L_202401390GA.000101.fmx.xml

IARSCRÍBHINN

Leasaítear Iarscríbhinn I a ghabhann le Rialachán (AE) 2019/796 (‘Liosta na ndaoine nádúrtha agus dlítheanacha, na n-eintiteas agus na gcomhlachtaí dá dtagraítear in Airteagal 3’) mar a leanas:

(1)

sa liosta dar teideal ‘A. Daoine nádúrtha’, cuirtear an méid seo a leanas in ionad iontrálacha 3 go 8:

	Ainm	Faisnéis aitheantais	Cúiseanna	Dáta an liostaithe
‘3.	Alexey Valeryevich MININ	Алексей Валерьевич МИНИН Dáta breithe: 27.5.1972 Áit bhreithe: Réigiún Perm, Poblacht Shóisialach Chónaidhme na Rúise (Cónaidhm na Rúise anois) Pasuimhir: 120017582 Arna eisiúint ag: Aireacht Gnóthaí Eachtracha Chónaidhm na Rúise Bailíocht: ón 17.4.2017 go dtí an 17.4.2022 Suíomh: Moscó, Cónaidhm na Rúise Náisiúntacht: Rúiseach Inscne: fireann	Bhí Alexey Minin páirteach in iarracht cibirionsaithe i gcoinne na hEagraíochta um Thoirmeasc ar Airm Cheimiceacha (OPCW) san Ísiltír, cibirionsaí ar baol dó an-díobháil go deo a dhéanamh agus i gcibirionsaithe a rinne mórdhíobháil do thríú Stáit. Mar oifigeach tacaíochta faisnéise daonna do Phríomh-Stiúrthóireacht Fhoireann Ghinearálta Fhórsaí Armtha Chónaidhm na Rúise (GU/GRU), bhí Alexey Minin ar dhuine d’fhoireann de cheathrar oifigeach faisnéise míleata Rúiseacha a rinne iarracht rochtain neamhúdaraithe a fháil ar líonra WiFi OPCW sa Háig, an Ísiltír, i mí Aibreáin 2018. Is é a bhí beartaithe leis an iarracht sin ar chibirionsaí, briseadh isteach i líonra WiFi OPCW, rud a chuirfeadh slándáil an líonra agus an obair imscrúdaitheach atá ar bun ag OPCW faoi láthair i mbaol, dá mba rud é gur éirigh leis. Bhain Seirbhís Faisnéise Cosanta agus Slándála na hÍsiltíre (Militaire Inlichtingen- en Veiligheidsdienst) na cosa den iarracht sin ar chibirionsaí, agus ar an gcaoi sin, d’éirigh léi aon mhórdhíobháil a dhéanfaí do OPCW a chosc. Tá Alexey Minin díotáilte ag ardghiúiré i gCeantar Iarthar Pennsylvania (Stáit Aontaithe Mheiriceá) mar oifigeach de chuid Phríomh-Stiúrthóireacht Faisnéise na Rúise (GRU), as haiceáil ríomhairí, ríomhchalaois, gadaíocht aitheantais ghéaraithe, agus sciúradh airgid.	30.7.2020
4.	Aleksei Sergeyvich MORENETS	Алексей Сергеевич МОРЕНЕЦ Dáta breithe: 31.7.1977 Áit bhreithe: Réigiún Murmanskaya, Poblacht Shóisialach Chónaidhme na Rúise (Cónaidhm na Rúise anois) Pasuimhir: 100135556 Arna eisiúint ag: Aireacht Gnóthaí Eachtracha Chónaidhm na Rúise Bailíocht: ón 17.4.2017 go dtí an 17.4.2022 Suíomh: Moscó, Cónaidhm na Rúise Náisiúntacht: Rúiseach Inscne: fireann	Bhí Aleksei Morenets páirteach in iarracht cibirionsaithe i gcoinne na hEagraíochta um Thoirmeasc ar Airm Cheimiceacha (OPCW) san Ísiltír, cibirionsaí ar baol dó an-díobháil go deo a dhéanamh agus i gcibirionsaithe a rinne mórdhíobháil do thríú Stáit. Mar chibearoibreoir do Phríomh-Stiúrthóireacht Fhoireann Ghinearálta Fhórsaí Armtha Chónaidhm na Rúise (GU/GRU), bhí Aleksei Morenets ar dhuine d’fhoireann de cheathrar oifigeach faisnéise míleata Rúiseacha a rinne iarracht rochtain neamhúdaraithe a fháil ar líonra WiFi OPCW sa Háig, an Ísiltír, i mí Aibreáin 2018. Is é a bhí beartaithe leis an iarracht sin ar chibirionsaí, briseadh isteach i líonra WiFi OPCW, rud a chuirfeadh slándáil an líonra agus an obair imscrúdaitheach atá ar bun ag OPCW faoi láthair i mbaol, dá mba rud é gur éirigh leis. Bhain Seirbhís Faisnéise Cosanta agus Slándála na hÍsiltíre (Militaire Inlichtingen- en Veiligheidsdienst) na cosa den iarracht sin ar chibirionsaí, agus ar an gcaoi sin, d’éirigh léi aon mhórdhíobháil a dhéanfaí do OPCW a chosc. Tá Aleksei Morenets díotáilte ag ardghiúiré i gCeantar Iarthar Pennsylvania (Stáit Aontaithe Mheiriceá), mar dhuine a sannadh d’Aonad Míleata 26165, as haiceáil ríomhairí, ríomhchalaois, goid chéannachta ghéaraithe, agus sciúradh airgid.	30.7.2020
5.	Evgenii Mikhaylovich SEREBRIAKOV	Евгений Михайлович СЕРЕБРЯКОВ Dáta breithe: 26.7.1981 Áit bhreithe: Kursk, PCSS na Rúise (Cónaidhm na Rúise anois) Pasuimhir: 100135555 Arna eisiúint ag: Aireacht Gnóthaí Eachtracha Chónaidhm na Rúise Bailíocht: ón 17.4.2017 go dtí an 17.4.2022 Suíomh: Moscó, Cónaidhm na Rúise Náisiúntacht: Rúiseach Inscne: fireann	Bhí Evgenii Serebriakov páirteach in iarracht cibirionsaithe i gcoinne na hEagraíochta um Thoirmeasc ar Airm Cheimiceacha (OPCW) san Ísiltír, cibirionsaí ar baol dó an-díobháil go deo a dhéanamh agus i gcibirionsaithe a rinne mórdhíobháil do thríú Stáit. Mar chibearoibreoir do Phríomh-Stiúrthóireacht Fhoireann Ghinearálta Fhórsaí Armtha Chónaidhm na Rúise (GU/GRU), bhí Evgenii Serebriakov ar dhuine d’fhoireann de cheathrar oifigeach faisnéise míleata Rúiseacha a rinne iarracht rochtain neamhúdaraithe a fháil ar líonra WiFi OPCW sa Háig, an Ísiltír, i mí Aibreáin 2018. Is é a bhí beartaithe leis an iarracht sin ar chibirionsaí, briseadh isteach i líonra WiFi OPCW, rud a chuirfeadh slándáil an líonra agus an obair imscrúdaitheach atá ar bun ag OPCW faoi láthair i mbaol, dá mba rud é gur éirigh leis. Bhain Seirbhís Faisnéise Cosanta agus Slándála na hÍsiltíre (Militaire Inlichtingen- en Veiligheidsdienst) na cosa den iarracht sin ar chibirionsaí, agus ar an gcaoi sin, d’éirigh léi aon mhórdhíobháil a dhéanfaí do OPCW a chosc. Ó bhí earrach 2022 ann, tá Evgenii Serebriakov i gceannas ar “Sandworm” (ar a dtugtar freisin “Sandworm Team”, “BlackEnergy Group”, “Voodoo Bear”, “Quedagh”, “Olympic Destroyer” agus “Telebots”), gníomhaí agus grúpa haiceála atá cleamhnaithe le hAonad 74455 de Phríomh-Stiúrthóireacht Faisnéise na Rúise. Rinne Sandworm cibirionsaithe ar an Úcráin, lena n-áirítear gníomhaireachtaí rialtais na hÚcráine, tar éis chogadh foghach na Rúise i gcoinne na hÚcráine.	30.7.2020
6.	Oleg Mikhaylovich SOTNIKOV	Олег Михайлович СОТНИКОВ Dáta breithe: 24.8.1972 Áit bhreithe: Ulyanovsk, Poblacht Shóisialach Chónaidhme na Rúise (SFSR) (Cónaidhm na Rúise anois) Pasuimhir: 120018866 Arna eisiúint ag: Aireacht Gnóthaí Eachtracha Chónaidhm na Rúise Bailíocht: ón 17.4.2017 go dtí an 17.4.2022 Suíomh: Moscó, Cónaidhm na Rúise Náisiúntacht: Rúiseach Inscne: fireann	Bhí Oleg Sotnikov páirteach in iarracht cibirionsaithe i gcoinne na hEagraíochta um Thoirmeasc ar Airm Cheimiceacha (OPCW) san Ísiltír, cibirionsaí ar baol dó an-díobháil go deo a dhéanamh agus i gcibirionsaithe a rinne mórdhíobháil do thríú Stáit. Mar oifigeach tacaíochta faisnéise daonna do Phríomh-Stiúrthóireacht Fhoireann Ghinearálta Fhórsaí Armtha Chónaidhm na Rúise (GU/GRU), bhí Oleg Sotnikov ar dhuine d’fhoireann de cheathrar oifigeach faisnéise míleata Rúiseacha a rinne iarracht rochtain neamhúdaraithe a fháil ar líonra WiFi OPCW sa Háig, an Ísiltír, i mí Aibreáin 2018. Is é a bhí beartaithe leis an iarracht sin ar chibirionsaí, briseadh isteach i líonra WiFi OPCW, rud a chuirfeadh