|
21.11.2022 |
GA |
Iris Oifigiúil an Aontais Eorpaigh |
C 440/28 |
Réamhfhógra faoi chomhchruinniú
(Cás M.10955 – KIRK / LFI / ATP / FERROSAN MEDICAL DEVICES)
Cás a d’fhéadfaí a chur faoin nós imeachta simplithe
(Téacs atá ábhartha maidir le LEE)
(2022/C 440/11)
1.
An 11 Samhain 2022 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
Kirk Kapital Strategic Investments A/S (An Danmhairg), faoi rialú Kirk Kapital A/S (“Kirk”, An Danmhairg), |
|
— |
Lundbeckfond Invest A/S (An Danmhairg), faoi rialú Lundbeckfonden (An Danmhairg), |
|
— |
Arbejdsmarkedets Tillægspension (“ATP”, an Danmhairg), |
|
— |
Ferrosan Medical Devices Group A/S (“Ferrosan”, an Danmhairg). |
Gheobhaidh Kirk, Lundbeckfonden agus ATP comhrialú ar Ferrosan Medical Devices Group A/S de réir bhrí Airteagail 3(1)(b) agus 3(4) den Rialachán um Chumaisc.
Baintear an comhchruinniú amach trí bhíthin ceannach scaireanna.
2.
Is iad seo a leanas gníomhaíochtaí gnó na ngnóthas lena mbaineann:|
— |
Infheistíonn Kirk i gcuideachtaí Lochlannacha méanmhéide agus móra atá ar thús cadhnaíochta sa mhargadh i dtionscail a mbaineann fós fadtéarmach leo (amhail tionscail na seirbhísí agus na monaraíochta éadroime). Déanann Kirk infheistíochtaí airgeadais freisin, lena n-áirítear ioncaim sheasta, gnáthscaireanna liostaithe agus roghanna malartacha, |
|
— |
Fondúireacht tráchtála is ea Lundbeckfonden a chistíonn taighde sna heolaíochtaí bithleighis, agus é dírithe go háirithe ar an néareolaíocht, |
|
— |
Institiúid féinrialaitheach is ea ATP a bunaíodh le dlí chun bainistiú a dhéanamh ar scéim pinsin chomhchoiteann shainordaitheach na Danmhairge, ATP Livslang Pension (Lifelong Pension), |
|
— |
Táirgeann Ferrosan feistí leighis haemastatacha bithábhair amhail maitrísí geilitín-bhunaithe, spúinsí agus púdair le haghaidh srian a choinneáil ar fhuiliú criticiúil le linn obráidí, chomh maith le córas bithóipse brollaigh. Déanann Ferrosan a chuid táirgí a mhargú ar fud an domhain. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.10955 – KIRK / LFI / ATP / FERROSAN MEDICAL DEVICES
Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:
R-phost: COMP-MERGER-REGISTRY@ec.europa.eu
Facs +32 22964301
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).