<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-07-202507C103202308080-00-TRA-DOC-MT-ARRET-C-0808-23-202506425-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="24/09/2025 11:07:22" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="AFpCLhzTQcQTcZLvW/ijGVC9rEZrnpjYtP6bzzzpwqCqeDG/Qr4pRkcS3egMe2eqbGryj5Eumh6tlWje83A1O+eLujX2kQq58p+mjZdS3PLMLvrM9yTXFjAI5mFBTvHM10fB26HRCV9HBTP2HbCijTiVjRGXfAGVKBAj0OsYhKU=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="ael" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="64552615-2cd2-45db-9e7d-6f38a0abefee" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0808" name="NumeroOrdre"/>
    <meta content="2023" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="ael" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 30-06-25 15:53:32" name="Created"/>
    <meta content="" name="Canevas3_Vademecum"/>
    <meta content="2025-07-17T15:14:50Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="3bd7e9ebdee64eeeacedef02a41bda89" name="DocumentIdentifier"/>
    <meta content="0808" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tat‑3.7.2025 – Kawża C‑808/23</div>
      <div id="rId21" style="default">Högkullen</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (L-Ewwel Awla)
    </p>
    <p class="C19Centre" id="para-2" title="page-1">
      3 ta’ Lulju 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Tassazzjoni – Sistema komuni ta’ taxxa fuq il-valur miżjud (VAT) – Direttiva 2006/112/KE – Artikolu 72 – Valur normali – Artikolu 80 – Determinazzjoni tal-bażi tat-taxxa – Kumpannija omm li tipprovdi servizzi lis-sussidjarji tagħha fil-kuntest tal-ġestjoni attiva tagħhom – Determinazzjoni tal-valur normali”
    </p>
    <p class="C02AlineaAltA" id="para-4" title="page-1">
      Fil-Kawża C‑808/23,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mill-Högsta förvaltningsdomstolen (il-Qorti Amministrattiva Suprema, l-Isvezja), permezz ta’ deċiżjoni tal‑21 ta’ Diċembru 2023, li waslet fil-Qorti tal-Ġustizzja fis‑27 ta’ Diċembru 2023, fil-proċedura
    </p>
    <p class="C02AlineaAltA" id="para-6" title="page-1">
      Högkullen AB
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Skatteverket,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (L-Ewwel Awla),
    </p>
    <p class="C02AlineaAltA" id="para-10" title="page-1">
      komposta minn F. Biltgen, President tal-Awla, T. von Danwitz, Viċi President tal-Qorti tal-Ġustizzja, li qiegħed jaġixxi bħala Mħallef tal-Ewwel Awla, A. Kumin (Relatur), I. Ziemele u S. Gervasoni, Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: J. Kokott,
    </p>
    <p class="C02AlineaAltA" id="para-12" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-14" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal Högkullen AB, minn M. Hedin u J. van der Gronden,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal Skatteverket, minn A. Möller, rättslig expert,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn M. Björkland u P. Carlin, bħala aġenti,</p>
</td>
</tr>
</table>
    <p class="C02AlineaAltA" id="para-18" title="page-1">
      wara li semgħet il-konklużjonijiet tal-Avukata Ġenerali, ippreżentati fis-seduta tas‑6 ta’ Marzu 2025,
    </p>
    <p class="C02AlineaAltA" id="para-19" title="page-1">
      tagħti l-preżenti
    </p>
    <p class="C75Debutdesmotifs" id="para-20" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikoli 72 u 80 tad-Direttiva tal-Kunsill 2006/112/KE tat‑28 ta’ Novembru 2006 dwar is-sistema komuni ta’ taxxa fuq il-valur miżjud (ĠU 2006, L 347, p. 1, rettifika fil-ĠU 2007, L 335, p. 60, iktar ’il quddiem id-“Direttiva dwar il-VAT”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ tilwima bejn Högkullen AB u l-iSkatteverket (l-Aġenzija tat-Taxxa, l-Isvezja) (iktar ’il quddiem l-“Awtorità tat-Taxxa”) dwar id-determinazzjoni tal-valur normali tas-servizzi pprovduti minn Högkullen lis-sussidjarji tagħha fl‑2016.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt tal‑Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Skont l-Artikolu 1(2) tad-Direttiva dwar il-VAT:</p>
</td>
</tr>
</table>
    <p class="C02AlineaAltA" id="para-26" title="page-1">
      “Il-prinċipju tas-sistema komuni ta’ [taxxa fuq il-valur miżjud (VAT)] tinvolvi l-applikazzjoni ta’ taxxa ġenerali fuq il-konsum fuq merkanzija u servizzi li hi eżattament proporzjonali għall-prezz tal-merkanzija u s-servizzi, ikunu kemm ikunu t-transazzjonijet li jkunu saru fil-proċess ta’ produzzjoni u distribuzzjoni qabel l-istadju li fih hi imposta t-taxxa.
    </p>
    <p class="C02AlineaAltA" id="para-27" title="page-1">
      Fuq kull transazzjoni, il-VAT, kalkulata fuq il-prezz tal-merkanzija jew tas-servizzi bir-rata applikabbli għat-tali merkanzija jew servizzi, għandha tkun imposta wara t-tnaqqis ta’ l-ammont tal-VAT li qed jinġarr direttament mid-diversi komponenti tal-prezz.
    </p>
    <p class="C02AlineaAltA" id="para-28" title="page-1">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 72 ta’ din id-direttiva jistabbilixxi li:</p>
</td>
</tr>
</table>
    <p class="C02AlineaAltA" id="para-30" title="page-2">
      “Għall-finijiet ta’ din id-Direttiva, ‘valur tas-suq miftuħ’ għandha tfisser l-ammont sħiħ li, sabiex jakkwista l-merkanzija jew is-servizzi konċernati, klijent fl-istess stadju ta’ kummerċjalizzazzjoni bħal dak li fih iseħħ il-forniment ta’ merkanzija jew servizzi, ikollu jħallas, fil-mument ta’ dak il-forniment u taħt kondizzjonijiet ta’ kompetizzjoni ġusta, lil fornitur mhux relatat miegħu fit-territorju ta’ l-Istat Membru li fih il-forniment ikun taxxabbli.
    </p>
    <p class="C02AlineaAltA" id="para-31" title="page-2">
      Fejn ma jista’ jiġi aċċertat l-ebda forniment ta’ merkanzija jew servizzi komparabbli, ‘valur tas-suq miftuħ’ għandha tfisser dan li ġej:
    </p>
    <p class="C09Marge0avecretrait" id="para-32" title="page-2">
      (1) fir-rigward ta’ merkanzija, ammont li ma jkunx inqas mill-prezz tax-xiri tal-merkanzija jew ta’ merkanzija simili jew, fin-nuqqas ta’ prezz tax-xiri, il-prezz tal-kost, determinat fil-mument tal-forniment;
    </p>
    <p class="C09Marge0avecretrait" id="para-33" title="page-2">
      (2) fir-rigward ta’ servizzi, ammont li ma jkunx inqas mill-ispiża sħiħa għall-persuna taxxabbli biex tforni s-servizz.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Skont l-Artikolu 73 tal-imsemmija direttiva:</p>
</td>
</tr>
</table>
    <p class="C02AlineaAltA" id="para-35" title="page-2">
      “Fir-rigward tal-provvista ta’ merkanzija jew servizzi, minbarra kif imsemmi fl-Artikoli 74 sa 77, l-ammont taxxabbli għandu jinkludi dak kollu li jikkostitwixxi ħlas miksub jew li għandu jinkiseb mill-fornitur, għall-provvista, mill-konsumatur jew parti terza, inklużi s-sussidji marbuta direttament mal-prezz tal-provvista.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 80(1) ta’ l-istess direttiva jipprevedi li:</p>
</td>
</tr>
</table>
    <p class="C02AlineaAltA" id="para-37" title="page-2">
      “Sabiex jimpedixxu l-evażjoni jew l-evitar tat-taxxa, l-Istati Membri jistgħu fil-każijiet li ġejjin jieħdu miżuri sabiex, fir-rigward tal-forniment ta’ merkanzija jew servizzi li jinvolvu rabtiet ta’ familja jew rabtiet oħra personali qrib, rabtiet ta’ ġestjoni, appartenenza, sħubija, finanzjarji jew legali kif definit mill-Istat Membru, l-ammont taxxabbli għandu jkun il-valur tas-suq miftuħ:
    </p>
    <p class="C09Marge0avecretrait" id="para-38" title="page-2">
      (a) fejn il-konsiderazzjoni tkun aktar baxxa mill-valur tas-suq miftuħ u d-destinatarju tal-forniment ma jkollux dritt sħiħ għal tnaqqis taħt l-Artikoli 167 sa 171 u l-Artikoli 173 sa 177;
    </p>
    <p class="C09Marge0avecretrait" id="para-39" title="page-2">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt Svediż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Il-kawża prinċipali hija rregolata ratione temporis mid-dispożizzjonijiet tal-Mervärdesskattelagen (1994:200) (il-Liġi dwar il-VAT (1994:200)). L-Artikoli 72, 73 u 80 tad-Direttiva dwar il-VAT ġew trasposti fid-dritt Svediż, rispettivament, permezz tal-ewwel paragrafu tal-Artikolu 9 tal-Kapitolu 1 kif ukoll permezz tal-Artikoli 2, 3 u 3a tal-Kapitolu 7 ta’ din il-liġi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kawża prinċipali u d‑domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Högkullen hija l-kumpannija omm ta’ grupp ta’ ġestjoni ta’ proprjetà immobbli u tipparteċipa b’mod attiv fil-ġestjoni tas-sussidjarji tagħha. F’dan ir-rigward, fl‑2016, hija pprovditilhom servizzi ta’ ġestjoni ta’ impriża, servizzi finanzjarji, servizzi ta’ ġestjoni tal-proprjetà immobbli, servizzi ta’ investiment, servizzi informatiċi u ta’ amministrazzjoni tal-persunal għal ammont totali ffatturat ta’ madwar 2.3 miljuni kroni Svediżi (SEK) (madwar EUR 204 200), li għalih ġiet applikata l-VAT.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Dan il-korrispettiv ġie ddeterminat bl-applikazzjoni tal-metodu msejjaħ “tal-prezz tal-kost miżjud” u kien kompost minn ammont li jikkorrispondi għall-ispejjeż ta’ xiri u ta’ eżekuzzjoni tas-servizzi minn Högkullen kif ukoll minn marġni ta’ profitt. F’dan ir-rigward, din il-kumpannija applikat kriterju ta’ tqassim li jipprovdi li ċertu perċentwali tal-ispejjeż li hija sostniet għat-tmexxija tal-impriża u għal elementi bħall-bini, it-telefon, l-għodda tal-informatika, ir-rappreżentazzjoni u l-vjaġġi kienu kkunsidrati bħala imputabbli għas-servizzi pprovduti lis-sussidjarji. Min-naħa l-oħra, hija qieset li l-ispejjeż tal-“azzjonisti”, bħall-ispejjeż għall-istabbiliment tal-kontijiet annwali, ta’ verifika u ta’ laqgħa ġenerali, kif ukoll l-ispejjeż tal-ġbir ta’ fondi, ma kellhom ebda rabta mas-servizzi pprovduti. Dawn l-ispejjeż ġew għalhekk esklużi mill-kalkolu tal-imsemmi korrispettiv, kif ukoll l-ispejjeż marbuta ma’ ħruġ ġdid ta’ azzjonijiet previst u ma’ kwotazzjoni fil-Borża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">L-ispejjeż totali sostnuti minn Högkullen matul is-sena 2016 kienu jammontaw għal madwar SEK 28 miljun (madwar EUR 2 484 000). Madwar nofs dan l-ammont kien relatat mal-ispejjeż suġġetti għall-VAT, filwaqt li l-bqija kien jikkonċerna spejjeż eżentati mill-VAT u spejjeż oħra mhux suġġetti għall-VAT, bħalma huma l-ispejjeż tas-salarji. Din il-kumpannija naqqset il-VAT tal-input kollha relatata mal-ispejjeż li hija kienet sostniet u li għalihom il-VAT kienet ġiet iffatturata lilha, li kien jinkludi wkoll il-VAT relatata mal-ispejjeż tal-“azzjonisti”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">L-Awtorità tat-Taxxa qieset li s-servizzi pprovduti minn Högkullen lis-sussidjarji tagħha kienu ġew iffatturati bi prezz inqas mill-valur normali. Peress li, skont din l-awtorità, ma kinux jeżistu servizzi paragunabbli offruti liberament fis-suq, hija ddeterminat il-bażi tat-taxxa sa ammont li jikkorrispondi għall-ispejjeż kollha sostnuti minn din il-kumpannija għas-sena 2016.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Wara li, permezz ta’ sentenza tat‑3 ta’ Marzu 2021, il-Kammarrätten i Göteborg (il-Qorti Amministrattiva tal-Appell ta’ Göteborg, l-Isvezja) ikkonfermat fit-tieni istanza d-deċiżjoni tal-Awtorità tat-Taxxa li tevalwa mill-ġdid il-bażi tat-taxxa ta’ Högkullen, din tal-aħħar ippreżentat appell minn din is-sentenza quddiem l-Högsta förvaltningsdomstolen (il-Qorti Amministrattiva Suprema, l-Isvezja), li hija l-qorti tar-rinviju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Il-qorti