L_202403198MT.000101.fmx.xml

IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

Billi:

(1)	Fit-12 ta’ Jannar 2024, il-Kunsill adotta d-Deċiżjoni (PESK) 2024/254 (1).

(2)

Fit-2 ta’ Frar 2024, fil-kuntest ta’ azzjonijiet li jdgħajfu d-demokrazija, l-istat tad-dritt u t-trasferiment paċifiku tal-poter fil-Gwatemala, inkluż tentattivi biex jinbidel l-eżitu leġittimu tal-elezzjonijiet tal-Gwatemala tal-2023 bi ksur tal-kostituzzjoni tal-pajjiż, l-istat tad-dritt u l-prinċipji tad-demokrazija, il-Kunsill adotta d-Deċiżjoni (PESK) 2024/457 (2) li żiedet ħames persuni mal-lista ta’ persuni fiżiċi u ġuridiċi, entitajiet u korpi soġġetti għal miżuri restrittivi li tinsab fl-Anness tad-Deċiżjoni (PESK) 2024/254.

(3)	Id-Deċiżjoni (PESK) 2024/254 tapplika sat-13 ta’ Jannar 2025. Fuq il-bażi ta’ rieżami ta’ dik id-Deċiżjoni, jenħtieġ li l-miżuri restrittivi stabbiliti fiha jiġu estiżi sat-13 ta’ Jannar 2026.

(4)	Għalhekk, jenħtieġ li d-Deċiżjoni (PESK) 2024/254 tiġi emendata skont dan,

ADOTTA DIN ID-DEĊIŻJONI:

Artikolu 1

Fl-Artikolu 9 tad-Deċiżjoni (PESK) 2024/254, l-ewwel paragrafu huwa sostitwit b’dan li ġej:

“Din id-Deċiżjoni għandha tapplika sat-13 ta’ Jannar 2026.”.

Artikolu 2

Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.