(1)

Le Rialachán (CE) Uimh. 1183/2005 (2) ón gComhairle, tugtar éifeacht do Chinneadh 2010/788/CBES ón gComhairle (3) agus foráiltear do bhearta áirithe atá dírithe i gcoinne daoine atá ag gníomhú de shárú ar an lánchosc arm maidir le Poblacht Dhaonlathach an Chongó (PDC), lena n-áirítear a gcuid sócmhainní a reo.

(2)

I bhfianaise thromchúis na staide in PDC, leasaítear le Cinneadh (CBES) 2023/1568 na critéir maidir le liostú uathrialach an Aontais chun gur féidir bearta sriantacha spriocdhírithe a chur i bhfeidhm i gcoinne daoine nádúrtha nó dlítheanacha, eintitis nó comhlachtaí a thugann tacaíocht d’aon duine nádúrtha nó dlítheanach, eintiteas nó comhlacht atá freagrach as an gcoinbhleacht armtha, an éagobhsaíocht nó an neamhshláine a chothú i bPoblacht Dhaonlathach an Chongó.

(3)

Dá bhrí sin, tá gá le gníomhaíocht rialála ar leibhéal an Aontais chun éifeacht a thabhairt do Chinneadh (CBES) 2023/1568, go háirithe d’fhonn a áirithiú go gcuirfidh oibreoirí eacnamaíocha na bearta sin i bhfeidhm go haonfhoirmeach sna Ballstáit uile.

(4)

Dá bhrí sin, ba cheart Rialachán (CE) Uimh. 1183/2005 a leasú dá réir sin,

‘(d)

tacaíocht a thabhairt do dhaoine nádúrtha nó dlítheanacha, d’eintitis nó do chomhlachtaí atá freagrach as an gcoinbhleacht armtha, an éagobhsaíocht nó an neamhshláine a chothú in PDC.’.