(1)

Rinneadh Prótacal 10 a ghabhann leis an gComhaontú ar an Limistéar Eorpach Eacnamaíoch (1) (“Comhaontú LEE”) maidir le cigireachtaí agus foirmiúlachtaí a shimpliú i leith earraí a iompar agus maidir le bearta slándála custaim (“an Prótacal”) a leasú le Cinneadh Uimh. 76/2009 ó Chomhchoiste LEE (2) agus tháinig sé i bhfeidhm an 1 Iúil 2009.

(2)

De bhun Airteagal 98 de Chomhaontú LEE, féadfaidh an Comhchoiste arna bhunú le Comhaontú LEE (“Comhchoiste LEE”) cinneadh lena leasaítear Caibidil IIa den Phrótacal, agus na hIarscríbhinní a ghabhann leis an bPrótacal, a ghlacadh le linn an chéad seisiúin eile dá chuid nó trí mhalartú litreacha.

(3)

I gcomhréir le hAirteagal 9h(3) den Phrótacal, is gá leasuithe a dhéanamh ar Chaibidil IIa den Phrótacal, agus ar Iarscríbhínní I agus II a ghabhann leis an bPrótacal, chun forbairt reachtaíocht an Aontais a chur san áireamh maidir le nithe a chumhdaítear leis an gCaibidil sin agus leis na hIarscríbhinní sin. Ina theannta sin, mura féidir cinneadh a ghlacadh le haghaidh chur chun feidhme comhuaineach na leasuithe ar an bPrótacal agus na leasuithe ar reachtaíocht an Aontais, tá na leasuithe dá bhforáiltear sa Dréachtchinneadh a tíolacadh le go bhformheasfadh na Páirtithe Conarthacha iad le cur i bhfeidhm go sealadach i gcás inar féidir ón 15 Márta 2021, le lánurraim do nósanna imeachta inmheánacha na bPáirtithe Conarthacha. Beidh an dáta sin i gcomhthráth leis an gcéad eisiúint de Chóras Rialaithe Allmhairí 2, rud ar chomhaontaigh an Iorua páirt a ghlacadh ann.

(4)

Is iomchuí an seasamh atá le glacadh thar ceann an Aontais i gComhchoiste LEE a mhéid a bhaineann leis na leasuithe ar Chaibidil IIa den Phrótacal agus ar Iarscríbhínní I agus II den Phrótacal a bhunú, toisc go mbeidh na leasuithe sin ina cheangal ar an Aontas.

(5)

Dá bhrí sin, ba cheart seasamh an Aontais i gComhchoiste LEE a bheith bunaithe ar an dréachtchinneadh,