|
29.8.2018 |
MT |
Il-Ġurnal Uffiċjali tal-Unjoni Ewropea |
C 303/20 |
Notifika minn qabel ta’ konċentrazzjoni
(Il-Każ M.9035 — Charlesbank/Partners Group/H-Food Holdings)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2018/C 303/08)
1.
Fit-22 ta’ Awwissu 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Charlesbank Capital Partners, LLC (“Charlesbank”, l-Istati Uniti tal-Amerika), |
|
— |
Partners Group AG (“Partners Group”, l-Isvizzera), |
|
— |
H-Food Holdings, LLC (“Hearthside”, l-Istati Uniti tal-Amerika), ikkontrollata minn Partners Group. |
Charlesbank u Partner Group jakkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll konġunt ta’ Hearthside kollha kemm hi. Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:— Charlesbank: ditta privata tal-investimenti tal-ekwità li tiffoka fuq akkwiżizzjonijiet maġġoritarji mmexxija mill-maniġment u t-tkabbir tal-finanzjament tal-kapital kif ukoll tinvolvi ruħha f’investimenti ta’ kreditu opportunistiċi. Il-portafoll tagħha jinkludi kumpaniji attivi f’firxa wiesgħa ta’ setturi, bħas-servizzi tan-negozju u l-edukazzjoni, il-konsumatur, l-enerġija, is-servizzi finanzjarji, il-kura tas-saħħa, servizzi industrijali u d-distribuzzjoni, it-teknoloġija, il-midja jew it-telekomunikazzjonijiet;
— Partners Group: kumpanija ta’ ġestjoni ta’ investiment dinji tas-swieq privati li tiffoka fuq l-ekwità privata, il-proprjetà immobbli privata, l-infrastruttura privata u d-dejn privat. Hearthside, li hija kkontrollata unikament minn affiljati ta’ Partners Group, hija attiva bħala manifattur tal-ikel b’kuntratt għal ditti alimentari u kumpaniji tal-ikel. Hearthside hija attiva wkoll fil-qasam tal-imballaġġ tal-ikel b’kuntratt u tagħmir tal-ippakkjar ta’ l-ikel b’kuntratt.
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż mill-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja tiġi dejjem speċifikata:
M.9035 — Charlesbank/Partners Group/H-Food Holdings
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
Email: COMP-MERGER-REGISTRY@ec.europa.eu |
|
Faks: +32 22964301 |
|
Indirizz tal-posta: |
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).