(1)

Faoi láthair, bíonn soláthairtí tháirgí iascaigh áirithe an Aontais ag brath ar allmhairí ó thríú tíortha. Le blianta fada anuas, tá an tAontas ag brath níos mó ar allmhairí chun a dtomhaltas táirgí iascaigh a shásamh. Ionas nach gcuirtear táirgeacht tháirgí iascaigh an Aontais i mbaol agus chun a áirithiú go bhfuil soláthar leordhóthanach ann do thionscal próiseála an Aontais, ba cheart dleachtanna allmhairiúcháin ar líon áirithe táirgí iascaigh a chur ar fionraí nó a laghdú laistigh de tharaif-chuótaí méid iomchuí.

(2)

Le Rialachán (AE) 2020/1706 ón gComhairle (1), osclaítear agus foráiltear do bhainistiú tharaif-chuótaí uathrialaitheacha an Aontais le haghaidh táirgí iascaigh áirithe don tréimhse 2021-2023. Cinneadh méideanna iomchuí le haghaidh gach taraif-chuóta chun a áirithiú go mbeidh soláthar leordhóthanach ann do thionscal próiseála an Aontais le haghaidh na tréimhse sin.

(3)

Leasaíodh Rialachán (AE) 2020/1706 an 19 Iúil 2021 le Rialachán 2021/1203 ón gComhairle (2) trí chuótaí nua, i measc cuótaí eile, a mbeidh feidhm acu go dtí an 31 Deireadh Fómhair 2022, a chur leis mar gheall ar dhul in éag prótacal déthaobhach le Poblacht na hÍoslainne agus Ríocht na hIorua lena ndéantar foráil maidir le cuótaí le haghaidh táirgí áirithe éisc agus iascaigh.

(4)

Mar sin féin, an chaibidlíocht i ndáil le prótacail nua bhreise le Poblacht na hÍoslainne agus le Ríocht na hIorua, ar prótacail iad lena ndéantar foráil maidir le cuótaí le haghaidh táirgí áirithe éisc agus iascaigh, ní thabharfar i gcrích í roimh an 31 Deireadh Fómhair 2022.

(5)

Is gá, dá bhrí sin, cuótaí nua a bhunú a mbeidh feidhm acu go dtí deireadh chur i bhfeidhm Rialachán (AE) 2020/1706.

(6)

Ar chúiseanna práinne chun ganntanas ábhar iascaigh saor ó dhleacht lena bpróiseáil san Aontas a sheachaint, ba cheart don Rialachán seo teacht i bhfeidhm an lá tar éis lá a fhoilsithe,