(1)

Le Rialachán (AE) 2024/3190 ón gCoimisiún (2), leagtar síos rialacha maidir le húsáid bisfeanóil A (BPA) agus bisfeanól agus díorthach bisfeanóil eile ag a bhfuil aicmiú comhchuibhithe i leith airíonna guaiseacha sonracha in ábhair agus earraí áirithe atá beartaithe lena dteacht i dteagmháil le bia.

(2)

Tá neamhréireanna agus earráidí áirithe sa Rialachán sin, ar neamhréireanna agus earráidí iad atá tábhachtach chun feidhmiú ceart an Rialacháin a áirithiú.

(3)

In Airteagal 3 de Rialachán (AE) 2024/3190, tá an tagairt do ‘BPA agus a shalainn’ ar neamhréir leis an sainmhíniú ar ‘bisfeanól’ a leagtar síos in Airteagal 2(2)(c) den Rialachán sin, lena n-áirítear foirm shalainn an bhisfeanóil, agus leis an gcuid eile den téacs nach dtagraíonn ach do ‘BPA’. Dá bhrí sin, ba cheart na focail ‘agus a shalainn’ a scriosadh ó Airteagal 3.

(4)

Is é is aidhm d’Airteagal 3(2) de Rialachán (AE) 2024/3190 maolú a sholáthar ar an toirmeasc a leagtar síos in Airteagal 3(1) den Rialachán sin ar BPA a úsáid i monarú na n-ábhar agus na n-earraí bia-thadhaill dá dtagraítear in Airteagal 1(2) den Rialachán sin agus ar ábhair agus earraí bia-thadhaill den sórt sin a mhonaraítear trí úsáid BPA a chur ar mhargadh an Aontais. Ar an gcúis sin agus ar mhaithe le comhsheasmhacht le hAirteagal 3(1), ba cheart tagairt a dhéanamh freisin in Airteagal 3(2) do na hábhair agus na hearraí bia-thadhaill sin a chur ar mhargadh an Aontais.

(5)

Is é is aidhm d’Airteagal 9(2) de Rialachán (AE) 2024/3190 a áirithiú go n-úsáidfear modh iomchuí anailíse chun comhlíonadh Airteagal 4 den Rialachán sin a chinneadh. Ós rud é go dtoirmisctear le hAirteagal 4 ‘iarmhar BPA’ a bheith i láthair, ba cheart tagairt a dhéanamh in Airteagal 9(2)(c) den Rialachán sin freisin do ‘iarmhar BPA’.

(6)

Mar a mhínítear in aithrisí 16 agus 17 de Rialachán (AE) 2024/3190, is é is aidhm d’Airteagal 11 den Rialachán sin forálacha idirthréimhseacha a sholáthar maidir le hearraí deiridh aon úsáide bia-thadhaill a chur ar an margadh den chéad uair. Ós rud é, áfach, go ndéantar tagairt go mícheart in Airteagal 11 d’ábhair bia-thadhaill ‘a chuirtear ar an margadh’, ba cheart é a cheartú. Ar chúiseanna comhsheasmhachta, ba cheart aithris 18 de Rialachán (AE) 2024/3190 a cheartú freisin.

(7)

Is é is aidhm d’Airteagal 12(3) de Rialachán (AE) 2024/3190 foráil a dhéanamh maidir le hearraí deiridh athúsáide bia-thadhaill, a cuireadh ar an margadh den chéad uair i gcomhréir le míreanna 1 agus 2 den Airteagal sin, fanacht ar an margadh ar feadh uastréimhse 12 mhí, chun go mbeidh gnólachtaí in ann na hearraí bia-thadhaill sin a chur ar aghaidh chuig custaiméirí, mar a mhínítear in aithris 22 den Rialachán sin. Ós rud é go bhfuil deireadh na hidirthréimhse d’earraí bia-thadhaill i mír 1 éagsúil le deireadh na hidirthréimhse d’earraí bia-thadhaill i mír 2, níl feidhm ag an dáta sonraithe an 20 Eanáir 2029 ach amháin maidir le hearraí a chuirtear ar an margadh den chéad uair i gcomhréir le mír 2. Dá bhrí sin, ba cheart dáta breise, an 20 Iúil 2027, a leagan amach in Airteagal 12(3) le haghaidh na n-earraí bia-thadhaill dá dtagraítear i mír 1 agus a chuirtear ar an margadh den chéad uair faoin 20 Iúil 2026.

(8)

Leis an bhfoclaíocht atá ann faoi láthair i bpointe 3 d’Iarscríbhinn III a ghabhann le Rialachán (AE) 2024/3190, ní mór ábhair idirmheánacha bia-thadhaill agus earraí deiridh bia-thadhaill araon a shainaithint sa dearbhú comhlíontachta, rud a d’fhéadfadh fadhbanna rúndachta a chruthú d’oibreoirí gnó. Mar sin féin, mar a mhínítear in aithris 14 den Rialachán sin, is é an aidhm atá ann céannacht na n-ábhar agus na n-earraí bia-thadhaill a cheangal idir gnólacht amháin agus gnólacht eile. Dá bhrí sin, ba cheart an fhoclaíocht a cheartú chun a cheangal go luafar céannacht an ábhair idirmheánaigh bia thadhaill nó an earra deiridh bia-thadhaill a n-eisítear an dearbhú comhlíontachta ina leith.

(9)

Dá bhrí sin, ba cheart Rialachán (AE) 2024/3190 a cheartú dá réir.

(10)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha.

(1)

i bpointe 18, cuirtear an méid seo a leanas in ionad an cheathrú habairt:

‘Dá bhrí sin, ionas go mbeidh dóthain ama ann chun úsáidí na gcineálacha pacáistithe sin a mhéadú de réir scála tráchtála agus chun cur amú bia a sheachaint, is iomchuí cead a thabhairt earraí bia-thadhaill deiridh a chur ar an margadh den chéad uair le linn tréimhse 36 mhí tar éis theacht i bhfeidhm an Rialacháin seo, arb earraí iad ina n-úsáidtear vearnaisí agus brait arna monarú le BPA, go sonrach i gcás an phacáistithe a úsáidtear chun torthaí, glasraí agus táirgí éisc próiseáilte a leasú.’

(2)

Cuirtear an méid seo a leanas in ionad Airteagal 3:

(3)

in Airteagal 9, cuirtear an méid seo a leanas in ionad mhír 2:

(4)

Cuirtear an méid seo a leanas in ionad Airteagal 11:

(5)

in Airteagal 12, cuirtear an méid seo a leanas in ionad mhír 3:

(6)

in Iarscríbhinn III, cuirtear an méid seo a leanas in ionad phointe 3: