|
Il-Ġurnal Uffiċjali |
MT Is-serje L |
|
2025/1251 |
27.6.2025 |
DEĊIŻJONI TAL-KUNSILL (UE) 2025/1251
tas-16 ta’ Ġunju 2025
dwar il-pożizzjoni li għandha tittieħed f’isem l-Unjoni Ewropea fis-17-il sessjoni tal-Kumitat ta’ Esperti Tekniċi tal-Organizzazzjoni Intergovernattiva għat-Trasport Internazzjonali bil-Ferrovija (OTIF) fir-rigward tar-reviżjoni tal-Preskrizzjonijiet Tekniċi Uniformi applikabbli għas-subsistema “vetturi ferrovjarji – lokomottivi u vetturi ferrovjarji għat-trasport tal-passiġġieri”, għall-aċċessibbiltà tas-sistema ferrovjarja għal persuni b’diżabbiltà u persuni b’mobbiltà mnaqqsa, għall-immarkar tal-vetturi, għas-subsistema “infrastruttura”, u għas-subsistema “Applikazzjonijiet telematiċi għas-servizzi tal-merkanzija”, u fir-rigward tal-aġġornament tal-Manwal għall-implimentazzjoni u l-applikazzjoni tar-Regoli Uniformi tal-APTU u l-ATMF
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 91, flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
L-Unjoni ssieħbet fil-Konvenzjoni li tirrigwarda t-Trasport Internazzjonali bil-Ferrovija tad-9 ta’ Mejju 1980, kif emendata bil-Protokoll ta’ Vilnius tat-3 ta’ Ġunju 1999 (il-“COTIF”), permezz tad-Deċiżjoni tal-Kunsill 2013/103/UE (1) u tal-Ftehim bejn l-Unjoni Ewropea u l-Organizzazzjoni Intergovernattiva għat-Trasport Internazzjonali bil-Ferrovija (OTIF) dwar l-Adeżjoni tal-Unjoni Ewropea mal-Konvenzjoni COTIF (2). |
|
(2) |
Skont l-Artikolu 13(1)(f) tal-COTIF, ġie stabbilit il-Kumitat ta’ Esperti Tekniċi (“CTE”, Committee of Technical Experts) tal-OTIF. |
|
(3) |
Skont l-Artikolu 20(1)(b) tal-COTIF, u f’konformità mal-Artikolu 6(1) tar-Regoli Uniformi li jirrigwardaw il-Validazzjoni ta’ Standards Tekniċi u l-Adozzjoni ta’ Preskrizzjonijiet Tekniċi Uniformi applikabbli għall-Materjal tal-Ferroviji maħsub li jintuża fit-Traffiku Internazzjonali (APTU) - l-Appendiċi F tal-COTIF, is-CTE għandu l-kompetenza li jadotta jew jemenda, inter alia, il-Preskrizzjonijiet Tekniċi Uniformi (UTP, Uniform Technical Prescriptions) applikabbli għas-subsistema “vetturi ferrovjarji – lokomottivi u vetturi ferrovjarji għat-trasport tal-passiġġieri” (UTP LOC&PAS), għall-aċċessibbilta tas-sistema ferrovjarja għal persuni b’diżabbiltà u persuni b’mobbiltà mnaqqsa (UTP PRM), għall-immarkar tal-vetturi (UTP Marking), għas-subsistema “infrastruttura” (UTP INF) u għas-subsistema “applikazzjonijiet telematiċi għas-servizzi tal-merkanzija” (UTP TAF). |
|
(4) |
Skont l-Artikolu 20(1)(e) tal-COTIF, u f’konformità mal-Artikolu 21(4) tar-Regoli Uniformi li jirrigwardaw l-Ammissjoni Teknika ta’ Materjal tal-Ferroviji użat fit-Traffiku Internazzjonali (ATMF – Appendiċi G tal-Konvenzjoni), is-CTE għandu l-kompetenza li jadotta jew jemenda, fost l-oħrajn, il-Manwal għall-implimentazzjoni u l-applikazzjoni tar-Regoli Uniformi tal-APTU u l-ATMF. |
|
(5) |
Fl-aġenda tas-17-il sessjoni tiegħu, li se ssir fis-17 u fit-18 ta’ Ġunju 2025, is-CTE inkluda proposta għal deċiżjonijiet biex jiġu riveduti l-UTP LOC&PAS, il-UTP PRM, il-UTP Marking, u l-UTP INF, biex jiġi immodifikat l-Appendiċi I tal-UTP TAF, u biex jiġi aġġornat il-Manwal għall-implimentazzjoni u l-applikazzjoni tar-Regoli Uniformi tal-APTU u l-ATMF. |
|
(6) |
L-atti previsti tas-CTE se jkollhom effetti legali. |
|
(7) |
Jixraq li tiġi stabbilita l-pożizzjoni li għandha tittieħed f’isem l-Unjoni fis-CTE, billi d-deċiżjonijiet proposti se jkunu vinkolanti għall-Unjoni, skont l-Artikolu 6(1) tal-APTU u l-Artikolu 35(3) u (4) tal-COTIF. |
|
(8) |
L-objettivi ta’ dawk id-deċiżjonijiet huma li jallinjaw l-UTP LOC&PAS, il-UTP PRM, il-UTP Marking, u l-UTP INF mar-Regolament ta’ Implimentazzjoni tal-Kummissjoni (UE) 2023/1694 (3) (il-“Pakkett tat-TSI tal-2023”), li jallinjaw ir-referenzi għad-Dokumenti Tekniċi tal-ispeċifikazzjonijiet tekniċi għall-interoperabbiltà tal-Aġenzija tal-Unjoni Ewropea għall-Ferroviji (ERA) relatati mal-“applikazzjonijiet telematiċi għas-servizzi tal-merkanzija” (TAF TSI) elenkati fl-Appendiċi I tal-UTP TAF għar-Regolament tal-Kummissjoni (UE) Nru 1305/2014 (4), u li jaġġornaw il-Manwal għall-implimentazzjoni u l-applikazzjoni tar-Regoli Uniformi tal-APTU u l-ATMF filwaqt li jitqies il-feedback dwar l-esperjenza mill-Istati Kontraenti tal-COTIF. |
|
(9) |
Id-deċiżjonijiet previsti tal-OTIF li ssir reviżjoni tal-UTP PRM, il-UTP Marking, u l-UTP INF huma f’konformità mal-liġi u mal-objettivi strateġiċi tal-Unjoni billi jikkontribwixxu għall-allinjament tal-leġiżlazzjoni tal-OTIF mad-dispożizzjonijiet korrispondenti tal-liġi tal-Unjoni, u għalhekk jenħtieġ li jiġu appoġġati mill-Unjoni. |
|
(10) |
Id-deċiżjonijiet previsti tal-OTIF li tiġi riveduta l-UTP LOC&PAS u li jiġi mmodifikat l-Appendiċi I tal-UTP TAF huma wkoll ġeneralment konformi mal-liġi u mal-objettivi strateġiċi tal-Unjoni, u jikkontribwixxu għall-allinjament tal-leġiżlazzjoni tal-OTIF mad-dispożizzjonijiet ekwivalenti tal-liġi tal-Unjoni. Madankollu, xi wħud mill-bidliet proposti mill-OTIF jenħtieġ li jiġu allinjati mal-Pakkett tat-TSI tal-2023. Għalhekk, jeħtieġ jiġu proposti emendi tad-deċiżjonijiet previsti tal-OTIF biex tiġi riveduta l-UTP LOC&PAS u biex jiġi mmodifikat l-Appendiċi I tal-UTP TAF, ħalli jiġi żgurat l-allinjament mal-acquis tal-Unjoni kif emendat mill-Pakkett tat-TSI tal-2023. Għalhekk, jenħtieġ li l-Unjoni tappoġġa d-deċiżjonijiet previsti soġġetti għall-kundizzjoni li dawk l-emendi jiġu introdotti, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f’isem l-Unjoni fis-17-il sessjoni tal-Kumitat ta’ Esperti Tekniċi (is-CTE) tal-Organizzazzjoni Intergovernattiva għat-Trasport Internazzjonali bil-Ferrovija (OTIF), fir-rigward tar-reviżjoni tal-Preskrizzjonijet Tekniċi Uniformi (UTP) applikabbli għas-subsistema “vetturi ferrovjarji – lokomottivi u vetturi ferrovjarji għat-trasport tal-passiġġieri” (UTP LOC&PAS), għall-aċċessibbiltà tas-sistema ferrovjarja għal persuni b’diżabbiltà u persuni b’mobbiltà mnaqqsa (UTP PRM), għall-immarkar tal-vetturi (UTP Marking), għas-subsistema “infrastruttura” (UTP INF), fir-rigward tal-allinjament tar-referenzi għad-Dokumenti Tekniċi tal-ispeċifikazzjonijiet tekniċi għall-interoperabbiltà dwar l-“applikazzjonijiet telematiċi għall-merkanzija” (TAF TSI) elenkati fl-Appendiċi I tal-UTP relatati mal-“applikazzjonijiet telematiċi għas-servizzi tal-merkanzija” (UTP TAF) u fir-rigward tal-aġġornament tal-Manwal għall-implimentazzjoni u l-applikazzjoni tar-Regoli Uniformi tal-APTU u l-ATMF għandha tkun kif ġej:
|
(1) |
li jivvota favur ir-reviżjoni proposta mis-CTE tal-UTP LOC&PAS applikabbli għas-subsistema “vetturi ferrovjarji – lokomottivi u vetturi ferrovjarji għat-trasport tal-passiġġieri”, kif jinsab fid-Dokument ta’ Ħidma tas-CTE TECH-25003 UTP LOC&PAS, soġġett għall-emendi li ġejjin:
|
|
(2) |
li jivvota favur l-emendi proposti mis-CTE tal-UTP PRM applikabbli għall-aċċessibbiltà tas-sistema ferrovjarja għal persuni b’diżabbiltà u persuni b’mobbiltà mnaqqsa, kif jinsab fid-Dokument ta’ Ħidma tas-CTE TECH-25004 UTP PRM; |
|
(3) |
li jivvota favur l-emendi proposti mis-CTE tal-UTP Marking applikabbli għall-immarkar tal-vetturi, kif jinsab fid-Dokument ta’ Ħidma tas-CTE TECH-25005 UTP Marking; |
|
(4) |
li jivvota favur l-emendi proposti mis-CTE tal-UTP INF applikabbli għas-subsistema “infrastructure”, kif jinsab fid-Dokument ta’ Ħidma tas-CTE TECH-25006 UTP INF; |
|
(5) |
li jivvota favur il-proposta tas-CTE biex jiġu allinjati r-referenzi għad-Dokumenti Tekniċi tal-Aġenzija tal-Unjoni Ewropea għall-Ferroviji (ERA) relatati mal-“applikazzjonijiet telematiċi għas-servizzi tal-merkanzija” (TAF TSI) elenkati fl-Appendiċi I tal-UTP TAF mar-Regolament (UE) Nru 1305/2014, kif jinsab fid-Dokument ta’ Ħidma tas-CTE TECH-25007 UTP TAF, soġġett għall-emenda li ġejja:
|
|
(6) |
li jivvota favur il-proposta tas-CTE għall-Aġġornament tal-Manwal għall-implimentazzjoni u l-applikazzjoni tar-Regoli Uniformi tal-APTU u l-ATMF, kif jinsab fid-Dokument ta’ Ħidma tas-CTE TECH-25011 Handbook, soġġett għall-emendi li ġejjin:
|
|
(7) |
jista’ jintlaħaq qbil dwar bidliet żgħar fl-atti tas-CTE stabbiliti f’dan l-Artikolu mill-Kummissjoni, mingħajr deċiżjoni ulterjuri tal-Kunsill. |
Artikolu 2
Ladarba jiġu adottati, id-deċiżjonijiet tas-CTE għandhom jiġu ppubblikati f’Il-Ġurnal Uffiċjali tal-Unjoni Ewropea, filwaqt li tiġi indikata d-data tad-dħul fis-seħħ tagħhom.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, is-16 ta’ Ġunju 2025.
Għall-Kunsill
Il-President
P. HENNIG-KLOSKA
(1) Id-Deċiżjoni tal-Kunsill 2013/103/UE tas-16 ta’ Ġunju 2011 dwar l-iffirmar u l-konklużjoni tal-Ftehim bejn l-Unjoni Ewropea u l-Organizzazzjoni Intergovernattiva għat-Trasport Internazzjonali bil-Ferrovija dwar l-Adeżjoni tal-Unjoni Ewropea mal-Konvenzjoni li tirrigwarda t-Trasport Internazzjonali bil-Ferrovija (COTIF) tad-9 ta’ Mejju 1980, kif emendata mill-Protokoll ta’ Vilnius tat-3 ta’ Ġunju 1999 (ĠU L 51, 23.2.2013, p. 1, ELI: http://data.europa.eu/eli/dec/2013/103(1)/oj).
(2) Il-Ftehim bejn l-Unjoni Ewropea u l-Organizzazzjoni Intergovernattiva għat-Trasport Internazzjonali bil-Ferrovija dwar l-Adeżjoni tal-Unjoni Ewropea mal-Konvenzjoni li tirrigwarda t-Trasport Internazzjonali bil-Ferrovija (COTIF) tad-9 ta’ Mejju 1980, kif emendata mill-Protokoll ta’ Vilnius tat-3 ta’ Ġunju 1999 (ĠU L 51, 23.2.2013, p. 8, ELI: http://data.europa.eu/eli/agree_internation/2013/103/oj).
(3) Ir-Regolament ta’ Implimentazzjoni tal-Kummissjoni (UE) 2023/1694 tal-10 ta’ Awwissu 2023 li jemenda r-Regolamenti (UE) Nru 321/2013, (UE) Nru 1299/2014, (UE) Nru 1300/2014, (UE) Nru 1301/2014, (UE) Nru 1302/2014, (UE) Nru 1304/2014 u r-Regolament ta’ Implimentazzjoni (UE) 2019/777 (ĠU L 222, 8.9.2023, p. 88, ELI: http://data.europa.eu/eli/reg_impl/2023/1694/oj).
(4) Ir-Regolament tal-Kummissjoni (UE) Nru 1305/2014 tal-11 ta’ Diċembru 2014 dwar l-ispeċifikazzjoni teknika għall-interoperabilità fir-rigward tas-subsistema “applikazzjonijiet telematiċi għas-servizz tat-trasport tal-merkanzija” tas-sistema ferrovjarja tal-Unjoni Ewropea u li jħassar ir-Regolament (KE) Nru 62/2006 (ĠU L 356, 12.12.2014, p. 438, ELI: http://data.europa.eu/eli/reg/2014/1305/oj).
ELI: http://data.europa.eu/eli/dec/2025/1251/oj
ISSN 1977-074X (electronic edition)