|
27.8.2021 |
GA |
Iris Oifigiúil an Aontais Eorpaigh |
L 303/1 |
CINNEADH (AE) 2021/1404 ÓN gCOMHAIRLE
an 28 Meitheamh 2021
maidir le síniú, thar ceann an Aontais, an Chomhaontaithe Eitlíochta Eora-Mheánmhara idir an tAontas Eorpach agus a Bhallstáit, de pháirt, agus Poblacht na Túinéise, den pháirt eile
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 100(2) de, i dteannta Airteagal 218(5) de,
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
An 9 Nollaig 2008, d’údaraigh an Chomhairle an Coimisiún tús a chur le hidirbheartaíocht le Poblacht na Túinéise maidir leis an gComhaontú Eitlíochta Eora-Mheánmhara idir an tAontas Eorpach agus a Bhallstáit, de pháirt, agus Poblacht na Túinéise, den pháirt eile (dá ngairtear “an Comhaontú”) anseo feasta. Tugadh an idirbheartaíocht i gcrích go rathúil trí inisealacha a chur leis an gComhaontú an 11 Nollaig 2017. |
|
(2) |
Ní dhéanfadh síniú an Chomhaontaithe thar ceann an Aontais difear do leithdháileadh na n-inniúlachtaí idir an tAontas agus a Bhallstáit. Níor cheart an Cinneadh seo a léirmhíniú ar bhealach go mbaineann sé leas as an bhféidearthacht atá ann go bhfeidhmeoidh an tAontas a inniúlacht sheachtrach i ndáil le réimsí a chumhdaítear leis an gComhaontú a thagann faoi inniúlacht roinnte a mhéid nár fheidhmigh an tAontas an inniúlacht sin go hinmheánach go fóill. |
|
(3) |
Ba cheart an Comhaontú a shíniú, |
TAR ÉIS AN CINNEADH SEO A GHLACADH:
Airteagal 1
Údaraítear leis seo, thar ceann an Aontais, an Comhaontú Eitlíochta Eora-Mheánmhara idir an tAontas Eorpach agus a Bhallstáit, de pháirt, agus Poblacht na Túinéise, den pháirt eile, a shíniú, faoi réir thabhairt i gcrích an Chomhaontaithe sin (1).
Airteagal 2
Leis seo, údaraítear d’Uachtarán na Comhairle an duine nó na daoine a ainmniú a dtugtar de chumhacht dó nó dóibh an Comhaontú a shíniú, thar ceann an Aontais.
Airteagal 3
Tiocfaidh an Cinneadh seo i bhfeidhm lá a ghlactha.
Arna dhéanamh i Lucsamburg, 28 Meitheamh 2021.
Thar ceann na Comhairle
An tUachtarán
M. do C. ANTUNES
(1) Foilseofar téacs an Chomhaontaithe in éineacht leis an gCinneadh maidir lena thabhairt i gcrích.