European flag

Iris Oifigiúil
an Aontais Eorpaigh

GA

Sraith L


2024/1718

20.6.2024

RIALACHÁN CUR CHUN FEIDHME (AE) 2024/1718 ÓN gCOIMISIÚN

an 19 Meitheamh 2024

lena leasaítear Rialacháin Cur Chun feidhme (AE) 2020/617 agus Uimh. 540/2011 a mhéid a bhaineann le coinníollacha formheasa na substainte gníomhaí meatalacsail-M

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh agus lena n-aisghairtear Treoir 79/117/CEE agus Treoir 91/414/CEE ón gComhairle (1), agus go háirithe Airteagal 13(2) de,

De bharr an mhéid seo a leanas:

(1)

Le Rialachán Cur Chun Feidhme (AE) 2020/617 (2) ón gCoimisiún rinneadh formheas na substainte gníomhaí meatalacsail-M a athnuachan agus cuireadh srian ar úsáid síolta atá cóireáilte le táirgí cosanta plandaí ina bhfuil meatalacsail-M.

(2)

I bhformheas na substainte gníomhaí meatalacsail-M, mar a leagtar amach i gCuid B den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (3), áiríodh uasleibhéal 0,18 g/kg le haghaidh an eisíontais CGA226048 (eistear 1-meatocsacarbóinil-eitile aigéid 2-[(2,6-démheitil-feinil)-(2-meatocsaicéitil)-aimínea]-próipianaigh) mar aon le srian maidir le cóireáil síolta, i.e. ní fhéadfar meatalacsail-M a úsáid chun síolta a chóireáil seachas síolta atá beartaithe lena gcur i dtithe gloine.

(3)

I gcomhréir le hAirteagal 7(1) de Rialachán (CE) Uimh. 1107/2009, an 17 Meitheamh 2020, chuir Syngenta Crop Protection AG iarratas faoi bhráid an Bhallstáit is rapóirtéir ainmnithe, an Bheilg, inar iarradh leasú ar choinníollacha formheasa meatalacsail-M, chun deireadh a chur leis an srian a bhaineann le cur síolta agus chun uasleibhéal an eisíontais CGA226048 sna coinníollacha formheasa sin a thabhairt cothrom le dáta. Chinn an Ballstát is rapóirtéir ainmhithe an t-iarratas a bheith inghlactha.

(4)

Rinne an Ballstát is rapóirtéir ainmnithe measúnú ar an iarratas ar úsáid leasaithe na substainte gníomhaí meatalacsail-M i ndáil leis na héifeachtaí a d’fhéadfadh a bheith ann ar shláinte an duine agus ar shláinte ainmhithe agus ar an gcomhshaol i gcomhréir le forálacha Airteagal 4 de Rialachán (CE) Uimh. 1107/2009, agus d’ullmhaigh sé tuarascáil athbhreithnithe maidir le measúnú ar athnuachan, tuarascáil a cuireadh faoi bhráid an Údaráis Eorpaigh um Shábháilteacht Bia (‘an tÚdarás’) agus an Choimisiúin an 9 Márta 2021.

(5)

I gcomhréir le hAirteagal 12(1) de Rialachán (CE) Uimh. 1107/2009, scaip an tÚdarás an tuarascáil athbhreithnithe maidir le measúnú ar athnuachan ar an iarratasóir agus ar na Ballstáit chun barúlacha a fháil agus chuir sé ar fáil don phobal í. I gcomhréir le hAirteagal 12(3) de Rialachán (CE) Uimh. 1107/2009, iarradh faisnéis bhreise ar an iarratasóir. Rinne an Bheilg meastóireacht ar an bhfaisnéis bhreise agus chuir sí tuarascáil athbhreithnithe maidir le measúnú ar athnuachan faoi bhráid an Choimisiúin agus an Údaráis i mí Aibreáin 2023.

(6)

An 14 Lúnasa 2023 chuir an tÚdarás a chonclúidí (4) in iúl don Choimisiún i dtaobh an bhféadfaí coinne a bheith leis go gcomhlíonfaidh coinníollacha formheasa na substainte gníomhaí meatalacsail-M na critéir formheasa dá bhforáiltear in Airteagal 4 de Rialachán (CE) Uimh. 1107/2009.

