1.   

An 24 Lúnasa 2022 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1) agus tar éis tarchur de bhun Airteagal 4(5) den Rialachán sin.

Baineann an fógra seo leis na gnóthais seo a leanas:

—	Naftna Industrija Srbije a.d. Novi Sad (“NIS”, an tSeirbia), faoi rialú PJSC Gazprom (“Gazprom”, an Rúis),

—	HIP-Petrohemija LLC Pancevo (“HIPP”, an tSeirbia), faoi rialú Phoblacht na Seirbia.

Gheobhaidh NIS rialú aonair, de réir bhrí Airteagal 3(1)(b) den Rialachán um Chumaisc, ar HIPP ina iomláine.

Baintear an comhchruinniú amach trí bhíthin ceannach scaireanna.

2.   

Is iad seo a leanas gníomhaíochtaí gnó na ngnóthas lena mbaineann:

—

Is corparáid fuinnimh ilnáisiúnta de chuid na Rúise ar leis an stát féin tromlach na húinéireachta é Gazprom. Is cuideachta fuinnimh atá comhtháite go hingearach é NIS, cuideachta atá gníomhach i dtaighde, táirgeadh agus scagadh ola agus gáis nádúrtha, díolacháin agus dáileachán réimse leathan táirgí peitriliam, agus i gcur i gcrích tionscadail i réimse na peitriceimice agus an fhuinneamhachais,

—	Is cuideachta peitriceimiceán é HIPP, cuideachta atá gníomhach i dtáirgeadh agus dáileadh táirgí amhail eitiléin, poileitiléin agus rubar sintéiseach.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

4.   

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.10612 – NIS / HIPP

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Facs +32 22964301

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË