(1)

Ir-Regolament tal-Kummissjoni (UE) 2024/3190 (2) jistabbilixxi regoli dwar l-użu tal-bisfenol A (BPA) u ta’ bisfenoli oħra u derivattivi tal-bisfenol bi klassifikazzjoni armonizzata għal proprjetajiet perikolużi speċifiċi f’ċerti materjali u oġġetti maħsuba biex jiġu f’kuntatt mal-ikel.

(2)

Dak ir-Regolament fih ċerti inkonsistenzi u żbalji, u huwa importanti li dawn jiġu kkoreġuti biex jiġi żgurat il-funzjonament korrett tar-Regolament.

(3)

Fl-Artikolu 3 tar-Regolament (UE) 2024/3190, ir-referenza għal “BPA u tal-imlieħ tiegħu” hija inkonsistenti mad-definizzjoni ta’ “bisfenol” stabbilita fl-Artikolu 2(2)(c) ta’ dak ir-Regolament, li tinkludi l-forma tal-melħ tal-bisfenol, u mal-bqija tat-test li sempliċiment jirreferi għal “BPA”. Għalhekk, il-kliem “u tal-imlieħ tiegħu” jenħtieġ li jitħassru mill-Artikolu 3.

(4)

L-Artikolu 3(2) tar-Regolament (UE) 2024/3190 għandu l-għan li jipprovdi deroga mill-projbizzjoni stabbilita fl-Artikolu 3(1) ta’ dak ir-Regolament li jintuża l-BPA fil-manifattura tal-materjali u l-oġġetti li jiġu f’kuntatt mal-ikel imsemmija fl-Artikolu 1(2) ta’ dak ir-Regolament u mill-introduzzjoni fis-suq tal-Unjoni ta’ tali materjali u oġġetti li jiġu f’kuntatt mal-ikel manifatturati bl-użu tal-BPA. Għal din ir-raġuni u għall-konsistenza mal-Artikolu 3(1), l-Artikolu 3(2) jenħtieġ li jirreferi wkoll għall-introduzzjoni fis-suq tal-Unjoni ta’ dawn il-materjali u l-oġġetti li jiġu f’kuntatt mal-ikel.

(5)

L-Artikolu 9(2) tar-Regolament (UE) 2024/3190 għandu l-għan li jiżgura li jintuża metodu xieraq ta’ analiżi biex tiġi ddeterminata l-konformità mal-Artikolu 4 ta’ dak ir-Regolament. Peress li l-Artikolu 4 jipprojbixxi l-preżenza ta’ “BPA residwu”, l-Artikolu 9(2)(c) ta’ dak ir-Regolament jenħtieġ li jirreferi wkoll għal “BPA residwu”.

(6)

Kif spjegat fil-premessi 16 u 17 tar-Regolament (UE) 2024/3190, l-Artikolu 11 ta’ dak ir-Regolament għandu l-għan li jipprovdi dispożizzjonijiet tranżizzjonali għall-ewwel introduzzjoni fis-suq ta’ oġġetti finali għall-użu ta’ darba li jiġu f’kuntatt mal-ikel. Peress li dak l-Artikolu 11, madankollu, jirreferi b’mod żbaljat biss għall-materjali li jiġu f’kuntatt mal-ikel “introdotti fis-suq”, dan jenħtieġ li jiġi kkoreġut. Għal raġunijiet ta’ konsistenza, il-premessa 18 tar-Regolament (UE) 2024/3190 jenħtieġ li tiġi kkoreġuta wkoll.

(7)

L-għan tal-Artikolu 12(3) tar-Regolament (UE) 2024/3190 huwa li jippermetti li l-oġġetti finali għall-użu ripetut li jiġu f’kuntatt mal-ikel, li tqiegħdu għall-ewwel darba fis-suq f’konformità mal-paragrafi 1 u 2 ta’ dak l-Artikolu, jibqgħu fis-suq għal perjodu massimu ta’ 12-il xahar, sabiex in-negozji jkunu jistgħu jgħaddu dawk l-oġġetti li jiġu f’kuntatt mal-ikel lill-klijenti, kif spjegat fil-premessa 22 ta’ dak ir-Regolament. Peress li t-tmiem tal-perjodu tranżizzjonali għall-oġġetti li jiġu f’kuntatt mal-ikel fil-paragrafu 1 huwa differenti minn tmiem il-perjodu tranżizzjonali għall-oġġetti li jiġu f’kuntatt mal-ikel fil-paragrafu 2, id-data indikata tal-20 ta’ Jannar 2029 tapplika biss għall-oġġetti introdotti fis-suq għall-ewwel darba f’konformità mal-paragrafu 2. Għalhekk, jenħtieġ li tiġi stabbilita d-data addizzjonali tal-20 ta’ Lulju 2027 fl-Artikolu 12(3) għall-oġġetti li jiġu f’kuntatt mal-ikel imsemmija fil-paragrafu 1 u introdotti fis-suq għall-ewwel darba sal-20 ta’ Lulju 2026.

(8)

Il-formulazzjoni attwali tal-punt 3 tal-Anness III tar-Regolament (UE) 2024/3190 tirrikjedi l-identifikazzjoni kemm tal-materjali intermedji li jiġu f’kuntatt mal-ikel kif ukoll tal-oġġetti finali li jiġu f’kuntatt mal-ikel fid-dikjarazzjoni tal-konformità, li tista’ toħloq kwistjonijiet ta’ kunfidenzjalità għall-operaturi tan-negozju. Madankollu, kif spjegat fil-premessa 14 ta’ dak ir-Regolament, l-għan huwa li tkun rikjesta l-identità tal-materjali u l-oġġetti li jiġu f’kuntatt mal-ikel meta jingħaddu minn negozju għal ieħor. Għalhekk, il-formulazzjoni jenħtieġ li tiġi kkoreġuta biex tirrikjedi li tissemma l-identità tal-materjal intermedju li jiġi f’kuntatt mal-ikel jew tal-oġġett finali li jiġi f’kuntatt mal-ikel li għalih tkun inħarġet id-dikjarazzjoni ta’ konformità.

(9)

Għalhekk, jenħtieġ li r-Regolament (UE) 2024/3190 jiġi kkoreġut kif xieraq.

(10)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf.

(1)

fil-premessa 18, ir-raba’ sentenza hija sostitwita b’dan li ġej:

“Għalhekk, sabiex jingħata biżżejjed żmien biex l-applikazzjonijiet għal dawn it-tipi ta’ imballaġġ jinġiebu fuq skala kummerċjali u biex tiġi evitata l-ħela tal-ikel, jixraq li l-oġġetti finali li jiġu f’kuntatt mal-ikel li jkunu ġew prodotti bl-użu ta’ verniċ u kisi manifatturati bil-BPA, speċifikament għall-imballaġġ użat għall-preservazzjoni tal-frott, il-ħxejjex u l-prodotti tas-sajd ipproċessati, jitħallew jiġu introdotti fis-suq għall-ewwel darba matul perjodu ta’ 36 xahar wara d-dħul fis-seħħ ta’ dan ir-Regolament.”

(2)

L-Artikolu 3 huwa sostitwit b’dan li ġej:

(3)

fl-Artikolu 9, il-paragrafu 2 huwa sostitwit b’dan li ġej:

(4)

L-Artikolu 11 huwa sostitwit b’dan li ġej:

(5)

fl-Artikolu 12, il-paragrafu 3 huwa sostitwit b’dan li ġej:

(6)

fl-Anness III, il-punt 3 huwa sostitwit b’dan li ġej: