(1)

Rinne an tAontas an Comhaontú Idirnáisiúnta Caife (“ICA”) a thabhairt i gcrích le Cinneadh 2008/579/CE (1) ón gComhairle agus tháinig sé i bhfeidhm an 2 Feabhra 2011.

(2)

De bhun Airteagal 48(1) de ICA, tá an ICA le fanacht i bhfeidhm go ceann tréimhse 10 mbliana tar éis dó teacht i bhfeidhm go sealadach nó go cinntitheach mura gcuirfear síneadh leis nó mura bhfoirceannfar é i gcomhréir leis an Airteagal sin.

(3)

De bhun Airteagal 9 de ICA, is í an Chomhairle Idirnáisiúnta Caife (“ICC”), mar an t‐údarás is airde ag an Eagraíochta Idirnáisiúnta Caife (“ICO”), an comhlacht atá freagrach as na feidhmeanna uile is gá a fheidhmiú chun forálacha ICA a chomhlíonadh. De bhun Airteagal 48(3) de ICA, féadfaidh ICC a chinneadh síneadh a chur leis an ICA thar a dháta éaga ar feadh tréimhse amháin nó níos mó as a chéile nach faide ná 8 mbliana san iomlán.

(4)

An 11 Meán Fómhair 2020, le linn an 127ú seisiún dá chuid, d’fhormheas ICC Rún 471 lena gcuirtear síneadh le ICA go ceann bliana.

(5)

I bhfianaise a thábhachtaí atá earnáil an chaife do roinnt de na Ballstáit agus do gheilleagar an Aontais, is é leas an Aontais an deis a bheith ann rannpháirt a ghlacadh sa ICA nó go dtaga comhaontú nua i bhfeidhm go sealadach nó go cinntitheach.

(6)

Is iomchuí an seasamh atá le glacadh thar ceann an Aontais sa ICC a leagan síos ós rud é go mbeidh na cinntí ó ICC maidir le síneadh a chur le ICA ceangailteach ar an Aontas.

(7)

De bhun Airteagal 48(3) de ICA, d’fhéadfadh an tAontas agóid a dhéanamh i gcoinne chinneadh ICC maidir le síneadh a chur le ICA sula dté ICA in éag,

(a)

gan aon agóid a dhéanamh maidir le cinneadh ó ICC síneadh a chur le ICA go ceann bliana, mar atá leagtha amach i Rún 471 a formheasadh ag an 127ú seisiún de ICC,

(b)

más gá, ag na chéad seisiúin eile de ICC, vótáil le síneadh a chur le ICA ar feadh tréimhsí nach faide ná 8 mbliana ar fad tar éis dháta éaga bunaidh ICA nó go dtaga comhaontú nua i bhfeidhm go sealadach nó go cinntitheach, cibé acu sin is túisce.