European flag

Il-Ġurnal Uffiċjali
ta'l-Unjoni Ewropea

MT

Is-serje C


C/2025/5874

31.10.2025

Notifika minn qabel ta’ konċentrazzjoni

(Il-Każ M.12191 – KKR / CINVEN / CVC / NEMEAN MIDCO)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(C/2025/5874)

1.   

Fit-22 ta’ Ottubru 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—

Solaris Bidco (Jersey) Limited, veikolu bi skop speċjali indirettament proprjetà sħiħa ta’ fondi ta’ investiment, veikoli u/jew kontijiet, avżati u ġestiti minn diversi sussidjarji ta’ KKR &Co. Inc. (l-Istati Uniti) (“KKR & Co.” flimkien mas-sussidjarji tagħha, “KKR”),

—

Crossgar Acquisition Limited (Guernsey) proprjetà ta’ The Sixth Cinven Fund, ultimament ikkontrollata mill-maniġer tas-Sixth Cinven Fund, Cinven Limited (“Cinven”),

—

Nemean Holdings Jersey Limited (Jersey) ultimament ikkontrollata minn CVC Capital Partners plc. (“CVC”),

—

Nemean Midco Limited (Jersey) (“Nemean Midco”) indirettament ikkontrollata b’mod konġunt minn CVC u Cinven.

KKR, Cinven u CVC se jakkwistaw, skont it-tifsira tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ Nemean Midco.

Il-konċentrazzjoni titwettaq permezz tax-xiri ta’ ishma.

2.   

L-attivitajiet kummerċjali tal-impriżi kkonċernati huma li ġejjin:

—

KKR hija ditta tal-investiment globali li toffri ġestjoni tal-assi alternattivi kif ukoll soluzzjonijiet għas-swieq finanzjarji u tal-assikurazzjoni,

—

Cinven hija negozju ta’ ekwità privata impenjata fil-provvediment ta’ ġestjoni tal-investiment u servizzi ta’ konsulenza dwar l-investiment,

—

CVC hija kumpannija pubblika b’responsabbiltà limitata. Uħud mis-sussidjarji tas-CVC minn żmien għal żmien jipprovdu pariri dwar l-investiment lil u/jew jimmaniġġjaw investimenti f’isem ċerti fondi u veikoli ta’ investiment li għandhom interessi f’kumpaniji attivi madwar id-dinja,

—

Nemean Midco hija fornitur ta’ kreditu għall-konsumatur ibbażat fir-Renju Unit.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil partijiet terzi interessati jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12191 — KKR / CINVEN / CVC / NEMEAN MIDCO

Il-kummenti jistgħu jintbagħtu lill-Kummissjoni b’email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)   ĠU L 24, 29.1.2004, p. 1 (ir-“Regolament dwar l-Għaqdiet”).

(2)   ĠU C 160, 5.5.2023, p. 1.


ELI: http://data.europa.eu/eli/C/2025/5874/oj

ISSN 1977-0987 (electronic edition)