Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2026/2271 |
12.10.2026 |
RIALACHÁN CUR CHUN FEIDHME (AE) 2026/2271 ÓN gCOMHAIRLE
an 9 Deireadh Fómhair 2026
lena gcuirtear chun feidhme Rialachán (AE) 2019/1716 a bhaineann le bearta sriantacha i bhfianaise na staide i Nicearagua
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2019/1716 ón gComhairle an 14 Deireadh Fómhair 2019 a bhaineann le bearta sriantacha i bhfianaise na staide i Nicearagua (1), agus go háirithe Airteagal 13(1) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 14 Deireadh Fómhair 2019, ghlac an Chomhairle Rialachán (AE) 2019/1716. |
|
(2) |
Rinne an Chomhairle athbhreithniú ar liosta na ndaoine nádúrtha agus dlítheanacha, na n-eintiteas agus na gcomhlachtaí atá faoi réir na mbeart sriantach a leagtar amach in Iarscríbhinn I a ghabhann le Rialachán (AE) 2019/1716. Ar bhonn an athbhreithnithe sin, ba cheart an ráiteas ar chúiseanna maidir le duine nádúrtha amháin a thabhairt cothrom le dáta. |
|
(3) |
Ba cheart, dá bhrí sin, Iarscríbhinn I a ghabhann le Rialachán (AE) 2019/1716 a leasú dá réir, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn I a ghabhann le Rialachán (AE) 2019/1716 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh i Lucsamburg, an 9 Deireadh Fómhair 2026.
Thar ceann na Comhairle
An tUachtarán
S. HARRIS
(1) IO L 262, 15.10.2019, lch. 1, ELI: http://data.europa.eu/eli/reg/2019/1716/oj.
IARSCRÍBHINN
In Iarscríbhinn I a ghabhann le Rialachán (AE) 2019/1716, faoin teideal ‘A. Daoine nádúrtha dá dtagraítear in Airteagal 2’, cuirtear an méid seo a leanas in ionad iontráil 4:
|
|
Ainm |
Faisnéis aitheantais |
Cúiseanna |
Dáta an liostaithe |
|
‘4. |
Néstor MONCADA LAU |
Dáta breithe: 2.3.1954 Inscne: fireann |
Comhairleoir pearsanta de chuid Uachtarán Nicearagua maidir le cúrsaí slándála náisiúnta go dtí 2025. Ina cháil sa ról sin, bhí baint dhíreach aige, ó Aibreán 2018 ar aghaidh, le cinnteoireacht maidir le hábhair slándála náisiúnta agus bunú na mbeartas cur faoi chois a rinne Stát Nicearagua i gcoinne daoine a ghlac páirt i léirsithe, ionadaithe freasúra agus iriseoirí i Nicearagua, agus bhí sé freagrach as an gcinnteoireacht agus as an mbunú beartas sin. |
4.5.2020’. |
ELI: http://data.europa.eu/eli/reg_impl/2026/2271/oj
ISSN 1977-0839 (electronic edition)