(1)

Leagtar síos le Rialachán (AE) 2019/1241 forálacha sonracha maidir le bearta teicniúla a bhunaítear ar an leibhéal réigiúnach le haghaidh na Mara Thuaidh, Skagerrak agus Kattegat, lena gcuimsítear freisin rialacha maidir le mogalmhéideanna, coinníollacha gaolmhara agus foghabhálacha.

(2)

I dTaifead Comhaontaithe na gComhairliúchán idir an tAontas agus an Iorua an 6 Meán Fómhair 2018 (2) maidir le bearta teicniúla in Skagerrak leagtar síos na nósanna imeachta agus an mhodheolaíocht samplála maidir le glacadh iaimh fíor-ama le haghaidh an tséacla Artaigh (Pandalus borealis) (“séacla Artach”) in Skagerrak (“an Taifead Comhaontaithe”).

(3)

Maidir leis an mBeilg, an Danmhairg, an Ghearmáin, an Fhrainc, an Ísiltír agus an tSualainn (“Grúpa Scheveningen”), tá leas díreach bainistíochta acu sna hiascaigh sa Mhuir Thuaidh agus chuir siad isteach moladh comhpháirteach an 7 Márta 2019 lena gcuirtear chun feidhme na bearta a leagtar amach sa Taifead Comhaontaithe i ndlí an Aontais. Leis an moladh comhpháirteach sonraítear iaimh fíor-ama san iascach Séacla Artaigh chun éisc óga a chosaint agus díolmhaítear trealaimh bhreise.

(4)

Tar éis don Choiste Eolaíoch, Teicniúil agus Eacnamaíoch um Iascach (STECF) (3) measúnú a dhéanamh ar an moladh comhpháirteach sin, glacadh Rialachán Tarmligthe (AE) 2019/2201 ón gCoimisiún an 1 Deireadh Fómhair 2019 (4).

(5)

Tar éis fhoilsiú an Rialacháin sin, d’iarr na Ballstáit i gceist ar an gCoimisiún roinnt earráidí a cheartú a chuireann bac ar chur chun feidhme an ghnímh tharmligthe sin.

(6)

Foráiltear le Rialachán Tarmligthe (AE) 2019/2201 maidir le sainmhíniú ar an téarma “éisc óga ar séaclaí Artacha iad” d’fhonn a chinneadh cén méid iasc a d’fhéadfadh a líon sa ghabháil fhoriomlán iaimh fíor-ama iascach a spreagadh. Ar mhaithe le soiléireacht agus slándáil dlí, ba cheart an téarma céanna a úsáid le haghaidh an choincheapa chéanna i ngach Cuid den Rialachán sin. Dá bhrí sin, ba cheart “éisc óga séacla Artaigh” a úsáid ar fud i ngach cuid den ghníomh, seachas aon chomhchiallach leis, amhail “Pamdalus faoi bhun an fhaid spreagtha” nó “Pandalus atá róbheag”.

(7)

Leis an moladh comhpháirteach cuireadh ar bun straitéis rioscabhunaithe chun limistéir agus tréimhsí a shainiú ina bhfuil an riosca ann go ngabhfaí cainníochtaí d’éisc óga séacla Artaigh a sháraíonn an leibhéal tairsí. De bhrí gur thagair Rialachán Tarmligthe (AE) 2019/2201 go hearráideach do leibhéal gabhála spreagtha 20 % de réir meáchain i gcomparáid le gabháil fhoriomlán an tséacla Artaigh in aon dol amháin, ba cheart dó tagairt ina ionad sin do 20 % de réir lín i gcomparáid leis an líon foriomlán i sampla, mar a leagtar síos sa mholadh comhpháirteach.

(8)

Leagtar síos le Rialachán (AE) 2019/1241 íos-mhogallmhéid 35 mm le haghaidh iascaigh a dhíríonn ar an séacla Artach in Skagerrak agus Kattegat. Tagraítear go hearráideach i Rialachán Tarmligthe (AE) 2019/2201 d’íos-mhogallmhéid 32 mm, arb é an t-íos-mhogallmhéid le haghaidh iascaigh a dhíríonn ar an séacla Artacha sa Mhuir Thuaidh. Dá bhrí sin, ba cheart an figiúr sin a oiriúnú dá réir sin.

(9)

Leis an moladh comhpháirteach leagtar síos iamh féideartha i gcás inar mó ná 40 % an cion an éisc óig séacla Artaigh. D’fhonn a bheith i gcomhréir leis an moladh comhpháirteach sin, ba cheart tagairt a dhéanamh i Rialachán Tarmligthe (AE) 2019/2201 don chéatadán a bhaineann le cainníocht an tsampla seachas leis an ngabháil iomlán.

(10)

Rinneadh nasc, i Rialachán Tarmligthe (AE) 2019/2201, idir an clár faireacháin sonrach le haghaidh soithí a úsáideann eangach Nordmøre atá roghnaíoch ó thaobh méid de agus le haghaidh tráil ghrinnill atá feistithe le trealaimh roghnaíocha agus oibriú sa limistéar atá faoi réir iamh fíor-ama (limistéar iata) agus sa limistéar sin amháin. Ba cheart an Rialachán sin a oiriúnú do mheasúnú STECF, inar thángthas ar an tuairim nach mór na soithí sin atá feistithe le trealamh roghnaíoch den chineál sin a bheith faoi réir clár faireacháin sonrach, gan beann ar an limistéar ina ndéanann siad iascaireacht.

(11)

Maidir leis an íosmhéid samplála lena chinneadh an bhfuil iamh fíor-ama le bunú, sainíodh go hearráideach sa mholadh comhpháirteach agus i Rialachán Tarmligthe (AE) 2019/2201 gurb é 2 kg séaclaí de réir meáchain nó 1 lítear amháin de réir toirte a bheidh san íosmhéid sin. D’iarr na Ballstáit dá dheasca sin go gceartófaí an Rialachán i gcomhréir leis an Taifead Comhaontaithe ina luaitear nach mór 1 chileagram de réir meáchain nó 2 lítear de réir toirte a bheith in íosmhéid an tsampla.

(12)

Ba cheart, dá bhrí sin, Rialachán Tarmligthe (AE) 2019/2201 a leasú dá réir sin.

(13)

Ós rud é go bhfuil tionchar díreach ag na bearta dá bhforáiltear sa Rialachán seo ar phleanáil an tséasúir iascaireachta maidir le soithí an Aontais agus ar na gníomhaíochtaí eacnamaíocha a bhaineann leo, ba cheart don Rialachán seo teacht i bhfeidhm láithreach tar éis a fhoilsithe,

(1)

cuirtear an méid seo a leanas in ionad Airteagal 3:

(2)

in Airteagal 4, cuirtear an méid seo a leanas in ionad mhír 1:

(3)

in Airteagal 5, cuirtear an méid seo a leanas in ionad mhír 2:

(4)

leasaítear Airteagal 6 mar a leanas:

(5)

in Airteagal 11, cuirtear an méid seo a leanas in ionad mhír 2:

(6)

leasaítear na hIarscríbhinní mar a leanas: