(1)

Le Rialachán (AE) 2024/1468 ó Pharlaimint na hEorpa agus ón gComhairle (2), leasaíodh Rialachán (AE) 2021/2115, a mhéid a bhaineann leis an bhféidearthacht atá ag na Ballstáit, i measc nithe eile, maoluithe sealadacha a dheonú ar chaighdeáin maidir le dea-riocht talmhaíochta agus comhshaoil (‘GAEC’) agus a mhéid a bhaineann leis na ceanglais i dtaca le caighdeáin áirithe maidir le dea-riocht talmhaíochta agus comhshaoil a leagtar síos in Iarscríbhinn III a ghabhann leis an Rialachán sin.

(2)

Le Rialachán Cur Chun Feidhme (AE) 2021/228 (3) ón gCoimisiún, leagtar síos rialacha mionsonraithe maidir le cur i láthair ábhar na bPleananna Straitéiseacha CBT agus maidir leis an gcóras leictreonach um malartú slán faisnéise. Ba cheart Iarscríbhinn I a ghabhann leis an Rialachán Cur Chun Feidhme sin a leasú chun é a chur ar a gcumas do na Ballstáit an rogha a thabhairt isteach ina bPleananna Straitéiseacha CBT, rogha lena gceadófar d’fheirmeoirí caighdeán 7 maidir le dea-riocht talmhaíochta agus comhshaoil a chomhlíonadh trí éagsúlú barr.

(3)

Ós rud é gur scriosadh le Rialachán (AE) 2024/1468 an chéad cheanglas de chaighdeán 8 maidir le dea-bhail talmhaíochta agus chomhshaoil ó Iarscríbhinn III a ghabhann le Rialachán (AE) 2021/2115, ba cheart na forálacha maidir leis na heilimintí a bhaineann leis an gceanglas sin atá le socrú sna Pleananna Straitéiseacha CBT a scriosadh freisin ó Iarscríbhinn I a ghabhann le Rialachán Cur Chun Feidhme (AE) 2021/2289.

(4)

Le Rialachán Cur Chun Feidhme (AE) 2022/1475 ón gCoimisiún (4), leagtar síos rialacha mionsonraithe a mhéid a bhaineann leis an meastóireacht ar na Pleananna Straitéiseacha CBT agus le faisnéis a sholáthar chun faireachán agus meastóireacht a dhéanamh. Chun iomláine na faisnéise is gá chun faireachán agus meastóireacht a dhéanamh ar na Pleananna Straitéiseacha CBT a áirithiú, ba cheart do na Ballstáit sonraí a thuairisciú don Choimisiún le haghaidh gach bliana maidir le cur chun feidhme maoluithe sealadacha ar chaighdeáin maidir le dea-riocht talmhaíochta agus comhshaoil dá dtagraítear in Airteagal 13(2a) de Rialachán (AE) 2021/2115, arna leasú le Rialachán (AE) 2024/1468. Ba cheart a áireamh sna tuarascálacha sin faisnéis maidir le raon feidhme críochach agus ábhartha na maoluithe sealadacha sin, maidir le fad na maoluithe sealadacha agus na cúiseanna atá leo, agus maidir le feirmeoirí agus tairbhithe eile a mbaineann na maoluithe sealadacha leo. Ba cheart na forálacha is gá a leagan síos chun aistriú na sonraí sin chuig an gCoimisiún a áirithiú, amhail minicíocht, uainiú agus an comhlacht atá freagrach as aistriú na sonraí.

