Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2026/1941 |
7.8.2026 |
RIALACHÁN CUR CHUN FEIDHME (AE) 2026/1941 ÓN gCOIMISIÚN
an 7 Lúnasa 2026
lena leasaítear Rialachán (AE) 2016/44 ón gComhairle a bhaineann le bearta sriantacha i bhfianaise na staide sa Libia
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2016/44 ón gComhairle an 18 Eanáir 2016 a bhaineann le bearta sriantacha i bhfianaise na staide sa Libia agus lena n-aisghairtear Rialachán (AE) Uimh. 204/2011 (1), agus go háirithe Airteagal 20(b) de,
De bharr an mhéid seo a leanas:
|
(1) |
Le Rialachán (AE) 2016/44 tugtar éifeacht do na bearta sriantacha dá bhforáiltear i gCinneadh (CBES) 2015/1333 ón gComhairle (2). |
|
(2) |
Liostaítear in Iarscríbhinn V a ghabhann le Rialachán (AE) 2016/44 soithí arna n-ainmniú ag Coiste Smachtbhannaí na Náisiún Aontaithe i gcomhréir le mír 11 de Rún 2146 (2014) ó Chomhairle Slándála na Náisiún Aontaithe. Tá na soithí sin faoi réir roinnt toirmeasc faoi Rialachán (AE) 2016/44, lena n-áirítear an toirmeasc ar amhola a luchtú, a iompar nó a urscaoileadh ón Libia, rochtain a fháil ar chalafoirt i gcríoch an Aontais, seirbhísí buncaeireachta nó soláthair long nó aon seirbhís eile a sholáthar, agus an toirmeasc ar idirbhearta airgeadais a dhéanamh. |
|
(3) |
An 22 Iúil 2026, chinn Coiste Chomhairle Slándála na Náisiún Aontaithe, arna bhunú de bhun Rún 1970 (2011) ó Chomhairle Slándála na Náisiún Aontaithe, soitheach amháin a chur le liosta na soithí atá faoi réir bearta sriantacha a leagtar amach i mír 10 de Rún 2146 (2014) ó Chomhairle Slándála na Náisiún Aontaithe. |
|
(4) |
Dá bhrí sin, ba cheart Iarscríbhinn V a ghabhann le Rialachán (AE) 2016/44 a leasú dá réir. |
|
(5) |
Chun a áirithiú go mbeidh na bearta dá bhforáiltear sa Rialachán seo éifeachtach, ba cheart an Rialachán seo a theacht i bhfeidhm láithreach, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn V a ghabhann le Rialachán (AE) 2016/44 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 7 Lúnasa 2026.
Thar ceann an Choimisiúin
Thar ceann an Uachtaráin
Ard-Stiúrthóir
An Ard-Stiúrthóireacht um Chobhsaíocht Airgeadais, Seirbhísí Airgeadais agus Aontas na Margaí Caipitil
(1) IO L 12, 19.1.2016, lch. 1, ELI: http://data.europa.eu/eli/reg/2016/44/oj.
(2) Cinneadh (CBES) 2015/1333 ón gComhairle an 31 Iúil 2015 a bhaineann le bearta sriantacha i bhfianaise na staide sa Libia, agus lena n-aisghairtear Cinneadh 2011/137/CBES (IO L 206, 1.8.2015, lch. 34, ELI: http://data.europa.eu/eli/dec/2015/1333/oj).
IARSCRÍBHINN
In Iarscríbhinn V a ghabhann le Rialachán (AE) 2016/44, cuirtear an iontráil seo a leanas leis an ‘LIOSTA SOITHÍ DÁ dTAGRAÍTEAR I bPOINTE (H) D’AIRTEAGAL 1 AGUS AIRTEAGAL 15 AGUS BEARTA IS INFHEIDHME MAR A SHONRAÍONN COISTE NA SMACHTBHANNAÍ’:
|
‘1. |
Ainm: AVAX
Arna liostú an 22 Iúil 2026. Arna liostú de bhun mhíreanna 10(a), 10(b), 10(c) agus 10(d) de Rún 2146 (2014), arna leasú le mír 2 de Rúin 2441 (2018) agus 2509 (2020) agus arna leathnú i Rún 2819 (2026) (toirmeasc ar luchtú, iompar nó urscaoileadh; toirmeasc ar dhul isteach i gcalafoirt; toirmeasc ar sheirbhísí buncaeireachta agus soithigh a sholáthar; toirmeasc ar idirbhearta airgeadais maidir le peitriliam a dhéanamh). De bhun mhír 11 de Rún 2146, arna modhnú le mír 2 de Rún 2509 (2020), tá an t-ainmniú sin bailí ón 22 Iúil 2026 go dtí an 22 Iúil 2027, mura ndéanfaidh an Coiste é a fhoirceannadh níos luaithe de bhun mhír 12 de Rún 2146 (2014). Faisnéis bhreise Uimhir IMO: 9058713. Stát Brataí: Camarún. An 4 Aibreán 2026, bhí an soitheach lonnaithe gar do limistéar ancaireachta Sheanchuan Benghazi, sa Libia.’. |
ELI: http://data.europa.eu/eli/reg_impl/2026/1941/oj
ISSN 1977-0839 (electronic edition)