|
12.10.2021 |
GA |
Iris Oifigiúil an Aontais Eorpaigh |
L 361/53 |
CINNEADH CUR CHUN FEIDHME (AE) 2021/1801 ÓN gCOIMISIÚN
an 11 Deireadh Fómhair 2021
lena leasaítear Cinneadh Cur Chun Feidhme (AE) 2019/1616 i dtaca le caighdeáin chomhchuibhithe le haghaidh píopaí miotalacha tionsclaíocha, boltáil feirí agus a siúntaí agus a gcoirí gaile cruach dosmálta
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 1025/2012 ó Pharlaimint na hEorpa agus ón gComhairle an 25 Deireadh Fómhair 2012 maidir le caighdeánú Eorpach, lena leasaítear Treoir 89/686/CEE agus Treoir 93/15/CEE ón gComhairle agus Treoracha 94/9/CE, 94/25/CE, 95/16/CE, 97/23/CE, 98/34/CE, 2004/22/CE, 2007/23/CE, 2009/23/CE agus 2009/105/CE ó Pharlaimint na hEorpa agus ón gComhairle agus lena n-aisghairtear Cinneadh 87/95/CEE ón gComhairle agus Cinneadh Uimh. 1673/2006/CE ó Pharlaimint na hEorpa agus ón gComhairle (1), agus go háirithe Airteagal 10(6) de,
De bharr an mhéid seo a leanas:
|
(1) |
I gcomhréir le hAirteagal 12 de Threoir 2014/68/AE ó Pharlaimint na hEorpa agus ón gComhairle (2), maidir le brú-threalamh nó cóimeálacha dá dtagraítear in Airteagal 4(1) agus (2) den Treoir sin atá i gcomhréir le caighdeáin chomhchuibhithe nó codanna de na caighdeáin chomhchuibhithe sin agus a bhfuil a dtagairtí foilsithe in Iris Oifigiúil an Aontais Eorpaigh, glacfar leis go bhfuil siad i gcomhréir leis na ceanglais riachtanacha sábháilteachta a chumhdaítear faoi na caighdeáin sin nó faoi chodanna de na caighdeáin sin dá dtagraítear in Iarscríbhinn I a ghabhann leis an Treoir sin. |
|
(2) |
I litir M/071 dar dáta an 1 Lúnasa 1994, d’iarr an Coimisiún ar an gCoiste Eorpach um Chaighdeánú (CEN) na caighdeáin a bhaineann le táirgí agus na caighdeáin de chineál cothrománach a tharraingt suas i ndáil leis an mbrú-threalamh chun tacú le Treoir 97/23/CE ó Pharlaimint na hEorpa agus ón gComhairle (3). Cuireadh Treoir 2014/68/AE in ionad na Treorach sin gan athrú a dhéanamh ar na ceanglais riachtanacha sábháilteachta dá dtagraítear in Iarscríbhinn I a ghabhann le Treoir 97/23/CE. |
|
(3) |
Ar bhonn iarraidh M/071 agus chun úrscothacht a léiriú, rinne CEN athbhreithniú agus leasú ar chuid de na caighdeáin chomhchuibhithe a bhí ann cheana. Go sonrach, rinne CEN athbhreithniú ar chaighdeán comhchuibhithe EN 1515-4:2009 a raibh glacadh chaighdeán comhchuibhithe EN 1515-4:2021 maidir le boltáil feirí agus a siúntaí ina thoradh air. Rinne CEN athbhreithniú freisin ar chaighdeán comhchuibhithe EN 14222:2003 a raibh glacadh chaighdeán EN 14222:2021 maidir le coirí gaile cruach dosmálta ina thoradh air. |
|
(4) |
Ina theannta sin, rinne CEN leasú ar chaighdeán comhchuibhithe EN 13480-3:2017 maidir le píopaí miotalacha tionsclaíocha. |
|
(5) |
I dteannta le CEN, rinne an Coimisiún measúnú ar cé acu a chomhlíonann nó nach gcomhlíonann na caighdeáin maidir le brú-threalamh arna leasú nó arna n-athbhreithniú ag CEN iarraidh M/071. |
|
(6) |
Na caighdeáin maidir le brú-threalamh arna leasú nó arna n-athbhreithniú ag CEN, comhlíonann siad na ceanglais a bhfuil sé d’aidhm leo iad a chumhdach agus a dtagraítear dóibh in Iarscríbhinn I a ghabhann le Treoir 2014/68/AE. Dá bhrí sin, is iomchuí na tagairtí do na caighdeáin sin a fhoilsiú in Iris Oifigiúil an Aontais Eorpaigh. |
|
(7) |
Foilseofar na tagairtí do leaganacha leasaithe nó athbhreithnithe chaighdeáin EN 1515-4:2009, EN 14222:2003 agus EN 13480-3:2017. Dá bhrí sin, is gá na tagairtí do chaighdeáin EN 1515-4:2009 agus EN 14222:2003. a tharraingt siar ó Iris Oifigiúil an Aontais Eorpaigh (4). |
|
(8) |