tar-rinviju tfakkar li, skont l-Artikolu 80(1)(a) tad-Direttiva dwar il-VAT, jistgħu jittieħdu miżuri sabiex il-bażi tat-taxxa tikkorrispondi għall-valur normali meta jkun hemm rabtiet organizzattivi bejn il-persuni taxxabbli involuti, meta l-korrispettiv ikun inqas mill-valur normali u meta d-destinatarju tal-provvista ma jkollux id-dritt li jnaqqas il-VAT kollha kemm hi. Filwaqt li l-ewwel u t-tielet waħda minn dawn il-kundizzjonijiet huma ssodisfatti f’dan il-każ, għad hemm dubji dwar x’għandu jinftiehem b’“valur normali”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Għalhekk, il-partijiet fil-proċedura quddiem din il-qorti għandhom fehmiet differenti fuq il-kwistjoni dwar jekk l-ewwel paragrafu tal-Artikolu 72 tad-Direttiva dwar il-VAT jistax jiġi applikat sabiex jiġi ddeterminat il-valur normali tas-servizzi pprovduti minn kumpannija omm lis-sussidjarji tagħha. Minn din id-dispożizzjoni jirriżulta, b’mod partikolari, li l-kunċett ta’ “valur normali” jirreferi għall-ammont totali li xerrej ikollu jħallas, f’kundizzjonijiet ta’ kompetizzjoni ġusta, lil fornitur indipendenti sabiex jakkwista s-servizzi inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">F’dan ir-rigward, Högkullen tqis li d-diversi servizzi pprovduti minn kumpannija omm lis-sussidjarji tagħha għandhom jiġu evalwati individwalment u li servizzi ekwivalenti jistgħu jiġu akkwistati liberament fis-suq. Min-naħa l-oħra, l-Awtorità tat-Taxxa ssostni li l-ġestjoni attiva tas-sussidjarji minn kumpannija omm hija servizz uniku u koerenti li l-ekwivalenti tiegħu ma jeżistix bejn partijiet indipendenti fis-suq liberu. Peress li dawn huma servizzi tal-grupp ikkostitwit mill-kumpannija omm u mis-sussidjarji tagħha stess, il-valur normali tagħhom ma jistax jiġi ddeterminat konformement mad-dispożizzjonijiet tal-ewwel paragrafu tal-Artikolu 72 tad-Direttiva dwar il-VAT iżda għandu jsir abbażi tad-dispożizzjonijiet tat-tieni paragrafu ta’ dan l-Artikolu 72.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Skont il-qorti tar-rinviju, huwa neċessarju li l-Qorti tal-Ġustizzja tiċċara l-kwistjoni dwar jekk jistax jitqies, bħalma tagħmel l-Awtorità tat-Taxxa, li ma jeżistux servizzi paragunabbli offruti liberament fis-suq għal dak li jirrigwarda t-tip ta’ servizzi inkwistjoni u li għalhekk huwa konformi mal-Artikoli 72 u 80 tad-Direttiva dwar il-VAT li f’dan il-każ il-valur normali dejjem jiġi ddeterminat billi wieħed jibbaża ruħu fuq ir-regola alternattiva li tinsab fit-tieni paragrafu tal-Artikolu 72 ta’ din id-direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Fir-rigward ta’ dan it-tieni paragrafu tal-Artikolu 72, teżisti wkoll diverġenza ta’ opinjonijiet bejn il-partijiet fil-kawża li biha hija adita din il-qorti. Skont din id-dispożizzjoni, valur normali ifisser ammont li ma huwiex inqas mill-ispejjeż sostnuti mill-persuna taxxabbli għat-twettiq tal-provvista ta’ servizzi. Skont Högkullen, il-metodu tal-prezz tal-kost miżjud użat minnha sabiex tikkalkola l-korrispettiv inkwistjoni jwassal sabiex dan tal-aħħar ikun tal-inqas ugwali għall-ispejjeż li hija sostniet għall-provvista tas-servizzi. Min-naħa l-oħra, l-Awtorità tat-Taxxa hija tal-fehma li l-ispejjeż kollha tal-kumpannija omm jikkostitwixxu spejjeż għall-provvista tas-servizzi pprovduti lis-sussidjarji.