European flag

Iris Oifigiúil
an Aontais Eorpaigh

GA

Sraith L


2024/201

12.1.2024

CINNEADH CUR CHUN FEIDHME (AE) 2024/201 ÓN gCOIMISIÚN

an 10 Eanáir 2024

lena leasaítear Cinneadh Cur Chun Feidhme (AE) 2022/1954 a mhéid a bhaineann le caighdeáin chomhchuibhithe maidir le córais chianstiúrtha meicniúla, córais bhreosla atá suiteáilte go buan agus córais chianstiúrtha hiodrálacha

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 1025/2012 ó Pharlaimint na hEorpa agus ón gComhairle an 25 Deireadh Fómhair 2012 maidir le caighdeánú Eorpach, lena leasaítear Treoracha 89/686/CEE agus 93/15/CEE ón gComhairle agus Treoracha 94/9/CE, 94/25/CE, 95/16/CE, 97/23/CE, 98/34/CE, 2004/22/CE, 2007/23/CE, 2009/23/CE agus 2009/105/CE ó Pharlaimint na hEorpa agus ón gComhairle agus lena n-aisghairtear Cinneadh 87/95/CEE ón gComhairle agus Cinneadh Uimh. 1673/2006/CE ó Pharlaimint na hEorpa agus ón gComhairle (1), agus go háirithe Airteagal 10(6) de,

De bharr an mhéid seo a leanas:

(1)

I gcomhréir le hAirteagal 14 de Threoir 2013/53/AE ó Pharlaimint na hEorpa agus ón gComhairle (2), táirgí atá i gcomhréir le caighdeáin chomhchuibhithe nó le codanna de chaighdeáin chomhchuibhithe, caighdeáin ar foilsíodh na tagairtí dóibh in Iris Oifigiúil an Aontais Eorpaigh, glactar leis gur táirgí iad atá i gcomhréir leis na ceanglais a leagtar amach in Airteagal 4(1) de Threoir 2013/53/AE agus in Iarscríbhinn I a ghabhann leis an Treoir sin, áit a gcumhdaítear iad leis na caighdeáin sin nó codanna díobh.

(2)

Le Cinneadh Cur Chun Feidhme C(2015) 8736 (3), rinne an Coimisiún iarraidh ar an gCoiste Eorpach um Chaighdeánú (CEN) agus ar Choiste Eorpach na gCaighdeán Leictriteicniúil (Cenelec) caighdeáin chomhchuibhithe a dhréachtú agus a athbhreithniú chun tacú le Treoir (AE) 2013/53, lenar aisghaireadh Treoir 2008/57/AE (an ‘iarraidh’). Na caighdeáin chomhchuibhithe a iarradh, bhí siad le haghaidh a thabhairt ar na buncheanglais níos déine a leagtar amach in Airteagal 4(1) de Threoir 2013/53/AE agus in Iarscríbhinn I a ghabhann leis an Treoir sin, i gcomparáid le Treoir 94/25/CE ó Pharlaimint na hEorpa agus ón gComhairle (4) a aisghaireadh.

(3)

Ar bhonn na hiarrata, rinne CEN athbhreithniú ar na caighdeáin chomhchuibhithe seo a leanas, caighdeáin ar foilsíodh na tagairtí dóibh in Iris Oifigiúil an Aontais Eorpaigh le Cinneadh Cur Chun Feidhme (AE) 2022/1954 ón gCoimisiún (5): EN ISO 8848:2017 maidir le córais chianstiúrtha le haghaidh árthaí beaga, EN ISO 10088:2017 maidir le córais bhreosla atá suiteáilte go buan agus EN ISO 10592:2017 maidir le córais stiúrtha hiodrálacha le haghaidh árthaí beaga. Is é an toradh a bhí air sin gur glacadh caighdeáin chomhchuibhithe EN ISO 8848:2022, EN ISO 10088:2023 agus EN ISO 10592:2022 faoi seach.

(4)

Rinne an Coimisiún, i gcomhar le CEN, measúnú féachaint an gcomhlíonann caighdeáin chomhchuibhithe EN ISO 8848:2022, EN ISO 10088:2023 agus EN ISO 10592:2022 an iarraidh.

(5)

Comhlíonann na caighdeáin EN ISO 8848:2022, EN ISO 10088:2023 agus EN ISO 10592:2022 na ceanglais is aidhm dóibh a chumhdach, ceanglais a leagtar amach in Airteagal 4(1) de Threoir 2013/53/AE, agus i gCuid A d’Iarscríbhinn I a ghabhann leis an Treoir sin. Dá bhrí sin, is iomchuí na tagairtí do na caighdeán sin a fhoilsiú in Iris Oifigiúil an Aontais Eorpaigh.

(6)

In Iarscríbhinn I a ghabhann le Cinneadh Cur Chun Feidhme (AE) 2022/1954 tugtar na tagairtí do na caighdeáin chomhchuibhithe lena dtugtar le fios go nglactar leis go bhfuil comhréir ann le Treoir 2013/53/AE. Chun a áirithiú go liostófar in aon ghníomh amháin na tagairtí do chaighdeáin chomhchuibhithe arna ndréachtú chun tacú le Treoir 2013/53/AE, ba cheart na tagairtí do chaighdeáin chomhchuibhithe EN ISO 8848:2022, EN ISO 10088:2023 agus EN ISO 10592:2022 a chur san áireamh san Iarscríbhinn sin.