Chun a ndóthain ama a thabhairt do mhonaróirí a dtáirgí a chur in oiriúint do na leaganacha leasaithe nó athbhreithnithe de na caighdeáin chomhchuibhithe maidir le boltáil feirí agus a siúntaí agus a gcoirí gaile cruach dosmálta, is gá tarraingt siar na gcaighdeán sin a chur siar. |
|
(9) |
In Iarscríbhinn I a ghabhann le Cinneadh Cur Chun Feidhme (AE) 2019/1616 ón gCoimisiún (5), liostaítear na tagairtí do chaighdeáin chomhchuibhithe arna ndréachtú chun tacú le Treoir 2014/68/AE. Ba cheart na tagairtí do chaighdeáin chomhchuibhithe EN 1515-4:2021 agus EN 14222:2021 a áireamh san Iarscríbhinn sin. |
|
(10) |
In Iarscríbhinn II a ghabhann le Cinneadh Cur Chun Feidhme (AE) 2019/1616, liostaítear tagairtí do na caighdeáin chomhchuibhithe arna ndréachtú chun tacú le Treoir 2014/68/AE agus atá le tarraingt siar as Iris Oifigiúil an Aontais Eorpaigh. Ba cheart na tagairtí do chaighdeáin chomhchuibhithe EN 1515-4:2009 agus EN 14222:2003 a áireamh san Iarscríbhinn sin. |
|
(11) |
Cuimsítear in Iarscríbhinn I a ghabhann le Cinneadh Cur Chun Feidhme (AE) 2019/1616 na tagairtí do chaighdeán comhchuibhithe EN 13480-3:2017 agus na tagairtí do leasuithe EN 13480- 3:2017/A2:2020 agus EN 13480-3:2017/A3:2020. Rinneadh leasú breise ar chaighdeán EN 13480-3:2017. Is iomchuí an iontráil ábhartha san Iarscríbhinn sin a ionadú agus an tagairt do leasú EN 13480-3:2017/A1:2021 a chur isteach. |
|
(12) |
Dá bhrí sin, ba cheart Cinneadh Cur Chun Feidhme (AE) 2019/1616 a leasú dá réir. |
|
(13) |
Is éard a thugtar le fios le caighdeán comhchuibhithe a chomhlíonadh go nglactar leis go bhfuil comhréir ann leis na ceanglais riachtanacha chomhfhreagracha a leagtar amach i reachtaíocht chomhchuibhithe an Aontais ón dáta a fhoilsítear an tagairt do chaighdeáin den chineál sin in Iris Oifigiúil an Aontais Eorpaigh. Dá bhrí sin, ba cheart don Chinneadh seo teacht i bhfeidhm lá a fhoilsithe, |
TAR ÉIS AN CINNEADH SEO A GHLACADH:
Airteagal 1
Leasaítear Cinneadh Cur Chun Feidhme (AE) 2019/1616 mar a leanas:
|
(1) |
leasaítear Iarscríbhinn I i gcomhréir le hIarscríbhinn I a ghabhann leis an gCinneadh seo. |
|
(2) |
leasaítear Iarscríbhinn II i gcomhréir le hIarscríbhinn II a ghabhann leis an gCinneadh seo. |
Airteagal 2
Tiocfaidh an Cinneadh seo i bhfeidhm lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, 11 Deireadh Fómhair 2021.
Thar ceann an Choimisiúin
An tUachtarán
Ursula VON DER LEYEN
(1) IO L 316, 14.11.2012, lch. 12.
(2) Treoir 2014/68/AE ó Pharlaimint na hEorpa agus ón gComhairle an 15 Bealtaine 2014 maidir le comhchuibhiú dhlíthe na mBallstát a bhaineann le brú-threalamh a chur ar fáil ar an margadh (IO L 189, 27.6.2014, lch. 164).
(3) Treoir 97/23/CE ó Pharlaimint na hEorpa agus ón gComhairle an 29 Bealtaine 1997 maidir le comhfhogasú dhlíthe na mBallstát a bhaineann le brú-threalamh (IO L 181, 9.7.1997, lch. 1).
(4) IO C 326, 14.9.2018, lch. 94.
(5) Cinneadh Cur Chun Feidhme (AE) 2019/1616 ón gCoimisiún an 27 Meán Fómhair 2019 maidir le caighdeáin chomhchuibhithe i dtaca le brú-threalamh arna ndréachtú chun tacú le Treoir 2014/68/AE ó Pharlaimint na hEorpa agus ón gComhairle (IO L 250, 30.9.2019, lch. 95).
IARSCRÍBHINN I
Leasaítear Iarscríbhinn I mar a leanas:
|
(1) |
cuirtear an méid seo a leanas in ionad iontráil Uimh. 29:
|
|
(2) |
cuirtear isteach na hiontrálacha seo a leanas:
|
IARSCRÍBHINN II
In Iarscríbhinn II, cuirtear isteach na hiontrálacha seo a leanas:
|
Uimh. |
An tagairt don chaighdeán |
Dáta an tarraingt siar |
|
“38. |
EN 1515-4:2009 Feirí agus a siúntaí – Boltáil– Cuid 4: Roghnú boltála le haghaidh trealamh atá faoi réir Threoir 97/23/CE maidir le Brú-Threalamh |
12 Aibreán 2023 |
|
39. |
EN 14222:2003 Coirí scealla cruach dosmálta |
12 Aibreán 2023”. |