissjonijiet tas-CO2 iddikjarati mill-manifatturi għall-finijiet tal-approvazzjoni tat-tip tal-emissjonijiet u dawk imkejla skont ir-Regolament (UE) 2017/1151. Għalhekk, jenħtieġ li l-manifatturi jkunu meħtieġa jikkalkulaw u jirrappurtaw lill-Kummissjoni l-valuri ta' emissjonijiet tas-CO2 tad-WLTP għall-karozzi tal-passiġġieri l-ġodda kollha rreġistrati fis-sena kalendarja 2020 billi jużaw il-valuri ta' kejl għall-vetturi H u L bħala input għall-metodu ta' interpolazzjoni. |
|
(5) |
Għal numru limitat ta' familji ta' interpolazzjoni, se jkunu disponibbli biss valuri tal-kejl għall-vetturi H fl-2020. In-numru ta' dawk il-familji għandu jiġu ssorveljat mill-qrib u l-Kummissjoni għandha tikkunsidra li teskludi dawk il-familji mill-kalkolu ta' data ta' referenza tal-2020, jekk ikun hemm żieda sinifikanti fin-numru ta' tali familji meta mqabbel mas-sitwazzjoni fl-2018. |
|
(6) |
It-trasparenza fl-ittestjar tal-emissjonijiet jenħtieġ li titjieb u d-data fit-testijiet tad-WLTP kif ukoll fir-riżultati tal-korrelazzjoni jenħtieġ għalhekk li jsiru disponibbli għall-Kummissjoni. Dan se jippermetti lill-Kummissjoni tidentifika u tindirizza malajr il-problemi u l-inkonsistenzi possibbli relatati mal-implimentazzjoni tal-proċeduri. Għal dik ir-raġuni, il-matriċi tal-input tad-data jenħtieġ li titlesta għal kull test tad-WLTP li jitwettaq u jenħtieġ li tintbagħat lill-Kummissjoni fl-intier tagħha bħala parti mill-iskambju tad-data tal-għodda ta' korrelazzjoni. Sabiex tiġi żgurata l-kunfidenzjalità, il-fajl tad-data tal-input jenħtieġ li jiġi kriptat bil-għan li jintbagħat lill-Kummissjoni. |
|
(7) |
Il-miżuri previsti f'dan ir-Regolament huma skont l-opinjoni tal-Kumitat dwar it-Tibdil fil-Klima, |
ADOTTAT DAN IR-REGOLAMENT:
Artikolu 1
Ir-Regolament ta' Implimentazzjoni (UE) 2017/1153 huwa emendat kif ġej:
|
(1) |
Jiżdied l-Artikolu 7a li ġej: “Artikolu 7a Rappurtar tar-riżultati tal-kejl tad-WLTP 1. Il-manifatturi għandhom jikkalkulaw il-valur totali ta' CO2 għal kull karozza tal-passiġġieri ġdida rreġistrata fl-2020 skont il-formula stipulata fit-tieni subparagrafu tal-paragrafu 3.2.3.2.4 tas-Subanness 7 tal-Anness XXI tar-Regolament (UE) 2017/1151, fejn it-termini MCO2-H u MCO2-L għandhom, għall-familja ta' interpolazzjoni kkonċernata, jiġu sostitwiti mill-valuri MCO2,C,5 meħuda mill-entrati 2.5.1.1.3 (vettura H) u 2.5.1.2.3. (vettura L) taċ-ċertifikat ta' approvazzjoni tat-tip tal-KE kif indikat fil-mudell stipulat fl-Appendiċi 4 tal-Anness I tar-Regolament (UE) 2017/1151. Fejn l-emissjonijiet totali tas-CO2 tal-vettura individwali jiġu ddeterminati b'referenza għall-vettura H biss, il-manifatturi għandhom jipprovdu l-valur ta' MCO2,C,5 meħud mill-entrata 2.5.1.1.3 (vettura H) taċ-ċertifikat ta' approvazzjoni tat-tip tal-KE. Il-manifatturi għandhom jippreżentaw dawk il-valuri tal-emissjonijiet tas-CO2, flimkien mal-valuri ta' MCO2,C,5 użati għall-kalkolu, lill-Kummissjoni sa mhux aktar tard minn tliet xhur wara l-irċevuta tan-notifika mill-Kummissjoni tad-data provviżorja għall-2020, billi jtellgħu dik id-data fuq il-kont tal-manifattur fir-Repożitorju tad-Data tan-Negozju tal-Aġenzija Ewropea għall-Ambjent. 2. Fejn id-data msemmija fil-paragrafu 1 ma tiġix sottomessa sad-data tal-iskadenza indikata, il-Kummissjoni għandha tieħu l-valur irreġistrat fl-entrata 2.5.1.2.3. taċ-ċertifikat ta' approvazzjoni tat-tip tal-KE u tikkunsidra dak il-valur bħala l-emissjonijiet ta' CO2 totali għall-finijiet tal-paragrafu 1 għall-vetturi l-ġodda kollha rreġistrati fil-familja ta' interpolazzjoni li għaliha ċ-ċertifikat ta' approvazzjoni tat-tip inħareġ u, fejn applikabbli, il-valur indikat fl-entrata 2.5.1.1.3 għal dawk il-familji fejn il-kejl tal-vettura H biss huwa disponibbli. 3. Il-Kummissjoni għandha tissorvelja n-numru ta' familji ta' interpolazzjoni li għalihom l-emissjonijiet tas-CO2 huma ddeterminati b'referenza għall-vettura H biss għal kull manifattur, u għandha, f'każ ta' żieda fin-numru ta' tali familji meta mqabbel mas-sitwazzjoni fl-2018, tivvaluta l-impatt ta' dik iż-żieda fuq il-kalkolu msemmi fil-paragrafu 1, u fejn xieraq, teskludi lil dawk il-familji minn dak il-kalkolu.” |
|
(2) |
L-Anness I huwa emendat kif ġej:
|
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Il-punt 2(c) u (d) tal-Artikolu 1 għandhom japplikaw mill-1 ta' Frar 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta' Diċembru 2018.
Għall-Kummissjoni
Il-President
Jean-Claude JUNCKER
(2) Ir-Regolament ta' Implimentazzjoni tal-Kummissjoni (UE) 2017/1153 tat-2 ta' Ġunju 2017 li jistabbilixxi metodoloġija biex jiġu determinati l-parametri ta' korrelazzjoni meħtieġa biex tiġi riflessa l-bidla fil-proċedura tat-test regolatorju u li jemenda r-Regolament (UE) Nru 1014/2010 (ĠU L 175, 7.7.2017, p. 679).
(3) Ir-Regolament tal-Kummissjoni (UE) 2017/1151 tal-1 ta' Ġunju 2017 li jissupplimenta r-Regolament (KE) Nru 715/2007 tal-Parlament Ewropew u tal-Kunsill dwar l-approvazzjoni tat-tip ta' vetturi bil-mutur fir-rigward tal-emissjonijiet ta' vetturi ħfief għall-passiġġieri u ta' vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi, li jemenda d-Direttiva 2007/46/KE tal-Parlament Ewropew u tal-Kunsill, ir-Regolament tal-Kummissjoni (KE) Nru 692/2008 u r-Regolament tal-Kummissjoni (UE) Nru 1230/2012 u li jħassar ir-Regolament tal-Kummissjoni (KE) Nru 692/2008 (ĠU L 175, 7.7.2017, p. 1).