|
5.12.2017 |
MT |
Il-Ġurnal Uffiċjali tal-Unjoni Ewropea |
C 413/12 |
Notifika minn qabel ta’ konċentrazzjoni
(Il-Każ M.8731 — COMSA/Mirova/PGGM/Cedinsa Concessionària)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2017/C 413/10)
|
1. |
Fl-24 ta’ Novembru 2017, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1). Dan l-avviż jikkonċerna l-impriżi li ġejjin:
COMSA, Mirova u PGGM jakkwistaw fis-sens tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ Cedinsa, flimkien mal-azzjonisti l-oħra ta’ Cedinsa, jiġifieri Meridiam u Copcisa Il-konċentrazzjoni hija mwettqa permezz ta’ xiri ta’ ishma. |
|
2. |
L-attivitajiet kummerċjali tal-impriżi kkonċernati huma: — għal COMSA: infrastrutturi u s-settur tal-inġinerija, — għal Mirova: soluzzjonijiet ta’ ġestjoni tal-portafoll immirati biex jgħaqdu l-ħolqien tal-valur u l-iżvilupp sostenibbli. — għal PGGM: jipprovdi servizzi tal-pensjonijiet, billi jispeċjalizza fl-amministrazzoni ta’ pensjonijiet kollettivi u li jinkludi l-ġestjoni tal-assi. — għal Cedinsa: kumpanija azzjonarja b’sussidjarji attivi fil-qasam tal-konċessjonijiet tal-infrastruttura, b’mod partikulari konċessjonijiet tal-pedaġġi tal-motorway — għal Meridiam: il-ġestjoni ta’ investimenti tal-infrastruttura — għal Copcisa: il-kostruzzjoni, konċessjonijiet ta’ xogħlijiet pubbliċi u l-iżvilupp ta’ proprjetà immobbli |
|
3. |
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stipulata fl-Avviż. |
|
4. |
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata: M.8731 — COMSA/Mirova/PGGM/Cedinsa Concessionària Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).
(2) ĠU C 366, 14.12.2013, p. 5.