|
Iris Oifigiúil |
GA Sraith L |
|
2026/2246 |
13.10.2026 |
RIALACHÁN CUR CHUN FEIDHME (AE) 2026/2246 ÓN gCOIMISIÚN
an 12 Deireadh Fómhair 2026
lena ndéantar athnuachan ar an bhformheas maidir le haigéad hidreaclórach lena úsáid i dtáirgí bithicídeacha de chineál táirge 2 i gcomhréir le Rialachán (AE) Uimh. 528/2012 ó Pharlaimint na hEorpa agus ón gComhairle
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 528/2012 ó Pharlaimint na hEorpa agus ón gComhairle an 22 Bealtaine 2012 maidir le táirgí bithicídeacha a chur ar fáil ar an margadh agus a úsáid (1), agus go háirithe Airteagal 14(4), pointe (a), de,
De bharr an mhéid seo a leanas:
|
(1) |
Áiríodh aigéad hidreaclórach in Iarscríbhinn I a ghabhann le Treoir 98/8/CE ó Pharlaimint na hEorpa agus ón gComhairle (2) mar shubstaint ghníomhach lena húsáid i dtáirgí bithicídeacha de chineál táirge 2 (díghalráin a úsáidtear sa réimse phríobháideach agus i réimse na sláinte poiblí agus táirgí bithicídeacha eile). Dá bhrí sin, de bhun Airteagal 86 de Rialachán (AE) Uimh. 528/2012, meastar an tsubstaint a bheith formheasta faoin Rialachán sin faoi réir na gceanglas a leagtar amach in Iarscríbhinn I a ghabhann le Treoir 98/8/CE. Bhí an formheas sin le dul in éag an 30 Aibreán 2024. Le Cinneadh Cur Chun Feidhme (AE) 2023/2619 ón gCoimisiún, cuireadh an dáta éaga sin ar atráth go dtí an 31 Deireadh Fómhair 2026 (3). |
|
(2) |
An 26 Deireadh Fómhair 2022 cuireadh isteach iarratas i gcomhréir le hAirteagal 13(1) de Rialachán (AE) Uimh. 528/2012 chun athnuachan a dhéanamh ar an bhformheas maidir le haigéad hidreaclórach lena úsáid i dtáirgí bithicídeacha de chineál táirge 2 (‘an t-iarratas’). Is é údarás inniúil na Laitvia (‘an t-údarás inniúil meastóireachta’) a rinne meastóireacht ar an iarratas. |
|
(3) |
An 10 Meitheamh 2025, i gcomhréir le hAirteagal 14(2), an chéad fhomhír, de Rialachán (AE) Uimh. 528/2012, chuir an t-údarás inniúil meastóireachta moladh faoi bhráid na Gníomhaireachta Eorpaí Ceimiceán (‘an Ghníomhaireacht’) i ndáil leis an bhformheas maidir le haigéad hidreaclórach a athnuachan. |
|
(4) |
I gcomhréir le hAirteagal 75(1), an dara fomhír, pointe (a), de Rialachán (AE) Uimh. 528/2012, ullmhaíonn an Coiste um Tháirgí Bithicídeacha an tuairim ón nGníomhaireacht maidir leis na hiarratais ar athnuachan a dhéanamh ar fhormheas substaintí gníomhacha. An 25 Feabhra 2026 (4) ghlac an Coiste an tuairim ón nGníomhaireacht, ag féachaint dó do chonclúidí an údaráis inniúil meastóireachta. |
|
(5) |
Sa tuairim uaithi, ba é conclúid na Gníomhaireachta go bhféadfaí coinne a bheith leis go ndéanfaidh táirgí bithicídeacha de chineál táirge 2 ina bhfuil aigéad hidreaclórach na critéir a leagtar síos in Airteagal 19(1), pointe (b), de Rialachán (AE) Uimh. 528/2012 a chomhlíonadh go fóill, ar choinníoll go gcomhlíonfar coinníollacha áirithe a bhaineann lena n-úsáid. Dá bhrí sin, meastar na coinníollacha a leagtar amach in Airteagal 12(1) de Rialachán (AE) Uimh. 528/2012, arna léamh i gcomhar le hAirteagal 4(1) de, a bheith comhlíonta. |
|
(6) |
Dá bhrí sin, is iomchuí an formheas ar aigéad hidreaclórach lena úsáid i dtáirgí bithicídeacha de chineál táirge 2 a athnuachan faoi réir coinníollacha áirithe a chomhlíonadh. |
|
(7) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Tháirgí Bithicídeacha, |
TAR ÉIS AN RIALACHÁN SEO A GHLACADH:
Airteagal 1
Déantar athnuachan ar an bhformheas maidir le haigéad hidreaclórach mar shubstaint ghníomhach lena húsáid i dtáirgí bithicídeacha de chineál táirge 2, faoi réir na gcoinníollacha a leagtar amach san Iarscríbhinn.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 12 Deireadh Fómhair 2026.
Thar ceann an Choimisiúin
An tUachtarán
Ursula VON DER LEYEN
(1) IO L 167, 27.6.2012, lch. 1, ELI: http://data.europa.eu/eli/reg/2012/528/oj.
(2) Treoir 98/8/CE ó Pharlaimint na hEorpa agus ón gComhairle an 16 Feabhra 1998 maidir le táirgí bithicídeacha a chur ar an margadh (IO L 123, 24.4.1998, lch. 1, ELI: http://data.europa.eu/eli/dir/1998/8/oj).
(3) Cinneadh Cur Chun Feidhme (AE) 2023/2619 ón gCoimisiún an 24 Samhain 2023 lena gcuirtear ar atráth dáta éaga an fhormheasa maidir le haigéad hidreaclórach lena úsáid i dtáirgí bithicídeacha de chineál táirge 2 i gcomhréir le Rialachán (AE) Uimh. 528/2012 ó Pharlaimint na hEorpa agus ón gComhairle (IO L, 2023/2619, 27.11.2023, ELI: http://data.europa.eu/eli/dec_impl/2023/2619/oj).
(4) Tuairim ón gCoiste um Tháirgí Bithicídeacha ar an iarratas maidir le formheas na substainte gníomhaí a athnuachan: Aigéad hidreaclórach, Cineál táirge: 2, ECHA/BPC/523/2026, a glacadh an 25 Feabhra 2026.
IARSCRÍBHINN
|
Gnáthainm |
Ainm IUPAC Uimhreacha Aitheantais |
Íosmhéid íonachta na substainte gníomhaí (1) |
Dáta éaga an fhormheasa |
An cineál táirge |
Coinníollacha sonracha |
||||
|
Aigéad hidreaclórach |
Clóiríd hidrigine Uimh. CE: 231-595-7 Uimh. CAS: 7647-01-0 |
99,9 % |
30 Meán Fómhair 2041 |
2 |
Tá údarú táirgí bithicídeacha a úsáideann aigéad hidreaclórach mar shubstaint ghníomhach faoi réir na gcoinníollacha seo a leanas:
|
||||
|
(1) Ba í an íonacht a léiríodh sa cholún seo íosmhéid íonachta na substainte gníomhaí a ndearnadh meastóireacht uirthi. Féadfaidh íonacht na substainte gníomhaí sa táirge a chuirtear ar fáil ar an margadh a bheith comhionann nó éagsúil léi, má tá sé cruthaithe go bhfuil sí coibhéiseach go teicniúil leis an tsubstaint ghníomhach a ndearnadh meastóireacht uirthi. |
|||||||||
ELI: http://data.europa.eu/eli/reg_impl/2026/2246/oj
ISSN 1977-0839 (electronic edition)