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Il-qorti tar-rinviju tixtieq għalhekk tkun taf jekk, meta l-unika attività ta’ kumpannija omm tkun tikkonsisti fil-ġestjoni attiva tas-sussidjarji tagħha u meta din il-kumpannija tkun naqqset il-VAT tal-input kollha relatata mal-ispejjeż tagħha, il-fatt li jitqies li l-ispejjeż kollha tal-imsemmija kumpannija, inklużi l-ispejjeż tal-azzjonisti, jikkostitwixxu spejjeż sostnuti mill-istess kumpannija sabiex tipprovdi servizzi lis-sussidjarji tagħha huwiex konformi mal-Artikoli 72 u 80 tad-Direttiva dwar il-VAT.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">F’dawn iċ-ċirkustanzi, il-Högsta förvaltningsdomstolen (il-Qorti Amministrattiva Suprema) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-55" title="page-5">
      “1) Fil-kuntest tal-applikazzjoni ta’ dispożizzjonijiet nazzjonali dwar l-evalwazzjoni mill-ġdid tal-valur taxxabbli, huwa kompatibbli mal-Artikoli 72 u 80 tad-Direttiva dwar il-VAT, meta kumpannija omm tipprovdi lis-sussidjarji tagħha servizzi bħal dawk inkwistjoni f’din il-kawża, li dawn is-servizzi jitqiesu dejjem bħala servizzi uniċi li l-valur fis-suq miftuħ tagħhom ma jistax jiġi ddeterminat permezz ta’ paragun bħal dak previst fl-ewwel paragrafu tal-Artikolu 72 (ta’ din id-direttiva)?
    </p>
    <p class="C09Marge0avecretrait" id="para-56" title="page-5">
      2) Fil-kuntest tal-applikazzjoni ta’ dispożizzjonijiet nazzjonali dwar l-evalwazzjoni mill-ġdid tal-valur taxxabbli, huwa kompatibbli mal-Artikoli 72 u 80 tad-Direttiva dwar il-VAT li jitqies li l-ispejjeż totali ta’ kumpannija omm, inklużi l-ispejjeż ta’ ġenerazzjoni ta’ kapital u l-ispejjeż tal-azzjonisti, jikkostitwixxu spejjeż sostnuti mill-kumpannija għall-provvista ta’ servizzi lis-sussidjarji tagħha, meta l-unika attività tal-kumpannija omm tkun il-ġestjoni attiva tas-sussidjarji tagħha u l-kumpannija omm tkun naqqset il-VAT kollha tal-input imħallsa fuq l-akkwisti tagħha?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id‑domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ewwel domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Permezz tal-ewwel domanda tagħha, il-qorti tar-rinviju tistaqsi, essenzjalment, jekk l-Artikoli 72 u 80 tad-Direttiva dwar il-VAT għandhomx jiġu interpretati fis-sens li jipprekludu li s-servizzi pprovduti minn kumpannija omm lis-sussidjarji tagħha fil-kuntest tal-ġestjoni attiva tagħhom jiġu, fil-każijiet kollha, meqjusa mill-Awtorità tat-Taxxa bħala li jikkostitwixxu provvista unika li teskludi li l-valur normali ta’ dawn is-servizzi jista’ jiġi ddeterminat permezz tal-metodu ta’ paragun previst fl-ewwel paragrafu tal-Artikolu 72 ta’ din id-direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Sabiex tingħata risposta għal din id-domanda, għandu jitfakkar li, skont ir-regola ġenerali stabbilita fl-Artikolu 73 tad-Direttiva dwar il-VAT, fir-rigward ta’ kunsinni ta’ oġġetti jew provvisti ta’ servizzi, minbarra kif imsemmi fl-Artikoli 74 sa 77 ta’ din id-direttiva, l-ammont taxxabbli għandu jinkludi dak kollu li jikkostitwixxi l-korrispettiv miksub jew li jkollu jinkiseb mill-fornitur għat-tranżazzjonijiet minn għand il-konsumatur, xerrej jew parti terza, inklużi s-sussidji marbuta direttament mal-prezz ta’ dawn it-tranżazzjonijiet. Għaldaqstant, dan huwa l-korrispettiv stabbilit bejn il-partijiet u realment irċevut mill-persuna taxxabbli, u mhux valur stmat skont kriterji oġġettivi, bħall-valur tas-suq jew valur ta’ referenza ddeterminat mill-Awtorità tat-Taxxa (ara, f’dan is-sens, is-sentenzi tas‑7 ta’ Novembru 2013, Tulică u Plavoşin, C‑249/12 u C‑250/12, EU:C:2013:722, punt 33, kif ukoll tal‑25 ta’ Novembru 2021, Amper Metal, C‑334/20, EU:C:2021:961, punt 28).