(5)

Le Rialachán (AE) 2024/1468, tugadh isteach oibleagáid ar na Ballstáit éiciscéimeanna a bhunú agus tacaíocht a sholáthar dóibh lena gcumhdaítear, ar thalamh arúil, cleachtais chun limistéir neamhtháirgiúla a chothabháil, amhail talamh branair, agus chun gnéithe tírdhreacha nua a bhunú, dá dtagraítear in Airteagal 31(1a) de Rialachán (AE) 2021/2115. Chun é a chur ar a chumas don Choimisiún faireachán agus meastóireacht a dhéanamh ar na héiciscéimeanna sin, i bhfianaise a thábhachtaí atá rannchuidiú na gcleachtas sin leis an gcuspóir sonrach a bhaineann leis an mbithéagsúlacht a leagtar amach in Airteagal 6(1), pointe (f), de Rialachán (AE) 2021/2115, ba cheart foráil a dhéanamh go dtuairisceoidh na Ballstáit sonraí maidir le líon na heicteár incháilithe a íoctar as na cleachtais sin. Chun meastóireacht ar na cleachtais éagsúla a chumhdaítear leis na héiciscéimeanna sin a éascú, ba cheart na sonraí a sholáthar ar leithligh le haghaidh éiciscéimeanna lena gcumhdaítear limistéir neamhtháirgiúla agus le haghaidh éiciscéimeanna lena mbunaítear gnéithe tírdhreacha nua, ar thalamh arúil. I gcás na mBallstát a dhéanann cinneadh dá dtagraítear in Airteagal 3(2) de Rialachán (AE) 2024/1468 chun caighdeán 8 maidir le dea-riocht talmhaíochta agus comhshaoil a leasú le haghaidh na bliana éilimh 2024, ba cheart feidhm a bheith ag an oibleagáid sonraí a thuairisciú le haghaidh na n-éiciscéimeanna ábhartha ón mbliain éilimh 2024 ar aghaidh.

(6)

Ós rud é gur scriosadh le Rialachán (AE) 2024/1468 an chéad cheanglas de chaighdeán 8 maidir le dea-bhail talmhaíochta agus chomhshaoil ó Iarscríbhinn III a ghabhann le Rialachán (AE) 2021/2115, ba cheart an oibleagáid atá ar na Ballstáit sonraí a thuairisciú maidir leis an gceanglas sin a scriosadh freisin ó Iarscríbhinn IV a ghabhann le Rialachán Cur Chun Feidhme (AE) 2022/1475.

(7)

Ba cheart forálacha idirthréimhseacha a leagan síos chun é a chur ar a gcumas do na Ballstáit cinntí dá dtagraítear in Airteagal 3(2) de Rialachán (AE) 2024/1468 a dhéanamh chun na ceanglais maidir le cur i láthair ábhar an Phlean Straitéisigh CBT a chur i bhfeidhm i ndáil leis na leasuithe ar na Pleananna Straitéiseacha CBT i ndáil le caighdeáin 7 agus 8 maidir le dea-riocht talmhaíochta agus comhshaoil le haghaidh na bliana éilimh 2024 agus chun a áirithiú go leanfaidh na Ballstáit de shonraí a thuairisciú maidir le cur chun feidhme chaighdeán 8 maidir le dea-riocht talmhaíochta agus comhshaoil dá dtagraítear i roinn 4, pointe (q), d’Iarscríbhinn IV a ghabhann le Rialachán Cur Chun Feidhme (AE) 2022/1475 le haghaidh na mblianta éilimh 2023 agus 2024.

(8)

Dá bhrí sin, ba cheart Rialacháin Cur Chun Feidhme (AE) 2021/2289 agus (AE) 2022/1475 a leasú dá réir sin.

(9)

Tá na bearta dá bhforáiltear sa Rialachán seo i gcomhréir leis an tuairim ó Choiste an Chomhbheartais Talmhaíochta,

‘(vii)

i gcás chaighdeán 7 maidir le dea-riocht talmhaíochta agus comhshaoil:

(viii)

i gcás chaighdeán 8 maidir le dea-riocht talmhaíochta agus comhshaoil, ón mbliain éilimh 2025 ar aghaidh:

(1)

in Airteagal 8, cuirtear an pointe seo a leanas isteach i ndiaidh phointe (b):

(2)

Cuirtear isteach an tAirteagal seo a leanas i ndiaidh Airteagal 11:

(3)

in Airteagal 15, cuirtear isteach an mhír seo a leanas:

(4)

Leasaítear Airteagal 16 mar a leanas:

(5)

Leasaítear Iarscríbhinn IV mar a leanas: