ANNESS I

Preżentazzjoni tal-kontenut tal-Pjan Strateġiku tal-PAK

1.   Dikjarazzjoni Strateġika

Il-ħarsa ġenerali tal-Pjan Strateġiku tal-PAK għandha tiddeskrivi dak li l-PAK għandha l-għan li tikseb fit-territorju tal-Istat Membru. Hija għandha tiffoka fuq ir-riżultati u fuq l-interventi ewlenin mistennija, inkluż l-elementi rilevanti tal-arkitettura ekoloġika, fid-dawl tal-ħtiġijiet identifikati, u tiġbor fil-qosor l-għażliet ewlenin dwar l-allokazzjoni finanzjarja. Hija għandha turi kif dawn l-aspetti huma relatati ma’ xulxin. Jistgħu jiġu pprovduti punti ewlenin dwar kif ġew indirizzati l-elementi prinċipali previsti fir-Rakkomandazzjonijiet tal-Kummissjoni għall-Pjan Strateġiku tal-PAK.

2.   Valutazzjoni tal-ħtiġijiet, strateġija ta’ intervent, indikaturi tal-kuntest u pjan tal-miri

2.1.   Valutazzjoni tal-ħtiġijiet

Għal kull objettiv speċifiku msemmi fl-Artikolu 6(1) u (2) tar-Regolament (UE) 2021/2115, din is-sottotaqsima tal-Pjan Strateġiku tal-PAK għandu jkun fiha:

(a)	sommarju tal-analiżi tas-sitwazzjoni f’termini ta’ qawwiet, dgħufijiet, opportunitajiet u theddidiet (“l-analiżi SWOT”) f’erba’ partijiet (qawwiet, dgħufijiet, opportunitajiet u theddidiet);

(b)

identifikazzjoni u deskrizzjoni ta’ kull ħtieġa irrispettivament minn jekk hijiex indirizzata bl-interventi tal-Pjan Strateġiku tal-PAK. Din għandha tinkludi: (i) deskrizzjoni tal-ħtieġa, inkluż it-tipi ta’ żoni jew territorji kkonċernati fejn rilevanti; (ii) ir-rabta ta’ kull ħtieġa ma’ objettiv speċifiku wieħed jew aktar imsemmija fl-Artikolu 6(1) u (2) tar-Regolament (UE) 2021/2115; (iii) fir-rigward tal-objettiv speċifiku msemmi fil-punt (a) tal-Artikolu 6(1) tar-Regolament (UE) 2021/2115, valutazzjoni ta’ dawk il-ħtiġijiet fir-rigward ta’ distribuzzjoni aktar ġusta u mmirar aktar effettiv u effiċjenti tal-pagamenti diretti, fejn rilevanti filwaqt li titqies l-istruttura tal-azjendi agrikoli, u valutazzjoni tal-ħtiġijiet b’rabta mal-ġestjoni tar-riskju; (iv) fir-rigward tal-ħtiġijiet marbuta mal-objettivi speċifiċi msemmija fl-Artikolu 6(1)(d), (e) u (f), tar-Regolament (UE) 2021/2115, kif tqiesu l-miri rilevanti u elementi oħrajn tal-pjanijiet ambjentali u klimatiċi nazzjonali li jirriżultaw mill-atti leġiżlattivi msemmija fl-Anness XIII ta’ dak ir-Regolament. Id-deskrizzjoni għandha tagħmilha ċara liema ħtiġijiet huma relatati ma’ liema mill-miri jew mill-pjanijiet ambjentali u klimatiċi nazzjonali rilevanti.

Din is-sottotaqsima għandha tiddefinixxi fil-livell tal-Pjan Strateġiku tal-PAK:

(a)	il-prijoritizzazzjoni tal-ħtiġijiet, inkluż ġustifikazzjoni soda tal-għażliet magħmula u l-metodu u l-kriterji użati;

(b)	fejn rilevanti, spjegazzjoni tar-raġunijiet għaliex ċerti ħtiġijiet ma humiex indirizzati jew huma indirizzati parzjalment fil-Pjan Strateġiku tal-PAK;

(c)	fejn rilevanti, valutazzjoni tal-ħtiġijiet ta’ żoni ġeografiċi speċifiċi, bħar-reġjuni ultraperiferiċi, iż-żoni muntanjużi u l-gżejjer.

2.2.   Strateġija ta’ intervent

Għal kull objettiv speċifiku msemmi fl-Artikolu 6(1) u (2) tar-Regolament (UE) 2021/2115, din is-sottotaqsima għandu jkun fiha:

(a)

deskrizzjoni tal-istrateġija ta’ intervent, li tispjega kif il-kombinament ta’ interventi, u elementi ewlenin rilevanti oħrajn tal-Pjan Strateġiku tal-PAK huma mistennija li jaħdmu flimkien fl-indirizzar tal-ħtiġijiet, inkluż l-aspetti territorjali, kif l-interventi jikkontribwixxu b’mod dirett u sinifikanti għall-objettiv speċifiku u kif dawn jikkombinaw ma’ strumenti rilevanti oħra barra mill-Pjan Strateġiku tal-PAK;

(b)

għażla tal-indikatur(i) tar-riżultat abbażi tal-valutazzjoni tal-ħtiġijiet, inkluż ġustifikazzjoni tal-miri u tal-istadji importanti relatati rilevanti għall-Pjan Strateġiku tal-PAK kollu, abbażi tal-lista fl-Anness I tar-Regolament (UE) 2021/2115. Ir-rabtiet bejn l-indikaturi tar-riżultati u l-objettivi għandhom ikunu konsistenti kemm mal-valutazzjoni tal-ħtiġijiet kif ukoll mal-loġika tal-intervent, u għandhom iqisu r-rabtiet bejn l-interventi u l-indikaturi tar-riżultati. L-Istati Membri għandhom jistabbilixxu valur fil-mira wieħed għal kull indikatur tar-riżultati għall-perjodu sħiħ tal-Pjan Strateġiku tal-PAK. Meta l-mira tkun proporzjon, l-Istati Membri għandhom jipprovdu n-numeratur u d-denominatur. Il-valuri tal-miri u tal-istadji importanti annwali għandhom ikunu koerenti u kompatibbli mal-ħtiġijiet u wkoll mal-valuri tal-outputs ippjanati tal-interventi marbuta mal-indikaturi tar-riżultati korrispondenti u għandhom jinkludu, fejn rilevanti, il-finanzjament nazzjonali addizzjonali msemmi fl-Artikolu 115(5) tar-Regolament (UE) 2021/2115;

(c)	spjegazzjoni dwar kif l-interventi jippermettu li jintlaħqu l-miri u kif dawn huma koerenti u kompatibbli b’mod reċiproku;

(d)	ġustifikazzjoni li l-allokazzjonijiet finanzjarji għall-interventi huma adegwati biex jintlaħqu l-miri stabbiliti u huma konsistenti mal-pjan finanzjarju;

(e)

fejn rilevanti, ġustifikazzjoni tal-użu tal-InvestEU u l-kontribuzzjoni tiegħu għall-ilħuq ta’ wieħed jew aktar mill-objettivi speċifiċi stabbiliti fl-Artikolu 6(1) u (2) tar-Regolament (UE) 2021/2115 u magħżula skont il-Pjan Strateġiku tal-PAK. Din is-sottotaqsima għandha tinkludi wkoll spjegazzjoni tal-kontribuzzjoni nazzjonali għall-ilħuq tal-miri tal-Unjoni għall-2030 stabbiliti fl-Istrateġija Mill-Għalqa sal-Platt u fl-Istrateġija tal-UE għall-Bijodiversità bil-għan li l-Kummissjoni tkun tista’ tivvaluta l-konsistenza u l-kontribuzzjoni tal-Pjan Strateġiku propost tal-PAK mal-leġiżlazzjoni u mal-impenji ambjentali u klimatiċi tal-Unjoni u, b’mod partikolari, mal-miri rilevanti tal-Unjoni. L-Istati Membri jistgħu jżidu aktar informazzjoni f’anness addizzjonali tal-Pjan Strateġiku tal-PAK kif imsemmi fl-Artikolu 2 ta’ dan ir-Regolament.

2.3.   Indikaturi tal-kuntest

Din is-sottotaqsima għandha tipprovdi, għall-indikaturi tal-kuntest elenkati fl-Anness I tar-Regolament (UE) 2021/2115 użati bħala denominaturi ta’ indikaturi tar-riżultati, il-valur ta’ referenza u s-sena bażi, bl-użu tal-aħħar data disponibbli.

2.4.   Pjan tal-Miri

Din is-sottotaqsima għandha turi f’tabella rikapitulattiva, għal kull indikatur tar-riżultati magħżul għal-loġika tal-intervent f’konformità mal-punt (b) tas-sottotaqsima 2.2, il-valur fil-mira u l-istadji importanti annwali.

3.   Konsistenza tal-istrateġija

Għal kull sottotaqsima, din it-taqsima għandha tipprovdi ħarsa ġenerali lejn is-sinerġiji u l-komplementarjetajiet li jirriżultaw minn kombinament ta’ interventi u kundizzjonijiet stabbiliti fil-Pjan Strateġiku tal-PAK.

Din it-taqsima għandu jkun fiha s-sottotaqsimiet li ġejjin:

3.1.   Ħarsa ġenerali lejn l-arkitettura ambjentali u klimatika

Din is-sottotaqsima għandha tinkludi deskrizzjoni ta’:

(a)	il-kontribuzzjoni ġenerali tal-kundizzjonalità għall-objettivi speċifiċi relatati mal-ambjent u mal-klima;

(b)

il-komplementarjetà bejn il-kundizzjonijiet bażi rilevanti, kif imsemmija fl-Artikoli 31(5) u 70(3) tar-Regolament (UE) 2021/2115, il-kundizzjonalità u l-interventi differenti li jindirizzaw l-objettivi relatati mal-ambjent u mal-klima stabbiliti fil-punti (d), (e), u (f) tal-Artikolu 6(1) ta’ dak ir-Regolament;

(c)	il-mod kif inhu mistenni li tintlaħaq l-ambizzjoni akbar fir-rigward tal-objettivi relatati mal-ambjent u mal-klima, kif stabbilit fl-Artikolu 105 tar-Regolament (UE) 2021/2115;

(d)	spjegazzjoni ta’ kif l-arkitettura ambjentali u klimatika tikkontribwixxi għal, u hija konsistenti mal-miri nazzjonali fit-tul stabbiliti jew derivati mill-atti leġiżlattivi msemmija fl-Anness XIII tar-Regolament (UE) 2021/2115;