(7)

Is gá na tagairtí do chaighdeáin chomhchuibhithe EN ISO 8848:2017, EN ISO 10088:2017 agus EN ISO 10592:2017 a tharraingt siar ó Iris Oifigiúil an Aontais Eorpaigh, ós rud é gur cuireadh EN ISO 8848:2022, EN ISO 10088:2023 agus EN ISO 10592:2022 faoi seach ina n-ionad. Is iomchuí, dá bhrí sin, na tagairtí sin a scriosadh as Iarscríbhinn I a ghabhann le Cinneadh Cur Chun Feidhme (AE) 2022/1954.

(8)

Dá bhrí sin, ba cheart Cinneadh Cur Chun Feidhme (AE) 2022/1954 a leasú dá réir.

(9)

Ionas go mbeidh a ndóthain ama ag na monaróirí a dtáirgí a chur in oiriúint do leagan athbhreithnithe na gcaighdeán chomhchuibhithe EN ISO 8848:2017, EN ISO 10088:2017 agus EN ISO 10592:2017, is gá tarraingt siar na gcaighdeán sin a chur ar athlá.

(10)

Is éard a thugtar le fios le caighdeán comhchuibhithe a chomhlíonadh go nglactar leis go bhfuil comhréireacht ann leis na ceanglais riachtanacha chomhfhreagracha a leagtar amach i reachtaíocht chomhchuibhithe an Aontais ón dáta a fhoilsítear an tagairt don chaighdeán sin in Iris Oifigiúil an Aontais Eorpaigh. Dá bhrí sin, ba cheart don Chinneadh seo teacht i bhfeidhm lá a fhoilsithe,

TAR ÉIS AN CINNEADH SEO A GHLACADH:

Airteagal 1

Leasaítear Iarscríbhinn I a ghabhann le Cinneadh Cur Chun Feidhme (AE) 2022/1954 i gcomhréir leis an Iarscríbhinn a ghabhann leis an gCinneadh seo.

Airteagal 2

Tiocfaidh an Cinneadh seo i bhfeidhm lá a fhoilsithe in Iris Oifigiúil an Aontais Eorpaigh.

Beidh feidhm ag pointe (1) den Iarscríbhinn ón 12 Iúil 2025.

Arna dhéanamh sa Bhruiséil, an 10 Eanáir 2024.

Thar ceann an Choimisiúin

An tUachtarán

Ursula VON DER LEYEN


(1)   IO L 316, 14.11.2012, lch. 12, ELI: http://data.europa.eu/eli/reg/2012/1025/oj.

(2)  Treoir 2013/53/AE ó Pharlaimint na hEorpa agus ón gComhairle an 20 Samhain 2013 maidir le hárthaí áineasa agus árthaí pearsanta uisce agus lena n-aisghairtear Treoir 94/25/CE (IO L 354, 28.12.2013, lch. 90, ELI: http://data.europa.eu/eli/dir/2013/53/oj).

(3)  Cinneadh Cur Chun Feidhme C(2015) 8736 ón gCoimisiún an 15 Nollaig 2015 maidir le hiarraidh um chaighdeánú ar an gCoiste Eorpach um Chaighdeánú agus ar Choiste Eorpach na gCaighdeán Leictriteicniúil a mhéid a bhaineann le hárthaí áineasa agus báid phearsanta chun tacú le Treoir 2013/53/AE ó Pharlaimint na hEorpa agus ón gComhairle an 20 Samhain 2013 maidir le hárthaí áineasa agus báid phearsanta agus lena n-aisghairtear Treoir 94/25/CE.

(4)  Treoir 94/25/CE ó Pharlaimint na hEorpa agus ón gComhairle an 16 Meitheamh 1994 maidir le comhfhogasú dhlíthe, rialacháin agus forálacha riaracháin na mBallstát a bhaineann le hárthaí áineasa (IO L 164, 30.6.1994, lch. 15, ELI: http://data.europa.eu/eli/dir/1994/25/oj).

(5)  Cinneadh Cur Chun Feidhme (AE) 2022/1954 ón gCoimisiún an 12 Deireadh Fómhair 2022 maidir le caighdeáin chomhchuibhithe i dtaca le hárthaí áineasa agus báid phearsanta, caighdeáin a dréachtaíodh chun tacú le Treoir 2013/53/AE ó Pharlaimint na hEorpa agus ón gComhairle (IO L 269, 17.10.2022, lch. 20, ELI: http://data.europa.eu/eli/dec_impl/2022/1954/oj).


IARSCRÍBHINN

Leasaítear Iarscríbhinn I a ghabhann le Rialachan Cur Chun Feidhme (AE) 2022/1954 mar a leanas:

(1)

scriostar rónna 13, 18 agus 21;

(2)

cuirtear na rónna seo a leanas isteach in ord seicheamhach:

Uimh.

An tagairt don chaighdeán

‘13a.

EN ISO 8848:2022

 

Árthaí beaga — Córais chianstiúrtha meicniúla

18a.

EN ISO 10088:2023

 

Árthaí beaga — Córais bhreosla atá suiteáilte go buan

21a.

EN ISO 10592:2022

 

Árthaí beaga — Córais chianda stiúrtha hiodrálacha’


ELI: http://data.europa.eu/eli/dec_impl/2024/201/oj

ISSN 1977-0839 (electronic edition)