13.11.2009   

MT

Il-Ġurnal Uffiċjali tal-Unjoni Ewropea

L 297/6


REGOLAMENT TAL-KUMMISSJONI (KE) Nru 1088/2009

tat-12 ta’ Novembru 2009

li jikkonċerna l-awtorizzazzjoni għall-użu ġdid ta’ preparazzjoni ta’ enżim 6-phytase prodott mill-Aspergillus oryzae (DSM 17594) bħala adittiv għal fl-għalf għall-ħnienes miftmuma, għall-qżieqes tas-simna, għat-tjur tas-simna u tal-bidien (detentur tal-awtorizzazzjoni DSM Nutritional Products Ltd., irrappreżentati minn DSM Nutritional Products Sp. Z.o.o.)

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

Billi:

(1)

Ir-Regolament (KE) Nru 1831/2003 jistipula l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni.

(2)

B’konformità mal-Artikolu 7 tar-Regolament (KE) Nru 1831/2003, intbagħtet applikazzjoni għall-awtorizzazzjoni tal-preparazzjoni stipulata fl-Anness ta' dan ir-Regolament. Din l-applikazzjoni kienet akkumpanjata bid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni għal użu ġdid tal-preparazzjoni tal-enzim 6-phytase prodott mill-Aspergillus oryzae (DSM 17594) bħala addittiv fl-għalf għal-ħnienes miftuma, għal-qżieqes tas-simna, għat-tjur tas-simna u tal-bidien, biex jiġi kklassifikat fil-kategorija tal-addittivi “addittivi żootekniċi”.

(4)

L-użu ta’ din il-preparazzjoni kien awtorizzat għal għaxar snin bir-Regolament tal-Kummissjoni (KE) Nru 270/2009 (2) għat-tiġieġ għat-tismin.

(5)

Ġew imressqa dejta ġodda b’appoġġ għall-applikazzjoni tal-awtorizzazzjoni tal-użu fil-każ tal-ħnienes miftuma, tal-qżieqes tas-simna, tat-tjur tas-simna u tal-bidien. Fl-opinjoni tagħha tal-14 ta’ Mejju 2009 (3), l-Awtorità Ewropea tas-Sigurtà fl-Ikel (“l-Awtorità”) ikkonkludiet li l-preparazzjoni tal-enżim 6-phytase prodott mill-Aspergillus oryzae (DSM 17594) ma għandhiex effett ħażin fuq saħħet l-annimali, fuq is-saħħa tal-bniedem jew fuq l-ambjent, u li l-użu ta’ dik il-preparazzjoni jista’ jkollu benefiċċju sinifikanti fuq id-diġestjoni tal-fosfru. L-Awtorità ma tqisx li hemm il-ħtieġa ta’ rekwiżiti speċifiċi għas-sorveljanza wara t-tqegħid fis-suq. Hija vverifikat ukoll ir-rapport dwar il-metodu ta’ analiżi tal-addittiv tal-għalf fl-għalf imressaq mil-Laboratorju Komunitarju ta’ Referenza stabbilit bir-Regolament (KE) Nru 1831/2003.

(6)

L-evalwazzjoni ta’ dik il-preparazzjoni turi li l-kundizzjonijiet għall-awtorizzazzjoni, stipulati fl-Artikolu 5 tar-Regolament (KE) Nru 1831/2003, huma sodisfatti. Għaldaqstant, l-użu ta' din il-preparazzjoni għandu jiġi awtorizzat, kif speċifikat fl-Anness ta' dan ir-Regolament.

(7)

Bħala konsegwenza tal-għoti ta' awtorizzazzjoni ġdida skont ir-Regolament (KE) Nru 1831/2003, ir-Regolament (KE) Nru 270/2009 għandu jitħassar.

(8)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

Il-preparazzjoni speċifikata fl-Anness, li tifforma parti mill-kategorija ta' “addittivi żootekniċi” u mill-grupp funzjonali “sustanzi li jsaħħu d-diġestibilità”, hija awtorizzata bħala addittiv fin-nutriment tal-annimali suġġetta għall-kundizzjonijiet stipulati f'dan l-Anness.

Artikolu 2

Ir-Regolament (KE) Nru 270/2009 huwa mħassar.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, it-12 ta’ Novembru 2009.

Għall-Kummissjoni

Androulla VASSILIOU

Membru tal-Kummissjoni


(1)   ĠU L 268, 18.10.2003, p. 29.

(2)   ĠU L 91, 3.4.2009, p. 3.

(3)   Il-Ġurnal EFSA (2009) 1097, p. 1.


ANNESS

Numru ta’ identifikazzjoni tal-addittiv

Isem id-detentur tal-awtorizzazzjoni

Addittiv

Kompożizzjoni, formula kimika, deskrizzjoni, metodu analitiku.

Speċi jew kategorija tal-annimal

Età massima

Kontenut minimu

Kontenut massimu

Dispożizzjonijiet oħra

Tmiem il-perjodu tal-awtorizzazzjoni

Unitajiet ta' attività/kg ta' għalf sħiħ b'kontenut ta' umdità ta' 12 %

Kategorija ta’ addittivi żootekniċi. Grupp funzjonali: sustanzi li jsaħħu d-diġestibilità.

4a6

DSM Nutritional Products Ltd irrappreżentat minn DSM Nutritional Products Sp. Z.o.o.

6-phytase

EC 3.1.3.26

 

Kompożizzjoni tal-addittiv:

Preparazzjoni ta’ 6-phytase prodott mill-Aspergillus oryzae (DSM 17594) li fih attività minima ta’:

 

Għamla solida: 10 000  FYT (1)/g

 

Għamla likwida: 20 000  FYT/g

 

Karatterizzazzjoni tas-sustanza attiva:

6-phytase prodott mill-Aspergillus oryzae

(DSM 17594)

 

Metodu analitiku (2)

Metodu kolorimetriku bbażat fuq ir-reazzjoni tal-vanadomolybdate fuq il-fosfat inorganiku prodott bl-azzjoni ta’ 6-phytase fuq phytate li fih sottostrat (phytate tas-sodju) b’pH 5,5 u 37 °C, ikkwantifikat skont kurva standard minn fosfat inorganiku.

Ħnienes (miftuma)

—

1 500  FYT

 

1.

Fl-istruzzjonijiet għall-użu tal-addittiv u l-pretaħlita, indika t-temperatura għall-ħżin, kemm jista' jdum il-ħżin, u l-istabilità għall-pelleting.

2.

Għall-ħnienes (miftuma) sa 35 kg tal-piż tal-ġisem.

3.

Doża rakkomandata għal kull kilogramm ta’ għalf sħiħ:

—

tjur tas-simna: 1 500 -3 000  FYT;

—

tjur tal-bidien: 600-1 500  FYT;

—

ħnienes (miftuma) u qżieqes tas-simna: 1 500 -3 000  FYT.

4.

Għall-użu f’għalf kompost li fih aktar minn 0,23 % fosfru marbut mal-phytin

5.

Għas-sikurezza: protezzjoni għan-nifs, nuċċalijiet u ngwanti għandhom jintużaw waqt l-immaniġġjar.

it-1 ta’ Diċembru 2019

Qżieqes tas-simna

1 500  FYT

 

Tjur tas-simna:

1 500  FYT

 

Tjur tal-bidien

600  FYT

 


(1)  FYT wieħed huwa l-ammont ta’ enżim li jirrilaxxa μmol wieħed kull minuta ta’ fosfat mhux organiku mill-phytase taħt kondizzjonijiet ta’ reazzjoni b’konċentrazzjoni ta’ phytate ta’ 5,0 mM b’ pH ta’ 5,5 u temperatura ta’ 37 °C għal 30 minuta ta’ inkubazzjoni.

(2)  Id-dettalji tal-metodi analitiċi huma disponibbli fl-indirizz li ġej tal-Laboratorju ta' Referenza Komunitarju: www.irmm.jrc.be/crl-feed-additives