|
Iris Oifigiúil |
GA Sraith C |
|
C/2025/6093 |
10.11.2025 |
Nótaí Míniúcháin a ghabhann le hAinmníocht Chomhcheangailte an Aontais Eorpaigh
(C/2025/6093)
De bhun Airteagal 9(1), pointe (a), de Rialachán (CEE) Uimh. 2658/87 ón gComhairle (1), leasaítear na Nótaí Míniúcháin a ghabhann le hAinmníocht Chomhcheangailte an Aontais Eorpaigh (2) mar a leanas:
ar leathanach 196, cuirtear isteach Nóta Míniúcháin nua a ghabhann le Nóta 4 de Chaibidil 39 maille leis an téacs seo a leanas:
‘ Nóta 4
Ríomh chóimheasa maise na n-aonad monaiméire i gcomhpholaiméirí:
Déantar cóimheasa maise na n-aonad monaiméire uile i slabhraí comhpholaiméire a ríomh bunaithe ar struchtúr móilíneach na comhpholaiméire (seachas na hábhair thosaigh), agus imoibriú foirmithe na polaiméire á chur san áireamh. I gcás inarb infheidhme, sanntar an t-adamh lena nasctar dhá aonad monaiméara chóngaracha leis an aonad monaiméara as a dtagann an t-adamh.
Léiríonn na samplaí seo a leanas ríomh an chion aonaid monaiméara i gcomhpholaiméirí:
|
— |
I dteireataláit phoileitléine, ar poileistear é atá comhdhéanta d’aigéad teireatalach agus de pháirteanna gliocóil eitiléine, cuirtear an dá ocsaigin alcóil i leith an aonaid monaiméire gliocóil. Dá bhrí sin, ríomhtar gliocól eitiléine mar C2H4O2, agus ríomhtar teireataláit mar C8H4O2. |
|
— |
I bpolaimíd-6,6, ar polaimíd í ina bhfuil heicsimeitiléindé-aimín agus aigéad aidipeach, cuirtear an dá adamh nítrigine i leith an aonaid monaiméire dé-aimín. Dá bhrí sin, ríomhtar heicsimeitiléindé-aimín mar C6H14N2 agus ríomhtar aigéad aidipeach mar C6H8O2.’ |
(1) Rialachán (CEE) ón gComhairle Uimh. 2658/87 an 23 Iúil 1987 maidir leis an ainmníocht taraife agus staidrimh agus leis an gComhtharaif Chustaim (IO L 256, 7.9.1987, lch. 1, ELI: http://data.europa.eu/eli/reg/1987/2658/oj).
ELI: http://data.europa.eu/eli/C/2025/6093/oj
ISSN 1977-107X (electronic edition)