|
Iris Oifigiúil |
GA Sraith L |
|
2025/2256 |
10.11.2025 |
CINNEADH CUR CHUN FEIDHME (AE) 2025/2256 ÓN gCOIMISIÚN
an 5 Samhain 2025
maidir le bearta éigeandála i ndáil le ráigeanna de ghalar Newcastle sa Pholainn
(tugadh fógra faoi leis an doiciméad C(2025) 7559)
(Is é an téacs Polainnise amháin atá barántúil)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2016/429 ó Pharlaimint na hEorpa agus ón gComhairle an 9 Márta 2016 maidir le galair in-tarchurtha ainmhithe agus lena leasaítear agus lena n-aisghairtear gníomhartha áirithe i réimse na sláinte ainmhithe (‘Dlí maidir le Sláinte Ainmhithe’) (1), agus go háirithe Airteagal 259(1), pointe (b), de,
De bharr an mhéid seo a leanas:
|
(1) |
Is galar víreasach tógálach in éin é galar Newcastle agus d’fhéadfadh tionchar tromchúiseach a bheith aige ar bhrabúsacht na feirmeoireachta éanlaithe clóis, rud a chuirfeadh isteach ar thrádáil laistigh den Aontas agus ar onnmhairí chuig tríú tíortha. |
|
(2) |
I gcás ráig de ghalar Newcastle, tá riosca ann go bhféadfaidh an t-oibreán galair leathadh go bunaíochtaí eile ina gcoimeádtar éanlaith chlóis nó éin i mbraighdeanas. |
|
(3) |
Le Rialachán (AE) 2016/429 suitear an creat reachtach chun galair a chosc agus a rialú, ar galair iad atá in-tarchurtha go hainmhithe nó go daoine. Tagann gala Newcastle faoin sainmhíniú ar ghalar liostaithe sa Rialachán sin, agus tá sé faoi réir na rialacha maidir le galair a chosc agus a rialú a leagtar síos ann. Ina theannta sin, le Rialachán Tarmligthe (AE) 2020/687 ón gCoimisiún (2) forlíontar Rialachán (AE) 2016/429 a mhéid a bhaineann leis na rialacha maidir le galair liostaithe a rialú dá dtagraítear in Airteagal 9(1), pointí (a), (b) agus (c) de, agus a shainmhínítear mar ghalair de chatagóirí A, B agus C i Rialachán Cur Chun Feidhme (AE) 2018/1882 ón gCoimisiún (3). Go háirithe, i gcás ráig de ghalar i gcatagóir A, lena n-áirítear galar Newcastle, i mbunaíocht, foráiltear le hAirteagail 21 agus 22 de Rialachán Tarmligthe (AE) 2020/687 go bhfuil an t-údarás inniúil le crios srianta a bhunú láithreach, agus foráiltear maidir le bearta áirithe a atá le cur i bhfeidhm ann. Foráiltear le hAirteagal 21(1) den Rialachán Tarmligthe sin go gcuimseoidh an crios srianta crios cosanta, crios faireachais, agus, más gá, criosanna srianta breise timpeall na gcriosanna cosanta agus faireachais nó cóngarach dóibh. |
|
(4) |
Tá an Coimisiún curtha ag an eolas ag an bPolainn aoin staid eipidéimeolaíoch a mhéid a bhaineann le galar Newcastle ar a críoch. Ó bhí Meán Fómhair 2024 ann agus le linn na bliana sin, braitheadh ráigeanna de ghalar Newcastle sa Bhallstát sin i mbunaíochtaí inar coimeádadh éanlaith chlóis nó éin i mbraighdeanas, go príomha i gcúigí Podalskie agus Mazowieckie. Bhuail na ráigeanna sin bunaíochtaí agus catagóirí éanlaithe clóis, amhail sicíní lena ramhrú, nár cuireadh vacsaíniú in aghaidh ghalar Newcastle chun feidhme go rialta iontu. Tar éis na ráigeanna sin, rinne údarás inniúil na Polainne na bearta rialaithe galar ba ghá i gcomhréir le Rialachán Tarmligthe (AE) 2020/687. |
