(1)

Le Cinneadh (AE) 2017/1324 ó Pharlaimint na hEorpa agus ón gComhairle (1), bunaíodh an Chomhpháirtíocht maidir le Taighde agus Nuálaíocht i Limistéar na Meánmhara (PRIMA) faoin gclár Fís 2020 – an Clár Réime um Thaighde agus um Nuálaíocht (2) ar feadh tréimhse go dtí an 31 Nollaig 2028.

(2)

Tá an Iordáin ar cheann de na 19 stát de Stáit Rannpháirteacha in PRIMA, tar éis di comhaontú a thabhairt i gcrích le haghaidh comhar eolaíoch agus teicneolaíoch lena leagtar amach na téarmaí agus na coinníollacha i ndáil lena rannpháirtíocht sa chomhpháirtíocht in PRIMA (‘Comhaontú PRIMA’) (3). Tá feidhm le bheith ag Comhaontú PRIMA fad a bheidh Cinneadh (AE) 2017/1324 i bhfeidhm.

(3)

Le Cinneadh (AE) 2024/1167 ó Pharlaimint na hEorpa agus ón gComhairle (4), cuireadh síneadh le fad foriomlán PRIMA go dtí an 31 Nollaig 2031 agus déantar foráil ann go leanfaidh an Iordáin de bheith ina Bhallstát Rannpháirteach in PRIMA faoin gclár Fís Eorpach 2020. Thairis sin, foráiltear leis an gCinneadh sin go measfar an Iordáin a bheith ina Stát Rannpháirteach chun críocha a rannpháirtíochta i ngníomhaíochtaí PRIMA faoin gclár Fís Eorpach (5), faoi réir tabhairt i gcrích comhaontaithe, i bhfoirm Malartaithe Litreacha, lena leasaítear agus lena bhforlíontar an comhaontú idirnáisiúnta atá ann cheana le haghaidh comhar eolaíoch agus teicneolaíoch leis an Aontas agus lena leagtar amach na téarmaí agus na coinníollacha nua a bhaineann le rannpháirtíocht na hIordáine in PRIMA.

(4)

Ós rud é gur léirigh an Iordáin gur mian léi leanúint de bheith ina Stát Rannpháirteach chun críocha ghníomhaíochtaí PRIMA faoin gclár Fís Eorpach, ba cheart di glacadh go foirmiúil leis na téarmaí agus na coinníollacha nuashonraithe.

(5)

Chuige sin, an 9 Samhain 2023, ghlac an Chomhairle Cinneadh (AE) 2023/2621 (6), lena dtugtar údarás don Choimisiún dul i mbun caibidlíochta le haghaidh Comhaontaithe, i bhfoirm Malartaithe Litreacha, lena leasaítear agus lena bhforlíontar Comhaontú PRIMA, lena leagtar amach na téarmaí agus na coinníollacha i ndáil le rannpháirtíocht na hIordáine in PRIMA faoin gclár Fís Eorpac.

(6)

Tugadh an chaibidlíocht i gcrích an 15 Feabhra 2024, agus i gcomhréir le Cinneadh (AE) 2024/2875 ón gComhairle (7), síníodh an Comhaontú, i bhfoirm Malartaithe Litreacha, lena leasaítear agus lena bhforlíontar an comhaontú le haghaidh comhar eolaíoch agus teicneolaíoch idir an tAontas Eorpach agus Ríocht Haisimíteach na hIordáine, lena leagtar amach na téarmaí agus na coinníollacha i ndáil le rannpháirtíocht na hIordáine sa Chomhpháirtíocht maidir le Taighde agus Nuálaíocht i Limistéar na Meánmhara (PRIMA), síníodh an comhaontú sin thar ceann an Aontais an 7 Iúil 2025, faoi réir a thabhairt i gcrích tráth níos déanaí.

(7)

Ba cheart an Comhaontú a fhormheas thar ceann an Aontais.

(8)

I gcomhréir leis na Conarthaí, ba cheart don Choimisiún an fógra dá bhforáiltear sa Chomhaontú a thabhairt,