(e)

għal kull KAAT, deskrizzjoni tal-mod kif jiġi implimentat l-istandard tal-Unjoni, inklużi l-elementi li ġejjin: sommarju tal-prattika fl-azjenda agrikola, il-kamp ta’ applikazzjoni territorjali, it-tip ta’ bdiewa soġġetti għall-istandard u, fejn meħtieġ, deskrizzjoni ta’ kif il-prattika tikkontribwixxi għall-ilħuq tal-objettiv ewlieni tal-istandard tal-KAAT. Din id-deskrizzjoni għandha tinkludi l-informazzjoni li ġejja: (i) għall-KAAT 1: sommarju tal-obbligi fl-azjenda agrikola bħall-awtorizzazzjoni u l-konverżjoni mill-ġdid, u regoli oħrajn fil-każ li l-proporzjon tal-bur permanenti fir-rigward tal-erja agrikola totali jaqa’ taħt il-proporzjon ta’ referenza, il-livell territorjali (nazzjonali, reġjonali, subreġjonali, livell ta’ azjenda) għall-kalkolu tal-proporzjon ta’ referenza ta’ bwar permanenti fir-rigward tal-erja agrikola totali, il-valur tal-proporzjon ta’ referenza fil-livelli applikabbli kif ukoll spjegazzjoni tal-kalkolu tiegħu; (ii) għall-KAAT 2, indikazzjoni ta’: — it-tipi ewlenin ta’ żoni agrikoli preżenti fiż-żoni tat-torbiera u tal-art mistagħdra identifikati u ddeżinjati; — ir-rekwiżiti li se jiġu applikati għat-tipi differenti ta’ art agrikola biex tiġi protetta l-ħamrija b’livell għoli ta’ karbonju; — is-sena tal-bidu tal-applikazzjoni tal-KAAT; jekk l-applikazzjoni tkun ippjanata għas-sena tat-talba 2024 jew 2025, għandha tiġi pprovduta ġustifikazzjoni għal dan id-dewmien abbażi tal-ħtiġijiet u l-ippjanar fir-rigward tas-sistema ta’ ġestjoni msemmija fin-nota f’qiegħ il-paġna 1 tal-KAAT 2 fl-Anness III tar-Regolament (UE) 2021/2115; — jekk l-applikazzjoni ta’ din il-KAAT hija ppjanata għas-sena tat-talba 2024 jew 2025, id-deskrizzjoni tat-tip ta’ żoni agrikoli fiż-żona magħżula u s-sommarju tal-prattiki tal-azjendi agrikoli għandhom jiġu pprovduti sal-aktar tard fl-emenda tal-Pjan Strateġiku tal-PAK kif approvata mill-Kummissjoni f’konformità mal-Artikolu 119 tar-Regolament (UE) 2021/2115 qabel l-ewwel sena tal-applikazzjoni tal-KAAT; (iii) għall-KAAT 3: indikazzjoni tal-kundizzjonijiet għad-deroga għal raġunijiet ta’ saħħa tal-pjanti; (iv) għall-KAAT 4: — il-wisa’ minima tal-biċċiet art ta’ lqugħ u d-definizzjoni tal-mogħdijiet tal-ilma li jridu jiġu protetti billi jiġi applikat dan l-istandard, fejn rilevanti, li għandhom jiġu pprovduti fil-kamp ta’ applikazzjoni territorjali; — spjegazzjoni taċ-ċirkostanzi lokali speċifiċi, jekk l-Istati Membri jaġġustaw il-wisa’ minima tal-biċċiet art ta’ lqugħ b’fosos sinifikanti għat-tneħħija tal-ilma u għall-irrigazzjoni; (v) għall-KAAT 5: sommarju tal-prattika fl-azjenda agrikola li jispeċifika l-gradjent tal-inklinazzjoni u, li jidentifika, fejn rilevanti, iż-żoni f’riskju ta’ erożjoni; (vi) għall-KAAT 6: — sommarju tal-prattika fl-azjenda agrikola li jispeċifika l-aktar perjodu/i sensittiv(i) kkonċernat(i) u t-tip ta’ għata tal-ħamrija; — Jekk l-Istati membri japplikaw in-nota f’qiegħ il-paġna 2 tal-KAAT 6 tal-Anness III tar-Regolament (UE) 2021/2115, spjegazzjoni tal-kundizzjonijiet speċifiċi tar-reġjuni kkonċernati; (vii) għall-KAAT 7: — sommarju tal-prattika fl-azjenda agrikola li tispeċifika l-prattiki ta’ rotazzjoni u d-definizzjoni ta’ għelejjel u għelejjel sekondarji; — it-tip ta’ bdiewa kkonċernati inklużi l-eżenzjonijiet applikati msemmija fl-Anness III tar-Regolament (UE) 2021/2115; — meta Stat Membru jawtorizza prattiki relatati man-newba mtejba tal-għelejjel b’għelejjel leguminużi u mad-diversifikazzjoni tal-għelejjel f’reġjuni speċifiċi tat-territorju tagħhom kif imsemmi fin-nota f’qiegħ il-paġna 3 tal-KAAT 7 fl-Anness III tar-Regolament (UE) 2021/2115, spjegazzjoni tal-kontribuzzjoni ta’ dawn il-prattiki għall-preservazzjoni tal-potenzjal ta-ħamrija skont l-objettivi tal-KAAT abbażi tad-diversità tal-metodi tal-biedja u tal-kundizzjonijiet agroklimatiċi fir-reġjuni kkonċernati u ġustifikazzjoni tal-għażla li saret; (viii) għall-KAAT 8: — spjegazzjoni tal-għażla tal-opzjonijiet magħmula mill-Istati Membri għas-sehem minimu ta’ raba’ li jinħadem iddedikat għal żoni jew karatteristiċi mhux produttivi, b’mod partikolari jekk mhux it-tliet opzjonijiet kollha stabbiliti fl-Anness III tar-Regolament (UE) 2021/2115 huma applikabbli; — is-sehem speċifiku/ishma speċifiċi ta’ raba’ li jinħadem soġġett(i) għall-istandard; — indikazzjoni tal-karatteristiċi tal-pajsaġġ u taż-żoni mhux produttivi mil-lista indikattiva li ġejja: raba’ li jitħalla jistrieħ, ringieli ta’ sġajriet, siġar individwali jew gruppi ta’ siġar, ringieli ta’ siġar, marġnijiet tal-għelieqi, irqajja’, biċċiet art ta’ lqugħ, fosos, kurrenti, vaski żgħar, artijiet mistagħdra żgħar, ħitan tal-ġebel, cairns, terrazzi, karatteristiċi kulturali, oħrajn; — għal kull tip ta’ karatteristika tal-pajsaġġ u żona mhux produttivi magħżula mill-Istati Membri fost dawk tal-lista indikattiva taħt it-tieni inċiż ta’ dan il-punt, indikazzjoni tad-daqs minimu u tal-fatturi ta’ ponderazzjoni jew tal-fatturi ta’ konverżjoni użati għall-kalkolu tas-sehem minimu tal-karatteristiċi tal-pajsaġġ u taż-żoni mhux produttivi f’raba’ li jinħadem, skont il-kontribuzzjoni tagħhom għall-objettiv tal-bijodiversità, fejn applikabbli; — l-informazzjoni dwar it-tip ta’ bdiewa kkonċernati, inkluż l-eżenzjonijiet applikati msemmija fin-nota f’qiegħ il-paġna 1 tal-KAAT 8 fl-Anness III tar-Regolament (UE) 2021/2115; — il-lista tal-karatteristiċi tal-pajsaġġ ikkonċernati mill-istandard dwar iż-żamma tal-karatteristiċi tal-pajsaġġ; — il-miżuri biex jiġu evitati speċijiet ta’ pjanti invażivi fejn applikabbli; (ix) għall-KAAT 9: elementi biex jiġu indikati bwar permanenti sensittivi għall-ambjent u l-għadd indikattiv korrispondenti ta’ ettari;

(f)

meta l-Istati Membri jistabbilixxu standards addizzjonali tal-KAAT għal dawk stabbiliti fl-Anness III dwar l-objettivi ewlenin ta’ dak l-Anness, skont l-Artikolu 13(2) tar-Regolament (UE) 2021/2115, spjegazzjoni tal-prattika fl-azjenda agrikola, il-kamp ta’ applikazzjoni territorjali, it-tip ta’ bdiewa soġġetti għall-istandard u deskrizzjoni ta’ kif l-istandard jikkontribwixxi għall-kisba tal-objettiv;

(g)	fejn rilevanti, spjegazzjoni tal-kontribuzzjoni tal-PAK għall-ingranaġġ tal-appoġġ u biex itejbu l-Proġetti Strateġiċi tan-Natura integrati li huma ta’ benefiċċju għall-komunitajiet tal-bdiewa kif previst fir-Regolament (UE) 2021/783 tal-Parlament Ewropew u tal-Kunsill (1).

3.2.   Ħarsa ġenerali lejn l-interventi u l-kundizzjonijiet rilevanti għall-bdiewa żgħażagħ

Din is-sottotaqsima għandha tipprovdi l-elementi stabbiliti fil-punt (b) tal-Artikolu 109(2) tar-Regolament (UE) 2021/2115, u, fejn rilevanti, spjegazzjoni tal-kontribuzzjoni tal-PAK fir-rigward tal-mobbiltà transnazzjonali edukattiva ta’ persuni fil-qasam tal-iżvilupp agrikolu u rurali b’enfasi fuq il-bdiewa żgħażagħ u n-nisa fiż-żoni rurali, f’konformità mar-Regolament (UE) 2021/817 tal-Parlament Ewropew u tal-Kunsill (2).

3.3.   Ħarsa ġenerali lejn ir-relazzjoni bejn l-appoġġ akkoppjat għall-introjtu u d-Direttiva 2000/60/KE tal-Parlament Ewropew u tal-Kunsill (3)

Din is-sottotaqsima għandha tipprovdi l-elementi stabbiliti fil-punt (c) tal-Artikolu 109(2) tar-Regolament (UE) 2021/2115.

3.4.   Ħarsa ġenerali lejn l-għan ta’ distribuzzjoni aktar ġusta u mmirar aktar effettiv u effiċjenti tal-appoġġ għall-introjtu

Din is-sottotaqsima għandha tipprovdi l-elementi stabbiliti fil-punt (d) tal-Artikolu 109(2) tar-Regolament (UE) 2021/2115.

3.5.   Ħarsa ġenerali lejn l-interventi relatati mas-settur

Din is-sottotaqsima għandha tipprovdi l-elementi stabbiliti fil-punt (e) tal-Artikolu 109(2), tar-Regolament (UE) 2021/2115. Barra minn hekk, il-ħarsa ġenerali għal kull settur għandha tinkludi, fejn rilevanti, il-komplementarjetà mal-elementi tal-kundizzjonalità.

3.6.   Ħarsa ġenerali lejn l-interventi li jikkontribwixxu biex jiġi żgurat approċċ koerenti u integrat għall-ġestjoni tar-riskju

Din is-sottotaqsima għandha tispjega l-kombinament ta’ interventi, inkluż, fejn rilevanti, l-opzjoni stabbilita fl-Artikolu 19 tar-Regolament (UE) 2021/2115, maħsuba biex tikkontribwixxi biex jiġi żgurat approċċ koerenti u integrat għall-ġestjoni tar-riskju.

3.7.   Interazzjoni bejn l-interventi u l-elementi nazzjonali u reġjonali

Din is-sottotaqsima għandha tinkludi:

(a)	fejn rilevanti, deskrizzjoni tal-interazzjoni bejn l-interventi nazzjonali u dawk reġjonali, inkluż id-distribuzzjoni tal-allokazzjonijiet finanzjarji għal kull intervent u għal kull fond;

(b)	fejn huma stabbiliti elementi tal-Pjan Strateġiku tal-PAK fil-livell reġjonali, spjegazzjoni dwar kif l-istrateġija ta’ intervent tiżgura l-koerenza u l-konsistenza ta’ dawn l-elementi mal-elementi tal-Pjan Strateġiku tal-PAK stabbilit fil-livell nazzjonali.

3.8.   Ħarsa ġenerali lejn il-kontribuzzjoni għall-objettiv tat-titjib tat-trattament xieraq tal-annimali u l-ġlieda kontra r-reżistenza għall-antimikrobiċi, imsemmi fil-punt (i) tal-Artikolu 6(1) tar-Regolament (UE) 2021/2115

Din is-sottotaqsima għandha tipprovdi l-elementi stabbiliti fil-punt (h) tal-Artikolu 109(2), tar-Regolament (UE) 2021/2115.

3.9.   Spjegazzjoni ta’ kif l-interventi u l-elementi komuni għal diversi interventi jikkontribwixxu għas-simplifikazzjoni għall-benefiċjarji finali u għat-tnaqqis tal-piż amministrattiv

Din l-ispjegazzjoni għandha tinkludi b’mod partikolari l-miżuri meħuda fl-implimentazzjoni tal-PAK permezz tat-teknoloġija u d-data li jgħinu fis-simplifikazzjoni tal-ġestjoni u tal-amministrazzjoni tal-PAK, u permezz tas-simplifikazzjoni tat-tfassil ta’ interventi fil-Pjan Strateġiku tal-PAK.

4.   Elementi komuni għal diversi interventi

4.1.   Definizzjonijiet u rekwiżiti minimi

Din is-sottotaqsima għandha tinkludi dan li ġej:

(a)    attività agrikola

Fir-rigward tad-definizzjoni tal-produzzjoni agrikola, l-Istati Membri għandhom jipprovdu biss informazzjoni fejn huma jemendaw id-definizzjoni meta mqabbla mal-punt (c)(i) tal-Artikolu 4(1) tar-Regolament (UE) Nru 1307/2013 tal-Parlament Ewropew u tal-Kunsill (4).

