Ag féachaint do Rialacháin Foirne Oifigigh an Aontais Eorpaigh agus Coinníollacha Fostaíochta Sheirbhísigh eile an Aontais Eorpaigh, arna leagan síos i Rialachán (CEE, Euratom, CEGC) Uimh. 259/68 ón gComhairle (1), arna leasú, go háirithe, le Rialachán (CE, Euratom) Uimh. 1023/2013 ó Pharlaimint na hEorpa agus ón gComhairle an 22 Deireadh Fómhair 2013, lena leasaítear Rialacháin Foirne Oifigigh an Aontais Eorpaigh agus Coinníollacha Fostaíochta Sheirbhísigh eile an Aontais Eorpaigh (2), agus go háirithe Airteagal 30 de na Rialacháin,

Ag féachaint do Chinneadh ó Bhiúró Pharlaimint na hEorpa an 13 Eanáir 2014 maidir le tarmligean chumhachtaí an údaráis ceapacháin (ÚC) agus an údaráis atá cumhachtaithe chun conarthaí fostaíochta a thabhairt i gcrích agus do Chinneadh ó Ard-Rúnaí an 25 Meán Fómhair 2017 lena leasaítear leithdháileadh chumhachtaí an údaráis ceapacháin (ÚC) agus an údaráis atá cumhachtaithe chun conarthaí fostaíochta a thabhairt i gcrích,

Ag féachaint don dáta éagtha, an 31 Nollaig 2024, de na liostaí d’iarrthóirí oiriúnacha seo a leanas de Pharlaimint na hEorpa: AD/2/20, AD/3/20, AST/1/20, AST/2/20, AST-SC/1/20, PE/168/S, PE/186/S, PE/226/S – 1, PE/226/S – 2, PE/226/S – 3, PE/226/S – 4, PE/227/S, PE/228/S, PE/229/S – 1, PE/229/S – 2, PE/229/S – 3, PE/232/S, PE/255/S agus na ADDENDUM, PE/257/S, P/2020/AD9 (P), P/2020/AD10 (P), P/2020/AST/6 (P) agus P/2020/AST/7 (P),

Ag féachaint d’ídiú an liosta d’iarrthóirí oiriúnacha seo a leanas de Pharlaimint na hEorpa: AD/1/21,

Ag féachaint don tuairim ón gComhchoiste arna heisiúint ag a chruinniú an 16 Deireadh Fómhair 2024,

Airteagal 1

Maidir le tréimhse bhailíochta na liostaí d’iarrthóirí oiriúnacha seo a leanas: AD/2/20, AST/2/20, AST-SC/1/20, PE/226/S - 1, PE/226/S - 2, PE/226/S - 3, PE/226/S - 4, PE/228/S, PE/229/S - 1, PE/229/S - 2, PE/229/S - 3, PE/232/S, PE/257/S, P/2020/AD9 (P), P/2020/AD10 (P), P/2020/AST/6 (P) agus P/2020/AST/7 (P) déantar í a fhadú go dtí an 31 Nollaig 2025.

Airteagal 2

Maidir le tréimhse bhailíochta na liostaí d’iarrthóirí oiriúnacha seo a leanas: AD/3/20, AST/1/20, PE/168/S, PE/186/S, PE/227/S, PE/255/S agus an t-aguisín a ghabhann leis; ní dhéantar í a fhadú.