(7)

Chuir an Coimisiún aguisín a ghabhann leis an tuarascáil athbhreithniúcháin ar mheatalacsail-M mar aon le dréacht-Rialachán faoi bhráid an Bhuanchoiste um Plandaí, Ainmhithe, Bia agus Beatha an 22 Bealtaine 2024.

(8)

Iarradh ar an iarratasóir barúlacha a chur isteach maidir leis an aguisín a ghabhann leis an tuarascáil athbhreithniúcháin.

(9)

Ós rud é go bhfuil uasleibhéal an eisíontais CGA226048 (eistear 1-meatocsacarbóinil-eitile aigéid 2-[(2,6-démheitil-feinil)-(2-meatocsaicéitil)-aimínea]-próipianaigh) faoi bhun 10 g/kg, suíodh go gcomhlíontar na critéir formheasa dá bhforáiltear in Airteagal 4 de Rialachán (CE) Uimh. 1107/2009. Dá bhrí sin, is iomchuí uasleibhéal an eisíontais sin a thabhairt cothrom le dáta agus na coinníollacha formheasa a leasú.

(10)

Maidir leis an srian i ndáil le cur síolta, de thoradh an iarratais ar leasú ar na coinníollacha formheasa, d’iarr an Coimisiún ar an Údarás athbhreithniú breise a dhéanamh ar shaincheisteanna áirithe agus an measúnú riosca a thabhairt cothrom le dáta. Dá bhrí sin, tá an srian sin á choinneáil ar bun go fóill faoi láthair.

(11)

Thairis sin, ní mór don iarratasóir faisnéis bhreise deimhniúcháin a chur faoi bhráid an Choimisiúin, na mBallstát agus an Údaráis maidir leis an éifeacht atá ag próisis chóireáilte uisce ar chineál iarmhair na substainte gníomhaí nó a meitibilítí atá i láthair in uisce a bhaintear chun uisce óil a tháirgeadh as.

(12)

Dá bhrí sin, ba cheart Rialacháin Cur Chun Feidhme (AE) 2020/617 agus Uimh. 540/2011 a leasú dá réir.

(13)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

TAR ÉIS AN RIALACHÁN SEO A GHLACADH:

Airteagal 1

Leasú ar Rialachán Cur Chun Feidhme (AE) 2020/617

Leasaítear Iarscríbhinn I a ghabhann le Rialachán Cur Chun Feidhme(AE) 2020/617 i gcomhréir le hIarscríbhinn I a ghabhann leis an Rialachán seo.

Airteagal 2

Leasú ar Rialachán Cur Chun Feidhme (AE) Uimh. 540/2011

Leasaítear an Iarscríbhinn a ghabhann le Rialachán Cur Chun Feidhme (AE) Uimh. 540/2011 i gcomhréir le hIarscríbhinn II a ghabhann leis an Rialachán seo.

Airteagal 3

Teacht i bhfeidhm

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 19 Meitheamh 2024.

Thar ceann an Choimisiúin

An tUachtarán

Ursula VON DER LEYEN


(1)   IO L 309, 24.11.2009, lch. 1, ELI: http://data.europa.eu/eli/reg/2009/1107/oj.

(2)  Rialachán Cur Chun Feidhme (AE) 2020/617 ón gCoimisiún an 5 Bealtaine 2020 lena ndéantar formheas na substainte gníomhaí meatalacsail-M a athnuachan, agus lena gcuirtear srian ar úsáid síolta a chóireáiltear le táirgí cosanta plandaí ina bhfuil meatalacsail-M, i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle maidir le táirgí cosanta plandaí a chur ar an margadh, agus lena leasaítear an Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (IO L 143, 6.5.2020, lch. 6, ELI: http://data.europa.eu/eli/reg_impl/2020/617/oj).

(3)  Rialachán Cur Chun Feidhme (AE) Uimh. 540/2011 ón gCoimisiún an 25 Bealtaine 2011 lena gcuirtear chun feidhme Rialachán (CE) Uimh. 1107/2009 ó Pharlaimint na hEorpa agus ón gComhairle a mhéid a bhaineann le liosta na substaintí gníomhacha formheasta (IO L 153, 11.6.2011, lch. 1, ELI: http://data.europa.eu/eli/reg_impl/2011/540/oj).

