1.   

Fit-13 ta’ Settembru 2019, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	I Squared Capital Advisors, LLC (“I Squared”, l-Istati Uniti tal-Amerka),

—	PEMA GmbH u s-sussidjarji tagħha (“PEMA”, il-Ġermanja), li bħalissa huma proprjetà ta’ Société Générale S.A (Franza).

I Squared takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll waħdani ta’ PEMA kollha kemm hi.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma:

—   għal I Squared: maniġer tal-investiment tal-infrastruttura globali indipendenti li jiffoka fuq l-enerġija, l-utilitajiet, it-telekomunikazzjoni u t-trasport fl-Amerki, fl-Ewropa u fl-Asja. Permezz ta’ TIP Trailer Services, I Squared hija attiva fil-lokazzjoni operatorja ta’ trejlers tqal u fil-provvista ta’ servizzi integrati fl-Ewropa u fil-Kanada.

—   għal PEMA: fornitur ta’ lokazzjoni operatorja ta’ trakkijiet u trejlers tqal fl-Ewropa.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.   

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni sa mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.9501 — I Squared Capital Advisors/PEMA

Il-kummenti jistgħu jintbagħtu lill-Kummissjoni permezz tal-posta elettronika, permezz tal-faks jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz tal-posta:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË