<TI><P><HT TYPE="BOLD"><HT TYPE="ITALIC">Id-dritt tal-Unjoni</HT></HT></P></TI>3Il-premessi 40, 43 u 48 tad-Direttiva 2007/64 jipprevedu:(40)Biex ikun hemm ipproċessar tal-ħlas integrat bis-sħiħ u dirett u ċertezza legali fir-rigward ta’ l-eżekuzzjoni ta’ kwalunkwe obbligu sottostanti bejn l-utenti ta’ servizzi ta’ ħlas, huwa meħtieġ li l-ammont totali trasferit mingħand dak li jħallas għandu jkun akkreditat lill-kont ta’ min ikun qed jitħallas [tal-benefiċjarju] […][…]
(43)Sabiex titjieb l-effiċjenza tal-ħlasijiet [fl-Unjoni Ewropea] kollha, l-ordnijiet ta’ ħlas kollha mibdija minn min iħallas u denominati fl-euro jew fil-valuta ta’ Stat Membru li qiegħed barra miż-żona euro, inklużi trasferimenti ta’ krediti u ħlasijiet ta’ flus, għandhom ikunu soġġetti għal ħin ta’ eżekuzzjoni massimu ta’ jum. […] Minħabba l-fatt li l-infrastrutturi nazzjonali tal-ħlas huma ħafna drabi effiċjenti ħafna u biex il-livelli preżenti ta’ servizzi ma jmorrux lura, l-Istati Membri għandhom jitħallew iżommu fis-seħħ jew jistabbilixxu regoli li jispeċifikaw żmien ta’ eżekuzzjoni ta’ anqas minn jum ta’ negozju, fejn ikun xieraq.[…]
(48)Għandu jkun possibbli għall-fornitur ta’ servizzi ta’ ħlas li jispeċifika mingħajr ambigwità l-informazzjoni meħtieġa biex ordni tal-ħlas tkun tista’ titwettaq korrettament. Min-naħa l-oħra, madankollu, biex tiġi evitata l-frammentazzjoni u li jiġi pperikolat l-istabbiliment ta’ sistemi ta’ ħlas integrati fil-Komunità, l-Istati Membri m’għandhomx jitħallew jirrikjedu li jintuża identifikatur partikolari għal transazzjonjiet ta’ ħlas. Madankollu, dan m’għandux iżomm lill-Istati Membri milli jieħtieġu li fornitur ta’ servizzi ta’ ħlas ta’ min iħallas jaġixxi bid-diliġenza dovuta u jivverifika, fejn dan huwa teknikament possibbli u mingħajr ħtieġa ta’ intervent manwali, il-koerenza ta’ l-identifikatur uniku, u fejn l-identifikatur uniku jinstab li hu inkoerenti, jirrifjuta l-ordni ta’ ħlas u jinforma b’dan lil min iħallas. Ir-responsabbiltà tal-fornitur ta’ servizzi ta’ ħlas għandha tkun limitata għall-eżekuzzjoni korretta tat-transazzjoni ta’ ħlas skond l-ordni tal-ħlas li tkun saret mill-utent ta’ servizzi ta’ ħlas.
4L-Artikolu 4 ta’ din id-direttiva jistipula:Għall-finijiet ta’ din id-Direttiva, id-definizzjonijiet li ġejjin għandhom japplikaw:[…]- 5)transazzjoni ta’ ħlas tfisser att, mibdi minn min iħallas jew minn min jitħallas [mill-benefiċjarju], ta’ tqegħid, ta’ trasferiment jew ta’ ġbid ta’ fondi, irrispettivament minn kwalunkwe obbligazzjoni sottostanti bejn min ħallas u min jitħallas [l-benefiċjarju];
[…]- 21)identifikatur uniku tfisser kombinazzjoni speċifikata ta’ ittri, numri jew simboli lill-utent ta’ servizzi ta’ ħlas mill-fornitur ta’ servizzi ta’ ħlas u li għandha tingħata mill-utent ta’ servizzi ta’ ħlas biex jidentifika mingħajr ambigwità l-utent l-ieħor ta’ servizzi ta’ ħlas u/jew il-kont tal-ħlas tiegħu għal transazzjoni ta’ ħlas;
[…].