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Sabiex jiġu evitati l-frodi u l-evitar tat-taxxa, l-Artikolu 80(1)(a) tad-Direttiva dwar il-VAT jistabbilixxi eċċezzjoni għar-regola ġenerali prevista fl-Artikolu 73 tagħha (ara, f’dan is-sens, is-sentenza tal‑25 ta’ Novembru 2021, Amper Metal, C‑334/20, EU:C:2021:961, punt 29), sa fejn tippermetti li jitqies li l-bażi tat-taxxa huwa l-valur normali tat-tranżazzjoni meta, l-ewwel nett, din it-tranżazzjoni tkun kunsinna ta’ oġġetti jew provvista ta’ servizzi lil benefiċjarji li magħhom jeżistu rabtiet familjari jew rabtiet oħra personali mill-qrib, rabtiet organizzattivi, ta’ appartenenza, ta’ sħubija, finanzjarji jew legali, meta, it-tieni nett, il-korrispettiv ikun inqas mill-valur normali u meta, it-tielet nett, id-destinatarju tal-kunsinna jew tal-provvista ma jkollux id-dritt li jnaqqas il-VAT kollha kemm hi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">F’dan il-każ, fir-rigward tas-servizzi li Högkullen ipprovdiet lis-sussidjarji tagħha, huwa paċifiku li l-ewwel u t-tielet kundizzjoni għall-applikazzjoni tal-Artikolu 80(1)(a) tad-Direttiva dwar il-VAT, indikati fil-punt preċedenti, huma ssodisfatti. Min-naħa l-oħra, jeżistu dubji dwar l-applikazzjoni tat-tieni kundizzjoni, relatata mal-“valur normali”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Dan il-kunċett huwa ddefinit fl-ewwel paragrafu tal-Artikolu 72 tad-Direttiva dwar il-VAT bħala “l-ammont sħiħ li, sabiex jakkwista l-merkanzija jew is-servizzi konċernati, klijent fl-istess stadju ta’ kummerċjalizzazzjoni bħal dak li fih iseħħ il-forniment ta’ merkanzija jew servizzi, ikollu jħallas, fil-mument ta’ dak il-forniment u taħt kondizzjonijiet ta’ kompetizzjoni ġusta, lil fornitur mhux relatat miegħu fit-territorju ta’ l-Istat Membru li fih il-forniment ikun taxxabbli”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Issa, l-Awtorità tat-Taxxa ssostni li, f’ċirkustanzi bħal dawk inkwistjoni fil-kawża prinċipali, ma huwiex possibbli, bħala prinċipju, li jiġi ddeterminat valur normali konformement ma’ dan l-ewwel paragrafu tal-Artikolu 72, peress li l-ġestjoni attiva tas-sussidjarji minn kumpannija omm tikkostitwixxi servizz uniku u koerenti li l-ekwivalenti tiegħu ma jeżistix bejn partijiet indipendenti fis-suq liberu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">F’dan ir-rigward, hija ġurisprudenza stabbilita li, meta tranżazzjoni tkun ikkostitwita minn sensiela ta’ elementi u ta’ atti, għandhom jittieħdu inkunsiderazzjoni ċ-ċirkustanzi kollha li fihom isseħħ it-tranżazzjoni inkwistjoni, sabiex jiġi ddeterminat jekk din it-tranżazzjoni tagħtix lok, għall-finijiet tal-VAT, għal żewġ provvisti distinti jew iktar jew għal provvista unika (sentenzi tat‑18 ta’ April 2024, Companhia União de Crédito Popular, C‑89/23, EU:C:2024:333, punt 34, u tas‑17 ta’ Ottubru 2024, Digital Charging Solutions, C‑60/23, EU:C:2024:896, punt 46 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">B’mod partikolari, għalkemm mit-tieni subparagrafu tal-Artikolu 1(2) tad-Direttiva dwar il-VAT jirriżulta li kull tranżazzjoni għandha normalment titqies, għall-finijiet tal-VAT, bħala distinta u indipendenti, it-tranżazzjoni kkostitwita minn provvista waħda fil-livell ekonomiku ma għandhiex tiġi diviża b’mod artifiċjali sabiex ma tinbidilx il-funzjonalità tas-sistema tal-VAT. Ikun hemm provvista unika meta diversi elementi jew