Fir-rigward tad-definizzjoni ta’ manutenzjoni taż-żona agrikola, tali definizzjoni għandha tiġi pprovduta għat-tipi kollha ta’ żoni agrikoli (raba’ li jinħadem, għelejjel permanenti u bwar permanenti). Meta l-Istati Membri jiddefinixxu rekwiżiti separati għar-raba’ mistrieħ, dan għandu jiġi speċifikat;

(b)    żona agrikola

Fejn rilevanti, għandhom jiġu pprovduti elementi komplementari tad-definizzjoni stabbilita fir-Regolament (UE) 2021/2115.

B’mod partikolari, għandha tingħata informazzjoni dwar l-elementi li ġejjin fejn rilevanti:

(i)	elementi tas-sistemi tal-agroforestrija meta jiġu stabbiliti jew miżmuma fiż-żona agrikola, li jispeċifikaw dawn l-elementi għal kull tip ta’ żona agrikola (raba’ li jinħadem, għelejjel permanenti u bwar permanenti);

(ii)	id-definizzjoni ta’ mxietel;

(iii)

id-definizzjoni ta’ msaġar b’rotazzjoni qasira, li għandha tinkludi mill-inqas iċ-ċiklu tal-ħsad, il-lista ta’ speċijiet jew ta’ kategoriji ta’ pjanti u d-densità tat-tħawwil;

(iv)	għall-bwar permanenti, deskrizzjoni ta’ kull element individwali użat għad-definizzjoni tiegħu, bħall-ħdim tar-raba’, il-ħrit, iż-żrigħ mill-ġdid b’tipi differenti ta’ ħaxix, jew il-prattiki lokali stabbiliti;

(c)    ettaru eliġibbli

Għandhom jiġu pprovduti elementi komplementari tad-definizzjoni stabbilita fir-Regolament (UE) 2021/2115, b’mod partikolari dwar l-elementi li ġejjin fejn rilevanti:

(i)	kriterji biex tiġi stabbilita l-predominanza tal-attività agrikola f’każ li l-art tintuża wkoll għal attivitajiet mhux agrikoli;

(ii)	kriterji biex jiġi żgurat li l-art tkun għad-dispożizzjoni tal-bidwi;

(iii)

il-perjodu li matulu żona trid tikkonforma mad-definizzjoni ta’ “ettaru eliġibbli”;

(iv)	jekk iż-żoni jistgħu jintużaw għal attività agrikola darba kull sentejn biss, ġustifikazzjoni għal tali deċiżjoni bbażata fuq raġunijiet relatati mal-ambjent, mal-bijodiversità u mal-klima;

(v)	jekk jistgħu jiġu inklużi karatteristiċi tal-pajsaġġ li ma humiex protetti taħt il-KAAT, deskrizzjoni ta’ dawn, bħad-daqs massimu tagħhom u s-sehem massimu tar-roqgħa li dawn il-karatteristiċi tal-pajsaġġ jistgħu jokkupaw fejn applikabbli;

(vi)	jekk jiġu applikati koeffiċjenti fissi ta’ tnaqqis għal bwar permanenti b’karatteristiċi ineliġibbli mifruxa biex tiġi ddeterminata ż-żona meqjusa eliġibbli, deskrizzjoni tal-prinċipji applikati wara l-koeffiċjenti ta’ tnaqqis;

(vii)

fejn jiġi deċiż li tinżamm l-eliġibbiltà ta’ żoni preċedentement eliġibbli meta ma jibqgħux jissodisfaw id-definizzjoni ta’ “ettaru eliġibbli” skont il-punti (a) u (b) tal-Artikolu 4(4) tar-Regolament (UE) 2021/2115 bħala riżultat tal-implimentazzjoni ta’ skemi nazzjonali, deskrizzjoni ta’ dawn l-iskemi nazzjonali inkluż: — il-konformità tagħhom mar-rekwiżiti tas-sistema integrata ta’ amministrazzjoni u kontroll (SIAK); — l-applikabbiltà għall-kultivazzjoni ta’ prodotti mhux elenkati fl-Anness I tat-Trattat dwar il-Funzjonament tal-Unjoni Ewropea (TFUE) permezz tal-kultivazzjoni tal-għadajjar; u — l-kontribuzzjoni għall-objettivi speċifiċi msemmija fil-punti (d), (e) u (f) tal-Artikolu 6(1) tar-Regolament (UE) 2021/2115;

(d)    bidwi attiv

Fir-rigward tad-definizzjoni ta’ bidwi attiv, għandu jiġi pprovdut dan li ġej:

(i)	kriterji biex jiġu identifikati dawk il-bdiewa li għandhom livell minimu ta’ attività agrikola;

(ii)	meta, bħala għodda komplementari, tintuża lista negattiva ta’ attivitajiet mhux agrikoli, id-deskrizzjoni tagħha;

(iii)

fejn rilevanti, l-ammont u l-ġustifikazzjoni għal ammont ta’ pagamenti diretti (mhux ogħla minn EUR 5 000) li taħthom il-bdiewa għandhom fi kwalunkwe każ jitqiesu bħala “bdiewa attivi”;

(e)    bidwi żagħżugħ

Fir-rigward tad-definizzjoni ta’ bidwi żagħżugħ, għandu jiġi pprovdut dan li ġej:

(i)	il-limitu massimu tal-età;

(ii)	il-kundizzjonijiet biex tkun “kap tal-azjenda”;

(iii)

it-taħriġ u/jew il-ħiliet xierqa meħtieġa;

(f)    bidwi ġdid

Fir-rigward tad-definizzjoni ta’ bidwi ġdid, għandu jiġi pprovdut dan li ġej:

(i)	il-kundizzjonijiet biex persuna tkun “kap tal-azjenda” għall-ewwel darba;

(ii)	it-taħriġ jew il-ħiliet xierqa meħtieġa;

(g)    rekwiżiti minimi għar-riċevuta ta’ pagamenti diretti

Fir-rigward tar-rekwiżiti minimi biex wieħed jirċievi pagamenti diretti, għandhom jiġu pprovduti deskrizzjoni u ġustifikazzjoni tal-livell(i) limitu; dawn il-livelli limitu għandhom jiġu pprovduti, fejn applikabbli, f’ettari b’żewġ deċimali u/jew, f’euro b’żewġ deċimali;

(h)    żona rurali

Għandha tiġi inkluża d-definizzjoni/Għandhom jiġu inklużi d-definizzjonijiet taż-żoni rurali u l-applikabbiltà fil-Pjan Strateġiku tal-PAK kollu;

(i)    definizzjonijiet oħrajn għall-Pjan Strateġiku tal-PAK

Fejn jintużaw definizzjonijiet oħrajn applikabbli għall-pagamenti diretti, għall-iżvilupp rurali jew għall-appoġġ settorjali fil-Pjan Strateġiku tal-PAK kollu, dawn għandhom jiġu deskritti, inkluż deskrizzjoni tal-kamp ta’ applikazzjoni speċifiku tal-applikabbiltà tagħhom.

4.2.   Elementi relatati ma’ interventi fil-forma ta’ pagamenti diretti

Din is-sottotaqsima għandha tinkludi:

(a)    territorjalizzazzjoni

Fejn rilevanti, deskrizzjoni ta’ kull grupp ta’ territorji inkluż l-ispjegazzjoni tal-kundizzjonijiet soċjoekonomiċi jew agronomiċi simili;

(b)    intitolamenti għal pagament

Jekk applikabbli, fir-rigward tad-deskrizzjoni tas-sistema tal-intitolamenti għal pagament, u l-funzjonament tar-riżerva, indikazzjoni tal-ewwel sena mingħajr intitolamenti jekk tkun ippjanata eliminazzjoni gradwali tal-intitolamenti;

(c)    sistema ta’ konverġenza interna

Għal kull grupp ta’ territorji jekk rilevanti, u sakemm ma tintużax rata fissa mill-ewwel sena, deskrizzjoni tal-metodu ta’ konverġenza interna, inklużi l-elementi li ġejjin:

(i)	sena fil-mira għal-livell massimu għall-valur tal-intitolamenti għal pagament u l-livell massimu għall-valur tal-intitolamenti individwali għal pagament, kif imsemmi fl-Artikolu 24(3) tar-Regolament (UE) 2021/2115;

(ii)	il-passi ta’ konverġenza, kif imsemmija fl-Artikolu 24(4) tar-Regolament (UE) 2021/2115;

(iii)

fejn rilevanti, il-valur b’rata fissa milħuq fis-sena fil-mira, kif imsemmi fl-Artikolu 24(4) tar-Regolament (UE) 2021/2115;

(iv)	sena fil-mira għall-perċentwal minimu ta’ konverġenza u l-valur unitarju minimu bħala perċentwal tal-ammont unitarju medju ppjanat għall-appoġġ għall-introjtu bażiku għas-sostenibbiltà għas-sena fil-mira, kif imsemmi fl-Artikolu 24(5) tar-Regolament (UE) 2021/2115;

(v)	il-finanzjament tal-konverġenza, kif imsemmi fl-Artikolu 24(6) tar-Regolament (UE) 2021/2115;

(vi)	fejn rilevanti, deskrizzjoni tat-tnaqqis ta’ parti biss mill-intitolamenti għal pagament li jaqbżu l-ammont unitarju medju ppjanat, kif imsemmi fit-tieni subparagrafu tal-Artikolu 24(6) tar-Regolament (UE) 2021/2115;

(vii)

fejn rilevanti, il-perċentwal tat-tnaqqis massimu tal-valur unitarju tal-intitolament, kif imsemmi fl-Artikolu 24(7) tar-Regolament (UE) 2021/2115.

(d)    il-funzjonament tar-riżerva

Għal kull grupp ta’ territorji, jekk rilevanti, għandu jiġi spjegat il-funzjonament tar-riżerva, filwaqt li għandhom jiġu speċifikati b’mod partikolari l-elementi li ġejjin:

(i)	deskrizzjoni tas-sistema għall-istabbiliment tar-riżerva;

(ii)	deskrizzjoni tal-kategoriji differenti ta’ bdiewa eliġibbli, l-aċċess relatat tagħhom għar-riżerva, l-allokazzjoni ta’ intitolament ġdid għal pagament jew iż-żieda tal-valur eżistenti tal-intitolament għal pagament u l-ordni ta’ prijorità tagħhom;

(iii)

regoli dwar ir-riforniment finanzjarju tar-riżerva;

(iv)	regoli dwar l-iskadenza tal-intitolamenti għal pagament u r-riverżjoni għar-riżerva;

(e)    regoli relatati mat-trasferimenti tal-intitolamenti għal pagament

Fejn rilevanti, ir-regoli relatati mat-trasferimenti tal-intitolamenti għal pagament;

(f)    tnaqqis tal-pagamenti diretti

Fejn rilevanti, deskrizzjoni tat-tnaqqis tal-pagamenti u tal-iffissar ta’ limitu massimu, inkluż b’mod partikolari:

(i)	is-segmenti, il-perċentwali ta’ tnaqqis u l-ispjegazzjoni tagħhom;

(ii)	fejn rilevanti, il-metodu għat-tnaqqis tal-kostijiet lavorattivi;

(iii)

il-prodott stmat tat-tnaqqis tal-pagamenti diretti u tal-iffissar ta’ limitu massimu għal kull sena, u l-allokazzjoni ppjanata tiegħu;

(g)    l-applikazzjoni ta’ livelli limitu jew ta’ limiti fil-livell ta’ membri jew persuni ġuridiċi, gruppi ta’ persuni fiżiċi jew ġuridiċi jew fil-livell ta’ gruppi ta’ entitajiet affiljati

Id-deċiżjonijiet u l-ġustifikazzjonijiet tal-livelli limitu jew tal-limiti ffissati fil-livell ta’ membri ta’ persuni ġuridiċi jew ta’ gruppi ta’ persuni fiżiċi jew ġuridiċi, jew fil-livell ta’ grupp ta’ entitajiet ġuridiċi affiljati, skont il-punt (d)(iii) tal-Artikolu 110 tar-Regolament (UE) 2021/2115, għat-tipi kollha ta’ interventi fejn rilevanti, filwaqt li jiġi indikat liema interventi huma kkonċernati;

(h)    kontribuzzjoni għall-għodod tal-ġestjoni tar-riskju

Fejn rilevanti, deskrizzjoni tal-implimentazzjoni ppjanata tal-Artikolu 19 tar-Regolament (UE) 2021/2115, inkluż id-deċiżjoni fir-rigward tal-perċentwal tal-pagamenti diretti li għandhom jiġu assenjati għalih.

4.3.   Assistenza teknika

Din is-sottotaqsima dwar id-deskrizzjoni tal-użu tal-assistenza teknika għandha tinkludi b’mod partikolari:

(a)	l-objettivi tagħha;

(b)	il-kamp ta’ applikazzjoni u l-ippjanar indikattiv tal-attivitajiet tagħha;

(c)	il-benefiċjarji tal-assistenza teknika;

(d)	il-perċentwal tal-kontribuzzjoni totali tal-Fond Agrikolu Ewropew għall-Iżvilupp Rurali (FAEŻR) għall-Pjan Strateġiku tal-PAK li għandu jintuża biex jiffinanzja l-azzjonijiet ta’ assistenza teknika bħala perċentwal uniku matul il-perjodu tal-Pjan Strateġiku tal-PAK, b’żewġ deċimali.

4.4.   Network tal-PAK

Din is-sottotaqsima dwar id-deskrizzjoni tan-network tal-PAK għandha tinkludi b’mod partikolari:

(a)

ħarsa ġenerali fil-qosor u l-objettivi tan-network nazzjonali tal-PAK, inkluż deskrizzjoni tal-attivitajiet li jappoġġaw is-Sħubija Ewropea għall-Innovazzjoni (EIP) u l-flussi tal-għarfien fi ħdan L-AKIS u n-networking tal-Gruppi ta’ Azzjoni Lokali taħt l-iżvilupp lokali mmexxi mill-komunità/LEADER;

(b)

l-istruttura, il-governanza u l-operat tan-network nazzjonali tal-PAK, inkluż jekk in-network jinkludix xi komponent ta’ livell reġjonali; is-sehem indikattiv tal-finanzjament tal-assistenza teknika allokat lin-network u l-baġit indikattiv għall-perjodu u l-iskeda ta’ żmien indikattiva għat-tnedija tan-network nazzjonali tal-PAK.

4.5.   Koordinazzjoni, demarkazzjoni u komplementarjetajiet bejn il-FAEŻR u Fondi oħra tal-Unjoni attivi fiż-żoni rurali

Din is-sottotaqsima għandha tinkludi ħarsa ġenerali lejn il-koordinazzjoni, id-demarkazzjoni u l-komplementarjetajiet bejn il-FAEŻR u fondi oħrajn tal-Unjoni attivi fiż-żoni rurali, inkluż deskrizzjoni tal-konsistenza ġenerali tal-appoġġ fiż-żoni rurali pprovdut mill-Fondi tal-Unjoni, li tenfasizza kif l-użu tagħhom huwa ottimizzat u tispjega l-mekkaniżmi ta’ demarkazzjoni u koordinazzjoni.

4.6.   Strumenti finanzjarji

Din is-sottotaqsima għandha tipprovdi deskrizzjoni ġenerali tal-istrumenti finanzjarji fejn rilevanti u l-ġustifikazzjoni għall-użu tagħhom, inkluż:

(a)	it-tip ta’ implimentazzjoni, inkluża l-governanza;

(b)	il-maniġer potenzjali ta’ Fond;

(c)	it-tip ta’ prodotti finanzjarji offruti (self, garanzija, ekwità);

(d)	il-benefiċċji offruti mill-istrument finanzjarju lir-riċevituri finali;

(e)	il-kopertura territorjali, fejn rilevanti;

(f)	regoli tekniċi oħrajn komuni għall-interventi kollha, bħal aspetti ta’ kombinament.

4.7.   Elementi komuni għal interventi għall-iżvilupp rurali jew għal interventi f’ċerti setturi

Din is-sottotaqsima għandha tinkludi:

(a)	għażliet fir-rigward tar-rata tal-kontribuzzjoni tal-FAEŻR applikabbli fil-livell nazzjonali jew reġjonali, skont it-tipi ta’ reġjuni msemmija fl-Artikolu 91(2) tar-Regolament (UE) 2021/2115, u għal ċerti kategoriji ta’ interventi msemmija fl-Artikolu 91(3) ta’ dak ir-Regolament;

(b)	lista ġenerali ta’ investimenti ineliġibbli, lil hinn minn dawk stabbiliti fl-Artikolu 73(3) tar-Regolament (UE) 2021/2115, fejn rilevanti;

(c)	elementi oħrajn rilevanti għall-implimentazzjoni ta’ diversi interventi għall-iżvilupp rurali jew interventi f’ċerti setturi li ma humiex parti mid-deskrizzjoni tal-interventi, fejn rilevanti.

5.   Deskrizzjoni tal-interventi

Din it-taqsima dwar l-interventi speċifikati fl-istrateġija msemmija fl-Artikolu 111 tar-Regolament (UE) 2021/2115, inklużi l-interventi stabbiliti fil-livell reġjonali, għandha tinkludi l-informazzjoni li ġejja:

(a)

l-identifikazzjoni tal-intervent: (i) it-tip ta’ intervent li għalih jappartjeni l-intervent; (ii) fejn applikabbli, is-settur kopert; (iii) l-indikatur ta’ output uniku użat għall-intervent, kif ukoll l-unitajiet użati fejn rilevanti; (iv) jekk l-intervent kollu jikkontribwixxix bis-sħiħ għall-allokazzjonijiet finanzjarji minimi msemmija fl-Artikoli 92, 93 u 95 tar-Regolament (UE) 2021/2115; (v) il-kamp ta’ applikazzjoni territorjali u, fejn rilevanti, indikazzjoni jekk l-intervent huwiex implimentat fil-livell nazzjonali, reġjonali, fil-livell nazzjonali b’elementi reġjonali jew jekk huwiex transnazzjonali;

(b)

kontribuzzjoni għall-istrateġija: (i) rabta mal-ħtiġijiet indirizzati mill-intervent, mil-lista ta’ ħtiġijiet identifikati fil-valutazzjoni tal-ħtiġijiet imsemmija fis-sottotaqsima 2.1; (ii) objettiv speċifiku relatat/objettivi speċifiċi relatati msemmija fl-Artikolu 6(1) u (2) tar-Regolament (UE) 2021/2115 li l-intervent għandu rabtiet diretti u sinifikanti magħhom; u fejn xieraq għal interventi f’ċerti setturi, l-objettiv(i) settorjali rilevanti msemmi(ja) fl-Artikoli 46 u 57 ta’ dak ir-Regolament; (iii) indikatur(i) tar-riżultat marbut(a) li l-intervent għandu jikkontribwixxi għalih/għalihom direttament u b’mod sinifikanti;

(c)

deskrizzjoni u kundizzjonijiet ta’ eliġibbiltà: (i) disinn speċifiku, rekwiżiti u kundizzjonijiet ta’ eliġibbiltà tal-intervent, inkluż fejn applikabbli: — deskrizzjoni tal-għan u d-deskrizzjoni ġenerali tal-intervent, inkluż l-immirar speċifiku, il-prinċipji tal-għażla, ir-rabtiet mal-leġiżlazzjoni rilevanti u interventi oħrajn; — deskrizzjoni tal-benefiċjarji eliġibbli u taż-żona eliġibbli u l-kriterji ta’ eliġibbiltà relatati jew, meta l-appoġġ jiġi pprovdut fil-forma ta’ strumenti finanzjarji, kategoriji ġenerali ta’ riċevituri finali; — deskrizzjoni tal-impenji jew tat-tip(i) ta’ operazzjoni eliġibbli għall-appoġġ; — deskrizzjoni ta’ obbligi oħrajn għall-benefiċjarji, fejn rilevanti; (ii) għall-interventi nazzjonali b’elementi reġjonali, kundizzjonijiet ta’ eliġibbiltà reġjonali speċifiċi li jikkumplimentaw dawk komuni, jekk ikunu ppjanati; (iii) fejn rilevanti, l-identifikazzjoni tal-elementi bażi rilevanti kollha fost il-KAAT u r-rekwiżiti statutorji ta’ ġestjoni (SMRs), u l-provvediment tal-istandards nazzjonali obbligatorji rilevanti. Għandha tiġi inkluża spjegazzjoni ta’ kif l-impenji li jridu jiġu ssodisfati mill-benefiċjarji jmorru lil hinn mir-rekwiżiti obbligatorji msemmija fil-punti (b), (c) u (d) tal-Artikolu 31(5), u, fl-Artikoli 70(3) u 72(5) tar-Regolament (UE) 2021/2115;

(d)

informazzjoni finanzjarja: (i) għal interventi għall-iżvilupp rurali, ir-rata/i tal-kontribuzzjoni applikabbli tal-FAEŻR għall-intervent, fejn rilevanti għal kull reġjun; (ii) għal interventi għall-iżvilupp rurali u għal skemi għall-klima, l-ambjent u t-trattament xieraq tal-annimali skont il-punt (b) tal-Artikolu 31(7) tar-Regolament (UE) 2021/2115, indikazzjoni dwar jekk l-intervent jinkludix kompletament jew parzjalment in-nefqa riportata mill-programmi ta’ żvilupp rurali għall-perjodu 2014-2022; (iii) għall-interventi li jikkontribwixxu għall-ammont minimu msemmi fl-Artikolu 95 tar-Regolament (UE) 2021/2115 u stabbilit fl-Anness XII tiegħu, il-parti tal-allokazzjoni finanzjarja tal-intervent(i) li tgħodd kontra l-ammonti msemmija f’dak l-Anness;

(e)

appoġġ lill-benefiċjarji: (i) għal interventi għall-iżvilupp rurali li mhumiex koperti mis-SIAK, il-forma/forom ta’ appoġġ (għotja jew strument finanzjarju); (ii) skont it-tip ta’ intervent, indikazzjoni ta’: — għal skemi għall-klima, l-ambjent u t-trattament xieraq tal-annimali: — pagament addizzjonali għall-appoġġ għad-introjtu bażiku għas-sostenibbiltà f’konformità mal-punt (a) tal-Artikolu 31(7) tar-Regolament (UE) 2021/2115, jew — pagament li jikkumpensa l-kostijiet addizzjonali kollha jew parti minnhom imġarrba u l-introjtu mitluf b’riżultat tal-impenji f’konformità mal-punt (b) tal-Artikolu 31(7) tar-Regolament (UE) 2021/2115 u l-inklużjoni possibbli tal-kostijiet tat-tranżazzjonijiet; — għal interventi għall-iżvilupp rurali li mhumiex koperti mis-SIAK: ir-rimborż tal-kostijiet eliġibbli mġarrba, tal-kostijiet unitarji, tas-somom f’daqqa jew tal-finanzjament b’rata fissa; — għal interventi għall-iżvilupp rurali koperti mis-SIAK: kumpensi, pagamenti ta’ darba, somom f’daqqa, u l-inklużjoni possibbli tal-kostijiet tat-tranżazzjoni; (iii) fejn applikabbli, il-firxa differenti ta’ rati ta’ appoġġ u l-firxa ta’ appoġġ fid-dawl tal-immirar tal-intervent; (iv) meta l-pagamenti jingħataw abbażi ta’ kostijiet addizzjonali u ta’ introjtu mitluf, referenza għall-metodu ċċertifikat għall-kalkolu tal-ammonti ta’ appoġġ li għandhom jiġu pprovduti f’anness tal-Pjan Strateġiku tal-PAK, u indikazzjoni dwar jekk jingħatax kumpens sħiħ jew parzjali, fejn rilevanti; (v) l-ammonti unitarji ppjanati, inkluż: — il-kodiċi u l-isem tal-ammont unitarju; — it-tip ta’ ammont unitarju (uniformi jew medja); — fejn rilevanti r-rata/i ta’ kontribuzzjoni relatata/i; — fejn rilevanti, l-indikatur(i) tar-riżultat li miegħu/magħhom l-ammont unitarju ppjanat għandu rabtiet diretti u sinifikanti, mill-indikaturi tar-riżultati magħżula għall-intervent kollu; — fejn l-intervent jinkludi ż-żewġ forom ta’ appoġġ, jiġifieri għotjiet u strument finanzjarju, indikazzjoni tal-forma ta’ appoġġ li tikkorrispondi għal dan l-ammont unitarju; — fejn rilevanti, indikazzjoni jekk l-ammont unitarju ppjanat jikkorrispondix għal nefqa riportata minn programm ta’ żvilupp rurali fil-perjodu 2014-2022; — fejn tiġi applikata t-territorjalizzazzjoni msemmija fl-Artikolu 22(2) tar-Regolament (UE) 2021/2115, indikazzjoni tal-grupp ta’ territorji li tikkorrispondi għal dan l-ammont unitarju; — fejn l-indikatur tal-output magħżul għall-intervent jista’ jirrappreżenta unitajiet differenti ta’ kejl, indikazzjoni tal-unità ta’ kejl li tikkorrispondi għal dan l-ammont unitarju; — il-valur annwali ppjanat ta’ dan l-ammont unitarju; — spjegazzjoni tal-valur, inkluż fejn rilevanti l-varjazzjoni f’termini ta’ livelli massimi u minimi. Tali spjegazzjoni ma hijiex meħtieġa għal ammonti unitarji uniformi li jikkorrispondu għal pagamenti mogħtija abbażi ta’ kostijiet addizzjonali u ta’ introjtu mitluf, li għalihom huwa pprovdut metodu ċċertifikat f’konformità mal-Artikolu 82 tar-Regolament (UE) 2021/2115; (vi) tabella li tistabbilixxi l-ammonti unitarji ppjanati annwali u l-outputs ippjanati annwali, u fejn rilevanti l-ammonti massimi jew l-ammonti unitarji minimi ppjanati. L-outputs ippjanati għandhom jinkludu finanzjament nazzjonali addizzjonali, fejn rilevanti. It-tabella għandu jkun fiha wkoll il-livell indikattiv annwali mistenni ta’ pagamenti għall-intervent u, fejn rilevanti, id-diżaggregazzjoni għan-nefqa riportata jew għall-istrumenti finanzjarji. Meta l-outputs ta’ intervent ikunu ppjanati li jitħallsu fuq diversi snin, sabiex ma jingħaddux diversi drabi matul il-perjodu, l-outputs ippjanati annwali għandhom jikkorrispondu biss għal għadd ta’ outputs li huma ppjanati b’mod indikattiv li jirċievu l-ewwel pagament tagħhom f’dik is-sena finanzjarja; (vii) informazzjoni dwar il-valutazzjoni tal-għajnuna mill-Istat, li tispeċifika b’mod partikolari jekk l-intervent jaqax barra mill-kamp ta’ applikazzjoni tal-Artikolu 42 tat-TFUE, u li tindika t-tip ta’ strument ta’ għajnuna mill-Istat li għandu jintuża għall-approvazzjoni tal-għajnuna;

(f)

informazzjoni addizzjonali speċifika għal ċerti tipi ta’ intervent: (i) fir-rigward ta’ interventi fil-forma ta’ pagament dirett: — għall-appoġġ għall-introjtu bażiku għas-sostenibbiltà msemmi fit-Titolu III, il-Kapitolu II, it-Taqsima 2, is-Sottotaqsima 2, tar-Regolament (UE) 2021/2115, informazzjoni speċifika u spjegazzjoni għall-pagament lil bdiewa b’azjendi agrikoli żgħar inkluż l-ammont massimu u t-tip ta’ pagament (somma f’daqqa jew għal kull ettaru); — għall-appoġġ għall-introjtu ridistributtiv komplementari għas-sostenibbiltà msemmi fl-Artikolu 29 tar-Regolament (UE) 2021/2115, informazzjoni u spjegazzjoni speċifiċi inkluż l-eliġibbiltà, l-ettaru massimu mħallas, il-meded u l-gruppi ta’ territorju; — għall-appoġġ komplementari għall-introjtu għall-bdiewa żgħażagħ imsemmi fl-Artikolu 30 tar-Regolament (UE) 2021/2115, informazzjoni speċifika u spjegazzjoni ta’: — il-kundizzjonijiet applikati għad-definizzjoni ta’ stabbiliment ġdid; — it-tip u d-durata tal-appoġġ; — ettaru massimu mħallas jekk applikat; — informazzjoni jekk tiġi applikata l-kontinwità ma’ skema preċedenti; — għal skemi għall-klima, l-ambjent u t-trattament xieraq tal-annimali, indikazzjoni tal-oqsma ta’ azzjonijiet imsemmija fl-Artikolu 31(4) tar-Regolament (UE) 2021/2115 li huma koperti mill-intervent; indikazzjoni dwar jekk l-iskemi jikkontribwixxux għall-konformità ma’ rekwiżiti obbligatorji ġodda għal massimu ta’ 24 xahar mid-data li fiha jsiru obbligatorji għall-azjenda; — għal kull intervent ta’ appoġġ akkoppjat għall-introjtu msemmi fit-Titolu III, il-Kapitolu II, it-Taqsima 3, is-sottotaqsima 1 tar-Regolament (UE) 2021/2115: — informazzjoni relatata mal-interventi għall-għelejjel tal-proteini; — il-ġustifikazzjonijiet tas-setturi fil-mira, id-diffikultà(jiet) tagħhom, l-importanza tagħhom, l-għan tal-intervent (it-titjib tal-kompetittività, il-kwalità jew is-sostenibbiltà) u kif dan l-għan se jindirizza d-diffikultà(jiet) u l-konsistenza mad-Direttiva 2000/60/KE, fejn applikabbli, unità ta’ kejl għad-dud tal-ħarir u r-rata ta’ konverżjoni rispettiva tagħhom għal numru ta’ “rjus”; (ii) fir-rigward tal-interventi għall-iżvilupp rurali: — għall-interventi msemmija fl-Artikolu 70 tar-Regolament (UE) 2021/2115: — deskrizzjoni tat-tip ta’ żona eliġibbli; — indikazzjoni tat-tip ta’ impenji (ibbażati fuq ir-riżultati, ibbażati fuq il-ġestjoni jew ibridi) u l-mekkaniżmu ta’ implimentazzjoni; — indikazzjoni tad-durata tal-kuntratti; — indikazzjoni dwar jekk l-intervent jikkontribwixxix għall-konformità ma’ rekwiżiti obbligatorji ġodda għal massimu ta’ 24 xahar mid-data li fiha jsiru obbligatorji għall-azjenda; — għall-interventi msemmija fl-Artikolu 71 tar-Regolament (UE) 2021/2115, link għal-lista nazzjonali tal-unitajiet amministrattivi lokali maħturin u għall-mappa taż-Żoni b’Restrizzjonijiet Naturali (ANC) (5) għal kull kategorija ta’ żoni msemmija fl-Artikolu 32(1) tar-Regolament (UE) Nru 1305/2013 tal-Parlament Ewropew u tal-Kunsill (6); — għall-interventi msemmija fl-Artikolu 72 tar-Regolament (UE) 2021/2115, indikazzjoni tat-tip ta’ żona eliġibbli; — għall-interventi msemmija fl-Artikolu 73 tar-Regolament (UE) 2021/2115, il-lista ta’ investimenti ineliġibbli relatati mal-kamp ta’ applikazzjoni tal-intervent jekk ma jkunux diġà elenkati fil-punt (b) tas-sottotaqsima 4.7, u għall-interventi fis-settur tal-forestrija, id-daqs tal-azjendi li għalihom l-appoġġ jingħata fuq kundizzjoni li tiġi ppreżentata l-informazzjoni rilevanti minn pjan ta’ ġestjoni tal-foresti jew strument ekwivalenti; — għall-interventi msemmija fl-Artikolu 74 tar-Regolament (UE) 2021/2115, indikazzjoni dwar jekk l-investiment jirriżultax f’żieda taż-żona saqwija, u: — għall-investimenti fit-titjib tal-installazzjonijiet eżistenti tat-tisqija, x’inhu l-iffrankar potenzjali tal-ilma meħtieġ espress f’perċentwal; — għall-investimenti fit-titjib tal-installazzjonijiet eżistenti tal-irrigazzjoni li jaffettwaw il-korpi tal-ilma li l-istatus tagħhom huwa inqas minn tajjeb, x’inhu/huma r-rekwiżit(i) għal tnaqqis effettiv fl-użu tal-ilma espress f’perċentwal; — għall-interventi msemmija fl-Artikolu 76 tar-Regolament (UE) 2021/2115: — indikazzjoni tal-livell limitu li jwassal għal kumpens; — indikazzjoni tal-metodoloġija għall-kalkolu tat-telf u l-fatturi tal-iskattar għall-kumpens; — deskrizzjoni tal-kopertura partikolari tat-telf kif ukoll id-dispożizzjonijiet ippjanati biex jiġi evitat il-kumpens żejjed; — għall-interventi LEADER imsemmija fl-Artikolu 77 tar-Regolament (UE) 2021/2115: — deskrizzjoni tal-valur miżjud mistenni tal-approċċ LEADER u kif jiġu applikati l-prinċipji tiegħu; — indikazzjoni dwar jekk huwiex ippjanat appoġġ minn aktar minn fond wieħed imsemmi fl-Artikolu 31(4) tar-Regolament (UE) 2021/1060 tal-Parlament Ewropew u tal-Kunsill (7) u b’liema fond ewlieni;

(g)

Il-konformità mad-WTO, inkluż: (i) għall-interventi elenkati fl-Anness II tar-Regolament (UE) 2021/2115, indikazzjoni tal-paragrafu tal-Anness 2 tal-Ftehim tad-WTO dwar l-Agrikoltura (Kaxxa l-Ħadra) li l-kundizzjonijiet tiegħu l-intervent ikun qed jissodisfa; (ii) opzjoni possibbli għall-appoġġ akkoppjat għall-introjtu, imsemmija fit-Titolu III, il-Kapitolu II, it-Taqsima 3, is-Sottotaqsima 1 tar-Regolament (UE) 2021/2115: indikazzjoni li l-intervent jissodisfa l-kundizzjonijiet previsti fl-Artikolu 6.5 tal-Ftehim dwar l-Agrikoltura tad-WTO (il-Kaxxa Blu); (iii) spjegazzjoni ta’ kif l-intervent skont il-punti (i) jew (ii) jikkonforma mal-kriterji tal-Kaxxa l-Ħadra jew tal-Kaxxa Blu; (iv) għall-interventi msemmija fl-Artikolu 11(1) tar-Regolament (UE) 2021/2115, fir-rigward tal-konformità mal-limiti tal-iskeda tad-WTO tal-UE dwar iż-żrieragħ taż-żejt stabbiliti fil-Memorandum ta’ Qbil bejn il-Komunità Ekonomika Ewropea u l-Istati Uniti tal-Amerka dwar iż-żrieragħ taż-żejt skont il-GATT (8): indikazzjoni dwar jekk l-intervent għandux fil-mira xi waħda mill-għelejjel koperti mill-ftehim (jiġifieri s-sojja, iż-żerriegħa tal-kolza, iż-żerriegħa tal-ġirasol, minbarra ż-żerriegħa tal-ġirasol tal-ħelu), u jekk iva, indikazzjoni taż-żona ta’ appoġġ ippjanata għal kull sena ta’ talba rilevanti.

6.   Pjan Finanzjarju

Din it-taqsima għandha tinkludi dan li ġej:

6.1.   Tabella Ġenerali

L-Istati Membri għandhom jipprovdu l-elementi stabbiliti fl-Artikolu 112(2), tar-Regolament (UE) 2021/2115.

L-Istati Membri li jixtiequ jagħmlu użu mill-possibbiltà li jittrasferixxu l-allokazzjonijiet bejn il-Fondi kif previst fl-Artikolu 103 tar-Regolament (UE) 2021/2115 għandhom jipprovdu din l-informazzjoni għal kull sena tal-perjodu tal-Pjan Strateġiku tal-PAK li għaliha jixtiequ jużaw din il-flessibbiltà. L-Istati Membri jistgħu jirrieżaminaw id-deċiżjoni tagħhom fl-2025, dwar l-allokazzjonijiet tagħhom għas-sena finanzjarja 2027.

L-informazzjoni pprovduta fit-tabella ġenerali għandha tippermetti li jiġi vverifikat li l-allokazzjonijiet meħtieġa biex jiġu rispettati r-rekwiżiti minimi ta’ nfiq previsti fl-Artikoli 92, 93, 95, 97 u 98 tar-Regolament (UE) 2021/2115 ġew riżervati kif xieraq.

Dik l-informazzjoni għandha sservi bħala bażi għall-kalkolu tal-limiti massimi finanzjarji li jirriżultaw mit-tnaqqis tal-ammonti riżervati mill-Istati Membri biex jirrispettaw ir-rekwiżiti minimi ta’ nfiq stabbiliti fl-Artikoli 92, 93, 95, 97 u 98 tar-Regolament (UE) 2021/2115 (limiti massimi inversi).

L-ammonti minimi u massimi msemmija fl-Artikoli 92 sa 98 tar-Regolament (UE) 2021/2115 għandhom dejjem jiġu kkalkolati abbażi tal-pakketti tal-Istati Membri msemmija fl-Artikoli 87, 88 u 89 tar-Regolament (UE) 2021/2115 wara trasferimenti possibbli.

Madankollu, jekk l-Istati Membri jiddeċiedu li jallokaw fondi lil InvestEU, LIFE u/jew Erasmus, l-ammonti annwali rispettivi għandhom jiġu pprovduti fit-tabella ġenerali. L-Anness XI tar-Regolament (UE) 2021/2115 mhux se jiġi emendat u l-obbligi kollha għall-allokazzjonijiet minimi se jiġu vverifikati skont l-ammonti fl-Anness XI ta’ dak ir-Regolament, li mhux se jeskludu dawk l-allokazzjonijiet speċifiċi.

Minħabba li r-rekwiżit tal-allokazzjoni finanzjarja minima għall-bdiewa żgħażagħ jista’ jiġi ssodisfat kemm mill-FAEG kif ukoll mill-FAEŻR, l-Istati Membri li jiddeċiedu li jallokaw ammont ogħla mill-minimu stabbilit fl-Anness XII tar-Regolament (UE) 2021/2115 għandhom jindikaw l-ammonti li għandhom jintużaw, taħt kull wieħed mill-Fondi, biex jintlaħaq ir-rekwiżit minimu ta’ allokazzjoni. Dan għandu jservi bħala bażi għall-kalkolu tal-limiti massimi inversi.

6.2.   Informazzjoni finanzjarja dettaljata u diżaggregazzjoni għal kull intervent u ppjanar tal-output

Il-pjan finanzjarju dettaljat imsemmi fl-Artikolu 112(3) tar-Regolament (UE) 2021/2115 għandu jipprevedi ħarsa ġenerali lejn il-livell indikattiv mistenni ta’ pagamenti tal-allokazzjonijiet tal-Istati Membri matul il-perjodu ta’ implimentazzjoni tal-Pjan Strateġiku tal-PAK u informazzjoni dwar ir-rati ta’ kofinanzjament tal-FAEŻR.

7.   Sistemi ta’ governanza u sistemi ta’ koordinazzjoni

7.1.   L-identifikazzjoni tal-korpi ta’ governanza, tal-awtorità(jiet) amministrattivi u ta’ korpi oħra

Din is-sottotaqsima għandha tinkludi:

(a)

għal kull tip ta’ korp (awtorità(jiet)) kompetenti, awtorità(jiet) maniġerjali, aġenzija/i tal-pagamenti, korp ta’ koordinazzjoni, fejn rilevanti, u korp(i) ta’ ċertifikazzjoni, indikazzjoni tal-fond(i) li għalih/għalihom huma responsabbli, kif ukoll l-isem/ismijiet u l-informazzjoni ta’ kuntatt tal-persuna/i responsabbli; l-istess informazzjoni għandha tiġi pprovduta għal korpi oħrajn bħall-kumitat(i) tal-monitoraġġ, korpi delegati u intermedji fejn rilevanti, kif ukoll l-istrutturi ta’ koordinazzjoni rilevanti għall-AKIS, għall-uffiċjal tal-Komunikazzjoni dwar il-Pjan tal-PAK, kif imsemmi fl-Artikolu 48 tar-Regolament (UE) 2021/1060, u għan-network tal-PAK. Għandu jiġi speċifikat ukoll ir-rwol tal-korp(i) delegat(i) u intermedju/i;

(b)	deskrizzjoni fil-qosor tal-istabbiliment u tal-organizzazzjoni tal-awtorità kompetenti;

(c)

meta l-implimentazzjoni tal-istrumenti finanzjarji tiġi ddelegata lill-awtoritajiet reġjonali, deskrizzjoni tal-arranġamenti ta’ governanza għall-operazzjoni tal-istrument finanzjarju (delega tal-kompiti tal-awtorità maniġerjali u tal-aġenzija tal-pagamenti, bħall-għażla tal-benefiċjarju, ir-rapportar, il-pagamenti, il-kontroll).

7.2.   Deskrizzjoni tas-sistemi ta’ monitoraġġ u ta’ rapportar

Deskrizzjoni fil-qosor tas-sistemi ta’ monitoraġġ u ta’ rapportar stabbiliti biex jirreġistraw, iżommu, jiġġestixxu u jirrapportaw l-informazzjoni meħtieġa għall-valutazzjoni tal-prestazzjoni tal-Pjan Strateġiku tal-PAK, inkluża s-sistema ta’ rapportar stabbilita għall-finijiet tar-rapport ta’ prestazzjoni annwali skont l-Artikolu 134 tar-Regolament (UE) 2021/2115.

7.3.   Informazzjoni dwar is-sistemi ta’ kontroll u l-penali

(a)    SIAK

L-informazzjoni dwar is-SIAK għandha tinkludi:

(i)	speċifikazzjonijiet dwar il-kamp ta’ applikazzjoni, b’mod partikolari jekk jintużax għas-settur tal-inbid kif stabbilit fl-Artikolu 65 tar-Regolament (UE) 2021/2115 u għall-kundizzjonalità;

(ii)	definizzjoni ta’ roqgħa agrikola, inkluża l-art agrikola, fejn rilevanti;

(iii)

konferma tal-operat tas-SIAK mill-1 ta’ Jannar 2023, u li r-rekwiżiti stabbiliti fil-Kapitolu II tat-Titolu IV tar-Regolament (UE) 2021/2116 tal-Parlament Ewropew u tal-Kunsill (9) huma ssodisfati;

(iv)	informazzjoni dwar is-sistema/i għall-identifikazzjoni u r-reġistrazzjoni tal-annimali msemmija fil-punt (c) tal-Artikolu 65(4) u fil-punt (g) tal-Artikolu 66(1) tar-Regolament (UE) 2021/2116;

(v)	jekk tiġix applikata sistema awtomatika ta’ talbiet;

(vi)

deskrizzjoni tas-sistema/i ta’ kontroll u penali, li tispjega b’mod partikolari jekk is-sistema tinkludix verifiki sistematiċi li jimmiraw ukoll żoni fejn ir-riskju ta’ żbalji huwa l-ogħla, u kif il-livell ta’ verifiki jiżgura ġestjoni effettiva tar-riskji kif imsemmi fl-Artikolu 60(1) tar-Regolament (UE) 2021/2116. Fir-rigward tal-penali, l-informazzjoni għandha tispjega l-penali previsti għan-nuqqasijiet ta’ konformità mal-kriterji ta’ eliġibbiltà għall-interventi definiti fil-Pjan Strateġiku tal-PAK. Jekk jiġu applikati kontrolli u sistemi ta’ penali differenti għal interventi differenti, għandha tiġi pprovduta informazzjoni dwar kull waħda mis-sistemi.

Tista’ tiġi pprovduta informazzjoni addizzjonali dwar is-sistema ta’ identifikazzjoni għall-irqajja’ agrikoli, dwar is-sistema ta’ applikazzjoni ġeospazjali u bbażata fuq l-annimali u dwar is-sistema ta’ monitoraġġ taż-żona fejn dan jitqies importanti mill-Istat Membru.

(b)    Sistema ta’ kontroll u penali għal interventi mhux koperti mis-SIAK

Għall-interventi tal-FAEG u tal-FAEŻR mhux koperti mis-SIAK, l-informazzjoni għandha tinkludi:

(i)	deskrizzjoni qasira dwar is-sistema ta’ penali f’konformità mal-prinċipji tal-effettività, tal-proporzjonalità u tad-dissważività;

(ii)	deskrizzjoni qasira tas-sistema/i ta’ kontroll, inklużi speċifiċitajiet għall-istrumenti finanzjarji, fejn rilevanti;

(iii)

spjegazzjoni qasira dwar kif tiġi ssodisfata l-konformità mar-regoli tal-akkwist pubbliku.

(c)    Is-sistema ta’ kontroll u ta’ penali għall-kundizzjonalità

Din is-sottotaqsima għandha tinkludi:

(i)	deskrizzjoni tas-sistema ta’ kontroll għall-kundizzjonalità;

(ii)	indikazzjoni tat-tipi ta’ verifiki għal kull SMR u KAAT;

(iii)

deskrizzjoni tas-sistema ta’ penali;

(iv)	id-definizzjoni u l-applikazzjoni tal-prinċipji ta’ okkorrenza mill-ġdid u intenzjonalità;

(v)	indikazzjoni dwar l-applikazzjoni ta’ sistema ta’ kontroll simplifikata għall-bdiewa b’azjendi agrikoli żgħar;

(vi)	informazzjoni dwar il-korpi ta’ kontroll kompetenti responsabbli għall-verifiki tal-istandards ta’ kundizzjonalità u r-rekwiżiti statutorji ta’ ġestjoni.

(d)    Kundizzjonalità soċjali

Din is-sottotaqsima għandha tinkludi:

(i)	deskrizzjoni tas-sistema ta’ kontroll għall-kundizzjonalità soċjali;

(ii)

deskrizzjoni tas-sistema ta’ penali għall-kundizzjonalità soċjali. Fejn il-kundizzjonalità soċjali tiġi applikata mill-2024 jew mill-2025, id-deskrizzjoni msemmija fil-punti (i) u (ii) għandha tiġi pprovduta sal-aktar tard fl-emenda tal-Pjan Strateġiku tal-PAK kif approvata mill-Kummissjoni f’konformità mal-Artikolu 119 tar-Regolament (UE) 2021/2115 qabel l-ewwel sena tal-applikazzjoni tal-kundizzjonalità soċjali.

8.   Modernizzazzjoni: AKIS u diġitalizzazzjoni

8.1.   Struttura organizzazzjonali ġenerali tal-AKIS

Din is-sottotaqsima għandha tinkludi spjegazzjoni tal-approċċ strateġiku ġenerali tal-AKIS abbażi tas-SWOT u valutazzjoni tal-ħtiġijiet li tiddeskrivi kif l-interventi u l-azzjonijiet se jaħdmu flimkien biex jikkontribwixxu għall-objettiv trasversali, imsemmi fl-Artikolu 6(2) tar-Regolament (UE) 2021/2115.

8.2.   Deskrizzjoni ta’ kif is-servizzi ta’ konsulenza, ir-riċerka, in-networks u l-interventi tal-PAK se jaħdmu flimkien fil-qafas tal-AKIS

Din is-sottotaqsima għandha tinkludi spjegazzjoni tal-organizzazzjoni tal-kollaborazzjoni tal-konsulenti, tar-riċerkaturi u tan-networks tal-PAK. Għandu jiġi indikat jekk l-azzjonijiet previsti humiex ikkombinati ma’ miżuri jew ma’ strumenti rilevanti oħrajn fil-Pjan Strateġiku tal-PAK u barra minnu.

8.3.   Deskrizzjoni tal-organizzazzjoni tal-konsulenti tal-azjendi agrikoli

Din is-sottotaqsima għandha tinkludi spjegazzjoni ta’ kif jiġi organizzat l-għoti ta’ pariri, billi jiġu integrati l-konsulenti kollha u billi jiġu koperti l-elementi kollha msemmija fl-Artikolu 15(2) u (4) tar-Regolament (UE) 2021/2115, filwaqt li jkun hemm konformità wkoll mar-rekwiżiti għall-imparzjalità stabbiliti fl-Artikolu 15(3) ta’ dak ir-Regolament.

8.4.   Deskrizzjoni ta’ kif jiġi pprovdut l-appoġġ għall-innovazzjoni

Din is-sottotaqsima għandha tinkludi spjegazzjoni ta’ kif jiġu organizzati l-appoġġ għall-innovazzjoni u l-flussi tal-għarfien fi ħdan l-AKIS.

8.5.   Strateġija ta’ diġitalizzazzjoni

Din is-sottotaqsima għandha tinkludi spjegazzjoni tal-approċċ strateġiku biex tingħata spinta lid-diġitalizzazzjoni, inkluż deskrizzjoni tal-approċċ kif il-miżuri skont l-istrateġija tad-diġitalizzazzjoni huma mfassla biex jevitaw jew jimmitigaw id-differenzi diġitali bejn ir-reġjuni, it-tipi ta’ negozji u l-gruppi tal-popolazzjoni.

9.   Annessi tal-Pjan Strateġiku tal-PAK

9.1.   L-Anness I dwar l-evalwazzjoni ex ante u l-valutazzjoni ambjentali strateġika (SEA) imsemmija fid-Direttiva 2001/42/KE tal-Parlament Ewropew u tal-Kunsill (10)

L-Anness I tal-Pjan Strateġiku tal-PAK imsemmi fl-Artikolu 115(1) tar-Regolament (UE) 2021/2115 għandu jkun fih sommarju tar-riżultati tal-evalwazzjoni ex ante u r-rakkomandazzjonijiet ewlenin tal-evalwazzjoni ex ante u tas-SEA.

Skont l-elementi tal-Pjan Strateġiku tal-PAK li għandu jiġi vvalutat f’dik l-evalwazzjoni ex ante, ir-rakkomandazzjonijiet għandhom jiġu kkategorizzati skont:

—	l-analiżi SWOT, valutazzjoni tal-ħtiġijiet;

—	il-loġika/kontribuzzjoni ta’ intervent għall-objettivi;

—	il-koerenza esterna/interna;

—	l-allokazzjoni tar-riżorsi baġitarji;

—	l-outputs, ir-riżultati u l-istabbiliment tal-istadji importanti u tal-miri;

—	il-miżuri biex jitnaqqas il-piż amministrattiv;

—	l-istrumenti finanzjarji;

—	ir-rakkomandazzjonijiet speċifiċi tas-SEA;

—

oħrajn.

Għandu jissemma’ b’mod ċar kif ir-rakkomandazzjonijiet ġew indirizzati jew għandha tiġi inkluża ġustifikazzjoni tar-raġuni għaliex ma ġewx ikkunsidrati.

Għandhom jiġu pprovduti links għall-evalwazzjoni ex ante kompluta u għar-rapporti tas-SEA.

9.2.   L-Anness II dwar l-analiżi SWOT tas-sitwazzjoni attwali taż-żona koperta mill-Pjan Strateġiku tal-PAK

L-Anness II tal-Pjan Strateġiku tal-PAK imsemmi fl-Artikolu 115(2) tar-Regolament (UE) 2021/2115 għandu jistabbilixxi f’analiżi SWOT l-elementi stabbiliti f’dik id-dispożizzjoni għal kull objettiv f’konformità mal-Artikolu 6(1) u (2) ta’ dak ir-Regolament. L-analiżi SWOT għandha tkun artikolata mill-erba’ elementi ewlenin: qawwiet, dgħjufijiet, opportunitajiet u theddidiet u għandhom jindikaw is-sorsi għad-data użata għajr l-indikaturi tal-kuntest.

9.3.   L-Anness III dwar il-konsultazzjoni mas-sħab

L-Anness III tal-Pjan Strateġiku tal-PAK imsemmi fl-Artikolu 115(3) tar-Regolament (UE) 2021/2115 għandu jinkludi l-eżiti tal-konsultazzjoni tas-sħab, u b’mod partikolari l-awtoritajiet rilevanti fil-livell reġjonali u lokali, u deskrizzjoni qasira ta’ kif twettqet il-konsultazzjoni.

9.4.   L-Anness IV dwar l-interventi għall-pagament speċifiku għall-għelejjel għall-qoton

L-Anness IV tal-Pjan Strateġiku tal-PAK imsemmi fl-Artikolu 115(4) tar-Regolament (UE) 2021/2115 għandu jkun fih dan li ġej:

Il-kundizzjonijiet ta’ eliġibbiltà biex tiġi żgurata l-konsistenza mal-valutazzjoni SWOT/tal-ħtiġijiet u interventi oħrajn, b’mod partikolari: — kriterji oġġettivi li abbażi tagħhom l-art agrikola u l-varjetajiet huma awtorizzati għall-produzzjoni tal-qoton; — varjetajiet awtorizzati; — densità minima tal-pjanti u l-ġustifikazzjoni għaliha.	test
Il-komplementarjetà tal-intervent tal-pagament speċifiku għall-għelejjel għall-qoton mal-interventi l-oħrajn tal-Pjan Strateġiku tal-PAK.	test

9.5.   L-Anness V dwar il-finanzjament nazzjonali addizzjonali

Fl-Anness V tal-Pjan Strateġiku tal-PAK imsemmi fl-Artikolu 115(5) tar-Regolament (UE) 2021/2115, għandha timtela l-informazzjoni li ġejja għal kull intervent fl-iżvilupp rurali li għalih jingħata finanzjament nazzjonali addizzjonali msemmi fl-Artikolu 115(5), il-punti (a), (b) u (c) u fl-ewwel paragrafu tal-Artikolu 146 tar-Regolament (UE) 2021/2115:

L-Artikolu fit-Titolu III, il-Kapitolu IV, tar-Regolament (UE) 2021/2115 li skontu jingħata l-finanzjament	test
Il-bażi ġuridika nazzjonali għall-għoti tal-finanzjament	test
L-intervent fil-Pjan Strateġiku tal-PAK li għalih jingħata l-finanzjament	test
Il-baġit totali tal-finanzjament (f’euro)	numru
Indikazzjoni tal-konformità mar-rekwiżiti rilevanti tar-Regolament (UE) 2021/2115	Iva/Le
Komplementarjetà: (a) numru ogħla ta’ benefiċjarji; (b) intensità ogħla tal-għajnuna; (c) il-provvediment ta’ finanzjament għal ċerti operazzjonijiet fi ħdan l-intervent.	Indika dawk li huma applikabbli u pprovdi informazzjoni addizzjonali, jekk rilevanti.
Kopert mill-Artikolu 42 tat-TFUE	Iva/Le (jekk LE, indika l-istrument tal-approvazzjoni tal-għajnuna mill-Istat)

Fir-rigward tas-settur tal-frott u l-ħxejjex, għandha timtela l-informazzjoni li ġejja għall-assistenza finanzjarja nazzjonali msemmija fl-Artikolu 53 tar-Regolament (UE) 2021/2115:

L-ammont annwali stmat ta’ assistenza finanzjarja nazzjonali fis-settur tal-frott u l-ħxejjex għal kull reġjun ikkonċernat u t-total għall-Istat Membru.

test

9.6.   L-Anness VI dwar l-għajnuna nazzjonali tranżizzjonali (fejn applikabbli)

L-Anness VI tal-Pjan Strateġiku tal-PAK imsemmi fl-Artikolu 115(6) tar-Regolament (UE) 2021/2115 għandu jinkludi l-elementi stabbiliti f’dik id-dispożizzjoni għal kull għajnuna nazzjonali tranżizzjonali individwali għal kull settur, fejn applikabbli.

(a)	il-pakkett finanzjarju annwali speċifiku għas-settur għal kull settur li għalih tingħata għajnuna nazzjonali tranżizzjonali; Settur Il-pakkett finanzjarju speċifiku għas-settur (f’euro) 2023 2024 2025 2026 2027   Għandha timtela mill-Istat Membru …       … …

(b)	fejn rilevanti, għal kull settur, ir-rata unitarja massima ta’ appoġġ għal kull sena tal-perjodu, filwaqt li tiġi rispettata r-rata unitarja massima; Settur Rata unitarja   Għandha timtela mill-Istat Membru …

(c)	fejn rilevanti, informazzjoni fir-rigward tal-perjodu ta’ referenza modifikat f’konformità mat-tieni subparagrafu tal-Artikolu 147(2) tar-Regolament (UE) 2021/2115; Settur Informazzjoni fir-rigward tal-perjodu ta’ referenza mmodifikat …

(d)	deskrizzjoni qasira tal-komplementarjetà tal-għajnuna nazzjonali tranżizzjonali mal-interventi tal-Pjan Strateġiku tal-PAK.

---

(1)  Ir-Regolament (UE) 2021/783 tal-Parlament Ewropew u tal-Kunsill tad-29 ta’ April 2021 li jistabbilixxi Programm għall-Ambjent u l-Azzjoni dwar il-Klima (LIFE), u li jħassar ir-Regolament (UE) Nru 1293/2013 (ĠU L 172, 17.5.2021, p. 53).

(2)  Ir-Regolament (UE) 2021/817 tal-Parlament Ewropew u tal-Kunsill tal-20 ta’ Mejju 2021 li jistabbilixxi Erasmus+: il-Programm tal-Unjoni għall-edukazzjoni u taħriġ, żgħażagħ u sport u li jħassar ir-Regolament (UE) Nru 1288/2013 (ĠU L 189, 28.5.2021, p. 1).

(3)  Id-Direttiva 2000/60/KE tal-Parlament Ewropew u tal-Kunsill tat-23 ta’ Ottubru 2000 li tistabbilixxi qafas għal azzjoni Komunitarja fil-qasam tal-politika tal-ilma (ĠU L 327, 22.12.2000, p. 1).

(4)  Ir-Regolament (UE) Nru 1307/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi regoli għal pagamenti diretti lill-bdiewa taħt skemi ta’ appoġġ fil-qafas tal-politika agrikola komuni u li jħassar ir-Regolament tal-Kunsill (KE) Nru 637/2008 u r-Regolament tal-Kunsill (KE) Nru 73/2009 (ĠU L 347, 20.12.2013, p. 608).

(5)  Mappa taż-żoni kollha, ddeżinjata skont l-Artikolu 32(1) tar-Regolament (UE) Nru 1305/2013.

(6)  Ir-Regolament (UE) Nru 1305/2013 tal-Parlament Ewropew u tal-Kunsill tas-17 ta’ Diċembru 2013 dwar appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) u li jħassar ir-Regolament tal-Kunsill (KE) Nru 1698/2005 (ĠU L 347, 20.12.2013, p. 487).

(7)  Ir-Regolament (UE) 2021/1060 tal-Parlament Ewropew u tal-Kunsill tal-24 ta’ Ġunju 2021 li jistipula dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond ta’ Koeżjoni, il-Fond għal Tranżizzjoni Ġusta u l-Fond Ewropew għall-Affarijiet Marittimi, is-Sajd u l-Akkwakultura u r-regoli finanzjarji għalihom u għall-Fond għall-Ażil, il-Migrazzjoni u l-Integrazzjoni, il-Fond għas-Sigurtà Interna u l-Istrument għall-Appoġġ Finanzjarju għall-Ġestjoni tal-Fruntieri u l-Politika dwar il-Viżi (ĠU L 231, 30.6.2021, p. 159).

(8)   ĠU L 147, 18.6.1993, p. 26.

(9)  Ir-Regolament (UE) 2021/2116 tal-Parlament Ewropew u tal-Kunsill tat-2 ta’ Diċembru 2021 dwar il-finanzjament, il-ġestjoni u l-monitoraġġ tal-politika agrikola komuni u li jħassar ir-Regolament (UE) Nru 1306/2013 (ĠU L 435, 6.12.2021, p. 187).

(10)  Id-Direttiva 2001/42/KE tal-Parlament Ewropew u tal-Kunsill tas-27 ta’ Ġunju 2001 dwar l-istima tal-effetti ta’ ċerti pjanijiet u programmi fuq l-ambjent (ĠU L 197, 21.7.2001, p. 30).

ANNESS II

Responsabbiltajiet tal-Kummissjoni u tal-Istati Membri relatati mal-SFC2021

1.   Responsabbiltajiet tal-Kummissjoni

1.1.

L-iżgurar tal-operat ta’ sistema elettronika għall-iskambju uffiċjali u sigur ta’ informazzjoni bejn l-Istat Membru u l-Kummissjoni, minn hawn ’il quddiem imsejħa “SFC2021”. L-SFC2021 għandu jkollha mill-inqas l-informazzjoni speċifikata fil-mudelli stabbiliti skont ir-Regolament (UE) 2021/2115.

1.2.

L-iżgurar tal-karatteristiċi li ġejjin tal-SFC2021: (a) formoli interattivi jew formoli mimlija minn qabel mis-sistema abbażi tad-data diġà rreġistrata fis-sistema qabel; (b) kalkoli awtomatiċi, fejn inaqqsu l-isforz ta’ kodifikazzjoni tal-utenti; (c) kontrolli integrati awtomatiċi biex tiġi vverifikata l-konsistenza interna tad-data trażmessa u l-konsistenza ta’ din id-data mar-regoli applikabbli; (d) l-utenti ta’ twissija tal-SFC2021 iġġenerati mis-sistema li ċerti azzjonijiet jistgħu jew ma jistgħux jitwettqu; (e) it-traċċar tal-istatus online tat-trattament tal-informazzjoni mdaħħla fis-sistema; (f) id-disponibbiltà ta’ data storika fir-rigward tal-informazzjoni kollha mdaħħla għal programm; (g) id-disponibbiltà ta’ firma elettronika obbligatorja skont it-tifsira tar-Regolament (UE) Nru 910/2014 tal-Parlament Ewropew u tal-Kunsill (1) li tiġi rikonoxxuta bħala evidenza fi proċedimenti legali.

1.3.

L-iżgurar ta’ politika ta’ sigurtà għat-teknoloġija tal-informazzjoni għall-SFC2021 applikabbli għall-persunal li juża s-sistema skont ir-regoli rilevanti tal-Unjoni, b’mod partikolari d-Deċiżjoni tal-Kummissjoni (UE, Euratom) 2017/46 (2).

1.4.

Il-ħatra ta’ persuna jew ta’ persuni responsabbli għad-definizzjoni, għaż-żamma u għall-iżgurar tal-applikazzjoni korretta tal-politika ta’ sigurtà għall-SFC2021.

2.   Responsabbiltajiet tal-Istati Membri

2.1.

L-iżgurar li l-awtoritajiet tal-programm tal-Istat Membru identifikati f’konformità mat-Titolu VI tar-Regolament (UE) 2021/2115 kif ukoll il-korpi identifikati biex iwettqu ċerti kompiti taħt ir-responsabbiltà tal-awtorità amministrattiva jdaħħlu fl-SFC2021 l-informazzjoni għat-trażmissjoni li tagħha huma responsabbli u kwalunkwe aġġornament għaliha.

2.2.

L-iżgurar tal-verifika tal-informazzjoni sottomessa minn persuna għajr il-persuna li tkun daħlet id-data għal dik it-trażmissjoni.

2.3.

Il-provvediment ta’ arranġamenti għas-separazzjoni tal-kompiti msemmijin fil-punti 2.1 u 2.2 permezz tas-sistemi ta’ informazzjoni ta’ ġestjoni u ta’ kontroll tal-Istat Membru konnessi awtomatikament mal-SFC2021.

2.4.

Il-ħatra ta’ persuna jew ta’ persuni responsabbli għall-ġestjoni tad-drittijiet ta’ aċċess biex jissodisfaw il-kompiti li ġejjin: (a) l-identifikazzjoni tal-utenti li jitolbu aċċess, filwaqt li jiġi żgurat li dawk l-utenti huma impjegati mill-organizzazzjoni; (b) l-infurmar lill-utenti dwar l-obbligi tagħhom li jippreservaw is-sigurtà tas-sistema; (c) il-verifika tal-intitolament tal-utenti għal-livell ta’ privileġġ meħtieġ fir-rigward tal-kompiti tagħhom u l-pożizzjoni ġerarkika tagħhom; (d) it-talba tat-terminazzjoni tad-drittijiet ta’ aċċess meta dawk id-drittijiet ta’ aċċess ma jibqgħux meħtieġa jew ġustifikati; (e) ir-rapportar minnufih ta’ avvenimenti suspettużi li jistgħu jġibu preġudizzju għas-sigurtà tas-sistema; (f) l-iżgurar tal-preċiżjoni kontinwata tad-data ta’ identifikazzjoni tal-utent billi jiġi rrapportat kwalunkwe tibdil; (g) it-teħid tal-prekawzjonijiet meħtieġa għall-protezzjoni tad-data u għall-kunfidenzjalità kummerċjali f’konformità mar-regoli tal-Unjoni u dawk nazzjonali; (h) l-infurmar lill-Kummissjoni bi kwalunkwe bidla li taffettwa l-kapaċità tal-awtoritajiet jew tal-utenti tal-Istati Membri tal-SFC2021 biex iwettqu r-responsabbiltajiet imsemmija fil-punt 2.1 jew il-kapaċità personali tagħhom biex iwettqu r-responsabbiltajiet imsemmija fil-punti (a) sa (g).

2.5.

Il-provvediment ta’ arranġamenti għar-rispett tal-protezzjoni tal-privatezza u tad-data personali għall-individwi, u tal-kunfidenzjalità kummerċjali għall-entitajiet legali f’konformità mad-Direttiva 2002/58/KE (3), u mar-Regolamenti (UE) 2016/679 (4) u (UE) 2018/1725 (5) tal-Parlament Ewropew u tal-Kunsill.

2.6.

L-adozzjoni ta’ politiki nazzjonali, reġjonali jew lokali dwar is-sigurtà tal-informazzjoni dwar l-aċċess għall-SFC2021 abbażi ta’ valutazzjoni tar-riskju applikabbli għall-awtoritajiet kollha li jużaw l-SFC2021 u l-indirizzar tal-aspetti li ġejjin: (a) l-aspetti tas-sigurtà tal-IT tax-xogħol imwettaq mill-persuna jew mill-persuni responsabbli għall-ġestjoni tad-drittijiet ta’ aċċess imsemmija fil-punt 2.4 f’każ li jiġi applikat l-użu dirett; (b) għas-sistemi tal-kompjuter nazzjonali, reġjonali jew lokali konnessi mal-SFC2021, permezz ta’ interfaċċa teknika bħala parti mis-sistemi ta’ informazzjoni ta’ ġestjoni u ta’ kontroll tal-Istat Membru kif imsemmi fil-punt 2.3, il-miżuri ta’ sigurtà għal dawk is-sistemi li jippermettu li jkunu allinjati mar-rekwiżiti ta’ sigurtà tal-SFC2021 u li jkopru: (i) is-sigurtà fiżika; (ii) il-media tad-data u l-kontroll tal-aċċess; (iii) il-kontroll tal-ħżin; (iv) l-aċċess u l-kontroll tal-password; (v) il-monitoraġġ; (vi) l-interkonnessjoni mal-SFC2021; (vii) l-infrastruttura tal-komunikazzjoni; (viii) il-ġestjoni tar-riżorsi umani qabel l-impjieg, matul l-impjieg u wara l-impjieg; (ix) il-ġestjoni tal-inċidenti.

2.7.

It-tqegħid tad-dokument(i) li jkun fih/jkunu fihom il-politiki msemmijin fil-punt 2.6 disponibbli għall-Kummissjoni fuq talba.

2.8.

Il-ħatra ta’ persuna jew ta’ persuni responsabbli għaż-żamma u għall-iżgurar tal-applikazzjoni tal-politiki nazzjonali, reġjonali jew lokali dwar is-sigurtà tal-IT u li taġixxi jew li jaġixxu bħala punt ta’ kuntatt mal-persuna jew mal-persuni maħtura mill-Kummissjoni u msemmija fil-punt 1.4.

3.   Responsabbiltajiet konġunti tal-Kummissjoni u tal-Istati Membri

3.1.

L-iżgurar tal-aċċessibbiltà jew direttament permezz ta’ interfaċċa interattiva għall-utent (jiġifieri applikazzjoni fuq l-Internet) jew permezz ta’ interfaċċa teknika bl-użu ta’ protokolli predefiniti (jiġifieri servizzi fuq l-Internet) li jippermettu s-sinkronizzazzjoni u t-trażmissjoni awtomatika tad-data bejn is-sistemi ta’ informazzjoni tal-Istati Membri u l-SFC2021.

3.2.

L-istabbiliment tad-data tat-trażmissjoni elettronika tal-informazzjoni mill-Istat Membru lill-Kummissjoni u viċi-versa fl-iskambju elettroniku tad-data, li tikkostitwixxi d-data tas-sottomissjoni tad-dokument ikkonċernat.

3.3.

L-iżgurar li d-data uffiċjali tiġi skambjata permezz tal-SFC2021, ħlief fejn isseħħ force majeure, u li l-informazzjoni pprovduta fil-formoli elettroniċi inkorporati fl-SFC2021 (“data strutturata”) ma tiġix sostitwita b’data mhux strutturata u, fil-każ ta’ inkonsistenza, dik id-data strutturata tipprevali fuq data mhux strutturata. Fil-każ ta’ force majeure, ta’ ħsara fl-SFC2021 jew ta’ nuqqas ta’ konnessjoni mal-SFC2021, l-Istat Membru jista’, bl-approvazzjoni minn qabel tal-Kummissjoni, jibgħat id-dokumenti f’forma oħra, skont il-kundizzjonijiet stabbiliti mill-Kummissjoni. Meta l-kawża ta’ force majeure tieqaf, il-parti kkonċernata ddaħħal fl-SFC2021 mingħajr dewmien l-informazzjoni diġà pprovduta f’forma stampata.

3.4.

L-iżgurar tal-konformità mat-termini u l-kundizzjonijiet tas-sigurtà tal-IT ippubblikati fil-portal tal-SFC2021 u l-miżuri li huma implimentati fl-SFC2021 mill-Kummissjoni biex tagħmel it-trażmissjoni tad-data sigura, b’mod partikolari fir-rigward tal-użu tal-interfaċċa teknika bħala parti mis-sistemi ta’ informazzjoni ta’ ġestjoni u ta’ kontroll tal-Istat Membru kif imsemmi fil-punt 2.3.

3.5.

L-implimentazzjoni u l-iżgurar tal-effettività tal-miżuri ta’ sigurtà adottati għall-protezzjoni tad-data maħżuna u trażmessa permezz tal-SFC2021.

3.6.

L-aġġornament u r-rieżami annwali tal-politika ta’ sigurtà tal-IT tal-SFC2021 u l-politiki nazzjonali, reġjonali u lokali rilevanti dwar is-sigurtà tal-IT fil-każ ta’ bidliet teknoloġiċi, l-identifikazzjoni ta’ theddid ġdid jew żviluppi rilevanti oħrajn.

---

(1)  Ir-Regolament (UE) Nru 910/2014 tal-Parlament Ewropew u tal-Kunsill tat-23 ta’ Lulju 2014 dwar l-identifikazzjoni elettronika u s-servizzi fiduċjarji għal transazzjonijiet elettroniċi fis-suq intern u li jħassar id-Direttiva 1999/93/KE (ĠU L 257, 28.8.2014, p. 73).

(2)  Id-Deċiżjoni tal-Kummissjoni (UE, Euratom) 2017/46 tal-10 ta’ Jannar 2017 dwar is-sigurtà tas-sistemi ta’ komunikazzjoni u informazzjoni fil-Kummissjoni Ewropea (ĠU L 6, 11.1.2017, p. 40).

(3)  Id-Direttiva 2002/58/KE tal-Parlament Ewropew u tal-Kunsill tat-12 ta’ Lulju 2002 dwar l-ipproċessar tad-data personali u l-protezzjoni tal-privatezza fis-settur tal-komunikazzjoni elettronika (Direttiva dwar il-privatezza u l-komunikazzjoni elettronika) (ĠU L 201, 31.7.2002, p. 37).

(4)  Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).

(5)  Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).