|
Iris Oifigiúil |
GA Sraith L |
|
2024/2493 |
27.9.2024 |
RIALACHÁN CUR CHUN FEIDHME (AE) 2024/2493 ÓN gCOIMISIÚN
an 23 Meán Fómhair 2024
lena leasaítear Rialachán Cur Chun Feidhme (AE) 2018/2066 a mhéid a bhaineann leis an bhfaireachán agus an tuairisciú ar astaíochtaí gás ceaptha teasa a thabhairt cothrom le dáta de bhun Threoir 2003/87/CE ó Pharlaimint na hEorpa agus ón gComhairle
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Threoir 2003/87/CE ó Pharlaimint na hEorpa agus ón gComhairle an 13 Deireadh Fómhair 2003 lena mbunaítear córas maidir le trádáil lámháltas astaíochtaí gás ceaptha teasa laistigh den Aontas agus lena leasaítear Treoir 96/61/CE (1), ón gComhairle, agus go háirithe Airteagal 14(1) agus Airteagal 30f(5) de,
De bharr an mhéid seo a leanas:
|
(1) |
Rinneadh athbhreithniú agus leasú le Treoir (AE) 2023/959 ó Pharlaimint na hEorpa agus ón gComhairle (2) ar Threoir 2003/87/CE lena mbunaítear córas i ndáil le trádáil lamháltas astaíochtaí gás ceaptha teasa laistigh den Aontas (CTA AE) chun í a ailíniú le Rialachán (AE) 2021/1119 ó Pharlaimint na hEorpa agus ón gComhairle (3) ina leagtar amach sprioc maidir le laghdú 55 % ar a laghad ar ghlanastaíochtaí faoi 2030 i gcomparáid le 1990. |
|
(2) |
Tar éis an leasaithe ar Threoir 2003/87/CE le Treoir (AE) 2023/958 ó Pharlaimint na hEorpa agus ón gComhairle (4) agus le Treoir (AE) 2023/959, ba cheart Rialachán Cur Chun Feidhme (AE) 2018/2066 ón gCoimisiún (5) a leasú dá réir chun na sainmhínithe agus na socruithe mionsonraithe is gá a ionchorprú chun faireachán agus tuairisciú a dhéanamh ar astaíochtaí ó bhreoslaí in-athnuaite de thionscnamh neamhbhitheolaíoch agus ó bhreoslaí carbóin athchúrsáilte agus chun ailíniú cuí a áirithiú leis na critéir inbhuanaitheachta agus leis na critéir maidir le gáis ceaptha teasa a laghdú dá leagtar síos i dTreoir (AE) 2018/2001 ó Pharlaimint na hEorpa agus ón gComhairle (6), chun faireachán agus tuairisciú a dhéanamh ar astaíochtaí ó iompar CO2 trí mhodhanna eile seachas píblínte le haghaidh stóráil gheolaíoch, astaíochtaí ón eitlíocht lena n-áirítear faireachán agus tuairisciú a dhéanamh ar éifeachtaí eitlíochta neamh-CO2, astaíochtaí ón gcóras nua trádála astaíochtaí d’fhoirgnimh, d’iompar de bhóthar agus don tionscal neamh-ETS. |
|
(3) |
Faoin gcóras nua trádála astaíochtaí le haghaidh earnáil na bhfoirgneamh, earnáil an iompair de bhóthar agus earnálacha breise, is gá, chun ‘tomhaltóir deiridh’ a shainmhíniú in Airteagal 3(69) foráil a dhéanamh maidir le tagairt níos sonraí don sainmhíniú ar eintiteas rialáilte in Airteagal 3(ae) de Threoir 2003/87/CE. |
|
(4) |
Ba cheart Airteagal 5 de Rialachán Cur Chun Feidhme (AE) 2018/2066 a leasú chun a léiriú gur cheart astaíochtaí próisis agus dócháin uile na suiteála do-aistrithe a chumhdach le hiomláine an fhaireacháin agus an tuairiscithe, ó gach foinse astaíochtaí agus sreabh fhoinseach a bhaineann le gníomhaíochtaí a liostaítear in Iarscríbhinn I a ghabhann le Treoir 2003/87/CE agus gníomhaíochtaí eile a bhfuil baint dhíreach acu leo i gcomhréir le hAirteagal 3(e) den Treoir sin. |
|
(5) |
Chun feabhas a chur ar cháilíocht na faisnéise maidir le bithmhais, maidir le breoslaí in-athnuaite de thionscnamh neamhbhitheolaíoch (RFNBOnna), maidir le breoslaí carbóin athchúrsáilte (RCFanna), agus maidir le breoslaí sintéiseacha ísealcharbóin agus chun tuairisciú náisiúnta faoi Rialachán (AE) 2018/1999 ó Pharlaimint na hEorpa agus ón gComhairle a éascú, (7) ba cheart d’oibreoirí faireachán agus tuairisciú a dhéanamh ar astaíochtaí ó chodán carbóin na mbreoslaí sin a bhfuil ráta neamh-nialasach agus ráta nialasach acu mar mhíreanna meabhráin sna tuarascálacha ar astaíochtaí. Chun na críche sin, ba cheart paraiméadair a bhaineann le bithmhais nialas-rátaithe agus nialas-rátaithe, RFNBOnna agus RCFanna, nó breoslaí sintéiseacha ísealcharbóin a chinneadh agus a thuairisciú do gach sreabh fhoinseach comhfhreagrach faoin modheolaíocht ríomha chaighdeánach de bhun Airteagal 24 de Rialachán Cur Chun Feidhme (AE) 2018/2066 agus faoin gcóras cothromúcháin maise de bhun Airteagal 25 den Rialachán sin. Tá gá le rialacha sonracha maidir le fachtóirí ríomha a bhaineann le comhdhéanamh a chinneadh a bhaineann le bithmhais neamh-rátaithe agus nialas-rátaithe, RFNBOnna agus RCFanna, agus breoslaí sintéiseacha ísealcharbóin, lena n-áirítear an codán carbóin nialas-rátaithe agus neamh-nialasach. |
|
(6) |
Chun gannmheastachán córasach a dhéanamh ar na hastaíochtaí iomlána sa chóras cothromúcháin maise nuair atá carbón nialas-rátaithe san ionchur agus sna sruthanna aschuir, tá sé tábhachtach d’oibreoirí cion carbóin nialas-rátaithe na sruthanna aschuir a chinneadh. Tá gá le fianaise shoiléir chun a léiriú gur seachnaíodh an gannmheastachán agus go bhfuil mais iomlán na gcodán carbóin nialas-rátaithe in ábhair aschuir coibhéiseach le mais iomlán ó chodáin nialas-rátaithe in ábhair ionchuir. |
|
(7) |
Sonraítear i dTreoir 2003/87/CE, arna hathbhreithniú le Treoir (AE) 2023/959, gurb é nialas fachtóir astaíochta na bithmhaise má chomhlíonann an bhithmhais na critéir inbhuanaitheachta agus na critéir maidir le laghdú ar astaíochtaí gás ceaptha teasa maidir le húsáid breoslaí bithmhaise a bhunaítear le Treoir (AE) 2018/2001, agus aon choigeartú is gá á chur san áireamh maidir le cur i bhfeidhm faoi Threoir 2003/87/CE, mar a leagtar amach sna gníomhartha cur chun feidhme dá dtagraítear in Airteagal 14 den Treoir sin. Chun soiléiriú a dhéanamh ar na coinníollacha faoinar féidir ráta nialasach a chur ar astaíochtaí bithmhaise agus chun ailíniú le Treoir (AE) athbhreithnithe 2018/2001, ba cheart Airteagal 38(5) de Rialachán Cur Chun Feidhme (AE) 2018/2066 a leasú. I gcás nach bhfuil feidhm ag na critéir ábhartha inbhuanaitheachta agus ag na critéir ábhartha maidir le laghdú ar astaíochtaí gás ceaptha teasa maidir le cineál sonrach bithmhaise, is féidir ráta nialasach a chur ar an mbithmhais sin go díreach. Sa chás sin, áfach, ba cheart d’oibreoirí a léiriú fós nach bhfuil na critéir infheidhme. Is cuid fhíor-riachtanach den fhíorú iad cruthúnas na hinfheidhmeachta agus na hinbhuanaitheachta a mheasúnú, lena seiceálann an fíoraitheoir cur i bhfeidhm ceart na modheolaíochta faireacháin, lena n-áirítear nialas-rátú na bithmhaise. I gcás go bhfuil feidhm ag na critéir maidir le hinbhuanaitheacht agus maidir le laghdú ar astaíochtaí gás ceaptha teasa a leagtar síos in Airteagal 29(2) go (7) agus (10), is gá na critéir sin a chomhlíonadh chun nialas-rátú a dhéanamh. Ba cheart caitheamh le bithmhais nach gcomhlíonann na critéir sa chás sin mar bhreosla iontaise. Tá nialas-rátú astaíochtaí faoi CTA AE ar leithligh ó scéimeanna tacaíochta a shainmhínítear in Airteagal 2, pointe (5) de Threoir (AE) 2018/2001. |
|
(8) |
Le hAirteagal 31a de Threoir leasaithe (AE) 2018/2001 ó Pharlaimint na hEorpa agus ón gComhairle, (8) bunaítear bunachar sonraí de chuid an Aontais chun go bhféadfar breoslaí in-athnuaite leachtacha agus gásacha, breoslaí carbóin athchúrsáilte agus breoslaí sintéiseacha ísealcharbóin a rianú (‘Bunachar sonraí an Aontais’). Faoin 21 Samhain 2024, ba cheart Bunachar sonraí an Aontais a bheith ag feidhmiú go hiomlán. I gcás ina n-éilítear comhlíonadh na gcritéar inbhuanaitheachta agus na gcritéar maidir le laghdú ar astaíochtaí gás ceaptha teasa a leagtar síos in Airteagal 29, míreanna (2) go (7) agus (10) de Threoir (AE) 2018/2001, maidir le bithmhais, agus in Airteagal 29a den Treoir sin, maidir le breoslaí in-athnuaite leachtacha agus gásacha agus RCFanna, ba cheart cruthúnas ar inbhuanaitheacht a sholáthar i gcomhréir le hAirteagail 30 agus 31 den Treoir sin. Chun an próiseas sin a éascú agus chun an t-ualach riaracháin a laghdú, ba cheart do na Ballstáit a bheith in ann brath ar an bhfianaise arna soláthar ag oibreoirí CTA AE, oibreoirí aerárthaí agus eintitis rialáilte ó Bhunachar sonraí an Aontais maidir leis na hidirbhearta a bhaineann le haon mhéid breosla a ceannaíodh agus a úsáideadh le linn na bliana tuairiscithe agus a bhí nasctha le cealú na cainníochta faoi seach i mbunachar sonraí an Aontais. I gcás neamhchomhlíonadh ina dhiaidh sin maidir le cruthúnas inbhuanaitheachta na gcainníochtaí a cealaíodh sna bunachair sonraí, ceartóidh an t-údarás inniúil na hastaíochtaí fíoraithe dá réir. |
|
(9) |
De réir Airteagal 33 de Rialachán Cur Chun Feidhme (AE) 2018/2066, beidh an tsampláil ionadaíoch don bhaisc shonrach agus beidh sí saor ó laofacht. I gcás ina n-úsáidtear sampláil leanúnach ar an sruth gáis múcháin, ba cheart minicíocht na hanailíse a ailíniú leis an bpróiseas sin agus an bhliain tuairiscithe iomlán a chumhdach gan bhriseadh. |
|
(10) |
Le Treoir (AE) 2023/959, leathnaíodh raon feidhme na ngníomhaíochtaí a liostaítear in Iarscríbhinn I a ghabhann le Treoir 2003/87/CE chun aon ola a scagadh, aon iarann a tháirgeadh, alúmana a tháirgeadh, hidrigin a tháirgeadh agus CO2 a iompar trí mhodhanna eile seachas píblínte. Chun ailíniú le hIarscríbhinn I a ghabhann le Treoir 2003/87/CE a áirithiú, is gá na hIarscríbhinní a ghabhann le Rialachán Cur Chun Feidhme (AE) 2018/2066 a thabhairt cothrom le dáta. |
|
(11) |
Aithnítear i dTreoir 2003/87/CE an ról a d’fhéadfadh a bheith ag RCFanna agus RFNBOnna chun astaíochtaí gás ceaptha teasa a laghdú in earnálacha ar deacair iad a dhícharbónú. Chun rannchuidiú leis an dícharbónú, ní mór dá laghduithe ar astaíochtaí gás ceaptha teasa an t-íoslaghdú ar astaíochtaí gás ceaptha teasa a leagtar amach in Airteagal 29a de Threoir (AE) 2018/2001 a chomhlíonadh agus ní mór iad a ríomh de réir na modheolaíochta a leagtar amach sa ghníomh arna ghlacadh de bhun an Airteagail sin. |
|
(12) |
Maidir le RCFanna nó RFNBOnna a bhfuil carbón ina gcomhdhéanamh ceimiceach, amhail leictricheirisín nó leictrimheatánól, tá gá le bunábhar carbóin chun iad a tháirgeadh. Go dtí go mbeidh gach céim de shaolré táirge ina n-úsáidtear carbón gafa faoi réir praghsála carbóin, go háirithe ag céim an loiscthe dramhaíola, is é an toradh a bheadh ar spleáchas ar astaíochtaí a chur i gcuntas ag an bpointe a scaoiltear amach as táirgí isteach san atmaisféar go ndéanfaí astaíochtaí a mheas faoi bhun a luacha. I gcás ina dtáirgtear RFNBOnna nó RCFanna ó CO2 a gabhadh faoi ghníomhaíocht a chumhdaítear le Treoir 2003/87/CE, ba cheart na hastaíochtaí a chur san áireamh faoin ngníomhaíocht sin. Chun comhaireamh dúbailte agus ceanglas maidir le híocaíocht dhúbailte le haghaidh na n-astaíochtaí céanna a sheachaint, ba cheart fachtóir astaíochta nialasach a bheith ag na hastaíochtaí CO2 ó RCFanna agus ó RFNBOnna a chomhlíonann na critéir a leagtar amach i dTreoir (AE) 2018/2001. |
|
(13) |
Ní mór do bhreoslaí sintéiseacha ísealcharbóin na critéir maidir le laghdú ar gháis cheaptha teasa a leagtar síos in Airteagal 2 pointe 13 de Threoir (AE) 2024/... maidir le comhrialacha do na margaí inmheánacha sa ghás in-athnuaite agus nádúrtha agus sa hidrigin a chomhlíonadh. Teastaíonn bunábhar carbóin ó bhreoslaí sintéiseacha ísealcharbóin chun iad a tháirgeadh. Faoi réir athbhreithniú i leith carbón nialas-rátaithe a dhóitear i suiteálacha atá díolmhaithe ó CTA AE mar gheall ar an ardúsáid a bhaineann siad as bithmhais de bhun phointe 1 d’Iarscríbhinn I, chun áireamh dúbailte laistigh de CTA AE a sheachaint i gcomhréir le hAirteagal 5 de Rialachán Cur Chun Feidhme (AE) 2018/2066 ón gCoimisiún, má eascraíonn cion carbóin na mbreoslaí ó CTA AE agus má cuireadh san áireamh é dá bhrí sin, lena n-áirítear nuair is nialas a fhachtóir astaíochtaí, ba cheart na hastaíochtaí ón mbreosla sintéiseach ísealcharbóin a bheith nialas-rátaithe. Ba cheart caitheamh leis na hastaíochtaí a eascraíonn as breoslaí sintéiseacha ísealcharbóin ina bhfuil cion carbóin eile mar a gcoibhéisí breosla iontaise. Is gá rialacha a sholáthar chun an codán de bhreoslaí sintéiseacha ísealcharbóin nialas-rátaithe a chinneadh. |
|
(14) |
Meastar nach leor na laghduithe ar astaíochtaí gás ceaptha teasa a thagann as RCFanna nó RFNBOnna nach gcomhlíonann na laghduithe ar astaíochtaí gás ceaptha teasa a leagtar amach in Airteagal 29a de Threoir (AE) 2018/2001 i gcomparáid le breoslaí iontaise. Dá bhrí sin, ba cheart caitheamh leis na hastaíochtaí a eascraíonn as dóchán RCFanna nó RFNBOnna den sórt sin mar a gcoibhéisí breosla iontaise. Ós rud é go bhféadfar breoslaí iontaise a chumasc le RCFanna nó RFNBOnna, is gá rialacha a sholáthar chun an codán de RCF nó RFNBO nialas-rátaithe a chinneadh. |
|
(15) |
Ba cheart a chinneadh le Rialachán Cur Chun Feidhme (AE) 2018/2066 an mhodheolaíocht faireacháin ba cheart a chur i bhfeidhm maidir le hastaíochtaí ó RFNBOnna nialas-rátaithe, RCFanna agus breoslaí sintéiseacha ísealcharbóin. Ba cheart forálacha a chur san áireamh maidir le hasbhaint iomlán astaíochtaí nialasacha RFNBO, RCF agus breoslaí sintéiseacha ísealcharbóin, i gcás ina n-úsáideann an t-oibreoir an mhodheolaíocht thomhasbhunaithe chun astaíochtaí iomlána CO2 a chinneadh. Agus scéimeanna tacaíochta á gceapadh acu le haghaidh breoslaí in-athnuaite nó ísealcharbóin, coinníonn na Ballstáit an ceart chun a shonrú conas na RFNBOnna, na RCFanna nó na breoslaí sintéiseacha ísealcharbóin éagsúla a dhreasú. |
|
(16) |
Ina theannta sin, agus an mhodheolaíocht thomhasbhunaithe le haghaidh breoslaí agus ábhair ina bhfuil bithmhais á cur i bhfeidhm, ba cheart coinníollacha a chur leis nuair is ionann an codán bithmhaise agus an codán bithmhaise nialas-rátaithe. Ba cheart soiléirithe a sholáthar freisin nuair nach gcomhlíontar na coinníollacha sin agus sa chás sin ba cheart don oibreoir na forálacha a úsáidtear a bhaineann le cur chuige ríomhbhunaithe a leanúint. |
|
(17) |
Nuair a bhíonn sampláil leanúnach ón sruth gáis múcháin i gceist le modheolaíocht bheartaithe na suiteála, agus nuair a ídíonn an tsuiteáil dho-aistrithe gás nádúrtha ón eangach an tráth céanna, chun áireamh dúbailte a sheachaint, ba cheart CO2 a eascraíonn as bithghás a chinneadh trí anailís saotharlainne agus ba cheart an méid sin a asbhaint faoi seach ón CO2 iomlán nialas-rátaithe a cinneadh roimhe sin trí chur chuige ríomhbhunaithe. |
|
(18) |
Ní aithnítear astaíochtaí diúltacha gás ceaptha teasa le Treoir 2003/87/CE. Chun giniúint astaíochtaí diúltacha a sheachaint, níor cheart d’oibreoir aon CO2 a thagann as breoslaí nialas-rátaithe a dhealú óna astaíochtaí. I gcás ina ngabhtar astaíochtaí ó mheascán d’fhoinsí nialas-rátaithe agus d’fhoinsí nach bhfuil nialas-rátaithe, chun soiléireacht agus simplíocht a áirithiú, an chainníocht CO2 a eascraíonn as foinsí nach bhfuil nialas-rátaithe is féidir a asbhaint as astaíochtaí an oibreora, ba cheart í a bhunú ar bhonn chion na n-astaíochtaí nialas-rátaithe agus nach bhfuil nialas-rátaithe. |
|
(19) |
Cumhdaítear leis na gníomhaíochtaí ‘gáis ceaptha teasa a iompar le haghaidh stóráil gheolaíoch’, agus ‘stóráil gheolaíoch gás ceaptha teasa’, in Iarscríbhinn I a ghabhann le Treoir 2003/87/CE, gach CO2 a iompraítear agus a stóráiltear i láithreán stórála a cheadaítear faoi Threoir 2009/31/CE, gan beann ar thionscnamh geografach agus fisiceach an CO2. Chun aon bhearnaí sa chreat faireacháin agus tuairiscithe a sheachaint agus chun na dreasachtaí a sholáthar d’oibreoirí bonneagair iompair CO2 nó d’oibreoirí láithreán stórála CO2chun sceitheadh a íoslaghdú, is gá a shoiléiriú gur cheart do na hoibreoirí sin faireachán agus tuairisciú a dhéanamh ar aon astaíochtaí ó gach CO2 le haghaidh stóráil gheolaíoch atá faoina gcoimeád, lena n-áirítear más de thionscnamh gníomhaíochtaí lasmuigh de raon feidhme Threoir 2003/87/CE iad. |
|
(20) |
Ós rud é go bhfuil coinne leis go n-iomprófar CO2 le haghaidh stóráil gheolaíoch ar mhodhanna éagsúla, le Treoir (AE) 2023/959 leathnaíodh raon feidhme na gníomhaíochta ‘gáis ceaptha teasa a iompar le haghaidh stóráil gheolaíoch’ in Iarscríbhinn I a ghabhann le Treoir 2003/87/CE chuig aon mhodh iompair. Dá bhrí sin, is gá athbhreithniú a dhéanamh ar na forálacha faireacháin agus tuairiscithe a bhaineann le gníomhaíocht iompair CO2 chun a áirithiú go mbeidh siad infheidhme maidir le bonneagar iompair CO2 ar bhonn aon mhodh iompair. I gcás ina gcumhdaítear modh iompair freisin le gníomhaíocht eile faoi Threoir 2003/87/CE, chun comhaireamh dúbailte astaíochtaí a sheachaint, ba cheart na hastaíochtaí a chumhdaítear leis an ngníomhaíocht eile faoin Treoir sin a eisiamh ó theorainneacha na gníomhaíochta iompair CO2. |
|
(21) |
Féadfar CO2 a iompar le haghaidh stóráil gheolaíoch thar achair fhada. Dá bhrí sin, féadfar an CO2 bheith faoi bhealach ar feadh tréimhsí fada. I gcásanna den sórt sin, is iomchuí an tsolúbthacht a thabhairt d’oibreoir bhonneagar iompair CO2 aon mhéid CO2 atá fós faoi bhealach faoin 31 Nollaig den bhliain sin a dhealú ó na hastaíochtaí atá le tuairisciú i mbliain ar leith, ar choinníoll go sroicheann an lastas CO2 a cheann scríbe agus go n-aistrítear é chuig láithreán stórála nó chuig suiteáil CTA AE eile tráth nach déanaí ná an 31 Eanáir den bhliain dár gcionn. |
|
(22) |
Le Treoir 2003/87/CE athbhreithnithe, leasaíodh an sainmhíniú ar astaíochtaí chun gáis ceaptha teasa nach scaoiltear go díreach san atmaisféar a chuimsiú freisin. Dá bhrí sin, ba cheart iad sin a mheas mar astaíochtaí faoi CTA AE freisin, ach amháin má stóráiltear i láithreán stórála iad i gcomhréir le Treoir 2009/31/CE nó má tá siad ceangailte go ceimiceach go buan i dtáirge ionas nach dtéann siad isteach san atmaisféar sa ghnáthúsáid, agus nach dtéann siad isteach san atmaisféar faoi aon ghnáthghníomhaíocht a tharlaíonn tar éis dheireadh shaolré an táirge. Dá thoradh sin, is gá na hIarscríbhinní a ghabhann le Rialachán Cur Chun Feidhme (AE) 2018/2066 a thabhairt cothrom le dáta dá réir chun gáis ceaptha teasa a scaoiltear ar bhealaí eile seachas go díreach san atmaisféar a chur san áireamh, agus comhaireamh dúbailte astaíochtaí á sheachaint san am céanna i gcás ina n-athúsáidtear gáis ceaptha teasa nach n-astaítear go díreach san atmaisféar laistigh den tsuiteáil chéanna nó i suiteálacha CTA AE eile. Chun suaitheadh míchuí a sheachaint i gcás suiteálacha a ndéanann na hathruithe sin difear dóibh, ba cheart a gcur i bhfeidhm a chur siar go dtí an 1 Eanáir 2025 chun dóthain ama a thabhairt do na hoiriúnuithe is gá. |
|
(23) |
Agus fachtóir ocsaídiúcháin nó coinbhéartachta sreabha foinsí á chinneadh, ba cheart aonocsaíd charbóin (CO) a astaítear isteach san atmaisféar a mheas mar an méid coibhéise mólaraí CO2. Ní mheastar gur astaíocht faoi raon feidhme Threoir 2003/87/CE é CO a aistrítear ar shlí eile i dtáirge nó mar bhunábhar. |
|
(24) |
Foráiltear le hAirteagal 12(3b) de Threoir 2003/87/CE nach gá lamháltais a thabhairt suas le haghaidh gáis ceaptha teasa a mheastar a bheith gafa agus úsáidte ar bhealach a fhágann go bhfuil siad ceangailte go ceimiceach go buan i dtáirge ionas nach dtéann siad isteach san atmaisféar sa ghnáthúsáid, lena n-áirítear aon ghnáthghníomhaíocht a tharlaíonn tar éis dheireadh shaolré an táirge. Is gá foráil ghinearálta a chur san áireamh d’oibreoirí chun an méid CO2 ca mheastar a bheith ceangailte go ceimiceach go buan i dtáirge a liostaítear sa ghníomh tarmligthe arna ghlacadh de bhun Airteagal 12(3b) de Threoir 2003/87/CE a chinneadh agus a dhealú óna n-astaíochtaí, ar foráil í a chuirfear in ionad na forála lenar féidir an CO2 a mheastar a bheith ceangailte go ceimiceach i gcarbónáit chailciam dheasctha a dhealú. |
|
(25) |
Ag féachaint d’Airteagal 14(5) de Threoir 2003/87/CE, is cleachtadh neamhspleách, ar leithligh ó phraghsáil carbóin é an creat faireacháin, tuairiscithe agus fíoraithe (MRV) d’éifeachtaí neamh-CO2. Tá gníomhaíochtaí taighde agus nuálaíochta an Aontais maidir le tionchar agus réitigh theicneolaíocha éifeachtaí eitlíochta neamh-CO2 ar siúl ó 1994 i leith agus ba cheart leanúint díobh. I bhfianaise na héiginnteachta a bhaineann le tionchair éifeachtaí neamh-CO2, tá sé ríthábhachtach tús a chur leis an MRV ar éifeachtaí neamh-CO2 d’fhonn bailíochtú eolaíoch na dtionchar a áirithiú. |
|
(26) |
Ba cheart d’oibreoirí aerárthaí faireachán a dhéanamh ar éifeachtaí eitlíochta neamh-CO2 a tharlaíonn ón 1 Eanáir 2025, ó na gníomhaíochtaí a dhéanann eitleáin atá feistithe le scaird-innill, le gur féidir coibhéis CO2 (CO2(e)) in aghaidh na heitilte a ríomh. Ba cheart do na hoibreoirí aerárthaí na héifeachtaí eitlíochta neamh-CO2 sin a thuairisciú uair sa bhliain. Mar sin féin, chun tús MRV a éascú d’éifeachtaí neamh-CO2, in 2025 agus 2026, cé go bhféadfadh an tuairisciú na bealaí uile a chumhdach, ní éilítear tuairisciú den sórt sin ach amháin i leith bealaí a bhfuil dhá aeradróm atá lonnaithe sa Limistéar Eorpach Eacnamaíoch (LEE) páirteach iontu, agus i leith bealaí ó aeradróm atá lonnaithe in LEE a imíonn go dtí an Eilvéis nó go dtí an Ríocht Aontaithe. I ndáil le 2025 agus 2026, is féidir éifeachtaí eitlíochta neamh-CO2 a tharlaíonn ó eitiltí eile a thuairisciú. |
|
(27) |
Chun an t-ualach riaracháin a íoslaghdú, ba cheart d’oibreoirí aerárthaí plean faireacháin aonair a sholáthar le haghaidh éifeachtaí astaíochtaí CO2 agus neamh-CO2. |
|
(28) |
Ba cheart CO2(e)in aghaidh na heitilte a ríomh trí úsáid a bhaint as méadrach na hAcmhainneachta Téite Domhanda (GWP) i dtrí thréimhse ama GWP20, GWP50 agus GWP100 chun tuiscint níos fearr a fháil ar na tionchair sin ar an aeráid, agus éifeachtúlacht á cur i bhfeidhm, mar a shainmhínítear i Rialachán Cur Chun Feidhme (AE) 2018/2066, agus córas rianaithe éifeachtaí eitlíochta neamh-CO2 an Choimisiúin (NEATS), chun méadrach GWP a bheachtú. |
|
(29) |
Chun CO2(e) a ríomh le haghaidh éifeachtaí neamh-CO2, ba cheart do na hoibreoirí aerárthaí cur chuige ríofa CO2(e) a úsáid. Áirítear leis an gcur chuige sin modúil chun meastachán a dhéanamh ar dhó breosla agus astaíochtaí éagsúla (NOx, CO, HC), samhlacha lena ríomhtar CO2(e) trí úsáid a bhaint as na sonraí ionchuir agus na luachanna réamhshocraithe mar a thuairiscítear in Iarscríbhinn IIIa agus in Iarscríbhinn IIIb a ghabhann le Rialachán Cur Chun Feidhme (AE) 2018/2066, i gcás ina bhfuil bearnaí sonraí ann. |
|
(30) |
Chun tearcthuairisciú a sheachaint, féadfar luachanna réamhshocraithe coimeádacha a úsáid. I gcás nach bhfuil sonraí arna bhfoinsiú ag an oibreoir aerárthaigh ar fáil, ní mór don obair leanúint de thuairisciú luachanna tomhaiste a chumasú, ar bhonn na faisnéise is fearr atá ar fáil. Trí bheith ag brath ar luachanna réamhshocraithe laghdaítear beachtas na sonraí. |
|
(31) |
Agus aitheantas á thabhairt don tábhacht a bhaineann le huirlisí iomchuí a sholáthar chun teorainn a chur leis an iarracht riaracháin a bhaineann le faireachán, tuairisciú agus fíorú a dhéanamh ar éifeachtaí eitlíochta neamh-CO2, féadfaidh na hoibreoirí aerárthaí brath ar an uirlis teicneolaíochta faisnéise, NEATS, arna soláthar ag an gCoimisiún. Féadfaidh na hoibreoirí aerárthaí a roghnú freisin a n-uirlisí teicneolaíochta faisnéise féin nó uirlisí teicneolaíochta faisnéise tríú páirtí a úsáid ar choinníoll go gcomhlíonann na huirlisí sin forálacha Rialachán Cur Chun Feidhme (AE) 2018/2066, go háirithe Airteagal 56a, agus ar choinníoll go bhformheasann an Coimisiún iad. |
|
(32) |
Ba cheart do na hoibreoirí aerárthaí sonraí a ndéantar faireachán orthu a bhailiú agus a stóráil go slán, lena n-áirítear sonraí eitilte agus faisnéis maidir le haerárthaí. Chun na críche sin, féadfaidh na hoibreoirí aerárthaí brath ar uirlis TF an Choimisiúin agus/nó ar acmhainní tríú páirtí, lena n-áiritheofar go gcomhlíonfar rialacha rúndachta agus inrochtaineacht chun críocha fíoraithe. |
|
(33) |
I gcás nach soláthraíonn na hoibreoirí aerárthaí aon sonraí, ba cheart go mbeadh NEATS in ann CO2(e) a ríomh go huathoibríoch, ar bhonn sonraí arna mbailiú ó fhoinsí seachtracha agus ar bhonn na luachanna réamhshocraithe mar a thuairiscítear in Iarscríbhinní IIIa agus IIIb a ghabhann le Rialachán Cur Chun Feidhme (AE) 2018/2066. |
|
(34) |
I gcás nach mbeidh uirlisí TF ar fáil, ba cheart d’oibreoirí aerárthaí faireachán a dhéanamh ar fhaisnéis maidir le hairíonna riachtanacha eitiltí agus aerárthaí mar bheart eatramhach. |
|
(35) |
I gcás nach mbeidh an tsamhail tagartha chomhchoiteann Tuartha Uimhriúil Aimsire (TUA) ar fáil, ba cheart d’oibreoirí aerárthaí cur chuige suíomhbhunaithe simplithe a úsáid chun CO2(e) éifeachtaí eitlíochta neamh-CO2 a ríomh mar bheart eatramhach. |
|
(36) |
Chun an t-ualach riaracháin a íoslaghdú, féadfaidh astaírí beaga rogha a dhéanamh cur chuige suíomhbhunaithe simplithe a úsáid chun CO2(e) éifeachtaí eitlíochta neamh-CO2 a ríomh. |
|
(37) |
Ar bhonn an aiseolais ar chur chun feidhme CTA AE, is gá sainaithint oibreora aerárthaigh a éascú a thuilleadh de bhun Airteagal 3(o) de Threoir 2003/87/CE agus céim bhreise a chur san áireamh sa phróiseas sin. |
|
(38) |
Chun forálacha Airteagal 28a(4) de Threoir 2003/87/CE agus an Rialacháin seo maidir leis an sainmhíniú ar astaírí beaga a ailíniú, ba cheart an Rialachán seo a thabhairt cothrom le dáta chun go mbeidh oibreoirí a chomhlíonann na critéir a shainítear in Airteagal 28a(4) den Treoir sin in ann na huirlisí meastacháin breosla arna gcur chun feidhme ag Eurocontrol a úsáid. |
|
(39) |
Tá ról lárnach ag ceanglais tuairiscithe maidir le faireachán ceart ar astaíochtaí agus forfheidhmiú ceart reachtaíochta a áirithiú. Chun na ceanglais tuairiscithe sin a chuíchóiriú, ba cheart rialacha tuairiscithe iomchuí a bhunú d’oibreoirí aerárthaí maidir le húsáid cineálacha éagsúla breoslaí eitlíochta malartacha, lena n-áirítear bithbhreoslaí, RFNBOnna, RCFanna agus breoslaí eile atá incháilithe faoi chóras tacaíochta CTA AE arna bhunú de bhun Airteagal 3c(6) de Threoir 2003/87/CE. |
|
(40) |
Tá feidhm ag tairseacha astaíochtaí maidir le hoibreoirí aerárthaí lena gcur san áireamh in CTA AE nó i Scéim Fritháirithe agus Laghdaithe Carbóin don Eitlíocht Idirnáisiúnta ICAO (CORSIA). Is féidir oibreoirí aerárthaí a mheas mar astaírí beaga nó is féidir cead a thabhairt dóibh uirlisí simplithe a úsáid. I gcomhréir le cuspóir CTA AE agus leis na prionsabail a áirítear freisin i scéim CORSIA ICAO, níor cheart go gcuirfí san áireamh le ríomh na dtairseach astaíochtaí sin an úsáid a d’fhéadfaí a bhaint as breoslaí ag a bhfuil fachtóir astaíochta nialasach. Dá bhrí sin, is iomchuí réamhfhachtóir tosaigh a bhunú chun críoch na tairseacha sin a ríomh. |
|
(41) |
I gcomhréir le Treoir (AE) 2023/959, tosóidh tabhairt suas lamháltas faoin gcóras trádála astaíochtaí nua d’fhoirgnimh, d’iompar de bhóthar agus d’earnálacha breise in 2028 le haghaidh astaíochtaí bliantúla 2027. Mar sin féin, cuirfear tús le faireachán agus tuairisciú a dhéanamh ar astaíochtaí faoin gcóras nua trádála astaíochtaí ón 1 Eanáir 2025. Ba cheart rialacha faireacháin agus tuairiscithe soiléire le haghaidh an chórais trádála astaíochtaí a leagan síos sách fada roimh ré le haghaidh na hearnála foirgníochta, earnáil an iompair de bhóthar agus earnálacha breise, chun an cur chun feidhme ordúil sna Ballstáit a éascú. Chun an t-ualach riaracháin a laghdú, chun comhsheasmhacht idir modheolaíochtaí faireacháin a áirithiú agus chun cur leis an taithí a fuarthas ón gcóras reatha trádála astaíochtaí le haghaidh suiteálacha do-aistrithe agus eitlíochta, is iomchuí na rialacha ábhartha a bhunú don chóras nua. |
|
(42) |
Chun leibhéal láidir cruinnis faireacháin a áirithiú agus chun an t-ualach riaracháin ar na heintitis rialáilte agus ar na húdaráis inniúla a íoslaghdú, ba cheart an fachtóir raoin a chur i bhfeidhm tar éis chatagóiriú an eintitis rialáilte agus na sreabh breosla. Leis sin, ba cheart go bhféadfaí faireachán níos cruinne a dhéanamh agus ba cheart go seachnófaí athruithe neamhriachtanacha ar na pleananna faireacháin, lena laghdaítear an t-ualach riaracháin ar eintitis rialáilte agus ar údaráis inniúla. |
|
(43) |
Chun teorainn a chur leis an ualach riaracháin, is iomchuí rialacha sonracha a chur ar fáil d’eintitis rialáilte a bhfuil astaíochtaí ísle acu agus solúbthacht a thabhairt do na húdaráis inniúla maidir le heintitis rialáilte a chatagóiriú. |
|
(44) |
Chun cur chun feidhme na mbeart nua a éascú, is iomchuí maolú faoi cheangal ama a sholáthar, roimh 2027, maidir le cur i bhfeidhm an fhachtóra raoin tar éis an chatagóirithe. Is iomchuí go mbeadh na húdaráis inniúla in ann eintiteas rialáilte a cháiliú mar eintitis rialáilte ag a bhfuil astaíochtaí ísle, nó cead a thabhairt don eintiteas rialáilte é féin agus gach sreabh breosla a aicmiú, ar bhonn na n-astaíochtaí tar éis chur i bhfeidhm an fhachtóra raoin, cé is moite de CO2 a eascraíonn as breosla nialas-rátaithe, i gcás inar féidir a léiriú chun sástacht an údaráis inniúil go mbeidh an fachtóir raoin a chuirtear i bhfeidhm maidir leis an aicmiú ionadaíoch fós sna blianta amach romhainn. |
|
(45) |
Chun fíorú a éascú, is iomchuí go ndéanfaidh oibreoirí suiteálacha do-aistrithe, oibreoirí aerárthaí, cuideachtaí loingseoireachta agus eintitis rialáilte an fhaisnéis maidir le breoslaí a úsáidtear le haghaidh gníomhaíochtaí dá dtagraítear in Iarscríbhinn I a ghabhann le Treoir 2003/87/CE a chur isteach in éineacht leis an tuarascáil bhliantúil astaíochtaí. Níor cheart aon tuarascáil ar leithligh a éileamh maidir leis na méideanna breoslaí a fuarthas agus a úsáideadh. Dá bhrí sin, ba cheart Rialachán Cur Chun Feidhme (AE) 2018/2066 a leasú dá réir. |