atti pprovduti mill-persuna taxxabbli lill-klijent ikunu tant marbuta mill-qrib li jifformaw, oġġettivament, provvista ekonomika waħda indissoċjabbli, li l-qsim tagħha ikun wieħed artifiċjali (sentenzi tat‑18 ta’ April 2024, Companhia União de Crédito Popular, C‑89/23, EU:C:2024:333, punt 35, u tas‑17 ta’ Ottubru 2024, Digital Charging Solutions, C‑60/23, EU:C:2024:896, punt 47 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Barra minn hekk, f’ċerti ċirkustanzi, diversi provvisti formalment distinti, li jistgħu jiġu pprovduti separatament u għalhekk jagħtu lok, separatament, għal tassazzjoni jew għal eżenzjoni, għandhom jitqiesu li huma tranżazzjoni unika meta ma jkunux indipendenti (sentenzi tat‑18 ta’ April 2024, Companhia União de Crédito Popular, C‑89/23, EU:C:2024:333, punt 36, u tas‑17 ta’ Ottubru 2024, Digital Charging Solutions, C‑60/23, EU:C:2024:896, punt 48 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Dan huwa l-każ, b’mod partikolari, meta element wieħed jew iktar ikunu jitqiesu li jikkostitwixxu l-provvista prinċipali filwaqt li elementi oħra għandhom, għall-kuntrarju, jitqiesu bħala provvista jew provvisti anċillari li għalihom japplika l-istess trattament fiskali li japplika għall-provvista prinċipali. F’dan ir-rigward, kriterju li għandu jittieħed inkunsiderazzjoni huwa n-nuqqas ta’ skop awtonomu mill-provvista mill-perspettiva tal-konsumatur medju. Għaldaqstant, provvista għandha titqies li hija anċillari għal provvista prinċipali meta għall-klijenti ma tkunx tikkostitwixxi għan fiha nnifisha, iżda l-mezz li bih titgawda taħt l-aħjar kundizzjonijiet il-provvista prinċipali (sentenzi tat‑18 ta’ April 2024, Companhia União de Crédito Popular, C‑89/23, EU:C:2024:333, punt 37, u tas‑17 ta’ Ottubru 2024, Digital Charging Solutions, C‑60/23, EU:C:2024:896, punt 48 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">F’dan il-kuntest, il-fatt li prezz uniku jiġi ffatturat jew li prezzijiet distinti jkunu previsti kuntrattwalment ma għandux importanza deċiżiva sabiex jiġi ddeterminat jekk hemmx lok li jiġi konkluż li jeżistu diversi tranżazzjonijiet distinti u indipendenti jew jekk hemmx tranżazzjoni unika (ara, f’dan is-sens, is-sentenzi tal‑25 ta’ Frar 1999, CPP, C‑349/96, EU:C:1999:93, punt 31, u tat‑2 ta’ Diċembru 2010, Everything Everywhere, C‑276/09, EU:C:2010:730, punt 29 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">F’dan il-każ, is-servizzi pprovduti minn Högkullen lis-sussidjarji tagħha kienu, b’mod iktar speċifiku, servizzi ta’ ġestjoni ta’ impriża, servizzi finanzjarji, servizzi ta’ ġestjoni tal-proprjetà immobbli, servizzi ta’ investiment kif ukoll servizzi informatiċi u ta’ amministrazzjoni tal-persunal.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Issa, fid-dawl tal-ġurisprudenza mfakkra fil-punti 26 sa 30 ta’ din is-sentenza, ma jistax jitqies li, bħala prinċipju, tali servizzi huma tant marbuta mill-qrib li jifformaw, oġġettivament, provvista ekonomika waħda indissoċjabbli u, għaldaqstant, provvista unika.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Fil-fatt, kif irrilevat l-Avukata Ġenerali fil-punti 43 u 44 tal-konklużjonijiet tagħha, minn naħa, kull wieħed mill-imsemmija servizzi, anki jekk jiġu pprovduti b’mod konġunt, jidher li għandu natura proprja u identifikabbli. Min-naħa l-oħra, il-fatt li prezz globali jitħallas minn kull waħda mis-sussidjarji lil Högkullen għas-servizzi kollha li din tal-aħħar tagħtiha ma jistax ikun determinanti fil-qasam tas-servizzi intragrupp peress li, fil-każ kuntrarju, il-grupp stess ikun f’pożizzjoni li jinfluwenza l-klassifikazzjoni li għandha tingħata lil dawn is-servizzi għall-finijiet tal-VAT skont il-modalitajiet ta’ remunerazzjoni miftiehma.