5Il-Kapitolu 2, intitolat Transazzjonijiet ta’ ħlas wieħed, li jinsab fit-Titolu III tal-imsemmija direttiva, jinkludi l-Artikolu 37 tagħha, intitolat Informazzjoni u kundizzjonijiet. Dan l-artikolu jipprevedi, fil-paragrafu 1 tiegħu:L-Istati Membri għandhom jiżguraw li l-informazzjoni u l-kundizzjonijiet segwenti jiġu fornuti jew ikunu disponibbli għall-utent ta’ servizzi ta’ ħlas:
- (a)speċifikazzjoni ta’ l-informazzjoni jew l-identifikatur uniku li għandha tingħata mill-utent ta’ servizzi ta’ ħlas biex tkun tista’ titwettaq tajjeb ordni tal-ħlas;
[…].
6Il-Kapitolu 3, intitolat Kuntratti qafas, li jagħmel parti mit-Titolu III tal-istess direttiva, jinkludi l-Artikolu 42 tagħha, intitolat Informazzjoni u kundizzjonijiet. Dan l-artikolu huwa fformulat kif ġej:L-Istati Membri għandhom jiżguraw li l-informazzjoni u l-kundizzjonijiet segwenti jiġu fornuti lill-utent ta’ servizzi ta’ ħlas:[…]- 2.dwar l-użu tas-servizz ta’ ħlas:
[…]- (b)l-ispeċifikazzjoni ta’ l-informazzjoni jew l-identifikatur uniku li għandu jingħata mill-utent ta’ servizzi ta’ ħlas biex tkun tista’ twettaq tajjeb ordni tal-ħlas;
[…].
7L-Artikolu 74 tad-Direttiva 2007/64, intitolat Identifikaturi uniċi skorretti, jipprovdi:1.Jekk ordni tal-ħlas tkun imwettqa skond l-identifikatur uniku, l-ordni tal-ħlas għandha titqies li twettqet b’mod korrett fir-rigward ta’ min jitħallas [benefiċjarju] speċifikat mill-identifikatur uniku.2.Jekk l-identifikatur uniku pprovdut mill-utent ta’ servizzi ta’ ħlas ma jkunx korrett, il-fornitur ta’ servizzi ta’ ħlas m’għandux ikun responsabbli taħt l-Artikolu 75 għan-nuqqas ta’ eżekuzzjoni jew għall-eżekuzzjoni difettuża tat-transazzjoni ta’ ħlas.Madankollu, il-fornitur ta’ servizzi ta’ ħlas [ta’ min iħallas] għandu jagħmel sforz bona fide biex jirkupra l-fondi li jkunu nvoluti fit-transazzjoni ta’ ħlas.[…]3.Jekk l-utent ta’ servizzi ta’ ħlas jipprovdi informazzjoni addizzjonali għal dik speċifikata fl-Artikoli 37(1)(a) jew 42(2)(b), il-fornitur ta’ servizzi ta’ ħlas għandu jkun responsabbli biss għall-eżekuzzjoni ta’ transazzjonjiet ta’ ħlas skond l-identifikatur uniku pprovdut mill-utent ta’ sevizzi tal-ħlas.
8L-Artikolu 75 ta’ din id-direttiva, intitolat Nuqqas ta’ eżekuzzjoni jew eżekuzzjoni difettuża, jipprevedi, essenzjalment, fil-paragrafi 1 u 2 tiegħu, li r-responsabbiltajiet li dawn jistabbilixxu huma mingħajr preġudizzju għall-Artikolu […] 74(2) u (3) tal-imsemmija direttiva.