|
(46) |
Chun cur isteach ordúil comhleanúnach an phlean faireacháin le haghaidh eintitis rialáilte chuig na húdaráis inniúla a éascú, agus i bhfianaise na bhforálacha a glacadh cheana i Rialachán Cur Chun Feidhme (AE) 2023/2122 ón gCoimisiún an 17 Deireadh Fómhair 2023, lena leasaítear Rialachán Cur Chun Feidhme (AE) 2018/2066, ba cheart feidhm a bheith ag na forálacha uile atá sa Rialachán seo a bhaineann leis an trádáil astaíochtaí nua le haghaidh earnáil na bhfoirgneamh, earnáil an iompair de bhóthar agus earnálacha breise, ón 1 Iúil 2024. |
|
(47) |
Foráiltear cheana féin le Treoir 2003/87/CE go mbeidh na hastaíochtaí ó RFNBOnna a úsáidtear le haghaidh oibreoirí aerárthaí nialas-rátaithe roimh theacht i bhfeidhm an athbhreithnithe seo ar Rialachán Cur Chun Feidhme (AE) 2018/2066. Dá bhrí sin, chun comhsheasmhacht, soiléireacht agus cothrom iomaíochta a áirithiú, ba cheart feidhm a bheith ag na rialacha maidir le faireachán agus tuairisciú a dhéanamh ar astaíochtaí ó RFNBO nialas-rátaithe, RCF agus breoslaí sintéiseacha ísealcharbóin ón 1 Eanáir 2024. |
|
(48) |
Tá na bearta dá bhforáiltear sa Rialachán seo i gcomhréir leis an tuairim ón gCoiste um Athrú Aeráide, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán Cur Chun Feidhme (AE) 2018/2066 mar a leanas:
|
(1) |
cuirtear an méid seo a leanas in ionad Airteagail 1 agus 2: ‘Airteagal 1 Leis an Rialachán seo, leagtar síos rialacha maidir leis an méid seo a leanas:
Airteagal 2 Beidh feidhm ag an Rialachán seo maidir le faireachán agus tuairisciú a dhéanamh ar astaíochtaí gás ceaptha teasa a shonraítear i ndáil leis na gníomhaíochtaí a liostaítear in Iarscríbhinní I agus III a ghabhann le Treoir 2003/87/CE, maidir le sonraí gníomhaíochta ó shuiteálacha do-aistrithe, maidir le gníomhaíochtaí eitlíochta, lena n-áirítear éifeachtaí eitlíochta neamh-CO2 agus maidir le méideanna breosla arna scaoileadh ó ghníomhaíochtaí dá dtagraítear in Iarscríbhinn III a ghabhann leis an Treoir sin. Beidh feidhm aige maidir leis an méid seo a leanas:
Cumhdófar le faireachán agus tuairisciú ar éifeachtaí eitlíochta neamh-CO2 ó 2025 gach éifeacht neamh-CO2 ó ghníomhaíochtaí eitlíochta a liostaítear in Iarscríbhinn I a ghabhann leis an Treoir a bhaineann le haeradróm atá lonnaithe in LEE.Mar sin féin, i ndáil le faireachán agus tuairisciú a dhéanamh ar éifeachtaí eitlíochta neamh-CO2 a tharlaíonn in 2025 agus 2026, ní éileofar tuairisciú den sórt sin ach amháin i leith bealaí a bhaineann le dhá aeradróm atá lonnaithe in LEE, agus i leith bealaí ó aeradróm atá lonnaithe in LEE a imíonn go dtí an Eilvéis nó go dtí an Ríocht Aontaithe. I ndáil le 2025 agus 2026, féadfar éifeachtaí eitlíochta neamh-CO2 a tharlaíonn ó eitiltí eile a thuairisciú ar bhonn deonach.’; |
|
(2) |
leasaítear Airteagal 3 mar a leanas:
|
|
(3) |
Cuirtear an méid seo a leanas in ionad Airteagal 4: ‘ Airteagal 4 Comhlíonfaidh oibreoirí agus oibreoirí aerárthaí a n-oibleagáidí a bhaineann le faireachán agus tuairisciú a dhéanamh ar astaíochtaí gás ceaptha teasa agus ar éifeachtaí eitlíochta neamh-CO2 faoi Threoir 2003/87/CE i gcomhréir leis na prionsabail a leagtar síos in Airteagail 5 go 9 den Rialachán seo.’; |
|
(4) |
in Airteagal 5, cuirtear an méid seo a leanas in ionad na chéad mhíre: ‘Beidh an faireachán agus an tuairisciú iomlán agus cumhdófar leo na hastaíochtaí próisis agus dócháin uile ó na foinsí astaíochtaí agus na sreabha foinseacha uile a bhaineann leis na gníomhaíochtaí a liostaítear in Iarscríbhinn I a ghabhann le Treoir 2003/87/CE agus gníomhaíochtaí ábhartha eile a áirítear de bhun Airteagal 24 den Treoir sin, chomh maith le gníomhaíochtaí gaolmhara a áirítear i dteorainneacha na suiteála, agus na ngás ceaptha teasa uile a shonraítear i ndáil leis na gníomhaíochtaí sin, agus comhaireamh dúbailte á sheachaint.’; |
|
(5) |
in Airteagal 6, cuirtear isteach mír 3: ‘3. Gheobhaidh oibreoirí aerárthaí sonraí faireacháin, lena n-áirítear toimhdí, tagairtí, sonraí gníomhaíochta agus fachtóirí ríomha, agus déanfaidh siad iad a thaifeadadh, a thiomsú, a anailísiú agus a dhoiciméadú ar bhealach trédhearcach lena gcumasófar don fhíoraitheoir agus don údarás inniúil cinneadh éifeachtaí eitlíochta neamh-CO2 in aghaidh na heitilte a atáirgeadh.’ |
|
(6) |
Cuirtear an méid seo a leanas in ionad Airteagal 8: ‘Airteagal 8 Cumasóidh oibreoirí agus oibreoirí aerárthaí dearbhú réasúnach ar shláine na sonraí maidir le héifeachtaí eitlíochta astaíochtaí agus neamh-CO2 atá le tuairisciú. Cinnfidh siad éifeachtaí astaíochtaí agus eitlíochta neamh-CO2 trí úsáid a bhaint as na modheolaíochtaí faireacháin iomchuí a leagtar amach sa Rialachán seo. Beidh sonraí maidir le hastaíochtaí tuairiscithe agus éifeachtaí eitlíochta neamh-CO2 agus nochtaí gaolmhara saor ó mhíráiteas ábhartha mar a shainmhínítear in Airteagal 3(6) de Rialachán Cur Chun Feidhme (AE) 2018/2067 ón gCoimisiún (*1), seachnóidh siad claontacht i roghnú agus i gcur i láthair na faisnéise, agus soláthróidh siad cuntas inchreidte cothrom ar astaíochtaí suiteála nó oibreora aerárthaigh agus ar éifeachtaí eitlíochta neamh-CO2. Agus modheolaíocht faireacháin á roghnú, tabharfar aird ar chothromaíocht idir an feabhas a eascraíonn as beachtas níos fearr agus na costais bhreise. Beidh an faireachán agus an tuairisciú dírithe ar an gcruinneas is airde is féidir a bhaint amach, ach amháin mura bhfuil sé sin indéanta go teicniúil nó má thabhaíonn sé costais mhíréasúnta. (*1) Rialachán Cur Chun Feidhme (AE) 2018/2067 ón gCoimisiún an 19 Nollaig 2018 maidir le fíorú na sonraí agus creidiúnú fíoraitheoirí de bhun Threoir 2003/87/CE ó Pharlaimint na hEorpa agus ón gComhairle (IO L 334, 31.12.2018, lch. 94, ELI: http://data.europa.eu/eli/reg_impl/2018/2067/oj).’;" |
|
(7) |
in Airteagal 11(1), cuirtear an méid seo a leanas in ionad na chéad fhomhíre: ‘1. Déanfaidh gach oibreoir nó oibreoir aerárthaí faireachán ar astaíochtaí gás ceaptha teasa, agus ar éifeachtaí eitlíochta neamh-CO2, ar bhonn plean faireacháin arna fhormheas ag an údarás inniúil i gcomhréir le hAirteagal 12 den Rialachán seo, agus cineál agus feidhmiú na suiteála nó na gníomhaíochta eitlíochta a bhfuil feidhm aige maidir léi á gcur san áireamh.’ |
|
(8) |
in Airteagal 14(2), cuirtear an pointe (aa) seo a leanas isteach:
|
|
(9) |
leasaítear Airteagal 15(4) mar a leanas:
|
|
(10) |
in Airteagal 18(2), an dara fomhír, Airteagal 19(2), pointí (a), (b) agus (c), Airteagal 19(5), Airteagal 38(1) agus Airteagal 47(2), pointí (a) agus (b), cuirtear ‘carbón nialas-rátaithe’ in ionad an téarma ‘bithmhais’. |
|
(11) |
in Airteagal 19, scriostar mír 6. |
|
(12) |
Leasaítear Airteagal 24 mar a leanas:
|
|
(13) |
Leasaítear Airteagal 25 mar a leanas:
|
|
(14) |
Leasaítear Airteagal 30 mar a leanas:
|
|
(15) |
cuirtear an méid seo a leanas in ionad na fomhíre deireanaí d'Airteagal 37(2): ‘I gcás ina n-úsáidtear breoslaí measctha, cuirfidh an t-oibreoir fianaise ar fáil nach mbeidh gannmheastachán ar astaíochtaí mar thoradh ar phointí (a) nó (b) den chéad fhomhír a chur i bhfeidhm.’; |
|
(16) |
i Roinn 2, cuirtear an méid seo a leanas in ionad theideal fhoroinn 5: ‘ Cóireáil bithmhaise, breoslaí sintéiseacha ísealcharbóin, RFNBO agus RCF ’; |
|
(17) |
Leasaítear Airteagal 38 mar a leanas:
|
|
(18) |
Leasaítear Airteagal 39 mar a leanas:
|
|
(19) |
cuirtear an tAirteagal 39a seo a leanas isteach: ‘ Airteagal 39a Codán RFNBO nó RCF nó ísealcharbóin sintéiseach agus codán RFNBO nó RCF nialas-rátaithe nó ísealcharbóin sintéiseach a chinneadh 1. I gcás breoslaí nó ábhair ina bhfuil RFNBOnna, RCFanna nó breoslaí sintéiseacha ísealcharbóin nach féidir leis an oibreoir codán RFNBO nó RCF nó codán sintéiseach ísealcharbóin a chinneadh ina leith i gcomhréir le mír 2, glacfaidh an t-oibreoir leis go bhfuil RFNBO, RCF nó breosla sintéiseach ísealcharbóin in easnamh agus cuirfidh sé codán réamhshocraithe RFNBO nó RCF nó codán sintéiseach ísealcharbóin 0 % i bhfeidhm. 2. Cinnfidh an t-oibreoir na fachtóirí ríomha seo a leanas a bhaineann le comhdhéanamh breoslaí ar bhonn an chothromúcháin maise de bhun Airteagal 30(1) de Threoir (AE) 2018/2001:
De mhaolú ar an gcéad fhomhír, mura mian leis an oibreoir úsáid a bhaint as nialas-rátú, i gcás an chodáin RFNBO nó RCF nó an chodáin shintéisigh ísealcharbóin, féadfar cineálacha cur chuige eile a úsáid amhail cothromaíocht ábhair sa phróiseas cumaisc nó táirgthe óna bhfaightear an breosla nó an t-ábhar. 3. Maidir le cion carbóin breoslaí a cháilíonn mar RFNBOnna nó RCFanna faoi Threoir (AE) 2018/2001 a chomhlíonann na critéir maidir le laghdú ar astaíochtaí gás ceaptha teasa a leagtar síos in Airteagal 29a den Treoir sin, measfar é a bheith nialas-rátaithe. Tá comhlíonadh na gcritéar a leagtar síos in Airteagal 29a de Threoir (AE) 2018/2001 le measúnú i gcomhréir le hAirteagail 30 agus 31(1) den Treoir sin. Féadfar a mheas go bhfuil na critéir comhlíonta freisin má sholáthraíonn an t-oibreoir fianaise gur ceannaíodh cainníocht RFNBOnna nó RCFanna atá nasctha le cealú na cainníochta faoi seach i mBunachar Sonraí an Aontais a bunaíodh de bhun Airteagal 31a de Threoir (AE) 2018/2001, nó i mbunachar sonraí náisiúnta arna bhunú ag na Ballstáit i gcomhréir le hAirteagal 31a(5) den Treoir sin. I gcás neamhchomhlíonadh ina dhiaidh sin maidir le cruthúnas inbhuanaitheachta na gcainníochtaí a cealaíodh sna bunachair sonraí thuasluaite, ceartóidh an tÚdarás Inniúil na hastaíochtaí fíoraithe dá réir sin. I gcás nach gcomhlíonann RFNBO ná RCF na critéir dá dtagraítear sa chéad fhomhír, measfar gur carbón iontaise a chion carbóin. 