|
Il-Ġurnal Uffiċjali |
MT Is-serje C |
|
C/2026/4931 |
23.9.2026 |
Notifika minn qabel ta’ konċentrazzjoni
(Każ M.12596 - PLATINUM EQUITY GROUP / NESTLÉ / NESTLÉ WATERS JV)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(C/2026/4931)
1.
Fis-7 ta’ Settembru 2026, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Platinum Equity, LLC (flimkien mal-affiljati tagħha “Platinum Equity Group”, l-Istati Uniti), |
|
— |
Nestlé S.A. (“Nestlé”, L-Iżvizzera). |
Platinum Equity Group u Nestlé se jakkwistaw, skont it-tifsira tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ Nestlé Waters. Nestlé Waters hija attwalment proprjetà sħiħa ta’ Nestlé u kkontrollata minnha biss.
Il-konċentrazzjoni titwettaq permezz tax-xiri ta’ ishma.
2.
L-attivitajiet kummerċjali tal-impriżi kkonċernati huma li ġejjin:|
— |
Platinum Equity Group tispeċjalizza fl-għaqdiet, l-akkwist u l-operat ta’ kumpaniji li jipprovdu servizzi u soluzzjonijiet lill-klijenti f’firxa wiesgħa ta’ negozju, inkluża t-teknoloġija tal-informazzjoni u t-telekomunikazzjonijiet, il-loġistika, is-servizzi ta’ metall, il-manifattura u d-distribuzzjoni, |
|
— |
Nestlé, hija primarjament involuta fil-produzzjoni, il-kummerċjalizzazzjoni u l-bejgħ ta’ varjetà kbira ta’ prodotti tal-ikel u tax-xorb globalment, inklużi prodotti tal-ħalib, xarbiet tal-kafè, ilma ppakkjat, ċereali, prodotti kulinari inkluż ikel ippreparat, kondimenti, zlazi, u għaġin xott, ġelat, ċikkulata u xarbiet tat-te, prodotti tal-ħelu, ikliet ħfief, ikel għall-annimali domestiċi, u prodotti tan-nutrizzjoni tal-kura tas-saħħa. |
L-attivitajiet kummerċjali ta’ Nestlé Waters huma l-produzzjoni u l-provvista globali ta’ ilma u xorb fil-fliexken/ippakkjati, li jinkludu ilma bla gass, bil-gass u bit-togħma, kif ukoll xorb mhux alkoħoliku, inkluż xorb bil-gass bit-togħma.
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) jenħtieġ jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar il-konċentrazzjoni proposta.Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:
M.12596 — PLATINUM EQUITY GROUP / NESTLÉ / NESTLÉ WATERS JV
Il-kummenti jistgħu jintbagħtu lill-Kummissjoni bl-email jew bil-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu Faks:
Indirizz Postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).
ELI: http://data.europa.eu/eli/C/2026/4931/oj
ISSN 1977-0987 (electronic edition)