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, ir-risposta li għandha tingħata għall-ewwel domanda hija li l-Artikoli 72 u 80 tad-Direttiva dwar il-VAT għandhom jiġu interpretati fis-sens li jipprekludu li s-servizzi pprovduti minn kumpannija omm lis-sussidjarji tagħha fil-kuntest tal-ġestjoni attiva tagħhom jiġu, fil-każijiet kollha, meqjusa mill-Awtorità tat-Taxxa bħala li jikkostitwixxu provvista unika li teskludi li l-valur normali ta’ dawn is-servizzi jista’ jiġi ddeterminat permezz tal-metodu ta’ paragun previst fl-ewwel paragrafu tal-Artikolu 72 ta’ din id-direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it‑tieni domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Permezz tat-tieni domanda tagħha, il-qorti tar-rinviju titlob, essenzjalment, interpretazzjoni tat-tieni paragrafu tal-Artikolu 72 tad-Direttiva dwar il-VAT.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">F’dan ir-rigward, mid-deċiżjoni tar-rinviju jirriżulta li din id-domanda hija bbażata fuq il-premessa li l-interpretazzjoni tad-Direttiva dwar il-VAT tippermetti li jiġi preżunt li, fil-każ ta’ ġestjoni attiva tas-sussidjarji tagħha minn kumpannija omm, ma jeżistux servizzi paragunabbli offruti liberament fis-suq. Jekk din il-premessa kienet eżatta, allura għandu jiġi ddeterminat jekk huwiex konformi ma’ din id-direttiva li l-valur normali dejjem jiġi ddeterminat, f’dan il-każ, billi wieħed jibbaża ruħu fuq in-natura unika tas-servizzi inkwistjoni, skont ir-regola alternattiva prevista fit-tieni paragrafu tal-Artikolu 72 tal-imsemmija direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Issa, kif jirriżulta mill-motivi insostenn tar-risposta għall-ewwel domanda, it-teżi li tgħid li s-servizzi pprovduti minn kumpannija omm lis-sussidjarji tagħha fil-kuntest tal-ġestjoni attiva tagħhom jikkostitwixxu fil-każijiet kollha provvista waħda ma tistax tintlaqa’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">F’dawn iċ-ċirkustanzi, ma hemmx lok li tingħata risposta għat-tieni domanda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li għandha tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-81" title="page-9">
      Għal dawn il-motivi, Il-Qorti tal-Ġustizzja (L-Ewwel Awla) taqta’ u tiddeċiedi:
    </p>
    <p class="C30Dispositifalinea" id="para-82" title="page-9">
      L-Artikoli 72 u 80 tad-Direttiva tal-Kunsill 2006/112/KE tat‑28 ta’ Novembru 2006 dwar is-sistema komuni ta’ taxxa fuq il-valur miżjud,
    </p>
    <p class="C30Dispositifalinea" id="para-83" title="page-9">
      għandhom jiġu interpretati fis-sens li:
    </p>
    <p class="C30Dispositifalinea" id="para-84" title="page-9">
      jipprekludu li s-servizzi pprovduti minn kumpannija omm lis-sussidjarji tagħha fil-kuntest tal-ġestjoni attiva tagħhom jiġu, fil-każijiet kollha, meqjusa mill-Awtorità tat-Taxxa bħala li jikkostitwixxu provvista unika li teskludi li l-valur normali ta’ dawn is-servizzi jista’ jiġi ddeterminat permezz tal-metodu ta’ paragun previst fl-ewwel paragrafu tal-Artikolu 72 ta’ din id-direttiva.
    </p>
    <div class="signatures">
<p class="C77Signatures" id="para-85" title="page-9">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: l-Isvediż.</p>
</body>
</html>