4. Beidh breoslaí sintéiseacha ísealcharbóin nialas-rátaithe i gcás ina raibh a gcion carbóin faoi réir lamháltais a thabhairt suas roimh ré faoi Threoir 2003/87/CE, ach amháin más carbón nialas-rátaithe an carbón gafa sin mar a shainmhínítear in Airteagal 3(38f) den Rialachán seo. Tá comhlíonadh na gcritéar a leagtar síos in Airteagal 29a(3) de Threoir (AE) 2018/2001 le measúnú i gcomhréir le hAirteagail 30 agus 31(1) den Treoir sin. Féadfar a mheas go bhfuil na critéir comhlíonta freisin má sholáthraíonn an t-oibreoir fianaise gur ceannaíodh cainníocht breoslaí sintéiseacha ísealcharbóin atá nasctha le cealú na cainníochta faoi seach i mBunachar Sonraí an Aontais a bunaíodh de bhun Airteagal 31a de Threoir (AE) 2018/2001, nó i mbunachar sonraí náisiúnta arna bhunú ag an mBallstát i gcomhréir le hAirteagal 31a(5) den Treoir sin. I gcás neamhchomhlíonadh ina dhiaidh sin maidir le cruthúnas inbhuanaitheachta na gcainníochtaí a cealaíodh sna bunachair sonraí thuasluaite, ceartóidh an tÚdarás Inniúil na hastaíochtaí fíoraithe dá réir sin. In aon chás eile, measfar gur carbón iontaise é an cion carbóin i mbreoslaí sintéiseacha ísealcharbóin. 5. Féadfaidh an t-oibreoir codán RFNBO nó RCF agus codán RFNBO nó RCF comhionann nialas-rátaithe de ghás nádúrtha a chinneadh i gcás ina ndearnadh codáin den sórt sin a instealladh in eangach gáis nádúrtha trí úsáid a bhaint as taifid cheannaigh RFNBO nó RCF a bhfuil luach fuinnimh coibhéiseach acu, ar choinníoll go gcuirfidh an t-oibreoir fianaise ar fáil chun sástacht an údaráis inniúil maidir leis an méid seo a leanas:
Féadfar a mheas go bhfuil comhlíonadh na míre sin léirithe má sholáthraíonn an t-oibreoir fianaise gur ceannaíodh cainníocht RFNBO gásach nó RCF atá nasctha le cealú na cainníochta faoi seach i mBunachar Sonraí an Aontais a bunaíodh de bhun Airteagal 31a de Threoir (AE) 2018/2001, nó i mbunachar sonraí náisiúnta arna bhunú ag na Ballstáit i gcomhréir le hAirteagal 31a(5) den Treoir sin. I gcás neamhchomhlíonadh ina dhiaidh sin maidir le cruthúnas inbhuanaitheachta na gcainníochtaí a cuireadh ar ceal sna bunachair sonraí thuasluaite, ceartóidh an t-údarás inniúil na hastaíochtaí fíoraithe dá réir.’ |
|
(20) |
Leasaítear Airteagal 43 mar a leanas:
|
|
(21) |
in Airteagal 44(1), cuirtear an méid seo a leanas in ionad na chéad fhomhíre: ‘1. Ríomhfaidh an t-oibreoir meáin in aghaidh na huaire le haghaidh gach paraiméadair, lena n-áirítear tiúchain agus sreabhadh, atá ábhartha chun astaíochtaí nó méideanna CO2 arna n-aistriú a chinneadh, agus úsáid á baint as modheolaíocht thomhasbhunaithe trí úsáid a bhaint as na pointí sonraí uile atá ar fáil don uair shonrach sin.’ |
|
(22) |
in Airteagal 46 agus in Iarscríbhinn I, Roinn 1, pointí (7)(a), (b) agus (c), cuirtear ‘bonneagar iompair CO2’ in ionad an téarma ‘gréasán iompair’. |
|
(23) |
in Airteagal 47(2), scriostar an fhomhír dheireanach. |
|
(24) |
Leasaítear Airteagal 48 mar a leanas:
|
|
(25) |
Leasaítear Airteagal 49 mar a leanas:
|
|
(26) |
cuirtear an tAirteagal 49a seo a leanas isteach: ‘Airteagal 49a Astaíochtaí atá ceangailte go ceimiceach go buan i dtáirge 1. Dealóidh an t-oibreoir ó astaíochtaí na suiteála aon mhéid CO2 de thionscnamh carbóin neamh-rátaithe i ngníomhaíochtaí a chumhdaítear le hIarscríbhinn I a ghabhann le Treoir 2003/87/CE nach n-astaítear ón tsuiteáil, ach atá ceangailte go ceimiceach go buan i dtáirge a liostaítear sa Rialachán Tarmligthe arna ghlacadh de bhun Airteagal 12(3b) de Threoir 2003/87/CE. I gcás CO2 a eascraíonn as ábhair nó breoslaí ina bhfuil codán de charbón nialas-rátaithe, ní dhéanfaidh an t-oibreoir ach an chainníocht den CO2 atá ceangailte go ceimiceach go buan i dtáirge a liostaítear sa Rialachán Tarmligthe arna ghlacadh de bhun Airteagal 12(3b) de Threoir 2003/87/CE a dhealú ó astaíochtaí na suiteála, i gcomhréir leis an gcodán den charbón nach de thionscnamh carbóin nialas-rátaithe é. 2. Chun cainníocht CO2 atá ceangailte i dtáirge a chomhlíonann na sonraíochtaí a leagtar amach i mír 1 a chinneadh, cuirfidh an t-oibreoir an mhodheolaíocht chaighdeánach i bhfeidhm i gcomhréir le Ranna 2 agus 4 d’Iarscríbhinn II a ghabhann leis an Rialachán seo, nó cuirfidh sé cothromúchán maise i bhfeidhm i gcomhréir le hAirteagal 25 den Rialachán seo trí úsáid a bhaint as na breoslaí agus na hábhair a thagann isteach sa phróiseas agus a fhágann an próiseas ina bhfuil CO2 ceangailte go ceimiceach mar na sreabha foinseacha ábhartha don ríomh sin, agus aon astaíochtaí dócháin a bhaineann leis an bpróiseas á gcur san áireamh. Chuige sin, déanfar an leibhéal is airde mar a shainmhínítear in Iarscríbhinn II a ghabhann leis an Rialachán seo a chur i bhfeidhm mar a shonraítear san Iarscríbhinn chéanna don ghníomhaíocht as a n-eascraíonn an CO2. Mar sin féin, féadfaidh an t-oibreoir an chéad leibhéal eile is ísle a chur i bhfeidhm ar choinníoll go léiríonn an t-oibreoir chun sástacht an údaráis inniúil nach bhfuil sé indéanta go teicniúil an leibhéal is airde mar a shainmhínítear in Iarscríbhinn II a ghabhann leis an Rialachán seo a chur i bhfeidhm nó go dtabhaíonn sé costais mhíréasúnta.’ |
|
(27) |
cuirtear an méid seo a leanas in ionad an teidil ar Chaibidil IV: ‘ FAIREACHÁN AR ASTAÍOCHTAÍ AGUS ÉIFEACHTAÍ NEAMH-CO2 ÓN EITLÍOCHT ’; |
|
(28) |
Leasaítear Airteagal 51 mar a leanas:
|
|
(29) |
In Airteagal 52(1), cuirtear an méid seo a leanas in ionad an chéad dá fhomhír: ‘1. Ceithre mhí ar a dhéanaí sula dtosóidh oibreoir aerárthaigh ar ghníomhaíochtaí eitlíochta a chumhdaítear le hIarscríbhinn I a ghabhann le Treoir 2003/87/CE, cuirfidh sé plean faireacháin faoi bhráid an údaráis inniúil chun faireachán agus tuairisciú a dhéanamh ar astaíochtaí agus ar éifeachtaí eitlíochta neamh-CO2 i gcomhréir le hAirteagal 12 den Rialachán seo. De mhaolú ar an gcéad fhomhír, oibreoir aerárthaigh a dhéanann gníomhaíocht eitlíochta a chumhdaítear le hIarscríbhinn I a ghabhann le Treoir 2003/87/CE, nó a dhéanann faireachán agus tuairisciú ar éifeachtaí eitlíochta neamh-CO2 den chéad uair nach bhféadfaí a thuar ceithre mhí roimh an ngníomhaíocht, cuirfidh sé plean faireacháin faoi bhráid an údaráis inniúil gan moill mhíchuí, ach tráth nach déanaí ná sé seachtaine tar éis an ghníomhaíocht sin a dhéanamh. Soláthróidh an t-oibreoir aerárthaigh údar leordhóthanach don údarás inniúil maidir leis an bhfáth nárbh fhéidir plean faireacháin a chur isteach 4 mhí roimh an ngníomhaíocht’; |
|
(30) |
Leasaítear Airteagal 53 mar a leanas:
|
|
(31) |
cuirtear an tAirteagal 53a seo a leanas isteach: ‘Airteagal 53a Rialacha tuairiscithe maidir le húsáid breoslaí eitlíochta malartacha 1. Déanfaidh an t-oibreoir aerárthaigh faireachán ar mhéid na mbreoslaí eitlíochta malartacha a úsáidtear agus tuairisceoidh sé an méid sin mar a shanntar do gach eitilt nó do gach péire aeradróm. 2. I gcás ina seachadfar na breoslaí eitlíochta malartacha chuig an aerárthach i mbaisceanna atá inaitheanta go fisiceach, cuirfidh an t-oibreoir aerárthaigh fianaise ar fáil chun sástacht an údaráis inniúil go sanntar an breosla eitlíochta malartach don eitilt díreach tar éis breosla a chur ar bord na heitilte sin. I gcás ina ndéanfar roinnt eitiltí ina dhiaidh sin gan breosla a chur ar bord idir na heitiltí sin, déanfaidh an t-oibreoir aerárthaigh méid an bhreosla mhalartaigh a dheighilt agus é a shannadh do na heitiltí sin go comhréireach leis na hastaíochtaí ó na heitiltí sin arna ríomh agus an réamhfhachtóir astaíochta á úsáid. 3. I gcás nach féidir breoslaí eitlíochta malartacha a shannadh go fisiceach ag aeradróm d’eitilt shonrach, sannfaidh an t-oibreoir aerárthaigh an breosla dá eitiltí nach mór lamháltais a thabhairt suas lena n-aghaidh i gcomhréir le hAirteagal 12(3) de Threoir 2003/87/CE go comhréireach leis na hastaíochtaí ó na heitiltí sin a imíonn ón aeradróm sin arna ríomh agus an réamhfhachtóir astaíochta á úsáid. I ndáil leis sin, ní mór don oibreoir aerárthaigh fianaise a sholáthar chun sástacht an údaráis inniúil gur seachadadh an breosla eitlíochta malartach chuig córas breoslaithe an aeradróim imeachta sa tréimhse tuairiscithe, nó 3 mhí roimh thús na tréimhse tuairiscithe sin, nó 3 mhí tar éis dheireadh na tréimhse tuairiscithe sin. 4. Chun críoch mhíreanna 2 agus 3, soláthróidh an t-oibreoir aerárthaigh fianaise chun sástacht an údaráis inniúil maidir leis an méid seo a leanas:
Chun críocha phointí (i) go (iii), aon bhreosla a bheidh fágtha in umair tar éis eitilte agus sula gcuirfear breosla ar bord, glactar leis gur breosla iontaise 100 % atá ann. Chun a léiriú go gcomhlíontar na ceanglais dá dtagraítear faoi phointe (iv), féadfaidh an t-oibreoir aerárthaigh úsáid a bhaint as na sonraí a thaifeadtar i mbunachar sonraí an Aontais a cuireadh ar bun i gcomhréir le hAirteagal 31a de Threoir (AE) 2018/2001 nó i mbunachar sonraí náisiúnta a chuir an Ballstát ar bun i gcomhréir le hAirteagal 31a(5) den Treoir sin.’ |
|
(32) |