slándáil an líonra agus an obair imscrúdaitheach atá ar bun ag OPCW faoi láthair i mbaol, dá mba rud é gur éirigh leis. Bhain Seirbhís Faisnéise Cosanta agus Slándála na hÍsiltíre (Militaire Inlichtingen- en Veiligheidsdienst) na cosa den iarracht sin ar chibirionsaí, agus ar an gcaoi sin, d’éirigh léi aon mhórdhíobháil a dhéanfaí do OPCW a chosc. Tá Oleg Sotnikov díotáilte ag ardghiúiré i gCeantar Iarthar Pennsylvania mar oifigeach de chuid Phríomh-Stiúrthóireacht Faisnéise na Rúise (GRU), as haiceáil ríomhairí, ríomhchalaois, goid chéannachta ghéaraithe, agus sciúradh airgid.	30.7.2020
7.	Dmitry Sergeyevich BADIN	Дмитрий Сергеевич БАДИН Dáta breithe: 15.11.1990 Áit bhreithe: Kursk, PCSS na Rúise (Cónaidhm na Rúise anois) Náisiúntacht: Rúiseach Inscne: fireann	Bhí Dmitry Badin páirteach i gcibirionsaí a rinne mórdhíobháil ar Pharlaimint Chónaidhme na Gearmáine (Deutscher Bundestag) agus i gcibirionsaithe a rinne mórdhíobháil do thríú Stáit. Mar oifigeach faisnéise míleata den 85ú Príomh-Lárionad le haghaidh Seirbhísí Speisialta (GTsSS) Phríomh-Ard-Stiúrthóireacht Fhoireann Ghinearálta Fhórsaí Armtha Chónaidhm na Rúise (GU/GRU), bhí Dmitry Badin ar dhuine d’fhoireann d’oifigigh faisnéise míleata Rúiseacha a rinne cibirionsaí ar Pharlaimint Chónaidhme na Gearmáine i mí Aibreáin agus mí na Bealtaine 2015. Bhí an cibirionsaí sin dírithe ar chóras faisnéise na parlaiminte agus bhí tionchar aige ar fheidhmiú an chórais ar feadh roinne laethanta. Goideadh líon suntasach sonraí agus bhí éifeacht ar chuntais ríomhphoist roinnt Comhaltaí Parlaiminte agus ar chuntas ríomhphoist an iar-Sheansailéara Angela Merkel. Tá Dmitry Badin díotáilte ag ardghiúiré i gCeantar Iarthar Pennsylvania (Stáit Aontaithe Mheiriceá), mar dhuine a sannadh d’Aonad Míleata 26165, as haiceáil ríomhairí, ríomhchalaois, goid chéannachta ghéaraithe, agus sciúradh airgid.	22.10.2020
8.	Igor Olegovich KOSTYUKOV	Игорь Олегович КОСТЮКОВ Dáta breithe: 21.2.1961 Náisiúntacht: Rúiseach Inscne: fireann	Is é Igor Kostyukov Ceannaire reatha Phríomh-Stiúrthóireacht Fhoireann Ghinearálta Fhórsaí Armtha Chónaidhm na Rúise (GU/GRU), mar a raibh sé ina Phríomh-Leas-Cheannaire roimhe seo. Tá an 85ú Príomh-Lárionad le haghaidh Seirbhísí Speisialta (GTsSS) ar cheann de na haonaid atá faoina cheannas, ar a dtugtar freisin “Aonad Míleata 26165”, “APT28”, “Fancy Bear”, “Sofacy Group”, “Pawn Storm” agus “Strontium”). Sa cháil sin, tá Igor Kostyukov freagrach as cibirionsaithe a rinne an GTsSS, lena n-áirítear na hionsaithe sin a rinne mórdhíobháil agus ar bhagairt sheachtrach iad ar an Aontas nó ar a Bhallstáit. Go háirithe, bhí oifigigh faisnéise míleata de chuid GTsSS páirteach sa chibirionsaí i gcoinne Pharlaimint Chónaidhme na Gearmáine (Deutscher Bundestag) a tharla i mí Aibreáin agus mí na Bealtaine 2015 agus san iarracht ar chibirionsaí a dhéanamh a raibh sé mar aidhm aige briseadh isteach i líonra WiFi na hEagraíochta um Thoirmeasc ar Airm Cheimiceacha (OPCW) san Ísiltír i mí Aibreáin 2018. Bhí an cibirionsaí i gcoinne Pharlaimint Chónaidhme na Gearmáine dírithe ar chóras faisnéise na parlaiminte agus bhí tionchar aige ar fheidhmiú an chórais ar feadh roinnt laethanta. Goideadh líon suntasach sonraí agus bhí éifeacht ar chuntais ríomhphoist roinnt Comhaltaí Parlaiminte agus ar chuntas ríomhphoist an iar-Sheansailéara Angela Merkel.	22.10.2020’;