(4)  EFSA (an tÚdarás Eorpach um Shábháilteacht Bia), Alvarez F., Arena M., Auteri D., Leite S. B., Binaglia M., Castoldi A. F., Chiusolo A., Colagiorgi A., Colas M., Crivellente F., De Lentdecker C., De Magistris I., Egsmose M., Fait G., Ferilli F., Gouliarmou V., Halling K., Nogareda L. H., Villamar-Bouza, L. (2023). Athbhreithniú piaraí ar an measúnú riosca lotnaidicídí ar an tsubstaint ghníomhach meatalacsail-M (leasú ar na coinníollacha formheasa). EFSA Journal [Iris EFSA], 21(10), 1–21. https://doi.org/10.2903/j.efsa.2023.8373.


IARSCRÍBHINN I

Cuirtear an méid seo a leanas in ionad Iarscríbhinn I a ghabhann le Rialachán Cur Chun Feidhme (AE) 2020/617:

‘

IARSCRÍBHINN I

‘Gnáthainm, Uimhreacha Aitheantais

Ainm IUPAC

Íonacht (1)

Dáta formheasa

Dul in éag an fhormheasa

Forálacha sonracha

Meatalacsail-M

Uimh. CAS 70630-17-0 (R)

Uimh. CIPAC 580

N-(meatocsaicéitil)-N-(2,6-xilil)-D-alainíonáit mheitile

≥ 920 g/kg

Is ábhar imní ó thaobh na tocsaineolaíochta iad na heisíontais seo a leanas agus níor cheart iad a bheith níos mó na leibhéil seo a leanas san ábhar teicniúil:

2,6-démheitilfeiniolaimín:

uaschion: 0,5 g/kg

2,2-dé-ocsaíd 4-meatocsa-5-meitil-5H-[1,2]ocsáitióil:

uaschion: 1 g/kg

eistear 1-meatocsacarbóinil-eitile aigéid 2-[(2,6-démheitil-feinil)-(2-meatocsaicéitil)-aimínea]-próipianaigh:

uaschion < 10 g/kg

1 Meitheamh 2020

31 Bealtaine 2035

Nuair a úsáidfear an tsubstaint le haghaidh cóireáil síolta, ní fhéadfar cóireáil a údarú ach amháin i leith síolta atá beartaithe lena gcur i dtithe gloine.

Maidir le cur chun feidhme na bprionsabal aonfhoirmeach dá dtagraítear in Airteagal 29(6) de Rialachán (CE) Uimh. 1107/2009, cuirfear san áireamh conclúidí na tuarascála athbhreithniúcháin ar mheatalacsail-M, agus go háirithe Foscríbhinní I agus II a ghabhann léi.

Sa mheasúnú foriomlán seo, tabharfaidh na Ballstáit aird ar leith ar na nithe seo a leanas:

—

sonraíocht an ábhair theicniúil mar a mhonaraítear é ar bhonn tráchtála;

—

cosaint na n-oibreoirí agus na n-oibrithe, agus é a áirithiú sna coinníollacha úsáide go bhforordaítear trealamh cosanta pearsanta a úsáid, i gcás inarb iomchuí;

—

cosaint screamhuisce, nuair a bhaintear úsáid as an tsubstaint i réigiúin ina bhfuil ithir leochaileach agus/nó dálaí aeráide leochaileacha;

—

artrapóid nach spriocartrapóid iad, éin agus mamaigh a chosaint.

Áireofar bearta maolaithe riosca sna coinníollacha úsáide i gcás inarb iomchuí.

Measúnú cothrom le dáta ar an bhfaisnéis a cuireadh isteach agus, i gcás inarb ábhartha, faisnéis bhreise chun a dheimhniú nach bhfuil airíonna suaiteora inchrínigh i láthair i gcomhréir le pointí 3.6.5 agus 3.8.2 d’Iarscríbhinn II a ghabhann le Rialachán (CE) Uimh. 1107/2009, arna leasú ag Rialacháin (AE) 2018/605, cuirfidh an t-iarratasóir iad faoi bhráid an Choimisiúin, na mBallstát agus an Údaráis faoin 26 Bealtaine 2022.

Cuirfidh an t-iarratasóir faoi bhráid an Choimisiúin, na mBallstát agus an Údaráis faisnéis deimhniúcháin maidir leis an éifeacht atá ag próisis cóireáilte uisce ar chineál na n-iarmhar atá i láthair in uisce óil, faoin 10 Iúil 2026.’

’

(1)  Sa tuarascáil athbhreithniúcháin soláthraítear mionsonraí breise maidir le haitheantas agus sonraíocht na substainte gníomhaí.


IARSCRÍBHINN II

Cuirtear an méid seo a leanas in ionad ró 140, meatalacsail-M, i gCuid B den Iarscríbhinn a ghabhann le Rialachán Cur Chun Feidhme (AE) Uimh. 540/2011:

Uimh.

Gnáthainm, Uimhreacha Aitheantais

Ainm IUPAC

Íonacht (1)

Dáta formheasa

Dul in éag an fhormheasa

Forálacha sonracha

‘140

Meatalacsail-M

Uimh. CAS 70630-17-0 (R)

Uimh. CIPAC 580

N-(meatocsaicéitil)-N-(2,6-xilil)-D-alainíonáit mheitile

≥ 920 g/kg

Is ábhar imní ó thaobh na tocsaineolaíochta iad na heisíontais seo a leanas agus níor cheart iad a bheith níos mó na leibhéil seo a leanas san ábhar teicniúil:

2,6-démheitilfeiniolaimín:

uaschion: 0,5 g/kg

2,2-dé-ocsaíd 4-meatocsa-5-meitil-5H-[1,2]ocsáitióil:

uaschion: 1 g/kg

eistear 1-meatocsacarbóinil-eitile aigéid 2-[(2,6-démheitil-feinil)-(2-meatocsaicéitil)-aimínea]-próipianaigh:

uaschion < 10 g/kg

1 Meitheamh 2020

31 Bealtaine 2035

Nuair a úsáidfear an tsubstaint le haghaidh cóireáil síolta, ní fhéadfar cóireáil a údarú ach amháin i leith síolta atá beartaithe lena gcur i dtithe gloine.

Maidir le cur chun feidhme na bprionsabal aonfhoirmeach dá dtagraítear in Airteagal 29(6) de Rialachán (CE) Uimh. 1107/2009, cuirfear san áireamh conclúidí na tuarascála athbhreithniúcháin ar mheatalacsail-M, agus go háirithe Foscríbhinní I agus II a ghabhann léi.

Sa mheasúnú foriomlán seo, tabharfaidh na Ballstáit aird ar leith ar na nithe seo a leanas:

—

sonraíocht an ábhair theicniúil mar a mhonaraítear é ar bhonn tráchtála;

—

cosaint na n-oibreoirí agus na n-oibrithe, agus é a áirithiú sna coinníollacha úsáide go bhforordaítear trealamh cosanta pearsanta a úsáid, i gcás inarb iomchuí;

—

cosaint screamhuisce, nuair a bhaintear úsáid as an tsubstaint i réigiúin ina bhfuil ithir leochaileach agus/nó dálaí aeráide leochaileacha;

—

artrapóid nach spriocartrapóid iad, éin agus mamaigh a chosaint.

Áireofar bearta maolaithe riosca sna coinníollacha úsáide i gcás inarb iomchuí.

Cuirfidh an t-iarratasóir faoi bhráid an Choimisiúin, na mBallstát agus an Údaráis measúnú cothrom le dáta ar an bhfaisnéis a cuireadh isteach agus, i gcás inarb ábhartha, faisnéis bhreise chun a dheimhniú nach bhfuil airíonna suaiteora inchrínigh i láthair i gcomhréir le pointí 3.6.5 agus 3.8.2 d’Iarscríbhinn II a ghabhann le Rialachán (CE) Uimh. 1107/2009, arna leasú ag Rialacháin (AE) 2018/605, faoin 26 Bealtaine 2022.

Cuirfidh an t-iarratasóir faoi bhráid an Choimisiúin, na mBallstát agus an Údaráis faisnéis deimhniúcháin maidir leis an éifeacht atá ag próisis cóireáilte uisce ar chineál na n-iarmhar atá i láthair in uisce óil, faoin, 10 Iúil 2026.’


(1)  Sa tuarascáil athbhreithniúcháin soláthraítear mionsonraí breise maidir le haitheantas agus sonraíocht na substainte gníomhaí.


ELI: http://data.europa.eu/eli/reg_impl/2024/1718/oj

ISSN 1977-0839 (electronic edition)