Cuirtear an méid seo a leanas in ionad Airteagal 54 agus Airteagal 54a: ‘Airteagal 54 An codán bithmhaise a chinneadh le haghaidh bithbhreoslaí 1. Cinnfidh an t-oibreoir aerárthaí codán bithmhaise na mbreoslaí eitlíochta measctha ina bhfuil bithbhreoslaí. Féadfaidh an t-oibreoir aerárthaigh a thoimhdiú go bhfuil bithbhreosla in easnamh agus codán iontaise réamhshocraithe 100 % a chur i bhfeidhm nó codán bithbhreosla a chinneadh de réir mhíreanna 2 nó 3. Úsáidfidh an t-oibreoir aerárthaigh luach réamhshocraithe 100 % de chodán bithmhaise le haghaidh bithbhreoslaí íona. De mhaolú ar an gcéad fhomhír, féadfaidh an t-oibreoir aerárthaigh a úsáideann breoslaí eitlíochta measctha ina bhfuil bithbhreoslaí a roghnú faireachán a dhéanamh ar chion an bhithbhreosla agus ar chion an bhreosla eitlíochta iontaise mar shreabha foinseacha ar leithligh má cheadaíonn an fhianaise a sholáthraíonn na soláthróirí breosla an cur chuige sin. 2. I gcás ina ndéantar bithbhreoslaí a mheascadh go fisiceach le breoslaí iontaise agus ina seachadtar iad chuig an aerárthach i mbaisceanna atá inaitheanta go fisiceach, féadfaidh an t-oibreoir aerárthaigh anailísí a dhéanamh i gcomhréir le hAirteagail 32 go 35 chun an codán bithmhaise a chinneadh, ar bhonn caighdeán ábhartha agus na modhanna anailíse a leagtar amach sna hAirteagail sin, ar choinníoll go bhformheasann an t-údarás inniúil úsáid an chaighdeáin sin agus na modhanna anailíse sin. I gcás ina soláthróidh an t-oibreoir aerárthaigh fianaise don údarás inniúil go dtabhódh anailísí den sórt sin costais mhíréasúnta nó nach mbeadh siad indéanta go teicniúil, féadfaidh an t-oibreoir aerárthaigh an meastachán ar an gcion bithbhreosla a bhunú ar chothromúchán ábhartha idir breoslaí iontaise agus bithbhreoslaí a cheannaítear a chumasc. Má cinneadh an codán bithmhaise trí úsáid a bhaint as an gcothromúchán maise de bhun Airteagal 30(1) de Threoir (AE) 2018/2001, ní éileofar aon fhianaise ar chostais mhíréasúnta ná ar indéantacht theicniúil. 3. I gcás nach ndéanfar baisceanna bithbhreosla ceannaithe a sheachadadh go fisiceach chuig aerárthach sonrach, ní úsáidfidh an t-oibreoir aerárthaí anailísí chun codán bithmhaise na mbreoslaí a úsáidtear a chinneadh. Féadfaidh an t-oibreoir aerárthaigh an codán bithmhaise a chinneadh trí úsáid a bhaint as taifid cheannaigh bithbhreosla a bhfuil luach fuinnimh coibhéiseach aige. Airteagal 54a Forálacha sonracha maidir le breoslaí eitlíochta incháilithe 1. Chun críoch Airteagal 3c(6) de Threoir 2003/87/CE, déanfaidh an t-oibreoir aerárthaigh tráchtála nós imeachta i scríbhinn a bhunú, a dhoiciméadú, a chur chun feidhme agus a choinneáil ar bun chun faireachán a dhéanamh ar aon mhéid breosla eitlíochta incháilithe íon (i dtonaí) a úsáidtear le haghaidh eitiltí foshonacha, agus tuairisceoidh sé na méideanna breoslaí eitlíochta incháilithe a mhaítear mar mhír mheabhráin ar leithligh ina thuarascáil astaíochtaí bhliantúil. 2. Chun críoch mhír 1, áiritheoidh an t-oibreoir aerárthaigh go ndéanfar aon mhéid breosla eitlíochta incháilithe a éilítear a dheimhniú i gcomhréir le hAirteagal 30 de Threoir (AE) 2018/2001 nó le deimhniú eile a nglactar leis faoi Rialachán 2023/2405. Féadfaidh an t-údarás inniúil cead a thabhairt don oibreoir aerárthaigh úsáid a bhaint as na sonraí a thaifeadtar i mbunachar sonraí an Aontais a cuireadh ar bun i gcomhréir le hAirteagal 31a de Threoir (AE) 2018/2001 nó i mbunachar sonraí náisiúnta arna chur ar bun ag an mBallstát i gcomhréir le hAirteagal 31a(5) den Treoir sin. I gcás neamhchomhlíonadh ina dhiaidh sin maidir le cruthúnas inbhuanaitheachta na gcainníochtaí a cealaíodh sna bunachair sonraí thuasluaite, ceartóidh an tÚdarás Inniúil na méideanna fíoraithe de bhreoslaí eitlíochta incháilithe íona dá réir sin. 3. I gcás breoslaí eitlíochta measctha, féadfaidh an t-oibreoir aerárthaigh a thoimhdiú go bhfuil breosla eitlíochta incháilithe in easnamh agus codán iontaise réamhshocraithe 100 % a chur i bhfeidhm nó méid an bhreosla eitlíochta incháilithe íon a chinneadh i gcomhréir le mír 3a. 3a. Cinnfidh an t-oibreoir aerárthaigh méid an bhreosla eitlíochta incháilithe íon mar shuim de bhreoslaí malartacha íona atá incháilithe faoi Airteagal 3c(6) de Threoir 2003/87/CE mar a chinntear i gcomhréir le hAirteagal 53(1) den Rialachán seo. Sannfar na breoslaí incháilithe íona do gach eitilt nó do gach péire aeradróm i gcomhréir le míreanna 4 nó 5. 4. I gcás ina seachadfar breoslaí eitlíochta incháilithe chuig an aerárthach i mbaisceanna atá inaitheanta go fisiceach, cuirfidh an t-oibreoir aerárthaigh fianaise ar fáil chun sástacht an údaráis inniúil go sanntar an breosla eitlíochta incháilithe don eitilt díreach tar éis breosla na heitilte sin a chur ar bord. I gcás ina ndéanfar roinnt eitiltí dá éis sin gan breosla a chur ar bord idir na heitiltí sin, déanfaidh an t-oibreoir aerárthaí an méid bithbhreosla eitlíochta incháilithe a dheighilt agus é a shannadh do na heitiltí sin go comhréireach leis na hastaíochtaí ó na heitiltí sin arna ríomh agus an réamhfhachtóir astaíochta á úsáid. 5. I gcás nach féidir breoslaí eitlíochta incháilithe a shannadh go fisiceach ag aeradróm d’eitilt shonrach, sannfaidh an t-oibreoir aerárthaigh an breosla dá eitiltí nach mór lamháltais a thabhairt suas lena n-aghaidh i gcomhréir le hAirteagal 12(3) de Threoir 2003/87/CE agus dá eitiltí a chumhdaítear le hAirteagal 3c(8) den Treoir sin go comhréireach leis na hastaíochtaí ó na heitiltí sin a imíonn ón aeradróm sin arna ríomh agus an réamhfhachtóir astaíochta á úsáid. Chun na críche sin, ní mór don oibreoir aerárthaigh fianaise a sholáthar chun sástacht an údaráis inniúil gur seachadadh an breosla eitlíochta incháilithe chuig córas breoslaithe an aeradróim imeachta sa tréimhse tuairiscithe, nó 3 mhí roimh thús na tréimhse tuairiscithe sin, nó 3 mhí i ndiaidh dheireadh na tréimhse tuairiscithe sin. 6. Chun críoch mhíreanna 4 agus 5, soláthróidh an t-oibreoir aerárthaigh fianaise chun sástacht an údaráis inniúil maidir leis an méid seo a leanas:
Chun críoch phointí (a), (b) agus (c), aon bhreosla a bheidh fágtha in umair tar éis eitilte agus sula gcuirfear breosla ar bord, glactar leis nach breosla incháilithe 100 % é. Chun a léiriú go gcomhlíontar na ceanglais dá dtagraítear faoi phointe (d), féadfaidh an t-oibreoir aerárthaigh úsáid a bhaint as na sonraí a thaifeadtar i mbunachar sonraí an Aontais a cuireadh ar bun i gcomhréir le hAirteagal 31a de Threoir (AE) 2018/2001 nó i mbunachar sonraí náisiúnta a chuir an Ballstát ar bun i gcomhréir le hAirteagal 31a(5) den Treoir sin.’ |
|
(33) |
cuirtear isteach na hAirteagail 54b agus 54c seo a leanas: ‘Airteagal 54b An codán RFNBO, RCF nó ísealcharbóin sintéiseach a chinneadh 1. Cinnfidh an t-oibreoir aerárthaigh an codán RFNBO nó RCF nó an codán sintéiseach ísealcharbóin de bhreoslaí eitlíochta measctha ina bhfuil RFNBO, RCF nó breosla sintéiseach ísealcharbóin. Féadfaidh an t-oibreoir aerárthaigh glacadh leis nach bhfuil RFNBO, RCF nó breosla ísealcharbóin sintéiseach ann agus codán iontaise réamhshocraithe 100 % a chur i bhfeidhm, nó codán RFNBO nó RCF nó codán ísealcharbóin sintéiseach a chinneadh i gcomhréir le míreanna 2 nó 3. Úsáidfidh an t-oibreoir aerárthaigh luach réamhshocraithe 100 % RFNBO nó codán RCF, nó codán sintéiseach ísealcharbóin 100 %, de réir mar is infheidhme, le haghaidh RFNBO íon nó RCF nó breosla sintéiseach ísealcharbóin íon. De mhaolú ar an gcéad fhomhír, féadfaidh an t-oibreoir aerárthaigh a úsáideann breoslaí eitlíochta measctha ina bhfuil RFNBO, RCF nó breosla sintéiseach ísealcharbóin, rogha a dhéanamh faireachán a dhéanamh ar chion RFNBO nó RCF nó ar chion sintéiseach ísealcharbóin agus ar chion breosla eitlíochta iontaise eile, mar shreabha foinseacha ar leithligh má cheadaíonn an fhianaise arna soláthar ag na soláthróirí breosla an cur chuige sin. 2. I gcás ina ndéantar RFNBO, RCF nó breosla sintéiseach ísealcharbóin a mheascadh go fisiceach le breoslaí iontaise agus a sheachadadh chuig an aerárthach i mbaisceanna atá inaitheanta go fisiceach, bunóidh an t-oibreoir aerárthaigh an meastachán ar chion RFNBO nó RCF nó ar chion sintéiseach ísealcharbóin ar chothromúcháin maise de bhun Airteagal 30(1) de Threoir (AE) 2018/2001, lena léirítear cumasc breoslaí iontaise agus RFNBO, RCF nó breosla sintéiseach ísealcharbóin a cheannaítear. 3. I gcás nach ndéantar RFNBO, RCF nó baisceanna breosla sintéiseacha ísealcharbóin ceannaithe a sheachadadh go fisiceach chuig aerárthach sonrach, féadfaidh an t-oibreoir aerárthaigh an codán RFNBO nó RCF nó codán sintéiseach ísealcharbóin a chinneadh trí thaifid cheannaigh RFNBO, RCF nó breosla sintéiseach ísealcharbóin a bhfuil luach fuinnimh coibhéiseach aige a úsáid. Airteagal 54c Coinníollacha le haghaidh bithbhreoslaí ráta nialasaigh, RFNBO, RCF agus breoslaí sintéiseacha ísealcharbóin ag oibreoirí aerárthaí 1. Ní fhéadfaidh an t-oibreoir aerárthaí codán bithmhaise breosla eitlíochta mheasctha a áireamh mar chuid den chodán bithmhaise nialas-rátaithe ach amháin a mhéid a chomhlíonann an cion bithbhreosla na critéir a leagtar amach in Airteagal 38(5). 2. Ní fhéadfaidh an t-oibreoir aerárthaigh codán RFNBO nó RCF de bhreosla eitlíochta measctha a áireamh i dtreo chodán RFNBO nó RCF nialas-rátaithe ach amháin a mhéid a chomhlíonann an cion RFNBO nó RCF na critéir a leagtar amach in Airteagal 39a(3). 3. Ní fhéadfaidh an t-oibreoir aerárthaigh an codán sintéiseach ísealcharbóin de bhreosla eitlíochta measctha a áireamh mar chuid den chodán sintéiseach ísealcharbóin nialas-rátaithe ach amháin a mhéid a chomhlíonann an cion sintéiseach ísealcharbóin na critéir a leagtar amach in Airteagal 39a(4). 4. Ní fhéadfaidh an t-oibreoir aerárthaigh bithbhreoslaí nialas-rátaithe, RFNBO nialas-rátaithe nó RCF agus breoslaí sintéiseacha ísealcharbóin nialas-rátaithe a mhaíomh, ach amháin a mhéid a chomhlíonann na breoslaí nialas-rátaithe sin an t-uasmhéid úsáide breosla arna chinneadh i gcomhréir le hAirteagal 53a den Rialachán seo, i gcás eitiltí nach mór lamháltais a thabhairt suas ina leith i gcomhréir le hAirteagal 12(3) de Threoir 2003/87/CE.’ |
|
(34) |
in Airteagal 55(2), cuirtear an méid seo a leanas in ionad na chéad fhomhíre: ‘2. De mhaolú ar Airteagal 53, féadfaidh astaírí beaga agus oibreoirí aerárthaigh a bhfuil a n-astaíochtaí bliantúla iomlána níos lú ná 3 000 tona CO2 ó eitiltí seachas na cinn dá dtagraítear in Airteagal 28a(1), pointe (a), agus Airteagal 3c(8) de Threoir 2003/87/CE meastachán a dhéanamh ar an ídiú breosla ar bhonn fad in aghaidh an phéire aeradróm trí úsáid a bhaint as uirlisí arna gcur chun feidhme ag Eurocontrol nó ag eagraíocht ábhartha eile, ar féidir leo an fhaisnéis aerthráchta ábhartha uile a phróiseáil agus aon ghannmheastachán ar astaíochtaí a sheachaint.’ |
|
(35) |
cuirtear isteach na hAirteagail 56a agus 56b seo a leanas: ‘Airteagal 56a Coibhéis CO2 a ríomh le haghaidh éifeachtaí eitlíochta neamh-CO2 1. Déanfaidh gach oibreoir aerárthaigh faireachán ar éifeachtaí eitlíochta neamh-CO2 óna ghníomhaíochtaí arna ndéanamh ag eitleáin atá feistithe le scairdinnill i gcoibhéis CO2 (CO2(e)) in aghaidh na heitilte. 2. Déanfaidh an t-oibreoir aerárthaigh CO2(e) in aghaidh na heitilte a ríomh trí úsáid a bhaint as an méadrach acmhainneachta téite domhanda, go háirithe acmhainneacht téite domhanda20, acmhainneacht téite domhanda50 agus acmhainneacht téite domhanda100, as a dtiocfaidh luachanna Co22(e) le haghaidh tréimhsí ionchasach (20, 50, agus 100 bliain) le haghaidh gach ceann de na heitiltí a ndéantar faireachán orthu. 3. Úsáidfidh an t-oibreoir aerárthaigh éifeachtúlacht mar a shainmhínítear sa Rialachán seo agus in NEATS, chun an GWP dá dtagraítear i mír 2 a bheachtú chun CO2(e) in aghaidh na heitilte a ríomh mura soláthraíonn an t-oibreoir aerárthaigh fianaise don údarás inniúil nach féidir éifeachtúlacht a úsáid. 4. Chun CO2(e) a ríomh in aghaidh na heitilte, cuirfidh gach oibreoir aerárthaigh cur chuige ríofa CO2(e) i bhfeidhm lena gcumhdófar na heilimintí seo a leanas:
Beidh Modh C agus modh D ar bhonn sonraí ionchuir ó na modúil dá dtagraítear i bpointe (a) den mhír seo, ar shonraí ón oibreoir aerárthaigh agus ar shonraí aimsire ábhartha ón oibreoir aerárthaigh nó ó fhoinsí tríú páirtí. 5. Úsáidfidh gach oibreoir aerárthaí Modh C chun CO2(e) a ríomh in aghaidh na heitilte. 6. De mhaolú ar mhír 5, féadfaidh astaírí beaga, mar a shainmhínítear in Airteagal 55(1), Modh D a úsáid. 7. Chun na samhlacha ríofa CO2(e) a chur i bhfeidhm maidir lena n-eitiltí, comhlíonfaidh oibreoirí aerárthaí na coinníollacha uile seo a leanas, trí úsáid a bhaint as NEATS, de bhun Iarscríbhinn IIIa, Roinn 2, uirlisí TF dílse agus tríú páirtí, nó teaglaim de NEATS agus de na huirlisí sin:
8. I gcás ina bhfuil sé beartaithe ag oibreoir aerárthaigh uirlisí dá dtagraítear i mír 7 a úsáid, seachas an modúl dó breosla, cuirfidh an t-oibreoir aerárthaigh sonraíochtaí teicniúla na n-uirlisí faoi bhráid an Choimisiúin ar dtús. Déanfaidh an Coimisiún measúnú ar shonraíochtaí na n-uirlisí agus, i gcás ina gcomhlíonann na huirlisí sin ceanglais an Rialacháin seo, formheasfaidh sé na huirlisí. A luaithe a fhormheasfar iad, tabharfaidh an t-oibreoir aerárthaigh tuairisc bhreise ar shonraíochtaí teicniúla agus ar shreabhadh oibre na n-uirlisí sa phlean faireacháin. Airteagal 56b Faireachán sonraí 1. Déanfaidh an t-oibreoir aerárthaigh faireachán ar na sonraí a luaitear in Iarscríbhinn IIIa, Roinn 4. 2. Gheobhaidh an t-oibreoir aerárthaigh na sonraí a ndéantar faireachán orthu dá dtagraítear i mír 1, lena n-áirítear ó threalamh taifeadáin sonraí eitilte an aerárthaigh, i gcás ina mbeidh sé ar fáil. 3. De mhaolú ar mhír 2, féadfaidh an t-oibreoir aerárthaigh a roghnú brath ar an bhfaireachán ar chuid de na sonraí nó ar na sonraí uile, maidir leis an méid seo a leanas:
4. I gcás ina mbeidh sonraí ar iarraidh agus ina mbeidh sé léirithe ag an oibreoir aerárthaigh nach bhfuil sé in ann na sonraí sin a aisghabháil trí NEATS nó trí mhodhanna eile, úsáidfidh an t-oibreoir aerárthaigh luachanna réamhshocraithe dá bhforáiltear in Iarscríbhinn IIIa, Roinn 5 agus in Iarscríbhinn IIIb. 5. Tabharfaidh na hoibreoirí aerárthaí rochtain don fhíoraitheoir ar na sonraí uile is gá don fhíorú, lena n-áirítear sonraí rúnda. Arna iarraidh sin don oibreoir aerárthaigh, déileálfaidh an t-údarás inniúil leis an bhfaisnéis a chuirfidh an t-oibreoir aerárthaigh ar fáil mar fhaisnéis rúnda. 6. I gcás nach féidir NEATS a úsáid toisc nach bhfuil sé ar fáil, déanfaidh an t-oibreoir aerárthaigh faireachán ar an bhfaisnéis eitilte agus ar airíonna aerárthaigh in aghaidh na heitilte ar a laghad. I gcás den sórt sin, déanfaidh an t-oibreoir aerárthaigh an ríomh CO2(e) in aghaidh na heitilte ag céim níos déanaí, ar a dhéanaí, a luaithe a chuirfidh an Coimisiún NEATS ar fáil. 7. I gcás nach féidir samhail tagartha chomhchoiteann TUA a úsáid toisc nach bhfuil sí ar fáil in NEATS, úsáidfidh an t-oibreoir aerárthaigh, de mhaolú ar Airteagal 56a(5), Modh D. A luaithe a chuirfear samhail tagartha chomhchoiteann TUA ar fáil, úsáidfidh an t-oibreoir aerárthaigh an modh iomchuí i gcomhréir le hAirteagal 56a(5) agus (6). 8. Tabharfar NEATS cothrom le dáta de réir mar is iomchuí’; |
|
(36) |
Leasaítear Airteagal 58 mar a leanas:
|
|
(37) |
Leasaítear Airteagal 66 mar a leanas:
|
|
(38) |
in Airteagal 68, cuirtear isteach na míreanna 5 agus 6 seo a leanas: ‘5. Cuirfidh an t-oibreoir aerárthaigh faoi bhráid an údaráis inniúil, faoi na coinníollacha céanna dá dtagraítear i mír 1, tuarascáil ar leithligh mar cheangaltán leis an tuarascáil astaíochtaí bhliantúil, lena gcumhdaítear éifeachtaí eitlíochta bliantúla neamh-CO2. 6. Beidh ar a laghad an fhaisnéis a liostaítear i Roinn 2a d’Iarscríbhinn X sa tuarascáil ar leithligh dá dtagraítear i mír 5.’ |
|
(39) |
in Airteagal 69(1), cuirtear an méid seo a leanas in ionad na chéad fhomhíre: ‘1. Seiceálfaidh gach oibreoir go rialta an féidir an mhodheolaíocht faireacháin a chuirtear i bhfeidhm a fheabhsú.’ |
|
(40) |
Leasaítear Airteagal 70 mar a leanas:
|
|
(41) |
Cuirtear an méid seo a leanas in ionad Airteagal 72(1): ‘1. Déanfar astaíochtaí iomlána bliantúla gach ceann de na gáis cheaptha teasa CO2, N2O agus PFCanna, chomh maith le héifeachtaí eitlíochta neamh-CO2 a thuairisciú mar thonaí slánaithe CO2 nó CO2(e). Déanfar astaíochtaí bliantúla iomlána na suiteála a ríomh mar shuim na luachanna slánaithe le haghaidh CO2, N2O agus PFCanna.’ |
|
(42) |
leasaítear Airteagal 75d(3) mar a leanas:
|
|
(43) |
leasaítear Airteagal 75e mar a leanas:
|
|
(44) |
Cuirtear an méid seo a leanas in ionad theideal fhomhír 4: ‘ ’; |
|
(45) |
leasaítear Airteagal 75m mar a leanas:
|
|
(46) |
leasaítear Airteagal 75n mar a leanas:
|
|
(47) |
leasaítear Iarscríbhinn I mar a leanas:
|
|
(48) |
leasaítear Iarscríbhinn II mar a leanas:
|
||||||||||||||||||||||||||||||||||||||||||||||||||||||||||
|
(49) |
leasaítear Iarscríbhinn IIa mar a leanas:
|
|
(50) |
in Iarscríbhinn III, cuirtear an méid seo a leanas in ionad an teidil: ‘ Modheolaíochtaí faireacháin le haghaidh astaíochtaí ón eitlíocht (Airteagal 53) ’; |
|
(51) |
cuirtear isteach na hIarscríbhinní IIIa agus IIIb seo a leanas: ‘IARSCRÍBHINN IIIa Modheolaíochtaí faireacháin le haghaidh éifeachtaí eitlíochta neamh-CO2 (Airteagal 56a) 1. SAINMHÍNITHE A BHAINEANN LE hÉIFEACHTAÍ EITLÍOCHTA NEAMH-CO2
2. CÓRAS RIANAITHE ÉIFEACHTAÍ NEAMH-CO2 (NEATS) Cuireann an Coimisiún NEATS ar fáil d’oibreoirí aerárthaí, d’fhíoraitheoirí creidiúnaithe agus d’údaráis inniúla chun faireachán, tuairisciú agus fíorú ar éifeachtaí eitlíochta neamh-CO2 a éascú agus, a mhéid is féidir, a uathoibriú, chun aon ualach riaracháin a íoslaghdú. Tá NEATS ailínithe leis na prionsabail a bhunaítear in Airteagal 75(1) den Rialachán seo agus soláthraíonn sé comhéadan úsáideora tiomnaithe slán in aghaidh an oibreora aerárthaí, an fhíoraitheora agus an údaráis inniúil. Monatóireacht: Le NEATS, déantar an próiseas faireacháin a chuíchóiriú toisc go n-ionchorpraítear ann go díreach ruthaig eitilte agus sonraí aimsire arna mbailiú ag tríú páirtí atá ar fáil, nó go dtugtar rochtain orthu, rud a fhágann gur féidir le hoibreoirí aerárthaí faireachán ar airíonna aerárthaigh a íoslaghdú, chomh maith le hairíonna breosla, i gcás inar gá, mar a shainítear in Iarscríbhinn IIIa, Roinn 1 nó chun é a dhéanamh go hiomlán uathoibríoch ag brath ar úsáid luachanna réamhshocraithe. Ionchorpraítear in NEATS na cuir chuige ríofa CO2(e) mar a liostaítear i mír 4 d’Airteagal 56a den Rialachán seo agus soláthraítear samhail tagartha chomhchoiteann TUA, i gcás ina bhfuil gá le sonraí aimsire breisithe (Modh C). Mar thoradh air sin, ríomhtar CO2(e) in aghaidh na heitilte mar chuid de na sonraí a ndearnadh faireachán orthu. Tuairisciú: Le NEATS déantar an cleachtadh tuairiscithe dá dtagraítear in Airteagal 68(5) den Rialachán seo a chuíchóiriú. Gineann an uirlis an tábla XML dá dtagraítear in Iarscríbhinn X, Roinn 2a(9) a ghabhann leis an Rialachán seo go huathoibríoch ag deireadh gach bliana tuairiscithe, agus an t-ualach riaracháin a bhaineann le tuairisciú á íoslaghdú. Fíorú: Le NEATS déantar cuíchóiriú ar an bhfíorú agus ar na cros-seiceálacha a dhéanann an fíoraitheoir agus an t-údarás inniúil faoi seach. Soláthraíonn sé na modhanna chun CO2(e) in aghaidh na heitilte a fhíorú, agus sonraí rúnda á gcosaint ag an am céanna. Stóráil sonraí: Le NEATS is féidir na sonraí uile a stóráil (ó oibreoirí aerárthaí agus ó thríú páirtithe), iad a ionchódú go slán agus iad a chosaint ar scaoileadh sonraí rúnda, i gcás ina ndéanann an t-oibreoir aerárthaí na sonraí sin a uaslódáil ar NEATS, fad a shainaithníonn an t-oibreoir aerárthaigh gur sonraí rúnda iad. Trédhearcacht: Braitheann NEATS ar shamhlacha úrscothacha chun CO2(e) a ríomh le haghaidh éifeachtaí neamh-CO2. Féadfaidh oibreoirí aerárthaí a gcuid uirlisí féin a fhorbairt nó uirlisí tríú páirtí a úsáid, ar choinníoll go gcomhlíonann siad na ceanglais a leagtar síos san Iarscríbhinn seo. Cuirfidh NEATS le suíomh gréasáin poiblí ina ndéanfar achoimre ar na sonraí neamhrúnda agus CO2(e) in aghaidh na heitilte agus in aghaidh an oibreora aerárthaí. 3. MODÚL MEASTA DÓ BREOSLA AGUS ASTAÍOCHTAÍ LE hAGHAIDH ÉIFEACHTAÍ EITLÍOCHTA NEAMH-CO2 Modúl dóite breosla: Tá an modúl dóite breosla ar bhonn cur chuige cinéiteach maidir le samhaltú feidhmíochta aerárthaí, lena gcumasaítear ruthaig aerárthaí agus an t-ídiú breosla gaolmhar a thuar go cruinn thar imchlúdach eitilte iomlán na hoibríochta agus i ngach céim d’eitilt. Próiseálann an tsamhail na bunphrionsabail theoiriciúla chun paraiméadair feidhmíochta aerárthaigh a ríomh, lena n-áirítear faisnéis maidir le tarraing, ardaitheoir, meáchan, sá, ídiú breosla, chomh maith leis na luasanna do chéimeanna dreaptha, cúrsála agus ísliúcháin aerárthaigh, ag glacadh leis go ndéantar gnáthoibríochtaí aerárthaigh. Ina theannta sin, is príomhionchuir sonraí iad comhéifeachtaí a bhaineann go sonrach le haerárthaí chun pleanáil ruthaig eitilte cineálacha sonracha aerárthaí a ríomh. Modúl measta astaíochtaí: Leis an modúl measta astaíochtaí, cumasaítear astaíochtaí innill aerárthaí NOx, HC, agus CO a ríomh trí bhíthin cothromóidí comhghaoil gan samhlacha feidhmíochta dílseánaigh eitleáin agus innill mar aon le tréithrithe astaíochtaí dílseánaigh innill. Leis an modúl seo, cuirtear innéacsanna astaíochtaí sceite (EIanna) i bhfeidhm ó dheimhniú cineáil innill ICAO faoi dhálaí tagartha réamhshainithe ar an talamh agus déantar meastachán ar na EInna comhfhreagracha le linn dálaí eitilte ag glacadh leis go bhfuil dálaí caighdeánacha idirnáisiúnta atmaisféir (ISA) ann agus úsáid á baint as fachtóirí ceartúcháin le haghaidh difríochtaí i ndálaí teochta, brú agus bogthaise ISA. 4. CO2(e) SAMHLACHA RÍOFA ÉIFEACHTAÍ RÍOFA CO2 Critéir ghinearálta: Sna samhlacha ríofa CO2(e), breithneoidh an t-oibreoir aerárthaigh éifeachtaí aeráide gach gníomhaire neamh-CO2 in aghaidh na heitilte lena n-áirítear ruthaig eitilte (plean eitilte agus ruthaig eitilte a eitlíodh), chomh maith le hairíonna aerárthaí agus breosla na heitilte. Cuirfear na hastaíochtaí ó gach eitilt san áireamh mar bhíog-astaithe gáis. Agus samhlacha ríofa CO2(e) á gcur i bhfeidhm, úsáidfear sonraí maidir le hastaíochtaí aerárthaigh atá spleách ar ruthag eitilte chun na heilimintí uile seo a leanas a ríomh:
Coinneofar iarrachtaí riaracháin agus ríomhaireachta íseal chun indéantacht a áirithiú do na geallsealbhóirí uile. Beidh an tsamhail/na samhlacha trédhearcach agus oiriúnach le haghaidh úsáid oibríochtúil. Ag brath ar an tsamhail, tá dhá chineál liostaí riachtanas ann: Modh C: Maidir leis an gcur chuige aimsirbhunaithe, breithneofar éifeachtaí aeráide mionsonraithe na n-astaíochtaí uile ó aerárthaí neamh-CO2 ag suíomh sonrach agus ag am sonrach agus faisnéis aimsire reatha á cur san áireamh chun ruthaig cheithrethoiseacha atá optamaithe don aeráid a ríomh le haghaidh pleanáil eitilte aonair. Chun gur féidir cuntas mionsonraithe a thabhairt ar éifeachtaí aeráide maidir le dálaí atmaisféaracha reatha, déanfar aerárthaí éagsúla, cineálacha tiomána éagsúla, chomh maith le hairíonna breosla a mheas go sainráite sna samhlacha. Áireofar meastacháin maidir le foirmiú, saolré agus éifeachtaí aeráide conaire chomhdhlúthaithe le haghaidh eitiltí aonair chomh maith leis na hamanna cónaithe le haghaidh H2O agus NOx a astaítear agus a dtionchar ar chomhdhéanamh an atmaisféir. Chun bheith in ann ardfhaisnéis a aschur lena húsáid i bpleanáil eitilte laethúil, beidh an tsamhail/na samhlacha éifeachtúil ar bhonn ríomhaireachtúil. Déanfaidh gach oibreoir aerárthaí faireachán ar na sonraí seo a leanas in aghaidh na heitilte:
Modh D: Maidir leis an gcur chuige suíomhbhunaithe simplithe, úsáidfidh an t-oibreoir aerárthaigh samhail/samhlacha freagartha aeráide chun meastachán a dhéanamh ar thionchar na n-éifeachtaí neamh-CO2 uile in aghaidh na heitilte ar bhonn clíomeolaíochta. Úsáidfear an uirlis/na huirlisí chun measúnú a dhéanamh ar thairbhe aeráide na roghanna ródúcháin ginearálta, agus difríochtaí ginearálta in aerárthaí, i gcineálacha tiomána agus in airíonna breosla á gcur san áireamh trína bparaiméadaruithe fisiceacha. Le CO2(e) arna ríomh leis an gcur chuige suíomhbhunaithe simplithe, déanfar aon diallta móra le haghaidh eitiltí aonair thar thréimhse níos faide a mheánú. Ba cheart go n-áiritheodh an tsamhail/na samhlacha iarrachtaí laghdaithe maidir le riachtanas, ríomh agus láimhseáil sonraí, i gcomparáid leis an tsamhail/na samhlacha don chur chuige aimsirbhunaithe. De mhaolú ar Mhodh C, féadfaidh astaírí beaga, mar atá sainmhínithe in Airteagal 55(1) den Rialachán seo, faireachán a dhéanamh ar na sonraí seo a leanas in aghaidh na heitilte:
5. LUACHÁLACHA RÉAMHSHOCRAITHE A ÚSÁID LE HAGHAIDH ÉIFEACHTAÍ EITLÍOCHTA NEAMH-CO2 Faoi réir grinnscrúdú breise ag an údarás inniúil agus ag an gCoimisiún, beidh CO2(e) níos airde in aghaidh na heitilte i gcónaí mar thoradh ar luachanna réamhshocraithe a úsáid i gcomparáid leis an méid is féidir a fháil le sonraí a ndéantar faireachán orthu.
IARSCRÍBHINN IIIb Sainaitheantóirí innill réamhshocraithe coimeádacha in aghaidh an chineáil aerárthaigh
|
|
(52) |
leasaítear Iarscríbhinn IV mar a leanas:
|
|
(53) |
leasaítear Iarscríbhinn V mar a leanas:
|
|||||||||||||||||||||||||||||
|
(54) |
sa Tábla in Iarscríbhinn VII, cuirtear na rónna seo a leanas isteach tar éis an dara ró, ceannteideal ‘gás nádúrtha’:
|
|
(55) |
leasaítear Iarscríbhinn IX mar a leanas:
|
|
(56) |
leasaítear Iarscríbhinn X mar a leanas:
|
|
(57) |
in Iarscríbhinn Xa, cuirtear an méid seo a leanas in ionad na habairte réamhráití: ‘In éineacht leis an bhfaisnéis atá sa tuarascáil astaíochtaí bhliantúil de bhun Iarscríbhinn X a ghabhann leis an Rialachán seo, cuirfidh an t-oibreoir an fhaisnéis seo a leanas isteach le haghaidh gach breosla a ceannaíodh mar a shainmhínítear in Airteagal 3, pointe (af) de Threoir 2003/87/CE:’; |
|
(58) |
in Iarscríbhinn Xb, cuirtear an méid seo a leanas in ionad na habairte réamhráití: ‘In éineacht leis an bhfaisnéis atá sa tuarascáil astaíochtaí bhliantúil de bhun Iarscríbhinn X a ghabhann leis an Rialachán seo, cuirfidh an t-eintiteas rialáilte an fhaisnéis seo a leanas isteach le haghaidh gach breosla a ceannaíodh mar a shainmhínítear in Airteagal 3, pointe (af), de Threoir 2003/87/CE:‘ |
Airteagal 2
Teacht i bhfeidhm agus cur i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 1 Eanáir 2024.
Mar sin féin, beidh feidhm ag Airteagal 1, pointí (2)(m), (42) go (46), (49), (57) agus (58) ón 1 Iúil 2024.
Beidh feidhm ag Airteagal 1, pointí (3), (5) go (8), (9)(c), (21), (25) go (27), (28)(a), (29), (35), (36), (38), (40), (41), (47)(a) (ii) agus (iii), (47)(b)(i) an chéad dais agus an ceathrú dais, (47)(b)(iii), (48)(a)(ii), (51), (52)(d), (52)(e), (52)(f), (52)(g)(ii), (52)(h), (52)(i), (52)(j), (53), (55)(a)(ii), (55)(a)(iii), (55)(a)(iv), (55)(b)(ii), (56)(a)(vi), (56)(c) ón 1 Eanáir 2025.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 23 Meán Fómhair 2024.
Thar ceann an Choimisiúin
An tUachtarán
Ursula VON DER LEYEN
(1) IO L 275, 25.10.2003, lch. 32, ELI: http://data.europa.eu/eli/dir/2003/87/oj.
(2) Treoir (AE) 2023/959 ó Pharlaimint na hEorpa agus ón gComhairle an 10 Bealtaine 2023 lena leasaítear Treoir 2003/87/CE lena mbunaítear scéim um liúntais astaíochtaí gás ceaptha teasa a thrádáil laistigh den Aontas, agus Cinneadh (AE) 2015/1814 i ndáil le cúlchiste cobhsaíochta margaidh a bhunú agus a fheidhmiú do scéim trádála an Aontais maidir le hastaíochtaí gás ceaptha teasa (IO L 130, 16.5.2023, lch. 134, ELI: http://data.europa.eu/eli/dir/2023/959/oj).
(3) Rialachán (AE) 2021/1119 ó Pharlaimint na hEorpa agus ón gComhairle an 30 Meitheamh 2021 lena mbunaítear an creat chun aeráidneodracht a bhaint amach agus lena leasaítear Rialacháin (CE) Uimh. 401/2009 agus (AE) 2018/1999 (‘An Dlí Aeráide Eorpach’) (IO L 243, 9.7.2021, lch. 1, ELI: http://data.europa.eu/eli/reg/2021/1119/oj).
(4) Treoir (AE) 2023/958 ó Pharlaimint na hEorpa agus ón gComhairle an 10 Bealtaine 2023 lena leasaítear Treoir 2003/87/CE a mhéid a bhaineann le rannchuidiú na heitlíochta le sprioc an Aontais astaíochtaí a laghdú ar fud an gheilleagair agus le cur chun feidhme iomchuí birt dhomhanda mhargadhbhunaithe (IO L 130, 16.5.2023, lch. 115, ELI: http://data.europa.eu/eli/dir/2023/958/oj).
(5) Rialachán Cur Chun Feidhme (AE) 2018/2066 ón gCoimisiún an 19 Nollaig 2018 maidir le faireachán agus tuairisciú a dhéanamh ar astaíochtaí gás ceaptha teasa de bhun Threoir 2003/87/CE ó Pharlaimint na hEorpa agus ón gComhairle agus lena leasaítear Rialachán (AE) Uimh. 601/2012 ón gCoimisiún (IO L 334, 31.12.2018, lch. 1, ELI:http://data.europa.eu/eli/reg_impl/2018/2066/oj).
(6) Treoir (AE) 2018/2001 ó Pharlaimint na hEorpa agus ón gComhairle an 11 Nollaig 2018 maidir le húsáid fuinnimh ó fhoinsí in-athnuaite a chur chun cinn (IO L 328, 21.12.2018, lch. 82, ELI: http://data.europa.eu/eli/dir/2018/2001/oj).
(7) Rialachán (AE) 2018/1999 ó Pharlaimint na hEorpa agus ón gComhairle an 11 Nollaig 2018 maidir le Rialachas an Aontais Fuinnimh agus na Gníomhaíochta Aeráide, lena leasaítear Rialachán (CE) Uimh. 663/2009 agus Rialachán (CE) Uimh. 715/2009 ó Pharlaimint na hEorpa agus ón gComhairle, Treoir 94/22/CE, Treoir 98/70/CE, Treoir 2009/31/CE, Treoir 2009/73/CE, Treoir 2010/31/AE, Treoir 2012/27/AE, agus Treoir 2013/30/AE ó Pharlaimint na hEorpa agus ón gComhairle, Treoir 2009/119/CE agus Treoir (AE) 2015/652 ón gComhairle agus lena n-aisghairtear Rialachán (AE) Uimh. 525/2013 ó Pharlaimint na hEorpa agus ón gComhairle (IO L 328, 21.12.2018, lch. 1) ELI: http://data.europa.eu/eli/reg/2018/1999/oj).
(8) Treoir (AE) 2023/2413 ó Pharlaimint na hEorpa agus ón gComhairle an 18 Deireadh Fómhair 2023 lena leasaítear Treoir (AE) 2018/2001, Rialachán (AE) 2018/1999 agus Treoir 98/70/CE a mhéid a bhaineann le fuinneamh ó fhoinsí in-athnuaite a chur chun cinn, agus lena n-aisghairtear Treoir (AE) 2015/652 ón gComhairle, (IO L , 2023/2413, 31.10.2023, ELI: http://data.europa.eu/eli/dir/2023/2413/oj).
ELI: http://data.europa.eu/eli/reg_impl/2024/2493/oj
ISSN 1977-0839 (electronic edition)