|
(5) |
Ó bhí Feabhra 2025 ann, thosaigh an galar ag leathadh agus braitheadh ráigeanna nua de ghalar Newcastle, i gcúigí Kujawsko-Pomorskie, Lodskie, Lubelskie, Malopolskie, Mazowieckie, Podkarpackie, Pomorskie, Swietokrzyskie, Warminsko-Mazurkie agus Wielkopolskie, agus lean sé ag bualadh bunaíochtaí neamhvacsaínithe inar coimeádadh éanlaith chlóis nó éin i mbraighdeanas. Tá cinneadh déanta ag údarás inniúil na Polainne bearta breise áirithe a dhéanamh mar aon leis na bearta sin atá curtha i bhfeidhm ag an bPolainn cheana ar bhonn fhorbairt na staide eipidéimeolaíche, go háirithe maidir leis an oibleagáid atá ar bhunaíochtaí éanlaithe clóis vacsaíniú in aghaidh ghalar Newcastle a chur chun feidhme. Tar éis theacht i bhfeidhm na hoibleagáide nua sin, tháinig laghdú ar líon na ráigeanna, agus níor deimhníodh aon ráig nua le linn mhí Lúnasa agus mhí Mheán Fómhair 2025. |
|
(6) |
Mar sin féin, thosaigh an staid eipidéimeolaíoch a mhéid a bhaineann le galar Newcastle sa Pholainn ag dul in olcas arís i mí Dheireadh Fómhair 2025 agus thug an Pholainn fógra don Choimisiún faoi 13 ráig nua de ghalar Newcastle sa Bhallstát sin i mbunaíochtaí inar coimeádadh éanlaith chlóis nó éin i mbraighdeanas. Tá na ráigeanna nua sin ag bualadh bunaíochtaí inar coimeádadh éanlaith chlóis nó éin i mbraighdeanas, atá lonnaithe i gcúigí Kujawsko-Pomorskie, Lubuskie, Mazowieckie, Podlaskie, Warmińsko-Mazurskie, Wielkopolskie agus Zachodniopomorskie, i limistéir nach raibh galar Newcastle iontu roimhe sin. |
|
(7) |
Tar éis na ráigeanna sin, rinne údarás inniúil na Polainne na bearta rialaithe galar is gá i gcomhréir le Rialachán Tarmligthe (AE) 2020/687, lena n-áirítear bunú criosanna cosanta agus faireachais timpeall na ráigeanna. |
|
(8) |
Tá scrúdú déanta ag an gCoimisiún ar na bearta rialaithe galar a ghlac an Pholainn agus measann sé nach leor iad. Go háirithe, nuair a dheimhnítear ráigeanna de ghalar Newcastle i limistéar lena mbaineann ard-dlús bunaíochtaí éanlaithe clóis, tá riosca méadaithe ann go leathfaidh an galar go bunaíochtaí eile ina gcoimeádtar éanlaith chlóis nó éin i mbraighdeanas sa limistéar sin. |
|
(9) |
Dá bhrí sin, tar éis roinnt ráigeanna i limistéar de chúige Mazowieckie lena mbaineann ard-dlús bunaíochtaí éanlaithe clóis agus a bhfuil riosca méadaithe ann maidir le leathadh ghalar Newcastle, ba cheart crios srianta breise a bhunú timpeall na gcriosanna cosanta agus faireachais a bunaíodh sa limistéar sin nó cóngarach dóibh, i gcomhréir le hAirteagal 21(1) de Rialachán Tarmligthe (AE) 2020/687. |
|
(10) |
Dá bhrí sin, i bhfianaise na staide eipidéimeolaíche atá ann faoi láthair maidir le galar Newcastle sa Pholainn, áit a bhfuil an galar tar éis leathadh go réigiúin éagsúla sa Bhallstát sin, is gá bearta éigeandála a ghlacadh chun leathadh an ghalair a theorannú láithreach agus chun an riosca go leathfadh an galar a thuilleadh laistigh de chríoch na Polainne agus go Ballstáit eile a mhaolú. |
|
(11) |
Maidir le méid na gcriosanna cosanta, faireachais agus srianta breise, mar aon le fad na mbeart atá le cur i bhfeidhm sna criosanna sin, tá siad bunaithe ar na ceanglais a leagtar síos in Airteagail 64(1) agus 68(1) de Rialachán (AE) 2016/429 agus ar na rialacha a leagtar síos i Rialachán Tarmligthe (AE) 2020/687, lena n-áirítear an staid eipidéimeolaíoch a mhéid a bhaineann le galar Newcastle sna limistéir atá buailte ag an ngalar sin agus an staid eipidéimeolaíoch fhoriomlán sa Pholainn a mhéid a bhaineann le galar Newcastle, mar aon leis an leibhéal riosca maidir le leathadh breise an ghalair. |
|
(12) |
Ina theannta sin agus chun aon chur isteach nach bhfuil gá leis ar thrádáil laistigh den Aontas a chosc agus chun nach bhforchuirfidh tríú tíortha bacainní gan údar ar thrádáil, is gá a leagan síos go mear a ar leibhéal an Aontais, i gcomhar leis an bPolainn, na criosanna cosanta agus faireachais agus an crios srianta breise arna mbunú ag na Ballstáit sin i gcomhréir le Rialachán Tarmligthe (AE) 2020/687. |
|
(13) |
Dá bhrí sin, ba cheart na limistéir lena mbaineann a liostú feasta mar chriosanna cosanta agus faireachais, chomh maith leis an gcrios srianta breise, i gcás na Polainne san Iarscríbhinn a ghabhann leis an gCinneadh Cur Chun Feidhme seo, chun teorainneacha na gcriosanna cosanta agus faireachais, chomh maith leis an gcrios srianta breise, arna mbunú ag an mBallstát sin tar éis na ráigeanna nua sin de ghalar Newcastle sa Bhallstát sin, a chur san áireamh, mar aon le fad na mbeart is gá a chur i bhfeidhm sna criosanna sin, i gcomhréir le Rialachán Tarmligthe (AE) 2020/687. |
|
(14) |
I bhfianaise phráinn na staide eipidéimeolaíche sa Pholainn a mhéid a bhaineann le leathadh ghalar Newcastle, agus an ghá cosc a chur ar leathadh an ghalair sin ó na bunaíochtaí atá buailte sa Pholainn go codanna eile den Bhallstát sin nó go Ballstáit eile nó go tríú tíortha, is iomchuí go mbeadh feidhm ag na bearta a leagtar síos sa Chinneadh seo a luaithe is féidir. |
|
(15) |
Tá na bearta dá bhforáiltear sa Chinneadh seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN CINNEADH SEO A GHLACADH:
Airteagal 1
Ábhar agus raon feidhme
Leis an gCinneadh seo, bunaítear an méid seo a leanas ar leibhéal an Aontais:
|
(a) |
na criosanna cosanta agus faireachais atá le bunú ag an bPolainn, tar éis ráig nó ráigeanna de ghalar Newcastle in éanlaith chlóis nó in éin i mbraighdeanas, i gcomhréir le hAirteagal 21 de Rialachán Tarmligthe (AE) 2020/687, agus fad na mbeart rialaithe galar atá le cur i bhfeidhm sna criosanna cosanta i gcomhréir le hAirteagal 39, agus sna criosanna faireachais i gcomhréir le hAirteagal 55 den Rialachán Tarmligthe sin; |
|
(b) |
na criosanna srianta breise atá le bunú ag an bPolainn, tar éis ráig nó ráigeanna de ghalar Newcastle in éanlaith chlóis nó in éin i mbraighdeanas, i gcomhréir le hAirteagal 21 de Rialachán Tarmligthe (AE) 2020/687, agus fad na mbeart atá le cur i bhfeidhm sna criosanna srianta breise. |
Airteagal 2
An crios cosanta
Déanfaidh an Pholainn an méid seo a leanas a áirithiú:
|
(a) |
cuimsíonn na criosanna cosanta arna mbunú ag údarás inniúla an Bhallstáit sin, i gcomhréir le hAirteagal 21(1), pointe (a), de Rialachán Tarmligthe (AE) 2020/687, ar a laghad na limistéir a liostaítear mar chriosanna cosanta san Iarscríbhinn a ghabhann leis an gCinneadh seo; |
|
(b) |
coimeádtar ar siúl na bearta atá le cur i bhfeidhm sna criosanna cosanta, dá bhforáiltear in Airteagal 39 de Rialachán Tarmligthe (AE) 2020/687, ar a laghad go dtí na dátaí le haghaidh na gcriosanna cosanta a leagtar amach i gCuid A den Iarscríbhinn a ghabhann leis an gCinneadh seo. |
Airteagal 3
An crios faireachais
|
|
Déanfaidh an Pholainn an méid seo a leanas a áirithiú: |
|
(a) |
cuimsíonn na criosanna faireachais arna mbunú ag údarás inniúla an Bhallstáit sin, i gcomhréir le hAirteagal 21(1), pointe (b), de Rialachán Tarmligthe (AE) 2020/687, ar a laghad na limistéir a liostaítear mar chriosanna faireachais san Iarscríbhinn a ghabhann leis an gCinneadh seo; |
|
(b) |
coimeádtar ar siúl na bearta atá le cur i bhfeidhm sna criosanna faireachais, dá bhforáiltear in Airteagal 55 de Rialachán Tarmligthe (AE) 2020/687, ar a laghad go dtí na dátaí le haghaidh na gcriosanna faireachais a leagtar amach san Iarscríbhinn a ghabhann leis an gCinneadh seo. |
Airteagal 4
Na criosanna srianta breise
Déanfaidh an Pholainn an méid seo a leanas a áirithiú:
|
(a) |
cuimsíonn na criosanna srianta breise arna mbunú ag údarás inniúla an Bhallstáit sin, i gcomhréir le hAirteagal 21(1), pointe (c), de Rialachán Tarmligthe (AE) 2020/687, ar a laghad na limistéir a liostaítear mar chrios srianta breise san Iarscríbhinn a ghabhann leis an gCinneadh seo; |
|
(b) |
coimeádtar ar siúl na bearta atá le cur i bhfeidhm sna criosanna srianta breise, dá bhforáiltear in Airteagal 21(1), pointe (c), de Rialachán Tarmligthe (AE) 2020/687, ar a laghad go dtí na dátaí le haghaidh na gcriosanna srianta breise a leagtar amach san Iarscríbhinn a ghabhann leis an gCinneadh seo. |
Airteagal 5
Seolaí
Is chuig Poblacht na Polainne a dhírítear an Cinneadh seo.
Arna dhéanamh sa Bhruiséil, an 5 Samhain 2025.
Thar ceann an Choimisiúin
Olivér VÁRHELYI
Comhalta den Choimisiún
(1) IO L 84, 31.3.2016, lch. 1, ELI: http://data.europa.eu/eli/reg/2016/429/oj.
(2) Rialachán Tarmligthe (AE) 2020/687 ón gCoimisiún an 17 Nollaig 2019 lena bhforlíontar Rialachán (AE) 2016/429 ó Pharlaimint na hEorpa agus ón gComhairle a mhéid a bhaineann le rialacha maidir le galair liostaithe áirithe a chosc agus a rialú (IO L 174, 3.6.2020, lch. 64, ELI: http://data.europa.eu/eli/reg_del/2020/687/oj).
(3) Rialachán Cur Chun Feidhme (AE) 2018/1882 ón gCoimisiún an 3 Nollaig 2018 maidir le rialacha áirithe coiscthe agus rialaithe galar a chur i bhfeidhm i leith catagóirí galar liostaithe agus lena mbunaítear liosta speiceas agus grúpaí speiceas a bhfuil riosca suntasach ag gabháil leo maidir le leathadh na ngalar liostaithe sin (IO L 308, 4.12.2018, lch. 21, ELI: http://data.europa.eu/eli/reg_impl/2018/1882/oj).