(2)

sa liosta dar teideal ‘B. Daoine dlítheanacha, eintitis agus comhlachtaí’, cuirtear an méid seo a leanas in ionad iontrálacha 3 agus 4:

Ainm

Faisnéis aitheantais

Cúiseanna

Dáta an liostaithe

‘3

Príomh-Lárionad le haghaidh Teicneolaíochtaí Speisialta (GTsST) Phríomh-Ard-Stiúrthóireacht Fhoireann Ghinearálta Fhórsaí Armtha Chónaidhm na Rúise (GU/GRU)

Seoladh: 22 Sráid Kirova, Moscó, Cónaidhm na Rúise

Is é Príomhionad Teicneolaíochtaí Speisialta (GTsST) Phríomh-Stiúrthóireacht Fhoireann Ghinearálta Fhórsaí Armtha Chónaidhm na Rúise (GU/GRU), nó 74455, mar a thugtar air óna uimhir phoist allamuigh, atá bainteach le cibirionsaithe a dhéanann mórdhíobháil agus a tháinig ó fhoinse lasmuigh den Aontas agus ar bagairt sheachtrach iad ar an Aontas nó ar a Bhallstáit agus le cibirionsaithe a dhéanann mórdhíobháil freisin do thríú Stáit, lena n-áirítear cibirionsaithe “NotPetya” nó “EternalPetya”, mar a thugtar orthu go poiblí, i mí an Mheithimh 2017, agus cibirionsaithe ar eangach fuinnimh na hÚcráine i ngeimhreadh na bliana 2015 agus 2016.

De dheasca “NotPetya” nó “EternalPetya”, fágadh cuideachtaí éagsúla san Aontas, san Eoraip i gcoitinne agus mórthimpeall na cruinne, gan rochtain ar shonraí nuair a cuireadh bogearraí éirice i bhfeidhm ar ríomhairí agus nuair a rinneadh rochtain ar shonraí a bhlocáil, agus caillteanas suntasach eacnamaíoch ann dá dheasca, i measc rudaí eile. D’fhág an cibirionsaí ar eangach fuinnimh na hÚcráine gur múchadh codanna den eangach sin i gcaitheamh an gheimhridh.

Is é an gníomhaí “Sandworm” (ar a dtugtar freisin “Sandworm Team”, “BlackEnergy Group”, “Voodoo Bear”, “Quedagh”, “Olympic Destroyer” agus “Telebots”), mar a thugtar air go poiblí, a chuir “NotPetya” nó “EternalPetya” i gcrích, agus is é freisin ba chúis leis an ionsaí ar eangach fuinnimh na hÚcráine. Rinne Sandworm cibirionsaithe ar an Úcráin, lena n-áirítear ar ghníomhaireachtaí rialtais na hÚcráine agus ar bhonneagar criticiúil na hÚcráine, tar éis chogadh foghach na Rúise i ar an Úcráin. Áirítear orthu sin feachtais fioscaireachta spriocdhírithe, ionsaithe bogearraí mailíseacha agus ionsaithe bogearraí éirice.

Tá ról gníomhach ag Príomhionad Teicneolaíochtaí Speisialta Phríomh-Stiúrthóireacht Fhoireann Ghinearálta Fhórsaí Armtha Chónaidhm na Rúise sna cibirghníomhaíochtaí a rinne Sandworm agus tá fianaise ann go bhfuil ceangal idir é agus Sandworm.

30.7.2020

85ú Príomh-Lárionad le haghaidh Seirbhísí Speisialta (GTsSS) Phríomh-Ard-Stiúrthóireacht Fhoireann Ghinearálta Fhórsaí Armtha Chónaidhm na Rúise (GU/GRU)

Seoladh: Komsomol’skiy Prospekt, 20, Moscó, 119146, Cónaidhm na Rúise

An 85ú Príomh-Lárionad le haghaidh Seirbhísí Speisialta (GTsSS) de chuid Phríomh-Ard-Stiúrthóireacht Fhoireann Ghinearálta Fhórsaí Armtha Chónaidhm na Rúise (GU/GRU), ar a dtugtar freisin “Aonad Míleata 26165”, “APT28”, “Fancy Bear”, “Sofacy Group”, “Pawn Storm” agus “Strontium”), atá freagrach as cibirionsaithe a rinne mórdhíobháil agus ar bhagairt sheachtrach iad ar an Aontas nó ar a Bhallstáit.

Go háirithe, bhí oifigigh faisnéise míleata de chuid GTsSS páirteach sa chibirionsaí i gcoinne Pharlaimint Chónaidhme na Gearmáine (Deutscher Bundestag) a tharla i mí Aibreáin agus mí na Bealtaine 2015 agus san iarracht ar chibirionsaí a dhéanamh a raibh sé mar aidhm aige briseadh isteach i líonra WiFi na hEagraíochta um Thoirmeasc ar Airm Cheimiceacha (OPCW) san Ísiltír i mí Aibreáin 2018.

Bhí an cibirionsaí i gcoinne Pharlaimint Chónaidhme na Gearmáine dírithe ar chóras faisnéise na parlaiminte agus bhí tionchar aige ar fheidhmiú an chórais ar feadh roinnt laethanta. Goideadh líon suntasach sonraí agus bhí éifeacht ar chuntais ríomhphoist roinnt Comhaltaí Parlaiminte agus ar chuntas ríomhphoist an iar-Sheansailéara Angela Merkel.

Tar éis chogadh foghach na Rúise i gcoinne na hÚcráine, rinne GTsSS cibirionsaithe (fioscaireacht spriocdhírithe agus ionsaithe bogearraí mailíseacha) i gcoinne na hÚcráine.

22.10.2020’.