IARSCRÍBHINN
Criosanna srianta a bhunaítear timpeall na ráigeanna deimhnithe:
|
Limistéar riaracháin agus uimhir thagartha ADIS na ráige |
Limistéir a bhunaítear mar chriosanna cosanta agus faireachais, dá dtagraítear in Airteagal 2 |
An dáta a bheidh siad infheidhme go dtí |
|||||||||||||||||||||||||||||||||||||||||||
|
Cúige Kujawsko-Pomorskie |
|||||||||||||||||||||||||||||||||||||||||||||
|
PL-ND-2025-00063 PL-ND.NON-P-2025-00044 |
Crios cosanta: W woj. kujawsko-pomorskim:
|
15.11.2025 |
|||||||||||||||||||||||||||||||||||||||||||
|
Crios faireachais: W woj. kujawsko-pomorskim:
|
16.11.2025 – 24.11.2025 |
||||||||||||||||||||||||||||||||||||||||||||
|
Crios faireachais:
|
24.11.2025 |
||||||||||||||||||||||||||||||||||||||||||||
|
Cúige Mazowieckie |
|||||||||||||||||||||||||||||||||||||||||||||
|
PL-ND-2025-00061 PL-ND-2025-00060 PL-ND-2025-00057 |
Crios cosanta: W województwie mazowieckim:
|
11.11.2025 |
|||||||||||||||||||||||||||||||||||||||||||
|
Crios faireachais: W województwie mazowieckim:
|
12.11.2025 – 20.11.2025 |
||||||||||||||||||||||||||||||||||||||||||||
|
Crios faireachais: W województwie mazowieckim:
W województwie warmińsko-mazurskim:
|
20.11.2025 |
||||||||||||||||||||||||||||||||||||||||||||
|
Crios srianta breise: W województwie mazowieckim:
|
20.11.2025 |
||||||||||||||||||||||||||||||||||||||||||||
|
Cúige Podlaskie |
|||||||||||||||||||||||||||||||||||||||||||||
|
PL-ND-2025-00058 |
Crios cosanta: W woj. podlaskim:
|
9.11.2025 |
|||||||||||||||||||||||||||||||||||||||||||
|
Crios faireachais: W woj. podlaskim:
|
10.11.2025 – 18.11.2025 |
||||||||||||||||||||||||||||||||||||||||||||
|
Crios faireachais: W woj. podlaskim:
|
18.11.2025 |
||||||||||||||||||||||||||||||||||||||||||||
|
Cúige Warmińsko-Mazurskie |
|||||||||||||||||||||||||||||||||||||||||||||
|
PL-ND.NON-P-2025-00041 |
Crios cosanta: W woj. warmińsko-mazurskim:
|
28.10.2025 |
|||||||||||||||||||||||||||||||||||||||||||
|
Crios faireachais: W woj. warmińsko-mazurskim:
|
29.10.2025 – 6.11.2025 |
||||||||||||||||||||||||||||||||||||||||||||
|
Crios faireachais: W woj. warmińsko-mazurskim:
|
6.11.2025 |
||||||||||||||||||||||||||||||||||||||||||||
|
Cúigí Wielkopolskie agus Lubuskie |
|||||||||||||||||||||||||||||||||||||||||||||
|
PL-ND-2025-00059 PL-ND-2025-00064 PL-ND-2025-00066 |
Crios cosanta: W woj. wielkopolskim:
W woj. lubuskim:
W woj. dolnośląskim:
|
21.11.2025 |
|||||||||||||||||||||||||||||||||||||||||||
|
Crios faireachais: W woj. wielkopolskim:
W woj. lubuskim:
W woj. dolnośląskim:
|
22.11.2025 – 30.11.2025 |
||||||||||||||||||||||||||||||||||||||||||||
|
Crios faireachais: W woj. wielkopolskim:
W woj. lubuskim:
W woj. dolnośląskim :
|
30.11.2025 |
||||||||||||||||||||||||||||||||||||||||||||
|
PL-ND-2025-00065 |
Crios cosanta: W woj. wielkopolskim:
|
17.11.2025 |
|||||||||||||||||||||||||||||||||||||||||||
|
Crios faireachais: W woj. wielkopolskim:
|
18.11.2025 – 26.11.2025 |
||||||||||||||||||||||||||||||||||||||||||||
|
Crios faireachais: W woj. wielkopolskim :
|
26.11.2025 |
||||||||||||||||||||||||||||||||||||||||||||
|
PL-ND-2025-00062 |
Crios cosanta: W woj. wielkopolskim:
|
11.11.2025 |
|||||||||||||||||||||||||||||||||||||||||||
|
Crios faireachais: W woj. wielkopolskim:
|
12.11.2025 – 20.11.2025 |
||||||||||||||||||||||||||||||||||||||||||||
|
Crios faireachais:
|
20.11.2025 |
||||||||||||||||||||||||||||||||||||||||||||
|
Zachodniopomorskie voivodeship |
|||||||||||||||||||||||||||||||||||||||||||||
|
PL-ND-2025-00067 |
Crios cosanta: W województwie zachodniopomorskim:
|
21.11.2025 |
|||||||||||||||||||||||||||||||||||||||||||
|
Crios faireachais: W województwie zachodniopomorskim:
|
22.11.2025 – 30.11.2025 |
||||||||||||||||||||||||||||||||||||||||||||
|
Crios faireachais: W województwie zachodniopomorskim:
|
30.11.2025 |
||||||||||||||||||||||||||||||||||||||||||||
ELI: http://data.europa.eu/eli/dec_impl/2025/2256/oj
ISSN 1977-0839 (electronic edition)